سؤال لى شباب المغتربين ؟؟؟............؟؟؟............ .؟؟؟

[سيراف]

[all1=FFCCFF]

السلام عليكم



سؤال لى شباب و بنوتات المنتدى





هل توافق مع فكرة الزواج من الأجنبيات ( عرب و غيرون )؟؟




وإذا لا توافق ......لماذا ؟؟





وإذا توافق .......لماذا؟؟

.
.
.

مشكورين مقدماً



S
S
S
S
S
S[/all1]

[فنونه بنت المدينه]

سوالك وجيه لكن
اكيد طبعا ما حاوافق لانو السوداني مفروض يكون طوال عمرو سوداني
لانو اول حاجه
بعدين اولادهم حبطلعو شنو
متلخبطين
حتى اولاتهم ما حيعيشو عادين
لانهم اومهم من بلد وابوهم من بلد تاني
لكن تسلم هل السوال
لك التحيه
فنونه

[mr.zoool]

السلام عليكم ورحمة الله وبركاتة
انا من ناحيتي لا يمكن ارتبط ببت من غير بنات بلدي
لاختلاف العادات والتقاليد وطريقة التفكير
اسمعوا دي
عندي واحد معرفة مشى بعثة اليابان واتعرف ليو على واحدة يابانيه وحصل الزواج
الشي الغريب انو بعد سنتين من الزواج رزقوا بمولود لكن المولود دا شكلو كيف
البشرة سوداء داكنة القامة قصيرة جدا العيون قصة تانية وبرضو جدا

[SNGAM]

انا بوجهة نظرى احبذ ان يكون الزواج سودانى مائة بالمائة
لان الزول السودانى مربوط بعادات وتقاليد سمحة لايمكن ان تجدها فى باقى الشعوب
وبعدين تانى حاجة تانية كما قال اخونا انو فى واحد اتزوج يابانية وطلع ليهم شكل غير معوف
اكيد اصيب بالاحباط لكن بعد شنو غلى حال انصح الشباب ان يفكر جيدا قبل الاقدام لمثل هذا الزواج
والحمدالله السودان ملئ بالجمال والاخلاق الحميدة والصبر وتحمل مشااق الحياة وانا الحمد الله نصحت ابانئى بالزواج بالسودانيية ايا كانت المهم تكون سودانية مية بالمية ويا حلات بنات بلدى
وسلامتكم

SNGAM

[استارو]

مشكورة سيراف
الزواج من الاجنبية هذا الزواج الذي دائماً مايكون ناجحاً
ولاكنى فى اغلبية الاحيان سوف اوافق عليه نسبة الى نجاحه
برغم من اختلاف العادات والتقاليد ولاكنه بكل المقاييس ناجح
ولكم خالص تحياتى

[Sudani_w]

والله ياسيراف
القلب ومايعشق

[كيمو]

انا اقول ليك حاجه ما داير اعرس سودانيه


عشان ما تجيب لي الفقر والموت السريع


السودانيات الزمن دا بقوا جنهم نقه

الواحده التقول رابطين ليها في خشمها يايات

ومطالبهم كتيره وبقول ليك المانع شنو لو عرست اجنبيه

مفروض تشكروني زاتو ,,,,,اهو زاتو نحسن ليكم النسل شويه


بدل كلكم بتشبهو الباعوض كدا

[ام الانبياء]

بسم الله الرحمن الرحيم
السلام عليكم ورحمة الله وبركاته



انا اؤيد فكره الزواج بالاجنبيه اذا تفر اهم شرطيين (الخلق والدين)
فالمتدينه بتطيع زوجها ممكن تمشي معه اي مكان حتي السودان بتعيش فيه لو كان اصلها امريكيه...او ا ي جنسيه..

زواج الابعاد فيه ميزات كثييره...فمابلك ان كان الاباعد من الدرجه الرابعه..

امتداد بفروع الاسره ..اصافه علاقات جديده,,,تحسين النسل,,
بس العضله الوحيده فيها ان الاختيار لازم يكن بدقه..وتحري شدييد
فالسودانتيه ساهل تعرف كل المعلومات عنها..اهلها .وطباعهم ,,(لسابع جد)
بس الاجنبيه صعب شويه
ان تيسرت المعرفه التامه..والقتناع ماف اي مانع احسن زواج الاجنبيه

[شارب جوافه ولابس قيافه]

والله أنا البنات ما بعرفهم
لاكن أنت سوداني تعرس ليك أجنبية
والله طول سنين عمرك تكون ندمان
ونصيحة للشباب السوداني
السودانية صعب تلقه زيها
ومالكم ماشين للأجنبية
عندنا الحلبيات وعندنا البرزونيات وعندنا الخضرة النائمة
أصلوا شن عايز من الأجنبية إالا كان نوع كلامه عجبك ده شي تاني

[waya]

الزواج قسمة ونصيب

ومحل ما تقع تقول الحمد لله
ولكن في نظري المفاضلة بين الاجنبية والسودانية
حكم الظروف ( مثلا الشباب في الغربة وبالذات في امريكا وأوربا )
يلجأ للزواج تفاديا للاندماج في عادات المجتمع المتحرر وايضا لسهولة الزواج
ولتسهيل الحياة عموما

ولكن في الاول والاخير زي سودانياتنا ما بتلقن

[احساس الكون]

والله بقول ان الزواج من الاجنبيه خير لان ممكن تلقى فى الاجنبيه ما لم تجد فى السودانيه
وان اغلب النساء فى السودان ما عندهم غير قال وقولنا انا شايف كدا مع احترامى للبنات السودان

[spanisheyes]

مشكور يا اخي علي السؤال انا بحب اوضح انو الزواج من الاجانب بي رأي ما بوافق عليو لانو الاولاد هما اللي حيتعبوا بعدين يعني ما حيكون ليهم انتماء للسودان دا من تجربه انا شفتها كتير من السودانين اللي متزوجين من اجنبيات عيالهم ضاعوا اولا لعدم رغبه الام في العودة للسودان فبيطر الاب يرجع ويخلي عيالو ولا تلقي الاب سوداني والعيال ماليهم اي صله بالسودان لا بلهجه ولا اي شئ بتكون طاغيه عليهم لهجه الام وما بيكونو عارفين اي حاجه عن السودان وما عندهم اي رغبه انهم يعرفوا لذا فالافضل الانسان يتزوج من بلدو لانو مافي احلي من بت بلدك ولا ابن بلدك حتكون بجد مرتاح معاو لانو فاهمك وانتي فاهماو ودا راي وان شاء يكون بيرضي الجميع والاخ احساس الكون صدقني ما حتلقي حاجه في الاجنبيه احسن من السودانيه

[الطود الشامخ]

السلام عليكم

والله بصراحة انا من رايي انو انحنا كسودانيين شعب نادر في صفاتو وفي مميزاتو عشان كدا بشوف انو اللي يتزوج سودانية من بلدو دا اللي امو داعيا ليهو لانو بيكون لقا الحنان والطيبة والجمال والتوافق في العادات والتقاليد ... وعندنا كل المواصفات اللي الزول بيتمناها البيضا والسمرا والعسلية والحنطية والسوداااا .... بس انتا اختار .. وما تحتار

...

[محمد حيدر]

الزواج قسمة ونصيب

[ThEwWw]

شوفوا شباب الموضوع كبير للمناقشة بس الشغلة ترجع حسب الظروف يعني حسب الطلب ,,,, يعني إذا كنت محتاج اللإقامة في بلد اجنبي مثلا اكيد رايح تشوف وحدة اجنبية وتتزوجا .
بس والله إذا ما كانت فارقة معاك يعني بت بلدي اولا والله
وانتو ادرى طبعا

[ريناد]

انا ارفض تمام الزواج من اجنبية او الزواج من اجنبي لان بصراحه اكتر المتضررين من الزواج ده الاولاد يطلعو في النهاية موية بلا حمص يكونو متشتتين بي بلدين الشئ التاني اختلاف العادات والتقاليد والافكار بصراحه صعب والله

[بسمة الحياة]

بشكرك على الموضوع
اولا بقول انو الزواج قصمة ونصيب
بعدي ما في مانع لو كانو متفاهمين و اكيد بكونو دارسين عواقب زواجهم
وزاتو زي ما قلتو يحسن النسل شوية

مع تحياتي

[BEEE_COOOL]

السلام عليكم
والله يا سيراف انت باين عليك متعصب للمرأهالسودانيه...وهو تعصب حميد
وانا من ناحيتي ممكن اتجوز اجنبيه لكن تكون الزوجه التانيه ههههههههههه
مـــــــــــشكور علي الموضوع يا مان

[همسة حنين]

انا بوافق الزواج باأجنبية وبعدين الأولاد الي بيجو بيكونو سودانيين مية مية وحكاية اللخبطة مابتقلل من سودانيتهم

[نهر المحبه]

والله بصراحه انا ما بأييد فكرة الزواج من الأجنبيات او العكس
لانو اكبر مثل عندنا المبدع الراحل د.عبدالله الطيب متزوج المانيه وهو عباره عن موسوعه عالميه
بعد وفاته منو راح يرث العلوم كلها طبعا زوجته مش كان اولى انها تكون سودانيه
وانا في العيله عندنا تجربه زي دي
وصاحبها الان ندمان لانو ما سمع الكلام بسبب لختلاف العادات والتقاليد السودانيه من اكرام الضيوف والاسراف طبعا دي كانت المشكله هو رجل كريم لابعد الحدود وهي اقتصاديه لابعد الحدود فحصلت الفجوه
وتقبلي مروري