بنات ولكن ........

[أبو عمر]

تحياتي لكل أعضاء منتدى أنا سوداني العزيز ..
يا شباب يا حلوين ..
لو تطور الزمن لدرجة قف .. ولو مرت برضو ألف سنة أخرى ..
فالاحترام هو الإحترام بكل معانية والأخلاق هي تظل أخلاق بمفهومها إلى أن تقوم الساعة .
فأي سلوك أو أخلاقيات تكتسب من الخارج وتتعدى الاحترام والأخلاق الكريمة فهي تطور للأسوء وقلت أدب وسوء خلق وعدم احترام لصاحبها وللمكانة اللي هو فيها وللمجموعة التي ينتسب إليها.
سلوكنا وأخلاقنا وآدابنا واحترامنا لأنفسنا مستمد من قيم ديننا الإسلامي الحنيف .. والدين الاسلامي رسالة محمدية صالحة لكل زمان ومكان لا تتغير بتغير الزمان أبداً .. لأن الرسول صلى الله عليه وسلم هو خاتم الأنبياء ولا يمكن يأتي بعده نبي أخر يبيح أشياء حرامها الدين من قبل ولا يمكن تتغير تعاليم الإسلام والدين والقرآن .. إلا إذا نحن حرفناها على هوانا كما فعل اليهود بالتوراة .
العمايل السودة التي يقوم بها البنات من تدخين وتحشيش وزنا وعدم حياء ولبس فاضح .. هذه العمايل كلها فساد أخلاقي لا شك في ذلك والبنات اللي يعمل هذه العمايل هن بنات غير محترمات ونحن نخجل أن يكون بناتنا السودانيات بمثل هذه الأخلاق ..
والمشكلة هي في أهلنا في آبائهن وأخوانهن .. لماذا يسمحوا لبناتهم يتجاوزوا حدود الأدب والإحترام ويصبحوا سيئي السمعة..
وحتى لو ما عندهم أب ولا أخ وأحد .. هل النخوة السودانية والغيرة على بنات البلد ..
ياخي وين القبائل السودانية والنخوة الموجودة فيها..
يا جماعة وين الجعليين والحرارة حقتهم والرجالة حقتهم .. وين شيوخ العرب وين حرارتهم .. وين الناس البتنهر وتكفت .. وين .. وين ..؟
ياجماعة نحن شعب متكافل ومتعاون وبنحن لبعضنا البعض .. وبنشيل بعضنا البعض في الحارة والباردة..
ياجماعة لو كل واحد بيتكلم في الحاجة الغلط أبداً أبداً ما في واحد راح يقوليك يازول انت غلطان .. أو يرمي عليك اللوم .. ياجماعة الغلط غلط معروف مافي واحد في السودان يشوفك تتكلم في الغلط .. يقوم يقول ليك ( ما لك صلاح ).
الكلام كتير جداً في الموضوع دا .. ويجب علينا أن نقف وقفة واحدة لمناقشة هذا الموضوع .. ونرجو من الأخوات السودانيات التعاون معانا في هذا الأمر ويحترموننا ويحترموا سودانيتهم وأهلهم ..
آمل من اخواتنا السودانيين أن تحترم كل واحد قبيلتها وأهلها وتكون محترمة ومحافظة على نفسها حتى لا تجيب الكلام لأهلها ولبلدنا .
والله الهاااااااااااااادي

[بسمة المدينه~]

صحيح بنا ت ولكن !!
تعجبت من حديثك !!!
أين سمعة بنات السودان التي ترن بكل أدب جم وأخلاق عاليه!!!

إحنا هنا بنات المدينه على أقل همسه نسمع التوابيخ المتتاليه !!! فين إنتوا وبنات السودان ~~~~
بنات السودان ماينسمع لهم حس !!
بنات السودان ما تتسمع لهم الضحكات العاليه!!
بنات السودان ماياكلوا اللبان قدام الكبار !!

وغيرها كتيير بنات السودان وبنات السودان!!!!
كأنوا مافي بنات غير بنات السودان !!
وآخرتها يطلع الموضوع شيشه وكلام فاضي!!!!
ويـــــــــــــــــــــــــــــــــــــــنك ياماما تعالي أسمعي؟؟!
فائق تقديري
بسمة الحياة
أسعد حين ألقاكم

[zaina]

صحيح بنا ت ولكن !!
تعجبت من حديثك !!!
أين سمعة بنات السودان التي ترن بكل أدب جم وأخلاق عاليه!!!

إحنا هنا بنات المدينه على أقل همسه نسمع التوابيخ المتتاليه !!! فين إنتوا وبنات السودان ~~~~
بنات السودان ماينسمع لهم حس !!
بنات السودان ما تتسمع لهم الضحكات العاليه!!
بنات السودان ماياكلوا اللبان قدام الكبار !!

وغيرها كتيير بنات السودان وبنات السودان!!!!
كأنوا مافي بنات غير بنات السودان !!
وآخرتها يطلع الموضوع شيشه وكلام فاضي!!!!
ويـــــــــــــــــــــــــــــــــــــــنك ياماما تعالي أسمعي؟؟!
فائق تقديري
بسمة الحياة
أسعد حين ألقاكم

الاخت بسمة المدينة
من قال لكى ان هذه الردود تقلل من شان بناتنا وهل نحن فى مدينة فاضلة الجمييع فيها شرفاء فلايوجد مجتمع فاضل وليست جميع بناتنا شريفات (ودى حاجة مادايرة ليها شرح يعنى لازم يكون فى يمين وشمال حلو وقبيح ودى طبيعة الدنيا يعنى مافى حاجة اسمها السودان بلد فاضل )
نحن سودانيون ومن الطبيعى ان نتحدث عن ظواهر سالبة موجودة فى بلادنا وليس لهذا تدخلا فى شؤؤن الغير طبيعى حنتكلم عن ظواهرنا السالبة سواء من البنات او الرجال (يعنى ماتحيز وجندرة)

الشيشة والضحكات الملفتة دى يابتى (قلة حياء ما دايرة ليها درس عصر)
يعنى بشرح ليكى اكتر(الحياء فى الانثى صفة ملازمة لها (وليس الخجل) عكس الرجل
لما نشوف لينا بنات اخر ضحكة وهاك ياشرب شيشة وفى مكان عام (دى لازم تلفت نظرنا لما تكون فى بلدنا )
يعنى ماعيب لما الواحدة تشربها وتضحك بصوت عالى ولكن فى مكان خاص وليس عام ولكن عندما يكون فى مكان عام هنا يكون العيب
(يعنى تقدرى تشربى شيشة وتضحكى باعلى صوتك قدام والدك او زملائك فى الجامعة او العمل؟؟ )

فى مصر القريبة دى لقيت فى اماكن للشيشة عادى الفتيات بقعدوا ويتكيفوا بدخانها من غير اى حياء وما بعتبروها البنات انوا دى حاجة عيب ولكن سمعت من بعض رجالهم يقولون ان هذا عيب كبير وقلة حياء كمان))(رغم انوا مصر بلد فيها تحرر وعادى الظواهر السالبة العندنا عادية عندهم )
ولكن السودان يختلف لان العادات مازالت لديها اهمية لدينا حتى وان تحضرنا والحضارة ما عندها اى دخل بالاخلاق او السلوك السئ )
والسلوك السالبة ما كلام فاضى لان الحياء عندما يزول من الفتاة تزول الاخلاق وعندما تزول الاخلاق تاتى السلوك السالبة فى المجتمع


تخريمة ساى
(يعنى مامتك دى منادياها مالك قايلاها حتقول علينا(ماعندهم موضووع خالص ومتخلفين ولاشنووووووووووووو)(مع الاعتذار للتخريمة)

[مجدى عكاشه]

الرائع العازب العذب
تحيه واجلال


انتو رحلتو؟؟؟؟ خليت مقهي الانترنت ولا شنو؟؟


اعلم تماما مدي ارتباطك الشقيف بالدخان المدهون بعصارة مرارة الزمن
وعندما ترفع احد حاجبيك تتباطأ الاشياء في تبيانها لمرآك لا لكثافة الدخان المنبعث من قاع المدينه
ولكن لظلمة الافق الذي حاكته الرذيله وتفكك مجتمعنا

يا حبيبنا واحشنا والله
تترائي لي رهابا رهابا مره في لزيز ومره في ..........
حاشيه جديده:


هل تعتقد ايها العاذب ان الزواج ستر لمثل هؤلاء الفتيات؟؟؟؟

هل تشاركك زوجتك معسل التفاح؟؟؟

.

وين يا حاجى

مشتاقين وكدة

نخش فى الموضوع

زوجتى دى انشاء الله كدى هى لمن تجى
امممممممممممممممم معسل التفاح حيكون اساااااااسى بالمساء كدة
على البلكونة اذا كنا فى عمارة ..وفى نص الحووش اذا كنا فى بيت ارضى
وهاكى يا ونسة وهاكى يا قطيعة وهاكى يا جمجرة .... يا زول القعدة حتكون عجيييييييبة


دى المدام والاجر على الله
نشوف الجو البينفع معاها شنو .. ونعملو
وصدقنى اخوك حيشفر نفسو من المغرب ... حجهز القعدة وارش الواااطة
واظبط معسل التفاح .. وانا والمدام والونسة والليل البهيم ...!!




تخريييييييييييييييمة


سمعته تحت تحت كدة .. بقولو العرس كلامى دة كلام زول محرووووووم ساااى من العرس
لمن اعرس حكره الشيشة والبنات والعروسة والعرس والبيت ووووووووو ... الخ


غايتو الله يعين الزول البعرس

[حموودى]

الاخت زينه
ماشاء الله عقل متفتح سرد رايع واراء واعيه

لي عوده بشأن البنات وكده



ولكن هل اذا كنا نناقش قضية انحراف ما
هل نكون قد حكمنا علي المجتمع ككل بالانحراف؟؟؟؟؟

.

[اولاد كركوج]

السلام عليكم ورحمة الله وبركاته
1 _البقول الشيشه لى البنات ماحرام فى مكان عام ماسودانى
2_انا بشوف البت البتشرب شيشه شيشه دى مشكله كبيره ناتجه عن التربيه
حمانه الله وحماكم
3 _الله سبحانو وتعاله قال شنو ازا بليتم فاستترو دى ابصط حاجه كان لى البنت او الولد
يعنى حسي البنت لو فى بيتها بتشرب شيشه ولاسجاير ولاحشيش البتكلم معاها منو
4 _والله العظيم انا شفتا حاجات بعملوها البنات والاولاد والله انا بخجل اقول انا سودانى
المشكله انو السودانى بدا اتاسر بى المصرين والقرب تاسير كبير
فى الاخر بقول
الله يكون فى عونه
الله يكون فى عون السودانين
السودانين الى دخلو التاريخ ثلاثه مرات
السودانين الفرتقو المربع الرطانى ثلاثه مرات
مافى جيش فى العالم قدر اخترق المربع البرطانى
قير الجيش السودانى فى حروب المهديه
لى الاسف الشديد بدت تقاليد السودانين وعاداتهم
تتنسي شوي شوي الله يكون فى عونه

[ضياء الروووح]

يسلمووو على الموضوع بس الزمن اتغير يا لطيف وفي ناس بالجد فاكرين انو دا تطور ورقي لكن واسافا من هذا التطور الله يعين ويسترنا ويحفظنا

[المعزب]

شكرا أخي علي الموضوع ولكن نصيحة أعمل نائم .
إذا ألوالدين في ألإغتراب أو كانوا داخل السودان وعارفنهم ويعطوهم في القروش فنحنا إيش نعمل
زمان كان في النظام العام لاكن أي واحدة يمسكوها تعمل تلفون يجيك أبوها لواء أو خاله فريق أو قريبهم
أو صاحبه عميد .
عشان كده إتلغت أو شبه إتلقت فكرة النظام العام بقت للعرقي وهكذا .
نصيحتي ليك أنصح ولكن بلطف وبالحكمة الحسنة وأستحمل البجيك.
تحياتي

[محمد سليمان]

[grade="00BFFF 4169E1 0000FF"]جاجات غريبة بس ما غريبة دي الحظارة يا مان

انت ما بتفهم ولا شنو خلاص البنات والشباب واحد

والبت بقت مباح ليها اى شي زيها زى الراجل انت ناسي

عزيزى حموودى بالجد الحياة اتغيرت كتير وبقي كل شي جديد هو لزوم التغير

والتطور ليهو دور كبير ما بقين نفرز البت من الولد الكبير

كلهم بياكلو ويشربو ويضحكو ومافي اى شي بيصير

لاز نعاين ولو اتكلمنا انحنا ما بنفهم في الحظارة كتير

بس نقول شنو الله يشوف والله يعين

عزيزى بالجد الله يعينك على هذا التفكير

بس تعمل شنو تسكت وتحتار كتير

ربنا يرجع الحياء لي بناتنا بالجد كدا

هسي هم فاكرات نفسهم صح بس مين السبب

انفتاح المجتمع ولا تربية الاهل الله يصلح حالهم بس

تحياتــــــــــــــي[/grade]

[محمد سليمان]

هوي يا احسان شنو البت والراجل واحد عرفنا الشيشه وما خفيه اعظم استايل شنو وكلام فاضي شنو ماعندنا كلام زي دا البنت بنت مهما كانت بس فالحين في طول اللسا ن واللاماء والحوامه
في الوقت الحالي شيشه بكره حشيش وبعديهو شنو ما معروف

السودان في خطر


الله هم احفظ السودان من شر اعدائه

انا لله وانا اليه لراجعون

[bob marley 2009]

ههههههههههههههههههههههههههه عادى يا مان شيشه بس قال ليك

والله هنا بيعملو عمايل انسى بس ابليس زاتو ما فكر انو يوسوس ليهم بيها


بنات اخر زمن

[حموودى]

السلام عليكم
بعد طوووووول غياب
قرأت كل مداخلات هذا الموضوع بفرح غااامر
وندمت علي توقفي الطويل وعلي الاهمال الذي اعتراه
لانه من الممكن ان يكون انموذج للممارسات التي نرفضها من اخواتنا ومن نحب
وبالطبع ليسكل البنات او بنات المغتربين مقصودين بهذا الاتهام
لكن فالنعيد قراءة الموضوع بتروي ولنحاول ان نكشف عن اسراره برؤي جديده ومحاولات لتدارك مايمكن ادراكه
ولي عوده اذا كان في العمر بقية

[حموودى]

حموودي ياخ كيفنك وأريتك طيب

لكن مابسألك ... قسمت الموضوع زي أم فتفت

والله شوف الموضوع دا انا وقفت فيهو كتير شديد
وعدتك اجي ارد بالليل وجيت لكن مارديت لأنو فعلا عايز تفكير
بالصدفة البحتة طلعت في نفس اليوم داك لمدينة جدة في مهمة عمل مفاجئة
المهم في المساء الشباب ساقو أخوك ودوهو حديقة عامة نظام ضيافة وتسلية وكدا
وطبعا الجو بتاع جدة اليومين دي ربيع ووجه حسن وحاجات زي دي
المهم اخوك بينما كان مبسوط - لاحظ بينما -
فجأة إذا بمجموعة من الحسان يدخلن ويختارن الجلسة القدامنا مباشرة
كانن خمسة من بنات بلدي البعتز بيهن شديد وفي أوائل العشرينات وجمال سبحن المصور
ربنا أداهن من كل شيء أفضل شيء سبحانه وتعالى
أول شيء طلبن شيشة أي والله شييييشة مع إختيار نوع المعسل بعناية يعني حريفاااات
تاني حاجة طلبن من الجرسون بطاقات شحن للجوالات بما يقارب ال200ريال سعودي
كل دا وأنا مزهول جداً
لاحظ انو الحديقة فيها عوائل من مختلف الجنسيات واللهجات
المهم بنات بلدي كانن مثال للبنات منحدرات الاخلاق بكل ماتحمل الكلمة من معنى للأسف
عبايات ضيقة جدا تبرز جميع المفاتن أكرر جمييييع المفاتن
ونسة وضحك بصوت عالي وضحكات غير متزنة أبداً
بعد خلصن الشيشة أو قل الخمسة شيش
تلاتة منهن طلعن علب سجائر من نوع مارلبورو أحمر + أبيض من شنط اليد
وصارن الخمسة يدخن السجائر وينفثن دخانه الى الأعلى في حركة واضحة جداً للجميع
هنا طبعاً إحترت في موضوع السجائر البعد الشيشة دا
غايتو إلا كان عايزات يثبتن بيها :d

طبعاً أنا قمت من مكاني بعصبية شديدة وطلعت الشارع والبيت جاك زول
وبعد داك المطار و.... الرياض جاك زول جاري جري

اها دا في بلد الغربة حيث من المفترض التمسك بعاداتنا وعكسها للآخرين في صورة حسنة
فكيف بمايحدث داخل السودان ؟؟؟؟

لك الله ياسوداننا وياحليلك يالزمن السمح بالجد
زمن الزمن زين والخروف عندو ضنبين أو كما قال مبارك الترزي رحمه الله

يديك العافية حموودي وتاني بجيك

وليييييييييييييييييي قداااااااااااااااااااااام











و...............الباقي على الله

ود الدردييييري يافنان يارايع ليك وحشه والله

طبعا الحركه بتاعتم محبطه جدا جدا
خصوصا لي زول في الغربه وبفخر بي جنسيتو واهل بلدو
لكن بصرااااحه انا لو كنت معاك كنته حا اكسرها ليهم فوق راسم
دي قضية مبدأ وكما تدين تدان
وللاسف بقعو فيها ناس غلابه الواحده قاعده في بيتا او بتطلع في حدود الادب واخر احترام
ويجو الزي ديل يخربو ليها ويجرحوها ويكسروها
لكن ياجماعه لسسه الوضع متأزم

[حموودى]

صحيح بنا ت ولكن !!
تعجبت من حديثك !!!
أين سمعة بنات السودان التي ترن بكل أدب جم وأخلاق عاليه!!!

إحنا هنا بنات المدينه على أقل همسه نسمع التوابيخ المتتاليه !!! فين إنتوا وبنات السودان ~~~~
بنات السودان ماينسمع لهم حس !!
بنات السودان ما تتسمع لهم الضحكات العاليه!!
بنات السودان ماياكلوا اللبان قدام الكبار !!

وغيرها كتيير بنات السودان وبنات السودان!!!!
كأنوا مافي بنات غير بنات السودان !!
وآخرتها يطلع الموضوع شيشه وكلام فاضي!!!!
ويـــــــــــــــــــــــــــــــــــــــنك ياماما تعالي أسمعي؟؟!
فائق تقديري
بسمة الحياة
أسعد حين ألقاكم

[align=center]السلام عليك يا اختي
اولا بالطبع واكيد وحتما ليس كل بنات السودان هكذالانهم لو كانو كذلك لما طرحنا هذا الموضوع هنا
والمميز في المجتمع السوداني اننا نطرح مواضيعنا بكل جرأه وعلي الهواء الطلق
لينفث كل منا الدخان الساخن الذي يقبع بداخله
حتي تنفرج همومنا وينصلح حالنا ان شاء الله[/align][/color][/size]

[آيات التفاؤل]

لا حول ولا قوى الابالله
الله يصلح حالهم ويهديهم

[حموودى]

لا حول ولا قوى الابالله
الله يصلح حالهم ويهديهم

[align=center]اللهم امييين
ويصلح حالنا اجمعييين يارب

اسعدني مرورك

واتمني من قلبي ان تختفي مثل هذه الظاهره من مجتمعنا
.[/align][/color]