وصف السمحه

[السودانيون]

سواد ليلتين طُوال بالحيل

ضافيرِك ديل

وطرفك لما حام فوقى

غلبنى مع البِغَنّو الشيل.

وأمانه وكِت أشوف رقصِك

واشيل شبال

أبيت فى حال

تقول فارساً رَمَنُّو الخيل



أمِس فى بيتنا دقّ الباب

وزار حُسنِك طِرَى وطلَّ

وكِت سبق السلام خَطْوِك

رجَف قلبى وركع صلى

وبسيمتك لما غَنَّت لَىْ

وطاش صبرى وغِلِب قَلّ.

رفعت أيْدَى لخالقِك فوق

وقُت يا ناس أريد الله

وأحب الله



هى عيون شنو؟

دى المافى زول شافها وسِلِم

حتى الزمان عِشق الوَصِف

فيهن سَرَح غَلَبُو النَّضِم

زى سيف سَنِين عينيكى ديل

البدْنَا وين يرجع يِلِم

لو أقدَرِن يوم بالغُنا

يا دنيا داك يوم المُنَى

وبعد الوصف يحلا ويتم

إن كان أعيش وان كان أموت

يا سمحه أبداً ما بِهِم.






مهداه الي كل الاعضاء