لماذا تفشل اغلب مشاريع المغتربين العائدين نهائي للسودان

[صياد النجوم]

في سوال محير جدا اغلب المغتربين البرجعوا نهائي بتفشل المشاريع بتاعتم وبشهروا افلاسم خلال سنه وله

سنتين وبالكتير ثلاثه سنوات واغلبم بفكر يرجع للغربه تاني ، السبب في رايكم شنو ؟ هل عدم تخطيط من

المغترب العائد نهائي للسودان ؟ وله سوق السودان مليان تماسيح اول مايصل مغترب بتلمو حواليهو

وياكلو قروشو التعب في جمعها سنين ؟ وله سوء تخطيط من الجهات الحكوميه وفشلها في اجتذاب راس

المال للمغتربين العائيدين بشكل نهائي واستثماره بشكل جيد ؟ عايزين نسمع رايكم ؟

[ThEwWw]

والله دى برجع لحسب شغل المغترب دي وحدة
تاني ما تنسا نصم بكون عندوا اولاد بدرس فيهم يعني علي ايش ولا ايش رايح يلحق
الثالثة والاهم تقريبا 4/5 من المغاربين برسلوا قروش لاهلم لما يكونوا في الغربة جزء متزوج والجزء التاني بس للاهل


اللهم صل على محمد وعلى آله وصحبه أجمعين

[مكنيكي حب...]

السلام عليكم ورحمة الله وبركاته
هي بصراحه عيدد اسباب اول سبب عيون اهل السودان على المغدرب وهيه نظراة حقد وحسد
السبب التاني لايوجد دعم من الحكومه او من اي شخص ذو خبراة سابقه عندك الحكومه يمر كام شهر على المشروع بداع المغدرب دلقى ناس الضرايب بيجيه وناس الذكاء بيجاي يعني الواحد يطلع مديون كوم قروش وفي عيدد اسباب ......

[ود الزوحي]

والله المفروض أي مغترب يدرس المشروع بتاعو قبل ما يبدا فيه والأفضل يكون عندو فكره في الشغل العايز يبدا فيه أو المشروع ..

الشي التاني لازم الواحد يبدا بشي صغير قبل ما يقع في الشي الكبير .. عشان حتى لو لا سمح الله خسر تكون الخسارة بسيطةومن ثم يراجع الأخطاءاللي وقع فيها ويحاول يعالجه في المرات المقبلة .. بعدين انا شايف انو في عندنا فيالسودان جهات اختصاص بتوري الواحد الطريق الصحيح لبدأ مشروع وهل حينجح والا فيه مخاطرة وكم نسبة النجاح فيهو وكده ..

مع تمنايتنا لكل المغتريبن بالعودة للوطن سالمين غانمين .. بإذان الله

[امال الناس]

السلام عليكم يا ود الزوحي
الفشل
طبعاً اغلبية المغتربين الواحد مابذكر انه البلد الاهو فيها مش بلده كانه حايعيش فيها عمره كله و مابفكر في البديل في وطنه لكي يرجع ويعمل به يوماً والاغلبية يجبوا عربات والعربات مش ناجحة سنة سنتين وتنتهي او تترمي في الشوارع .

انا في راي المغترب الناجح اول شي يعمل عقارات وده المشروع الناجح فعلاً اذا كان لديك منزل واحد وبنته ثلاثة طوابق مثلاً كل طابق شقتين اقل شقة اليلة في السودان اجارها ما اقل من مليون ستة شقق ستة مليون انت تعيش ملك والبلزك ما برميك ولا رايكم شنو

[ودعازة]

الاخ قرفان الله يفك قرفتك
وتعرف القرفة دى زاتا واحدة من اسباب فشل المغترب..تجيو ليك قرفة ينعل ليك ابو الاغتراب وهب تلاقيو فى السودان ..كم يوم يعرف الله حق والقرفة اهلكتو..
برأيى الاسباب للفشل كتيرة وامسك هاك:
عدم تخطيط المغترب لما بعد الاغتراب بطريقة تناسب مقدراتو وتجاربو وراس مالو
عدم مواكبة المغترب البيحصل بين يوم وليلة فى السودان
الطموح الزايد واحلام زلووط المهلكة
عديم تفعيل دور شئون المغتربين بالصورة الممكن تساعد وتأمن عودة المغترب عند الاستقرار
عنترية المغترب ولعب دور شيخ العرب وسط ناسو ..الود ما فنجرى والمال ما بهمو التقول جايب معاو بير بترول
سياسات الحكومة ورؤيتا للمغترب كمصدر دخل فقط للدولة وعدم توفير ابسط انواع الحماية له ومقدرتها على كسب ثقة المغترب للاستثمار بالسودان اثناء فترة اغترابه
ووووووووووو
كفاية لانو هناك مليون ومليون سبب ويديك العافية،،،،،

[نهر المحبه]

والله اغلب المغتربين الواحد بيقعد اقل حاجه 5 سنه حتى يرجع للسودان
وبتكون فترة اجازه عباره عن2شهر ودي فتر ما كافيه عشان يعرف الحاصل في البلد شنو
السودان ده عايز زول يقعد اقل حاجه سنه عشان يفهم السوق وكيف يقدر يتعامل مع الناس هناك لانو طبيعي حيكون متعود على الحاله الهنا دي
ولاوم يتعود على اللف والدوران البيحصل هناك فالواحد يجيك نازل ومطمن على الاخر انو خلا ص حقق مراده اديه شهر تلقاهو بيقى على الحديده إلا البيمش بيبقى مع الحكومه ده كلام تاني
وتقبل مروري اخي العزيز

[همسة حنين]

والله اول مرة اسمع بالكلام دا لاكن كدة انت ةبتخوفنة

[aaaaa4500]

الكلام الفوق كلو صاح ومن وجهه نظري العايز يرجع السودان احسن ليه يخوت قروشو بعيد ويبداء من الصفر
بمعني الواحد يمشي يقعد في السودان واهم شي يفهم الناس انو جاي علي الحديده بالعربي مفلس وانا متأكد البعمل كده بحس بي فرق كبير في التعامل حتي من اقرب الاقربين
احكي ليكم تجربة شخصية:
كنتا كل مرة بمشي اجازة وبشيل قروشي الموفرة بالسنين من تعبي وعرق جبيني وبكون مبسوط اني وفرة لي 20 الف ريال ز
اها بمشي السودان الاقي ليك الناس دي عيونا طايرة سيد اللبن سيد الدكان الحيطة وقعت مستنياك الحاجة برضو زي التقول ليها زمن بتفتش ليك ( والعجب كان جبتا سيرة العرس ) حتي الناس البشحدو التقول بعملو ليهم مس كول وكان مشيت حته ساكت بعرفوك مغترب من هدومك اللابسة
قعدتا شهرين بالعافية وبقيت افتش في حق التذكرة للرجوع
اها من ديك كان لازم يحصل تغير في الخطط
مشيت فهمتا ليك الناس ( انا مفلس ) واول حاجة هدومي العادية الابسة في الغربة مشيت بيها واديتا ليك غسلة بي صابون البلد ديك ( السودان ) وهي مشرورة في الحبل الكتاحة بتم ليك الباقي
وفتحتا اضنيني واهم شي تتخارج بدري وتجي بعد الناس تنوم نظام خجلان من نفسي غربة بدون فايدة
لقيت ليك الناس بتعاملني عسل والحاله واحدة لحدي ما قريت حالة البلد وفي الاخير اسلم حاجة في السودان تخت قروشك في اراضي ( اوعه يدقسوكم ويبيعو ليك خازوك) حفاظا علي قروشك ولحدي ما تشوف البلد ديك ماشه وووووووووووووووووين

[whiteangel]

سوق السودان مليان تماسيح اول مايصل مغترب بتلمو حواليهو

وياكلو قروشو التعب في جمعها سنين
اعتقد ده اكبر سبب