لماذا أصبحت الراكوبة كهذا ؟

[ندى البيلسان]

[align=center]يا شباب سؤال نعلم أن الراكوبة إستراحة جميلة .. يتسامر فيها الأصدقاء


ولكن لا أدري بحس أنو راكوبتنا ما ذي أول .. بمعنى من أول كانت أجمل من كدا


والمواضيع فيها أصبحت مكررة ليه .. وهناك أعضاء أختفوا منها لماذا ؟

[/align][/color]

[ام صبا]

تسلمى ياندى والله سبقتينى انا كنت حابه
اكتب عن الموضوع ده الراكوبه ما ذى
اول حصل فيها فتور اغلب الاعضاء اختفوا
حتى المواضيع مامشجعه ياجماعة ياريت
نرجع ذى اول واحلى والغائبين يرجعوا
لانه بالجد فاقدنهم شديد

[سيبو9]

حقيقه المهم جدا مسألة المواضيع المكرررررره

وانا شايف حسب نظرتي مصدرها دايما الناس الجداد في المنتدي .. نادرا ما تأتي من شخص له عشره في الراكوبه

لكن انا ما بوجه الكلام دا ليهم .. لأنم ناس حلوييين جداد ,, والراكوبه جديده عليم ,, وما عارفين جوه في شنو !!



مشكوره شديد أختي ندي

[~Amal~]

امكن الناس عندهم ظرف مامعروفة الاحوال
طبعا انتو عارفين الان وقت امتحانات وشغل
بس انشالله يرجعو وتكون احسن من اول

[ندى البيلسان]

تسلمو إخوتي على المرور الطيب

لكن بالجد الموضوع عايز نقاش مستفيض

هل أصبحت الرااكوبة مملة وما فيها جديد

ولا الحاصل شنو

أسئلة كثيرة تطرح نفسها

والكل له حق إبداء الرأي بمنتهى الصراحة

[همسة حنين]

الراكوبة بقت كدا عشان انا مافيشة بس ماتخافي اول ماأرجع هترجع

[الطيفه]

ندى البيلسان ازيك يارائعه والله انا اول ماجيت الراكوبه قبل اسبوعين بس كانت كويسه ومافيها الملل البتقولى عليه دا فعلا حسي بقيت ازهج منها وبفتش للمواضيع الحلوه بالفتاشه ولدرجه انى بقيت مابعمل فيها اى مشاركات ليهلانه المواضيع كتييييره ومكرره على قولك والزول يحتار يرد علة اى واحد منها بعدين شايفه بعض الاخوه بيجيبوا مواضيع مفروض تتناقش فى العام وبيجبوا مواضيع مفروض تتخته فى الالعاب غايتو بقى فيها لخبطه شديده لكن لاحظى اى بوست من زمان محافظ على قيمته لحدى حسي ,والناس لو مشي صفحه عشرين تانى بجيبوه ,الله يعين ويدعلى يد نرجع الراكوبه زى قبل اسبوعين
وذلك بتجاهل المواضيع الممله حتى يستاْ اهلها منها ويبدوا فى البحث عن كتابات تليق بالراكوبه

تقبلى مرورى
تحياتى

[walead gamal]

تحية للجميع
رغم إني ما كتبت في الراكوبة ابدا إلا إني مستحيل ماامر والغريبة من ما أدخل والابتسامة
والضحك لا يفارقان
دا كان زمن مساجلات ناس ليهم شنة ورنة في الراكوبة التي بدات تفقد الذ ما كان يميزها خفة الروح
والقفشات والشمارات العجيبة
يااريت ترجع تلك الاقلام لتنشر الابتسامات وخفة الدم واظن انو الصفات دي كانت متوفرة شدبد في اغلب الناس الكان بكتبو فيها
التحية لكل الاعضاء

[ميمي العسل]

فعلا كانت الركوبه اجمل والناس اختفوا فجاء
تسلمي

[اميرة بكلمتي رقيقة بهمستي]

تسلمي ياندي البيلسان

بس الناس ظروف

كتير من الاعضاء مشغولين وفي منهم المسافرين

وان شاء الله الراكوبه هترجع زي اول واحلي كمان