جميع المغتربين(( هل لكم نية في العودة الى السودان))؟؟!!

[ZoOoL GaNg$tA]

السبت الجاي انا في السودان
ممكن يكون ده الجواب على السؤال

[النحله]

اكيد عايزين نرجع والليله قبل بكره لكن ظروف الرجعه كيف ده الماخره الموضوع يعني مؤهلات الحياة زي البيت ودخل معيشي ثابت لكن السودان بمساوئو قبل محاسنو رااااااااااااااااااااااااااااائع
لكن عايزه اسال جذاب والبادرابي مشوكشين ولا شنو

[هامونيت]

بسم الله الرحمن الرحيم

اللهم صل على محمد وعلى آله وصحبه أجمعين
السلام عليكم ورحمة الله وبركاته
:)
اهلا وسهلا...
كيف حالكم ان شا الله طيبين...
لجميع المغتربين هل لكم رغبة او نية في العودة والاقامة في السودان؟؟!!

مهما كانت اجابتكم فما السبب وما هي البلد التي تقيمون فيها الان...؟؟؟

عايزة تفاعل لو سمحتوا ومشاركة وردود...
يلا سلام باي باي

وعليكم السلام ورحمته تعالى وبركاته
موضوعك جميل جدا وهي مشاركه حقيقه تمس المغتربين عن وطنهم الام السودان
بالطبع انا سودانيه نيتي دايما الاقامه في ارض الوطن والعوده اليه في اي فرصه تتحين لي هناك يا عزيزي المغترب الي بيتحصل شهادات عليا اوومنهم من اختار وجهته ليعمل خارج وطنه ويصبح ذو اهميه وهذا ليس عيب بل يعتبر هو نفسه سفير لبلده السودان مهما كنت من وين وقاعد وين هسع ودي تعتبر مفخره لوطنه ليعود محملا بما راه من ثقافات تلك الدول وطريقه نماءها ليواصل ويطور من قدرات بلده
فالمغترب يا عزيزي هو سفاره بحالها وهو يمثل طين البلد الاصيل
ودمت بعافيه

[ThEwWw]

طبعا ما اظن انو في واحد داير يكون بعيد عن الوطن والاهل .
وانا مني وعلي راجع راجع لو مهما طال البعد

[( ود البورت )]

متي سترجع متي سيري ابناك الوطن متي ستري اهلك متي متي متي
كل هذا الاسئله تدور في راسك وهل امر الرجوع صعب وبعدين السودان ماذي زمان بقي فيو شغل و ظهر تقدم ملحوز واخير ليك تقعد جم اهلك و تربي اولادك جم اهلك اخير من يتربو في الغربه ونتمني من كل المغتربين الرجوع الي الوطن الحبيب

[ديغو]

اكيد دبلدنا
انابحبك يا وطني

[ود الرياض]

بسم الله الرحمن الرحيم
انا لي نية اجي السودان وراح اجي يوم الاثنين الساعة 6 صباحا في مطار الخرطوم واقيم في السعودية

[almangory]

[ياغربه يا غشاشه يا مستهبله
جيناك لي سنتين وبس او ثلاثه نكمله
لكن الحسبه وصلت طاشرات يمكن نعيده نبدله
..... كان للقروش نجري ونحوش تقول بس بنشاكله
ما رضيانه تقعد في الجيوب تقول حرامي بينشله
كملانه في باب شريف حق وزن ومجاملات مستفحله
يا ريت يكون هم القروش يا غربه فيك قرب وصله

عدم الرياضه مع المشي واكل المجمد عامله
قفل العيال جوه الشقق ولا الدروس المزهلا
تلقى الود قالبو الكلام والبنت كبيره ..مريله

وبقينا فيك ذي اهل القبور لا البره عارف الداخله
لا الجوه يرجع لي وراء ويحكي الحقيقه يوصله

لكن خلاص عدك نزل مهما علا وانشاء الله تكوني ذكرى نودعك ونغازله.
مع اندى تحياتي (سارونا)
المنقوري ... السعوديه

[أميرة الظلام]

تحية طيبة
أختي سارونا صراحة في الوضع الراهن لااعتقد ولكن نتمنى أن يستقر الأوضاع ويصبح كل شيء على مايرام وتقبل تحياتي

[دوريتوس]

نحن اتجبرنا على الغربة وما اخترناها مما فتحنا لقينا نفسنا هنا
و بالجد نفسي ارجع السودان الليلة قبل بكرة
انا حاليا في السعودية ودي اخر سنة ان شاء الله عشان ح انزل السودان للجامعة

[إيريل]

أكيد أنا عايزه امشي أزور اقاربي في السودان

[عمار111]

شكرا على هذه الردود الحلوة لكن اظن انو السودان ليس متطور جدا عشان كده الواحد بيغترب

[مكنيكي حب...]

اكيد.....
انامن السعوديه..

[أهتم فيني]

السلام عليكم جميعا
نحنا هنا في الغربه تشتاق للسودان كتير كتير ونشتاق لكل حاجه فيها وعاوزين نروح اليوم قبل بكره
لكن لما نجي السودان وتنقطع الكهربه ولاتجي شوية سخانه ومانعرف ندخل وين نتمنا
الرجوع اليوم قبل بكره ماقادرين تأقلم عاوزليهو وقت كتير وتظحيات كبيره
العيشه في السودان حاجه ماسهله خلينا نشتاق ليها أحسن من ان نكره العيشا فيها

[صوفيا]

السلام علييكم موضوع حلو شديييييييييييد وانا اتمنا امشي السودان هسي لاكين امشي زيارة فقط و انا ماشة في بداية رمضان وانا حياتي كلها في ليبيا

[لورا]

اكيد طبعا الي جوانا اكتر من نية شوق وحنين ماطبيعيات لانو زي ماانتو عارفين بلادي وان جارت علي عزيزة
والحالة دي عمرا ماكانت على هوانا دي حاجة غصبا عننا
يعنيي ماتفكرونا مرتاحين كدة احنا بنستنا الاجازة تجي بفارغ الصبر

[توته]

°ˆ~*¤®§(*§*)§®¤*~ˆ°اكيد لينا النيه نرجع السودان واحنا لينا الشوق ليها

بنسبه على انا مشتاقه ليها شديد

لي ثمان سنوات

عليها

ولي الفخر انو دي وطني

ومو اا بسن°ˆ~*¤®§(*§*)§®¤*~ˆ°

[((MaRwA))]

أكييييييييييييييييييييييييييييييد
قبل أسبوع كنت هناك
دايرة أجن ما داايرة ارجع الامارات
لكن ما باليد حيلة

[سموحة]

طبعا مافي زول ماداير يمشي السودان وانا قبل تلات سنين مشيت اخر مرة ولما رجعت قطر كانت مملة شديد

[المرسال]

السلام عليكم ورحمة الله وبركاته بصراحة موضوع حلو انا عن نفسي مولود في أمدرمان " أمبدة " الحارة 14 ومن عمري سنتين جيت السعودية مع الأهل ومن يومها ما شفت أرض الوطن
يعني الجواز نظيف زي الثوب الأبيض في رأيي المتواضع السبب الحقيقي اللي مخلي يخلي الناس
تغترب :
1- الحرب الأهلية اللي رجعتنا سنين ورى
2- عدم الإستقرار السياسي
3- البطء المخيف في حركة التنمية اللي ماشية زي الحلزون لو في أبطأ من الحلزون كنت قلت :d و عدم وجود فرص حقيقية للتنمية والإستثمار في البلد اللي من شأنه يزيد من الفرص الوظيفية وينشط قطاع الأعمال وبالتالي السوداني ما يحتاج يسافر عشان لقمة العيش خارج الوطن

في رأيي المتواضع هذه هي الأسباب الحقيقية اللي تخلي السودانيين يغتربوا وأنا عن نفسي أتمنى أعيش في بلدي السودان الحبيب وأشرب من نيله وأسجد سجود الشكر لله على أرضه