كلمات الأغاني السودانية

[هديل الحب]

كلمات حقيقي جميلة
ودمت بخير

[zizou]

مشكوره هانا مونتانا بس شكلو انتي براك البتفهم هنا

[waya]

[grade="00008B FF6347 008000 4B0082"]قصة ريده بين اتنين *** بين مسلم ومسيحيه
احلف ليها بالاسلام*** وتحلف بالمسيحيه
وليا عقيده مابتنفال *** وديني كمان عزيز ليا
الا الريدة مابتعرف*** قيود وأديان سماويه
وتدخل في قلوب الناس*** زي قرارات طبيعيه
انا شاب اسمر من السودان*** اصيل وقبيلتي جعليه
حفيت ناس الملو التاريخ*** قصص وامجاد بطوليه
في اقصى الشمال شبيت*** هناك في قريه عاديه
اصلي واصوم واهدي الناس*** وجيت من اسره دينيه
صدري عريق في طولة البال*** وكل سماتي ريفيه
وعندي خشونه في صوتي*** كمان معروفه ايديه
اجي والقاك بلا معاد *** زمامي وفكري بقى ليا
انتي مابتختلفي عن ناسنا***هناك في قريه عاديه
وفيها النيل وفيها نخيل*** وساقيه تنوح وطوريه
عينيك زي بنات بلدي*** وافراحك بخوليه
وبس لكن خضر عينيك*** ونحنا عيونا خمريه
وصوتك انتي لمن ينوح*** صوت ادان وقمريه
وفي خديك زهور نايرات *** مفتحه منغا هنديه
سالتيني عن السودان*** والخضره الطبيعيه
عن الابنوس وسن الفيل*** وغابات استوائيه
قالو ليك وحوش ناسنا*** بياكلو الميته والحيه
انتي جيتي تاكدي الرؤيه*** تشوفي ادلة مرئيه
سريع اتمازجت روحنا ***قاضت ريده وحنيه
اتبادلنا بالاحضان*** ودبــتي هوا وغرام فيا
اتفارقنا من يوم داك*** ومااتواعدنا بالجيه
خفت الناس يشوفوني***يقولو بحب خواجيه
ويسمعو ناسنا بالقصه***قصه حب مسيحية [/grade]

[waya]

حقيبة الفن

زاد ازاي
عبيد عبد الرحمن
[grade="00008B FF6347 008000 4B0082"]
زاد أذاي يا صاحي واعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي واعتراني نحول
طرفي دامع وصاحي وبالسهاد مكحول [/grade]

[zizou]

بسم الله الرحمن الرحيم



ياجميــــل يامدلل


ياجميــــل يامدلل قول لى
ليه بس حكم الغرام قد حلل
عذابى يدوم

ياجميل يامدلل
كل ما اطراك بالدموع اتبلل
جسمى صار منحول والمنام اتقلل
طرفى لى رؤياك دمعو كبَّر وهلل
جفانى النوم

العقول تتخبل
والاديب فى الناس للقاك يتـهـــبل
بين انى عزيز خفته فى المستقبل
هدى ليك الروح وانته بى ما تقبل
اكون مظـلوم


بالعلى ماتجهل
ياحلو النغمات يالذيذ المنـــهل
نارى حارقه الجوف والمدامع تبهل
بعد هذا الحال هل وصالك يســهل
تحن ياظلوم

ليل ضفايرك مسدل
يارشيق القامة والمعاطف الهدل
القوام ممشـــوق والمعاطف جدل
داالمخلىإليـــك حُبى لا يتـبدل
يذيد كل يوم

فى هواك لو اعزل
برضى لاانساك فى الجمال اتغـــزل
والعجيبة كمان قلبى صار ليك منزل
وانت فوق للقوس والسماك الأعـــزل

[waya]

ابو عركي البخيت

[grade="00008B FF6347 008000 4B0082"]صاحبة في الزمن الصعب
لمّا لا ترحال يحلك
لا البعاد يقدر يحلك
لا القرب يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك بالجد بدورك
فجأة يشع فيني نورك
والقاك نبتّي من تراب السكه
سديتي الأُفق
لحاك حلمي الملوّن بهمومي
لما يومك بلقى يومي
وفصل همومك من همومي
نضحك من الواقع سوا
نحن القدرنا علي التعب
حرقتنا ألسنة اللهب
ولسه ماسكين الدّرب
يا صاحبه في الزمن الصعب [/grade]

[وهج الحب]

الامبراطور احمد الصادق


انا لوغلطته في حبك شوية
لوغلطته في ريدك شويـــة
ليك اعتذاري وحقك عليــــاُ
اصلو كانت غلطه هيـــــــاُ
غلطه كانت مابي ايديــــــــاُ

أنـــا عـــارف اني ظالـــــــــم
مــن ظلمــــي حردونـــــــــي
ديـــل العـــوازل وصلونــــي
للــــوداد الفي عيونــــــــــــي
لـــو بجيبـــــك أنا اعتــــــذاري
لــو بسرك انا انكســـــــــــــاري
ولــــو بحالــــي انــــــــــت داري
وبي رضــــــاك انا انتصـــــاري

انــــــا شايــــف ياحبيبـــــــــي
انا لو شكيت اشواقي ليكـــــــــاُ
وبلقـــــي في قلبــــك محنــــــه
بلقـــي خير الدنيـــا فيكــــــــاُ
انـــا بستعين بإيــــام جميلـــــه
ولــــي غرامــــك كان دليلـــــــه
ياعواطفنـــــتا النبيلـــــــــــــــه
مـــــافي داعــــي نقول حليلـــه

ويا ليالــــــي الوحــــدة طولــــي
وكـــان اقيـــف لي اغنياتـــــــــي
خلـــي ليلـــك يبقــــي قاســــــي
يبقـــــي اطــــول مـــن حياتــــي
او عــــذابي يكــــون جزائيـــــــاُ
وطـــــال ما عايــــش برايــــــــاٌ
الا بــــاب الرحمــــه فاتـــــــــــح
انا حبـــــي لازم يكـــــون مسامح
يقبــــــل اعـــــذاري وبكايــــــــا

[محمد سليمان]

مشكوووووووووووووووووور علي الموضوع الجميل

[zizou]

[img]C:\Documents%20and%20Settings\PC02\My%20Documents\My%20Pictures\Ibrahimovic.jpg[/img]


أذكري ايام صفانا وأذكري
عهد اللقا والليالي الفي حبور

اذكري أوقات صفانا
والليالي الفيها متبادلين وفانا
إصطفينا ظروفنا والحظ إصطفانا
جينا بي كل اقتراح
من حديث يشفي الجراح
بي مغازله بي انشراح
والقمر في ضياه عالق
والنسيم يهدينا أرواح الزهور

كنا داخل روضة مافيش حد سوانا
غير ان القمري يهتف بي هوانا
من اغاريد فنو يسمعنا اسطوانه
اما ارواحنا الخفاف
رافله بي اثواب عفاف
زي عرايس يوم زفاف
والنجوم بعيون تسارق في اشتياق
تنظرنا من خلف الستار

الرياض مبتهجه ضاحك اقحوانا
والزهور نديانه تستقبل أوانا
رانعه يانعه وزاهية في ثوب أرجوانا
والنهر ليها اقترب
والطيور تسجع طرب
وعامله موسيقة قرب
أنحنا صار مجلسنا عامر في طرب
في نشوة في غبطة وحبور

يا أنيس الحسن يا سامي المكانة
من عواطفك حبي لو فاقد مكانه
اهدي لي تفاحه بس او برتكانه
فهي غير شك مرضية
منها اقتبس الضياء
بل اضوق طعم الحياه
انت ملهمني الأغاني
انت مصدر فني
و احساسي وشعوري

[اللقيد]

اشكرك واشكر المنتدي واشكر بالعرفكم بفتش ليكم من زمان ياحلوين
اجمل الاغنيات لقيته عندكم وياريت شويه من هاشم ميرغني

[waya]

[grade="00008B FF6347 008000 4B0082"]

كلمات الفاتح ابراهيم بشير
غناء جعفر السقيد

عليك الله سافرعليك الله شيل الأمانى معاك
وشوف البيبكى عليك أو حتـى يترجـاك
أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى
ر غم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك
اوعك تظن فى يوم أنا قلبى برض الـذل
او يستكين هيمان ويرجاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقول القـول القالـوا (بوفـراس)
فى شعروا قالوا كلام مدهش جميل يسبـى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى
والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار
يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك

[/grade]
.

[waya]

محمود عبد العزيز
كل ما سألت عليك
[grade="00008B FF6347 008000 4B0082"]
كل ما سألت عليك صدوني حراسك
ردوا الجواب كافين مع إني من ناسك
ردوا الجواب قالوا كم غيرك إحتالوا
غير صدهم لاشئ مننا نالوا
يا قاسي يا قاسي هل يرضيك ما قالوا
ام إنت ماهاميك ولا حرّك إحساسك
ياغالي ياغالي يالديمة في بالي
جفاك حارمني من لهجك الحالي
أنا في هواك ياجميل إتحطم آمالي
أنا برضي بستناك والصبر يحلالي
كل ما شذاك يسري في قلبي كالسحر
ييقظ لهيب الشوق والهوى العذري
أهواك واداري هواك لو يتقضي عمري
عمري باقي على عطفك وإحساسك أنا[/grade]

[waya]

ابراهيم عوض

لو قلت حياتى ليك

[grade="00008B FF6347 008000 4B0082"]
لو قلتا ليك حياتي بيك وروحي ليــــــك تفدي عينيك
بـــــــــرضــــــــو شـــــــويـه شـــــــويـــه عـــــلـيـك
لـــو كــــــان غــــــرامـك فـي الأزل مـكـتـوب لغيرى
خـلــيــــــنـي عـــايـــش بــالأمـــل مــرتــاح ضميرى
ودارى عــــن قــلبى الحقيقه أخدعنى صور لىّ جنه
مـــوجــــوده فــى أفــــق الـــمــحـــــــــنــه الـقــاها
حـــان الاجـــل وحــــــــــيــــاتـي تــبـــدأ يــوم لـقاك
لو كان غرامك في عيوني نظره عابــــره كنتا بكيـتك
ومسحتا دمعاتى الغوالى ومسحتا صورتك من خيالى
كنتا نـسـيـت كــنــتـــــا نسيتك لكنك اكتر من دموعي
انت ارتعــاشــات الـشـمـــوع وانت خفقات الضلوع
انــتــا انــا وانـــتـا وانــا يــا ذاتــي كـيف انساك انا
لو كـــان غـرامك في عيوني نظـره عابره يا حبيبي
أنا بعدها اصـبحـتا ذكـري يـملكـني احساس الغريب
غـريـب بـلاد وغـريـب اهل وبلادى في سواد المقل
اراهـــا يـــزداد حــبـي ليـك ويزداد شعورى بالحياه
وانـادي لـيــك يا روحي ليك عبر المسافات البعيده
بيناتنا دنــــيـــنـــا السعيده دنيا الأمل الدنيا السعيده[/grade]

[بنت الاصايل]

[

color=00008B]مشكوووووور والله يعطيف الف عافيه

[/color]

[waya]

كلمات السر عثمان الطيب
غناء .. فرقة الصحوة ..


[grade="00008B FF6347 008000 4B0082"]شوفي الزمن يا يمة ساقني بعيد خلاص
جرعني كاس
دردرني اتغربت واتعذبت يا يمة
وريني الخلاص
يا يمة يا نور الصباح وقتين يطل
يا يمة يا بدري البشع دايماً يهل
يا يمة يا فيض الحنان الما كِمِل
وا شري يا زينوبة ... ولدك في دروب الشوق كِتِل
محروم من الحب والمحنة وراك هِمِل

يا يمة يا نغماً حنين بالشوق يرن
وأفكاري فيهو بيرتعن
ودمعاتي شانو بينزلن

بتذكرك يا يمة في الدغش النسايمو يهبهبن
قايمي الصباح متكفلتي شايلي الحليلي على المراح
جبتي اللبن بانشراح
والساعة ديك يا دوبو ديكنا بدأ الصياح
والطير صغارو يغردن

بتذكرك يا يمة في ساعة الهجير
صالاكي نار الدوكي عستيلنا الفطير
رشيتي قلتي أكلوه خير

بتذكرك يا بسمة الطفل الغرير
وقت الخلوق ترقد تنوم
أرقد براي أرعى النجوم
والشوق يرف جنحينو بي فوق لي يحوم
وأهتف بإسمك في الخيال
طيفك كمان بي فوقي جال
أتمنى لو لحظات يدوم
لكني فجأة القاهو زال

يا يمة يا بحر المودة وقت يفيض
يا يمة يا شعلة أمل زادت وميض
يا يمة يا عنقود كلام منظوم قريض

بتذكرك يا يمة وقت الناس يجونا من البلد
ناعم ترابها على جسيماتم رقد
ريحة التمر فوق الهدوم
لون الخدار خانس لبد
والشوق أوارو بيشتعل
كان ظني فيهو يكون خمد

بتذكرك يا يمة وقت الناس قالوا قايمين البلد
رصوا الهديمات عدلوا
ركبوا اللواري وقبلوا
خلوني وحدي بلا أنيس
كيف انفرادي اتحملوا

شالوا السلام أنا مني ليك
يا يمة ساعة يوصلوا ويقولوا ليك شفناهو في بلد الأمان
يا يمة رسلي لي عفوك
ينجيني من جور الزمان[/grade]

[ريانه إمام]

[grade="FFA500 FF6347 008000 4B0082"]قطار الشوق


قطار الشوق متين ترحل تودينا
نشوف بلدا حنان اهلا ترسى هناك ترسينا


نسائم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا


يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار


يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللتة ساعاتك
و كان حنيت على مرة و كان حركت عجلاتك[/grade]

[alaedeen]

بسم الله الرحمن الرحيم
الاخوه الكرام وخاصه اخونا جريمه لكم الف شكر وانتم تعطرون سماء المنتدي الجميل بكلمات الراحل المقيم الرائع الاستاذ مصطفي وياريت البوست دا مايتقفل وتبقي دعوه مفتوحه لكل الاحباب الجمعم الاستاذ وكل واحد يشارك بي قصيده مقرؤه او مسموعه او اي معلومه عنه رحمه الله عليه

[عاشقة الورد]

أمل الأغاني
كلمات: مدني النخلي
[glow=ffffff]شرد الكلام مني وسكت
حس الأغاني الملهمة
لبس النغم ثوب الحداد نزف المقاطع مؤلمة
لمتنا بيك يمين ظروف في ليل رياحو ملتنا هم
أنت الأخو وبرضو الصديق والبينا كان إحساس ودم
للكل فتحت القلب دار .. ومزجت روحك بالنغم
يا حليلو زمناً كان معاك يا حليل جدارنا الأنهزم
روح الرحابة الما بتضيق
يا باهي يا دفق الرحيق
شاقي الدروب الموحشة
فارش عشم وترك طريق
دايس علي الجرح الأليم
في أحلك اللحظات رفيق
يا حليلو أملاً كان معاك
خلانا لى جرحاً عميق
نجم الحروف المرهفة
ضد الذبول والإنطفا
لكنو من بعدك رحل خلانا فات يا مصطفي
يا حليلو شدواً كان معاك
وأمل الأغاني الإنطفأ[/glow]

[عاشقة الورد]

مرثية عبد العال السيد
[glow=cccccc]بسمع صدى صوتك مزامير في عشيات
الشتا والريح سوافي
وأطرق على بابك أواخر الليل وألاقيك
إنت مافي
وأنشد على بابك حزين "عز المزار"
وكل السنين صارت منافي
وأهتف وأناديك في سديم الليل
يضيع حسي وهتافي
قمراً وقف مستني تال الليل
نهارات العصافير والقوافي
رجع الصدى وحس الرياح
مجنونة في الساحات تعربد
وإنت مافي
غابت نهاراتك ولكن
لسة صوتك في العروق يا صاحبي ساكن
لسة صوتك يسري في كل الأماكن
"يا قمرة أقلبي السنسنه الحمرا
وشوفي ليه ما جاء"
لسع على أفق المدى ترجاك
"صبية" جراحا نازفة
لسة واقفة
تسأل عليك مجلس صحابك في الليالي
تسأل عناقيد الدوالي
تسأل عليك عصفور مرق ينفض
نعاس عينيهو من سهر الليالي
يا صاحبي لسع جراح الفرقة صاحية
وتر الغُنا المشدود ينوح
يسأل عليك في كل ناحية
كانت ليالي " الديم" فوانيس
والعمر مغسول صبابة
وكنا ما بشغلنا غير وتر
الغُنا وحرف الكتابة
يا صاحبي .. يا ليتها الأيام تعود
أنا في منافي العمر ضيعت الوعود
يا صاحبي .. هطلت على
قبرك سحابات الخزامى
وناحت " على بابك " يمامة
وشرقت شموس ترسم على باب
النهارات إبتسامة[/glow]

[waya]

تايهين في سمر - كمال ترباس



[grade="00008B FF6347 008000 4B0082"]
ما بنسى ليلة كنا تايهين في سمر
بين الزهور
أنا وأنت والنيل والقمر

وين يا جميل يوم كنا تايهين في سمر
من انسنا إتمتعنا بي جني الثمر
كم قلبي بالأنفاس لأنفاسك غمر
والجو سكر من ريك اتعطر خمر

الليل هدأ والجو صفا وغاب الأتر
والنسيم يجيب من توتي أصوات الوتر
أنا يا جميل بي صوت ضميري المستتر
من شعري كم أسمعتك ألحان بي وتر

ما بنسى ليلة كنا في شاطئ النهر
نتعاطى خمر الحب بكاسات الزهر
البدر مزق ظلمتو وسفر ازدهر
في النيل سطع بي نورو إتقطع بهر

أنا بي غرامك يا حبيب دمعي انفجر
انا بي غناك أيقظت سكان الشجر
قبال أراك أنا كنت في حيره وضجر
واليوم حظيت بلقاك يا ظبي الحجر[/grade]