بعدي عن امي يكاد يقتلني (الرجاء الدخول و الرد)

[قمر السودان]

عشقت ام و بعدوني عنها بس عشقتها بجنون ما عادي كنت لو صاحيه بفكر فيها لو نايمه بحلم بيها بعدوني عنها كتير بس رجعت ليها و كنت ما ببكي الا على فراقها كنت كل ما اتزكرتها اتزكرت اياما الحلوه بكيت و مع بعدها عني كانت بتسمعني و بتربت على كتفي و و تقولي بصوت كلو حنان و رقه ما تبكي حترجعي ....حترجعي و رغم بعد المسافه كنت بسمعها و بضحك لمن تقول لي كده و بنسى دموعي كلها وقتا بحس انها عايزاني اقرب منها واترمي في احضانها و اشكي ليها همومي و ما فعله بعدها عني لمن شالوني و ختوني عند ام تانيه مهما كانت فلن تكون زي امي الحقيقيه و في الاخر عايزه اقول ليكم انو الام دي هي (السودان) اللي بعدوني عنها و الام التانيه الختوني عندها هي البلد اللي انا مقيمه فيها وهي(السعوديه)

[صلاح يحيى سليمان]

قمر السودان.....!

فراق الوطن حار....!
والقعاد فيهو احر...!
الغربه عذاب..والم...!
بس عاوز اقول ليكى حاجه....
احمدى ربنا انك فى بلد مسلم.......
وكل عام وانتى بخير

مع تحياتى

[مسطوول بس كوول]

يا قمر السودان انا معاك قاعد في نفس الشقة ماتقرفينا ياجماعة ماتفهموا الموضوع غلط البت دىاختي والله




تحياااااتي للجميع.................

[شاربة توت ولابسة بوت]

[glow1=66CCFF]

صح ما قمر سألت انو عندها اخ في المنتدى .. طلعت انت يا مسطوول !! يا كوول!!

ودمتم سالمين ...

[/glow1]

[sadigdirar]

كلو ووووووب
وزى ماقال اخونا انت بتسمعى الاذان
فى ناس ميته تسمع كلام عربى
اوتشوف ناس
الحال من بعضو

[Halimeek]

امنا كلنا ومشتاقين ليها ومشتاقة لينا لكن بنرجع ليها تاني

[القرش]

الحال من بعضو يا قمر السودان

واحمدى ربك كان دى مصيبتك لانك ما شفتى مصائب غيرك

و ربنا يرد غربتك وغربتنا جميعا

[ikadolly]

ان شاء الله ربنا يحقق امانيتك عن قريب وترجعى لوطنك الام
قولوا يا رب

[Hani_1985]

الحال من بعضوا ياقمر الغربة قاسية ربنا يرد غربتك انا مغترب زيك بس في القاهرة لاني طالب في الجامعة وبعد الايام والسنين عشان ارجع لآرض الوطن

Hani_1985

[Still I Need U]

[align=center]كلنا جربنا الغربة دي ،،
وبالتحديد في الرياض
منفوحة والملز والعليا
والنسيم
والربوة
وايييييييييييييييييييك كتير
خمس سنين يا باشا وانا في الغربة
أقسم بالله جيت آخر اجازة ما رجعت تاني
لي هسه القعدة الياها ،،
ربنا يرجعك سالم وغانم
اعمل حسابك من المطاوعة
جنهم صلاه[/align]

[نورا]

ان شاء الله نعود ليك يا سودان ..
ثانكس

[نسرينا بت بورتسودان]

والله ياجماعة انا ماجربت الغربةلكن صراحة حارة بيقولو ربنا يرجعكم سالمين غانمين
بس بعد دة كلو ماتجو فاضين اعملو ليك حاجة عشان اولاتكم مايتغربو ذيكم وتبقى عليكم غربة وضياع زمن
الله معااااااااااااااااااااااااااااااااااااكم

[مهند عبد الرحمن]

هنا تحضرني قصيدة شاعرنا الكبير ادريس جماع

انت السماء بدت لنا واستعصمت بالبعد عنا

[ودعلبوب]

شاعر بي بكاك يا يمه قبل الشافوا يشرحو لى

وأديتك دموعي هدية كان يبرد حشاك شوى

لو ما أخاف تشوفى الشفتو كان بديك كمان عينى

يوم العيد مهضلمة روحى زاهيه أحزانى ضحت بي

وقافل نفسي فى اسفى وسايل دمعى فوق خدي

سلفة من الأمل فى اللقيا الضحكة المغطي وشي

جناك من جوه يبكي ينين وعيب لكن لو يقول أحي

يمه أوعك يدور فى البال غيرت البنادر في

بعيد زي السلم عطشان رغم إنو المدن ماصي

واكوس زي الحرازه فصل مع البحر البيهب الري

وأعاف المويه لو المويه اخدت من من مكانتك شي

نويت الجيه يمه أنا صاح كمان ودعتا للحولى

إلا زمانى ماكان راضي لما عرف مفاصل الكي

شهب مروادو فى بعدك وختم على اللحيم الحي

كتف قدمي البسوقنى عليك سلب قدرة جوادي علي

وفرش دربك ضريسه وشوك وغفلنى وسرق نعلي

مدي عفوك فى الأيام يغلف ضلامن ضي

جناك كان عاكسنو ظروف لابد من يلاقى الحى

وليدك من جنون اشواقو ما خايف الغفار والصي

ويمه أنا كان لقيتلى جريد بجيك فوق كرعي

يمه جناك ما قاصد يختك فى مطب أشواق

والود شجرة بين إتنين رايدين لى بعض عشاق

تجهجها دايماً الفرقة وتحتها تنفض الأوراق

تظل الأم حنانه عزيز زمن الحق الافراد

عفوها يطل صدي غنوات يطرب كافة الأذواق

[sarona]

الحال من بعضه ياقمر السودان

الشوق للبلد قاتلني .....الغربة نار وما معروف ح نفضل لمتين ننكوي بيها
بس بقول ... ربنا يرجعنا ليها بالسلامة ...
على فكرة ..لي ثلاث سنين ما شفت البلد ادعو لي السنة دي ربنا يسهلا معاي وانزل اجازة

دعواتكم

[ود مكه]

م عارف ..

لكن .. ان م داير أرجع لِ أمي ديك .. عارفين ليه .. لأني ف أمي وأمك وأم الكون وأم المسلمين ..





ط يب ..!

م تفرقو وتجو تدونا طله ..

[moonb06]

هزا كاس الغربة واللعايز حلوها لازم يتزوق مرها وكلنا شاربين منة وانت فى بلد عربى ونحن مرات ماتعرف اكلت لحمة كلاب او ضفادع (الصين)

[حنضله]

قالو قبلى
بلادى وإن جارت على عزيزة واهلى وإن ضنوا على كرام .
فكلنا نفس الشعور يا قمر الزمان بس نقول الحمد لله انو الأن فى وسائل نقدر بيها نخفف عن كبتنا وهى الاتصال بالاهل سواء كان عبر الهاتف او عبر هذا المنتدى الجميل الذى يجمعنا ونحاول عبره أن نخفف أحزان بعض

[الغريبة]

قلبى معاكم يا شباب
شدوا حيلكم وتعلوا السودان وكله يهون ويتهون
مع اهلكم وامهاتكم خاصة
شدوا حيلكم

[ابو المنصور]

السلام عليكم ورحمة الله تعالي وبركاته


تحية طيبة اختنا قمر الزمان
الام مدرسة اذا اعددتها اعددت شعبا طيب الاعراق

ربنا يحفظك ويديك الفي مرادك وموضوعك جميل وتعبيرك اجمل

ربنا يرد بي غربتنا جميعا