مســـــــــــــــــــدار + مســــــــــــــدار

[الاغبش]

لتيبة ويانعة فوق المشارق ضئك
بت اصول معروفة سيدة حيك
ارق من نسايم الهبائب همسك
يا ملكة ملوك حسان جيلك


ساجعة ومغردة دائما بادبا رصين
قولك بلسم شافي لمرضان السنين
كم لمست في قولك ادبا حنين
من جميل سجعك ارؤي ظمأن السنين

[mohamed merghanh]

يا محمد حبابك في مسدار السريرة الصافية
ماك ضيف ملك في بيت ملوك القافية
سجعك بالجد سراني وقلب علي الواجعة
ورينا كيف دؤانا من ام نظرة ناجعة

يا الأغبش سلامك من كل شر غتانى
ترحيبك أصيل يا النغمو ما بختاني
يا حامل المسك نثرتو فى بستاني
هل إنت زولنا الأغبش وللا أغبش تانى ؟

[الاغبش]

يا محمد حبابك وفي السماحة ديما قولك
انشاءالله من الشرور تبعد انت وهولك
تسعد ادئما في الافراح يبقي سكونك
الاغبش اديني اوصافو امكن اطلع زولك

[mohamed merghanh]

يا محمد حبابك وفي السماحة ديما قولك
انشاءالله من الشرور تبعد انت وهولك
تسعد ادئما في الافراح يبقي سكونك
الاغبش اديني اوصافو امكن اطلع زولك

أنا ما شفت وشو لكني شفت قفاهو
قاعدين نحب فى النيل كل ليلة نلقى صفاهو
صنديدآ بجيب كل الدرر من فاهو
لكنى بس بى هناك مرات بعانى جفاهو

[mohamed merghanh]

بنات حواء نحن خلاص قفلنا لي ابوابن
ما تصدق كلامن وما يغرك لبس جلبابن
اسمع نصيحتي وما يسكروك بي شرابن

مادام فينا روح الباب للحسان فاتحنو
يمكن فى يوم ما علينا مرة يحنو
قلبي ياخي رهيف وهن دلال جارحنو
أذكر حديثن أغنى وإسمى تب ماسحنو

[مهند عبد الرحمن]

تراكم يا اخوان طلعتو معارف
دي حلاوة المنتدى لأي زول ما عارف
يمكن يلقى زولو لو الزمن جارف
كدي خلونا النشوف لي مسدارنا مصارف

[الاغبش]

ما دام فينا روح درب العشق نبراهو
نمدح للحسان كل زول ينم بفاهو
ليم الحسان تلقي المطايب حفاهو
قلبي من زمن بعيد فيهن لاقي صفاهو

يا مهند اخوي اسمع كلامي ونم
بناتنا في السماحة ببسمتن بفرجن هم
تلقاك صافية باهي وريدة يانعة دم
وان قدلت في مشيتا تلحق مشارف الشم

[الاغبش]

اخوانا نحن ليه ما اتلمينا
فوق النجائل نعرف بعض ونناقش كل امورنا
في السوداني نرسم جميل محياهو ربوعنا
وتبقي خوة صدق نريهو من دم معلوقنا

اي رائكم يوم نتلمه
ننقاش ابداع سوداني واهلنا
نفتح نقاش كيف نسهم فيه بلدنا
نكسي العريان والضعيف نوصلو قوتنا

[mohamed merghanh]

بشوف بوست السدار أخدلو سكتة وصنة
هل خلص الكلام أم لى نهايتو وصلنا
القول اللطيف فى حصنو إتحصـنا
أدونا المزيد قبال العيون توصلنا

[mohamed merghanh]

المسدار سحروهو والناس بقت تنساهو
كل زول قال اخير يشق طريقو براهو
حتى شهد غايبة و ما عارفين خبارة معاهو
وعشان مسدارنا مايخرب اخير تقيفو حداهو

يا وديس وين دوبيتك ووين جدعاتك
انشدنا قول سمح الكلام انت الفهم بي ذاتك
ما تطول علينا ومنتظرين قفشاتك
لسة الناس راجياك والقطر ما فاتك

الحاصل أكيد يا أخويا داير إنذار
أسبوعين تمام ما جانا زولآ زار
البوست الحبيب سوينا هجرو هظار
ما فاضل لينا إلا نمشي وندق الظار

[مهند عبد الرحمن]

حباب ناس المسدار حباب الناس البفرجو الهم
حبابكم عشرة ولي كلامكن بدور اتلم
من زمنا بعيد متمني اجيكم و اقول النم
يالاغبش اخوي من شعرك زيدنا وقول لي بي كم

[الاغبش]

يا مهند اخوي المسدار ما بي كم
سعرو فرجة كربة في قرايتو لحن ونغم
وفي نظمو للتيبة معاني عليها علم
قول في اليانعةكمان زيد في قلبي الهم

[الاغبش]

بعد ما قمت من داري مبسوط
ختر بي الاضمير طؤاها لي بساط
قاصد ام هبج في ديارا مي غابرات
سح عقلي وراح قلبي من نورا في سبات

[شـهد الكلامـ]

التحيه لشباب بلااااادى

شباب

انا
عملتا
بااااااااااااااااااااااااااااك

واسفه للتوقف لاسباب فنيه
مهند واحلى باااااك
سعيده برجعتك اخوى
ومرحب بالجميع
الاغبش نهارك زين
ومرحبتتتتتتتتتتتتتتتتيييين

باكر كان حييييين بنتلاقاااااا

وياحافظ انا ما ناسياك بس كان عندى مطالب مع الاداره وكنتا منتظرااااا الرد عليها

والان رجعتااااااا
ليكم

[ودالدرديري]

شهد
انا زاتي باااااااك

احسن زاتو الواحد شوية يتفك من عيييك وعاااك وعووووووك
الماحنخلص منها دي

معليش شباب طلعنا برا الشبكة وكدا


اهاااا نشوت على وين؟؟؟

[ودالدرديري]

يالاغبش اخوي ريد الحسان صالينا
ساسقنا الدروب لامن عِـرينا حِـفينا
الزول الجبينو يضوي كنو رتينا
فـتًـح للجروح كل يوم تتاور فينا

[مهند عبد الرحمن]

تركت الشاي لي مدة ورجعتلو تاني
علشان نور خدوده وجسمها الكتاني
من ما دخلت عارفو سهامة ما بختاني
نشف ريقي من توب اللحم حتاني

[شـهد الكلامـ]

لى دارااا قبيل فتناه جينــــا رجعنــــا
شدينا الخيــــــــام والقعده ليها بركنا
مدينا الحصير الويــــــكه ليها فركنا
بالكسره ام رقيقه ضقتناها مااتشبعنا

الحصه غداء ههههه اتفضلوووا

[ودالدرديري]

لى نمَـاً قبيل فـتـناهو جينا رجعنا
و زي شهد الكلام في الدايمة اتربعنا
يامهند اخوي جيب الكلام سمِعنا
و" الزارعنا غير الله الليجي يقلعنا "

[مهند عبد الرحمن]

من قومة الجهل لي وصف الحسان متدرب
ود الدرديري اخوي اسمعني وتعال قرب
يمكن تكون في الحلبة انت زولا مجرب
سمعنا قولك في السمحة ام خدودا تكهرب