هل عادات العرس السوداني صحيحة ؟؟؟؟؟؟

[hdma]

اناا في نظري انوو اغلب العاادات دي غلط وماافي ليهاا اي دااعي ........
خصوصاا الاختلالاط .. زماان كاان في اختلالاط لكن بحدوود وكل زوول محترم نفسوو لكن الزمن ده مفترض يكوون ماافي اختلاط نهاائي لانو النااس بقت مازي زماان ..وتلقى البناات متلخبطين مع الاولالاد ..

بعدين الجلد ده تعب ساااي صرااحة ماابحبو لانو فيهو ننووع من التعذيب ...
وحنة العريس دي من العاادات القديمة مااعتقد انهاا حتتلالاشى او انو الناس حتخليهاا..
الضريرة دي اناا مابعرفهاا شنو صرااحة ..
مشكووووووووووووووور على موضووعك .....

[معتز]

دي كلها عادات ورثناها
وطبعا العادة الاسوء هي الاختلاط

مشكوووووور اخي مكاوي علي مرورك الكريم وزي ماقلت الاختلاط دا اسوأ حاجة والله

[معتز]

هلا وتسلم ع الموضوع بس الجد انا بتعجبني عاداتنا دي وكمان بحب الجلد والحنه دي احلا حاجه لانها بتكون مميزه جدا والخلط بين بين
وشكرا

الاخت الغاية زوزو
انا اخالفك الرأي فى موضوع الجلد والحنه
لانه مالسبب الذي يجعل الانسان ينجلد او بالاحري يتعذب
من المعروف انه الجلد للتأديب وليس للافراح يعني عشان انك فرحان يجلدوك
طبعا دا مامنطق خالص طيب نقول عادات وتقالد اذا فهي عادات سيئه
بالنسبة للحنه يعتبر تشبه بالنساء
اما الاختلاط فهو الشيء الغير مقبول فى دينا الاسلامي
زوزو شكرا لمرورك الغالي

[معتز]

اناا في نظري انوو اغلب العاادات دي غلط وماافي ليهاا اي دااعي ........
خصوصاا الاختلالاط .. زماان كاان في اختلالاط لكن بحدوود وكل زوول محترم نفسوو لكن الزمن ده مفترض يكوون ماافي اختلاط نهاائي لانو النااس بقت مازي زماان ..وتلقى البناات متلخبطين مع الاولالاد ..

بعدين الجلد ده تعب ساااي صرااحة ماابحبو لانو فيهو ننووع من التعذيب ...
وحنة العريس دي من العاادات القديمة مااعتقد انهاا حتتلالاشى او انو الناس حتخليهاا..
الضريرة دي اناا مابعرفهاا شنو صرااحة ..
مشكووووووووووووووور على موضووعك .....

الاخت العزيزة hdma مشكورة علي مرورك الكريم
انا اوافقك الرأي فمعظم هذه العادات خاطئه
بالنسبه للاختلاط والجلد بالسوط
والحنه دي مش مجرد عادة وبس فيها تشبه بالنساء كمان
اما الضريرة فهي نوع من العطر الجاف يعني مجموعه من العطور والمحلب وغيره تخلط مع بعض
وتوضع فى رأس العريس والعروس يوم الصبحية والسبب هوا قطع الرهد
وشكرا ليك من جديد وشكرا لوعيك

[ريناد]

كل العادات دي على كفة وعادة العرس المختلط ددي على كفة والله الحركة دي بترفع ضغطططططططططي يعني لازم الرجال يبقو مع الحريم ياخ العروس نفسها فستانه بيكون ماساتر فليه العرس المختلط انا عن نفسي بعدين شرطي الاساسي انو عرسي مايكون مختلط اوتمنى انو الناس يتركو العادة البايخه دي حتى في الدين ماصحيحه وحرام

[حبوبة]

1 - مارأيك في الحفلات المختلطة للعرس السوداني واختلاط الرجال بالنساء وطبعا النساء باحلي ازيائهم واخر تبرج ( هل هذا يجوز دينيا ) او نحنا بنكون عارفين ومنطشين ؟؟؟
2 - الجلد بالسوط لبعض القبائل السودانية او بالاحري اغلبية قبائل السودان يجلدو بالسوط فى الاعراس
3 - الضريرة والقصد منها ؟؟؟
4 - العريسين يشربوا حليب وكل واحد يبخ علي التاني
5 - حنة العريس ليه العريس يتحنن ؟؟؟

وان شاء الله حياتكم دائما افراح وبهجة وسرور

موضوع لذيذ يادوب شفتو
1- ده بيعتمد ع البيئة والنشأة الأسرية ... يعني نحن أعراسنا كانت مديح بالطار للرجال ونحن نتلبد شان مايشوفونا نتفرج عليهم يعرضوا ... هسة بقى المديح للرجال والديجي للنسوان .. كلٍ على حده

2 - الجلد بالصوت ده ماعندنا لكن يخيل لي القص منو استعراض للرجولة ومدى قوة التحمل

3 - الضريرة بقى ياجنا أو طقس الجرتق عموما .. حبوباتنا زمان كانن بعتقدن فوقو شديد خلاص بيدعوا ليك فيه بالوِلِد والرزق وطولة العمر وكل الحاجات السمحة ولو لي قدام نقص لك شي كانوا بيرجعوه لخلل ما في الجرتق .. لذاذ مش :D

4 - بخ اللبن ده البياض يامعتز - هو ضمن الجرتق- لكن شان حياتكم تبقى في بياض اللبن ده .. شفت كيف

5 - حنة العريس دي أولادنا بقوا يتحايلو عليها - شان زعل الحبوبات - يخلو الحجة تشيل حنة بي طرف أصبعها وتختها ليهم في نص القدم وخلاص

طبعا الزواج السوداني لو مسكتو خليط من التقاليد هندي + فرعوني +أفريقي اما الاسلامي ده دخل جديد
موضوع سمح زيك ياجنا وعقبال سعدك بالهنا ... تفبل مروري المتأخر

[معتز]

كل العادات دي على كفة وعادة العرس المختلط ددي على كفة والله الحركة دي بترفع ضغطططططططططي يعني لازم الرجال يبقو مع الحريم ياخ العروس نفسها فستانه بيكون ماساتر فليه العرس المختلط انا عن نفسي بعدين شرطي الاساسي انو عرسي مايكون مختلط اوتمنى انو الناس يتركو العادة البايخه دي حتى في الدين ماصحيحه وحرام

الاخت ريناد والله نحنا زاتنا قلنا كدا
لكن ما اظن انه السودانيين يتخلو عن العادة دي
بس ممكن لو عملو زي ما انت طلبت يعني يشرطو انه يكون عرسهم ما مختلط
ممكن كدا يمشي الحال بس انا خايف اهل العريس مايوافقو
ريناد شكرا لمروك الغالي لقد اسعدت به كثيرا

[معتز]

موضوع لذيذ يادوب شفتو
1- ده بيعتمد ع البيئة والنشأة الأسرية ... يعني نحن أعراسنا كانت مديح بالطار للرجال ونحن نتلبد شان مايشوفونا نتفرج عليهم يعرضوا ... هسة بقى المديح للرجال والديجي للنسوان .. كلٍ على حده

2 - الجلد بالصوت ده ماعندنا لكن يخيل لي القص منو استعراض للرجولة ومدى قوة التحمل

3 - الضريرة بقى ياجنا أو طقس الجرتق عموما .. حبوباتنا زمان كانن بعتقدن فوقو شديد خلاص بيدعوا ليك فيه بالوِلِد والرزق وطولة العمر وكل الحاجات السمحة ولو لي قدام نقص لك شي كانوا بيرجعوه لخلل ما في الجرتق .. لذاذ مش :D

4 - بخ اللبن ده البياض يامعتز - هو ضمن الجرتق- لكن شان حياتكم تبقى في بياض اللبن ده .. شفت كيف

5 - حنة العريس دي أولادنا بقوا يتحايلو عليها - شان زعل الحبوبات - يخلو الحجة تشيل حنة بي طرف أصبعها وتختها ليهم في نص القدم وخلاص

طبعا الزواج السوداني لو مسكتو خليط من التقاليد هندي + فرعوني +أفريقي اما الاسلامي ده دخل جديد
موضوع سمح زيك ياجنا وعقبال سعدك بالهنا ... تفبل مروري المتأخر

1- والله ياريت ترجع الايام ديك مش احسن من سع
2- اي استعراض لكن ما بالطريقة دي انا شايفه تخلف
3- والله الا لذاذ بالغوا لكن والله حبوباتنا ديل خيالهم واسع
4- البياض ما عندنا لكن طيب لو ضربناهم جير ماينفع :D
5- والله احسن حاجة عملوها الشباب ديل اصلا فيها تشبه بالنساء

والله مزيج عينة لكن
حبوبه الف شكر ليك مرورك اسعدني كثيرا
وانت جبتي لينا معلومات كانت غايبة علينا
وبالذات نحنا مغتربين من صغرنا

[bintalsudan]

شكرا يا معتز على الموضوع الحلو ده الصراحة انا شايفة انو عادات العرس السوداني لدينا حلوة وجميلة ويدل على العراقة والاصالة لاكين طبعا في حاجات ماصح كالاختلاط الصراحة هي فكرة ما غلط لو البنات احتشموا ولبسوا كويس والحاجة التانية الغلط هي الجلد اتمنى انو يخلوها تماما بس

[معتز]

شكرا يا معتز على الموضوع الحلو ده الصراحة انا شايفة انو عادات العرس السوداني لدينا حلوة وجميلة ويدل على العراقة والاصالة لاكين طبعا في حاجات ماصح كالاختلاط الصراحة هي فكرة ما غلط لو البنات احتشموا ولبسوا كويس والحاجة التانية الغلط هي الجلد اتمنى انو يخلوها تماما بس

bintalsudan
اولا شكرا لمروك الغالي الذي اسعدني كثيرا
لكن الاختلاط المفروض يكون مافيش لا باحتشام ولا غيره
اي بمعني رفض المبدأ من اساسه

[حبيب الناس]

الأخ معتز شكرا لك على طرح هذا الموضوع الذي نسأل الله أن تعم به الفائدة للجميع .

الحفلات المختلطة :-
والله يا عزيزي إذا طابت النفوس ما بيكون في عوجة تب . لكن نسأل الله الهداية للجميع , يا معتز انا بسألك سؤال خاص هل إنت شخصياً عن اقتناع شايف إنو العرس بيكون طعمو أجمل إذا كان بدون إختلاط . لا أقصد الاختلاط المخل للعرف السوداني (كما تعلم !!) الذي نشأنا عليه .أما التبرج فانا ضده في كل المحافل . ويا أخي خلينا نقنعم يسيبوه في الجامعات على الأقل وبعدين نشوف موضوع الحفلات دي عشان ود الزوحي يلقى عروسة على الأقل .

الجلد بالسوط :-
أنا معك في رأيي فقط بأنها عادة غير حضارية , لكن لابد أن تحترم آراء الآخرين فهم يعتبرونها إرثاً حضارياً لهم ويريدون توثيقها . يا سيدي اعتبرها عادة زي دق الشلوفة وحتندفن زيها في القريب العاجل .

الضريرة :-
الضريرة (الجرتك) هي قطعة حريرية توضع على رأس العريس بها هلال من فضة والغرض منها هو منع العين من العريس ساعة الحنة والعرس . وزيها زي جلد السوط إرث والإرث ليس للعموم .

بخ الحليب :-
دي عادة ناتهت من زمن طويل . يا ربي من وين نكتها .

الحنة :-
يا حبيب حتى دي ما عاجباك . ياراجل دي أحلى حاجة بتميز العريس السوداني من بين أقرانو الملايين في العالم . وما شايف فيها مخالفة للدين في شيء بل فيها من البساطة في التعبير عن الفرحة بهذا اليوم ملايقدر بمال .




بارك الله لك ولنا في الإيمان وزينه في قلوبنا .
وسلام إلى الملتقى .....................................

[ابو ايووودي]

موضوعك جميل جدا ، فعلا عاداتنا في السودان حلوة لكن برضو في سلبيات ظهرت في الفترة الاخيرة زي رقصة العروس اظن ما ليها داعي
لكن اخ معتز في حاجة انت ما زكرتها مثلا في قبائل يختوا ليك النمل داخل الملابس او الريحه في العين
او يضربوك بالبيض واشياء زي دي
تقبل مروري

[معتز]

الأخ معتز شكرا لك على طرح هذا الموضوع الذي نسأل الله أن تعم به الفائدة للجميع .

الحفلات المختلطة :-
والله يا عزيزي إذا طابت النفوس ما بيكون في عوجة تب . لكن نسأل الله الهداية للجميع , يا معتز انا بسألك سؤال خاص هل إنت شخصياً عن اقتناع شايف إنو العرس بيكون طعمو أجمل إذا كان بدون إختلاط . لا أقصد الاختلاط المخل للعرف السوداني (كما تعلم !!) الذي نشأنا عليه .أما التبرج فانا ضده في كل المحافل . ويا أخي خلينا نقنعم يسيبوه في الجامعات على الأقل وبعدين نشوف موضوع الحفلات دي عشان ود الزوحي يلقى عروسة على الأقل .

الجلد بالسوط :-
أنا معك في رأيي فقط بأنها عادة غير حضارية , لكن لابد أن تحترم آراء الآخرين فهم يعتبرونها إرثاً حضارياً لهم ويريدون توثيقها . يا سيدي اعتبرها عادة زي دق الشلوفة وحتندفن زيها في القريب العاجل .

الضريرة :-
الضريرة (الجرتك) هي قطعة حريرية توضع على رأس العريس بها هلال من فضة والغرض منها هو منع العين من العريس ساعة الحنة والعرس . وزيها زي جلد السوط إرث والإرث ليس للعموم .

بخ الحليب :-
دي عادة ناتهت من زمن طويل . يا ربي من وين نكتها .

الحنة :-
يا حبيب حتى دي ما عاجباك . ياراجل دي أحلى حاجة بتميز العريس السوداني من بين أقرانو الملايين في العالم . وما شايف فيها مخالفة للدين في شيء بل فيها من البساطة في التعبير عن الفرحة بهذا اليوم ملايقدر بمال .




بارك الله لك ولنا في الإيمان وزينه في قلوبنا .
وسلام إلى الملتقى .....................................

اخي حبيب الناس اسعد الله مسائك

الحفلات المختلطة :-
بالنسبة لدينا الاسلامي مافي كلام زي دا وان كان جينا علي هوانا فاكيد
نحب تون الحفلات مختلطة
الضريرة :-
مادام فيها حرير وذهب فهو زينة وحرام شرعا

بخ الحليب :-
لسع شغالين بيه ناس كتيرة بس ما ليها معني مقنع
الحنة :-
فهلا هي مايميز العريس السوداني لكن نحنا بنزود فيها زيادة علي اللزوم

تشكر اخي حبيب الناس ولك التحية

[معتز]

موضوعك جميل جدا ، فعلا عاداتنا في السودان حلوة لكن برضو في سلبيات ظهرت في الفترة الاخيرة زي رقصة العروس اظن ما ليها داعي
لكن اخ معتز في حاجة انت ما زكرتها مثلا في قبائل يختوا ليك النمل داخل الملابس او الريحه في العين
او يضربوك بالبيض واشياء زي دي
تقبل مروري

احمد شكرا لمرورك الغالي
لكن عادات لاقبائل دي خاصة بيهم هم بس يعني ما بتنطبق علي كل السودانيين
العادات الاخترتها اغلبية لاقبائل السودانية تعمل فيها كما بقي السودان كله

[بسمة الحياة]

بشكرك على موضوعك الرائع
انا بشوف انو حنة العريس دي عادة بتميزنا نحن السودانيين ما فيها اي خطأ
اما عن الجلد فهو من العادات القديمة التي بدت تتختفي في ايامنا دي
والضريرة دي حاجة غريبة اول مرة اسمع بيها
اما اكبر مشكلة هي الاخطلات ودي من العادات الانتشرت قديما نتيجة الجهل الديني بشوف لو اعراسنا كانت ما مختلطة كان البنات بحسو بالراحة اكتر
ياريت تختفي العادة دي زي ما اختفت كتير من العادات الجاهلية

مع خالص الود والاحترام

[معتز]

بشكرك على موضوعك الرائع
انا بشوف انو حنة العريس دي عادة بتميزنا نحن السودانيين ما فيها اي خطأ
اما عن الجلد فهو من العادات القديمة التي بدت تتختفي في ايامنا دي
والضريرة دي حاجة غريبة اول مرة اسمع بيها
اما اكبر مشكلة هي الاخطلات ودي من العادات الانتشرت قديما نتيجة الجهل الديني بشوف لو اعراسنا كانت ما مختلطة كان البنات بحسو بالراحة اكتر
ياريت تختفي العادة دي زي ما اختفت كتير من العادات الجاهلية

مع خالص الود والاحترام

الاخت بسمة الحياة
شكرا لمروك الرائع الذي اسعدي كثيرا
بالنسبة للحنة زي مااقلت ليك فعلا هي بتميزنا عن غيرنا من الناس لكن العريس بيتحنن
بصورة تشبه النساء تقريبا لذلك اعتقد انها ممكنت تختصر علي حنة خفيفة بس
لضريرة دي من العادات المعروفة وبتتعمل يوم الصبحية
اما الاختلاط فياريت والله تنتهي العادة دي

[ودعازة]

طبعا كلنا حضرنا الكثير من الاعراس والحفلات الخاصة بنا نحن السودانيين
ولكن توجد هناك بعض العادات التي تتخلل هذه الاعراس انا عايز اعرف رأيكم فيها
وطبعا دا جزء من هذه العادات ماكلها

1 - مارأيك في الحفلات المختلطة للعرس السوداني واختلاط الرجال بالنساء وطبعا النساء باحلي ازيائهم واخر تبرج ( هل هذا يجوز دينيا ) او نحنا بنكون عارفين ومنطشين ؟؟؟
2 - الجلد بالسوط لبعض القبائل السودانية او بالاحري اغلبية قبائل السودان يجلدو بالسوط فى الاعراس
3 - الضريرة والقصد منها ؟؟؟
4 - العريسين يشربوا حليب وكل واحد يبخ علي التاني
5 - حنة العريس ليه العريس يتحنن ؟؟؟

ارجو منكم التفاعل وابداء رأيكم بكل صراحة
.
.
.
وان شاء الله حياتكم دائما افراح وبهجة وسرور

1/ حرام الاختلاط والسفور..يااخى تعطر المرأة واشتمام عطرها للاجنبى كالزنا..خليك من الخمرة ..
2/ الجلد:عادة قديمة ليثبت الشاب بطوليته واستطاعته لمجابهة قسوة الحياة..انا بعرف واحد اتجلد اكثر من مرة وغالبو يفتح بيت..
3/ الضريرة:لأننا شعب حليوة وسمح بنحاول نتبشتن عشان العين وكدا..
4/ بخ اللبن: دى بقى فيها عبرة جميلة وهى كسر الحاجز النفسى بين العروسين..بس العريس مايكون سافى..
5/ حنة العريس: اللمة سمحا بالحنة..لكن الحنة زاتا عوارة متوارثة.. ويمكن عشان الضريرة بشتنت العريس بيحاولو يسمحو تانى..
والسماح ياالمربياتكم حبوباتكم على تعديى على ماتعتقدونه إرث قيم..لكل وجهة نظره ولكم دينكم ولى دين..

[bitadlan]

موضوعك جميل وشيق وانا رأيي لو في حاجه فيها مشكله هي الاختلاط والجلد وتقريباً عادة الجلد دي بقت محصوره في فئه بسيطه من النا س الا مشكلة الاختلاط دي المالاقين ليها حلل. اما بقية الطقوس والعادات فليس هناك ما يعيبها حتى الحنه للزوج فهي ليست محرمه للرجل معروف المحرم زي ماذكر اخونا ابعاج الذهب والحرير اما الحنه والضريره والجرتق فدي عادات كل دوله ليها عاداتها وتقاليدها في الزواج . تقبل مروري

[ود الزوحي]

تعال ياود الزوحي
أنت بتفتى على كيفك ولاشنو ؟؟؟
الرسول صلى الله عليه وسلم قال غيروا الشيب بالحناء كما ذكرت ,, وليس أن يتحنن الرجل كأنه أمرأة وهذا من التشبه بالنساء الذى حرمه الاسلام ,,
وبعدين أراك تجوز الاختلاط ,, وتعلله بأنه يوم واحد ,,!! يأخى أتق الله فو الله أن ماتكتبه فأنه محسوب عليك كلما قرأه أنسان!!
وكل عادات الزواج عندنا مخالفه للشرع الحنيف ,, إبتدا من لبس العريس ل,,لحرير ,, وهلال الذهب الذى حرمهما الله بصريح الآيات فى القرآن الكريم ,, مرورا برقصة العروس الخليعه ,, والاختلاط , والبزخ ,, وحنة العريس ,, الذى يتحول فيها الرجل كالمرأة , وهذا من التشبه المحرم ,, وخاصه إن الحنه تأخذ وقتا طويلا حتى تزول آثارها[/size]

لك التحية اخ ابعاج

حقيقة انا لما طرحت الرد ليس كان الهدف وضع الحديث في مكان معين وانما الغرض منه هو تحليل وضع الحناء للرجال .. بغض النظر عن الهدف من وضعها .. وانا مسؤول عن الشي ده زي ما انت اتفضلت
ثم تانيا الله وحده هو العالم بنية كل واحد فينا البكون هدفة الزينة واللي بكون هدفه شي تاني ..
انا معاك في حتة انو التشبه بالنساء محرم بس القاليك منو انو العريس هدفه هو التشبه بالنساء ..
نحن بلد معروفه عنها تقاليد من قديم الأزل وما من الساهل أنو تتغير ..
الشيء الآخر ده منو العندو وقاعد يخت ليه ذهب ويربطه في حرير .. ده كلها حاحات شبيهه..
الهلال البتتكلم عنه ليس هو إلا عبارة عن حاجة شبيه بلون الذهب .. ما ممكن يعني نجي نقول انو اللون الذهبي حرام لبسه .. حاول تنظر للموضوع من جهة أخرى .. ماتنظر ليه من حته معينه انت ما عايز تشوف غيره ..

الشي الوحيد البتفق معاك فيهو هو حتة الاختلاط .. وده بترجع لأصحاب الشأن (العريس وأهله)
اما عن راي الشخصي فما عندي أي تعليق على عاداتنا السودانية ..

تحيااااااااااااااتي

[معتز]

1/ حرام الاختلاط والسفور..يااخى تعطر المرأة واشتمام عطرها للاجنبى كالزنا..خليك من الخمرة ..
2/ الجلد:عادة قديمة ليثبت الشاب بطوليته واستطاعته لمجابهة قسوة الحياة..انا بعرف واحد اتجلد اكثر من مرة وغالبو يفتح بيت..
3/ الضريرة:لأننا شعب حليوة وسمح بنحاول نتبشتن عشان العين وكدا..
4/ بخ اللبن: دى بقى فيها عبرة جميلة وهى كسر الحاجز النفسى بين العروسين..بس العريس مايكون سافى..
5/ حنة العريس: اللمة سمحا بالحنة..لكن الحنة زاتا عوارة متوارثة.. ويمكن عشان الضريرة بشتنت العريس بيحاولو يسمحو تانى..
والسماح ياالمربياتكم حبوباتكم على تعديى على ماتعتقدونه إرث قيم..لكل وجهة نظره ولكم دينكم ولى دين..

1 - فعلا صدقت يا اخي واتمني انه الناس تتعض بس
2- الجابره علي كدا شنو فى طرق تانية ممكن تثبت رجولتك بها الرجال مواقف ما جلد ؟؟؟؟
3- انا ما شايف ليها اي معني
4 - هههههههه والله لو كان سافي تكون مشكلة السفة دي زاتها دايرة ليها موضوع براه
5 - ليس بالضرورة انه العريس يتنن لانه ما ليه مبرر
لك التحية اخي علي مرورك العطر وتعقيبك