كل يوم قبل ما انوم بظبط المنبه على الساعة 5 صباحا
وبما اني بصحا كل يوم في نفس الوقت ( عدا نهاية الاسبوع) الا اني ابدا ما اتعودت عليها وبصحا دايما نعسان جدا والغريب انو في نهاية الاسبوع دائما بصحا الساعة 8 شوووكة بدون منبه
الاغرب من كدا انو احيانا لما انسا اظبط المنبه الساعة 5 و5 دقائق بصحا مخلوع ما عارف ليه وكاني بكون حاسي انو المنبه المفروض يرن وما رن !
طيب ليه في نهاية الاسبوع لما ما اكون ظابط المنبه ما اصحا في الوقت البصحا فيه مخلوع لما المنبه ما يرن
وليه بصحا الساعة 8 شووووكة !!!
اذا قلنا دا بفعل الساعة البيولوجية زي ما بقولو
هل دا يعني انو الواحد عندو ساعتين واحده بصحا بيها عادي في الايام العادية
وواحده بتعمل لمن تحسن انو المنبه ما شغال !!!
كون اني اصحا الساعة 8 شووووكة ما محيرني
المحيرني اني اصحا في الوقت الظابط بيهو المنبه وما يشتغل المنبه
اخي الرائع ومشرفنا العظيم السني لك كل التحايا العطره وسلمت يداك على هذا البوست الاكثر من رائع
اليوم اخي اخر يوم لي فى المنتدي اللي ان ارجع من السفر لكن ما عارفه ليه انا حزينة كل ما ادخل اليوم بوست واحب اشارك به ما اعرف ارد ولا اكتب نهائي كاني مشلولة ما عارفه ليه لقيت نفسي اكتب هنا فى تاملات نفس محتارة يمكن لاني عاجزة عن فهم 0000000000000000
بس الان ايقنت بي المثل البيقال ما تفهم الانسان الامامك الا لو تعرفتا عليه وجه لي وجه
اليوم بجد ما عارفه مع اني كنت فرحنا جدا بي السفر اللي اني حزينة
معلش اخي انا ما جيدة فى الكتابة مثلك ومثل باقي الاعضاء وكده لكن عندي احساس غريب بي الصدمة
ما عارفه من شنو
هووووووووي يا اخي ما تقول دي مجنونة بس والله ده احساسي
لكن لي الاسف كثير من الناس ما بيعرفوا الصدق ولا الصراحة والظلم دون العلم ودون معرفتك بي الشخص الثاني يجعلك محتار لانك ما تعلم عنه شي
الذي عرفتة وايقنته ان الصراحة والصدق وطيبة القلب بقي شي نادر فى هذا الزمن العجيب
طبعا اخي العزيز انا عارفه انك ما فاهم مني شي لكن حبيت اكتب هنا واكتب هذه التاملات ودي اخر كتابة لي باذن الله تعالي
استودعك واستودعكم جميعا الله - على امل اللقاء
فى اسعد الاوقات
خالص تحياتي لك مشرفنا الغالي السني
سلامات سلامات
ليك وحشة .... غياب الاستاذ صلاح باين زاحمنا فيك ,,, الله يعينك
لا عليك الله مخولنا ... نحن اشتكيتا ليك ياخي انت شطحاتك فريدة (عيني باردة) بتخلينا نتأمل معاك ... طبعا الشطحات دي زول دارس علم نفس عيييك .... مثلا اللون الاحمر ده لو طفل شاف حادث ودم تاني الاحمر يرتبط عندو بالرعب لي يوم الدين ... وده واحد من المسائل الممكن تغير في المسلمات ... اما سؤالك هل كلنا نراها بنفس المقاييس جايز ... لكن انا عندي زول الزهري والطوبي والعنابي والوردي كلو عندو احمر !!!!!! الكحلي التركوازي لون زينب الظهري كلو عندو ازرق ..... كل الرجال كده والا هو براه ؟؟
مستر بوقلز ماشاء الله ساعتك البيولوجية تستاهل نظبط عليها ساعاتنا .... واجابة لسؤالك يكونش عقلك الباطن عارفك بتمتحنو وداير يثبت ليك مدى استعداديتو الممتازة ... يحفظك مولاك
سحور يا أميرة تمشي وتجينا بالسلامة ... ليك فترة مختفية انا افتكرتك سافرت ... دليني عليه ايا كان وفكيني فيه الوجع قلبك ولبسك النضارة السوداء ... عزيزتي الدنيا ياما فيها ولساتك صغيرة .... معليش للقراءة بين السطور حالتك دايرة قعدة ف افتح قلبك ... بس مادايراك تفوتينا حزينة ... اتحسبني وارمي حمولك علي الكريم وهو تب ليك ما بيضيم .... دمتي ف حفظه
السني ياباشا أعفي لي التدخل انا لم اتفتح مابعرف افرمل ... اها انت كمِل ... يا شاب يا كُمَل ...
اخي الرائع ومشرفنا العظيم السني لك كل التحايا العطره وسلمت يداك على هذا البوست الاكثر من رائع
اليوم اخي اخر يوم لي فى المنتدي اللي ان ارجع من السفر لكن ما عارفه ليه انا حزينة كل ما ادخل اليوم بوست واحب اشارك به ما اعرف ارد ولا اكتب نهائي كاني مشلولة ما عارفه ليه لقيت نفسي اكتب هنا فى تاملات نفس محتارة يمكن لاني عاجزة عن فهم 0000000000000000
بس الان ايقنت بي المثل البيقال ما تفهم الانسان الامامك الا لو تعرفتا عليه وجه لي وجه
اليوم بجد ما عارفه مع اني كنت فرحنا جدا بي السفر اللي اني حزينة
معلش اخي انا ما جيدة فى الكتابة مثلك ومثل باقي الاعضاء وكده لكن عندي احساس غريب بي الصدمة
ما عارفه من شنو
هووووووووي يا اخي ما تقول دي مجنونة بس والله ده احساسي
لكن لي الاسف كثير من الناس ما بيعرفوا الصدق ولا الصراحة والظلم دون العلم ودون معرفتك بي الشخص الثاني يجعلك محتار لانك ما تعلم عنه شي
الذي عرفتة وايقنته ان الصراحة والصدق وطيبة القلب بقي شي نادر فى هذا الزمن العجيب
طبعا اخي العزيز انا عارفه انك ما فاهم مني شي لكن حبيت اكتب هنا واكتب هذه التاملات ودي اخر كتابة لي باذن الله تعالي
استودعك واستودعكم جميعا الله - على امل اللقاء
فى اسعد الاوقات
خالص تحياتي لك مشرفنا الغالي السني
سُئل حكيم عجوز وهو على فراش الموت،،، ما هو أكثر شيء ندمت إنك ما إستفدت فيه في حياتك،، فقال،،، ساعات وأحداث لم أتعلم منها.
ففي الأحداث تجارب،، وفي التجارب عبر وخبرة نتعلم منها،، فحولي حزنك لتأمل عشان تعرفي الصالح من الطالح،، وما يأثر عليك سلبياً. ما تخلي التفكير السلبي يطغى عليك، وتقومي بالغلط تظلمي إنسان كان مفروض يلقى منك التقدير. إتعلمي زي ما بتضيفي شخصيات لحياتك،، أن تمسحي شخصيات أخرى تستحق المسح وبلا ذاكرة،، إتعلمي ان تتذكرى الأحداث، ولا تنسي العبر الطلعتي بيها منها،، ولكن إتعلمي كيف تمسحي الجانب المؤلم. خليك زي بتاع عصير قصب السكر،، أدخلي الأحداث في ماكينتك،، وأعصريها،، طلعي الخلاصة في الكباية،، وطلعي تفل القصب من الجهة التانية،، شيلي الكباية وأشربي ما فيها،، وشيلي التفل وأرميه في الزبالة.
معرفة الشيء عزيزتي سحر على حقيقته بكل ما فيه من سلبيات وإيجابيات، أفضل من رسم صورة في الخيال،، سواء أكانت وردية أو قاتمة
[quote="shams alhidaya"]لكن انا عندي زول الزهري والطوبي والعنابي والوردي كلو عندو احمر !!!!!! الكحلي التركوازي لون زينب الظهري كلو عندو ازرق ..... كل الرجال كده والا هو براه ؟؟ [/quote]
شمس،، وين إنت مختفية؟ ويظهر موضوع الألوان ده طلعك،،، وزولي المسكين ده باين عليك مطلعة عينو (بالتطقيم) ههه
أول مرة أشوف لي واحدة ما بتعرف زوجها لما يعمل فيها (أضان الحامل طرشه)،، وعليك الله خليه يقرا الكلام ده،، بس قربي منه الكرسي، عشان ما يقع علي ضهره
[quote="shams alhidaya"]
السني ياباشا أعفي لي التدخل انا لم اتفتح مابعرف افرمل ... اها انت كمِل ... يا شاب يا كُمَل ... [/quote]
يا سلام يا شمس،، هو انا لاقيك وين ،،، ياخي أدخلي،، أضربي الباب بالشلوت،، وإتوهطي فييييي نص الحوش،،، خصوصاً بعد كلمتك القبل الأخيرة دي
كل يوم قبل ما انوم بظبط المنبه على الساعة 5 صباحا
وبما اني بصحا كل يوم في نفس الوقت ( عدا نهاية الاسبوع) الا اني ابدا ما اتعودت عليها وبصحا دايما نعسان جدا والغريب انو في نهاية الاسبوع دائما بصحا الساعة 8 شوووكة بدون منبه
الاغرب من كدا انو احيانا لما انسا اظبط المنبه الساعة 5 و5 دقائق بصحا مخلوع ما عارف ليه وكاني بكون حاسي انو المنبه المفروض يرن وما رن !
طيب ليه في نهاية الاسبوع لما ما اكون ظابط المنبه ما اصحا في الوقت البصحا فيه مخلوع لما المنبه ما يرن
وليه بصحا الساعة 8 شووووكة !!!
اذا قلنا دا بفعل الساعة البيولوجيو زي ما بقولو
هل دا يعني انو الواحد عندو ساعتين واحده بصحا بيها عادي في الايام العادية
وواحده بتعمل لمن تحسن انو المنبه ما شغال !!!
كون اني اصحا الساعة 8 شووووكة ما محيرني
المحيرني اني اصحا في الوقت الظابط بيهو المنبه وما يشتغل المنبه
فهل اجد اجوبة على هذا يا ترى ؟؟!!!
العزيز بوغيز،،، كدي حاول جاوب لي على الأسئلة دي
1. لما تنوم،، عقلك الباطن بنوم؟؟؟ والأحلام دي شنو؟
2. لما تكون في إجازة في نص الإسبوع،، بتصحى الساعة كم؟
3. لما يجي الليل،، بتكون متابع الساعة عشان ما تتأخر؟ يعني بمعنى تاني، بيكون عقلك مشغول بي إنك ما تتأخر في النوم؟
4. بتنوم في مواعيد ثابتة
sunni كتب:العزيز بوغيز،،، كدي حاول جاوب لي على الأسئلة دي
1. لما تنوم،، عقلك الباطن بنوم؟؟؟ والأحلام دي شنو؟
عقلي الباطن بنوم !!! والله كدي خليني امشي اقرا عن العقل الباطن دا واجيك واحلام شنو ؟؟ صراحة السؤال الاول دا ما استوعبتو !!
sunni كتب:ال
2. لما تكون في إجازة في نص الإسبوع،، بتصحى الساعة كم؟
برضو بصحا الساعة 8
sunni كتب:ال
3. لما يجي الليل،، بتكون متابع الساعة عشان ما تتأخر؟ يعني بمعنى تاني، بيكون عقلك مشغول بي إنك
ما تتأخر في النوم؟
طيب سؤالك دا لاايام العادية ولا نهاية الاسبوع ؟؟؟
لا غالبا ما بكون مشغول بالوقت لكن احيانا احيانا بكون مشغول
واحيانا قبل ما انوم بحس اني لازم اصحا بدري شوية يعني بدل 5 اصحا 4 عشان يكون عندي وقت اطول اجهز فيه قبل المدرسة .
اضافة اخرى ممكن تفيدك لو عايز تساعدني في التفكير انا عشان اصحا الساعة 5 مثلا بظبط المنبه الساعة 4 اي عشان كسول ما بصحا مرة واحد وبقعد اقدم المنبه 5 دقايق كل مرة لي ما تصل الساعة 5!!!
sunni كتب:ال
4. بتنوم في مواعيد ثابتة
لا عادي باخد راحتي وما بنوم في وقت محدد لكن غالبا الساعةمن الساعة 8 ونص الى 10 ونص كحد اقصى .
حتى اليوم هنالك صفحات في هذا المنتدى الثر لم اطرقها وكلما واتتني الفرصة تجدني اكتشف احد الابداعات ...
سيدي في احدى تجولاتي لفتت نظري مشاركتك أحد المواضيع ... كان السؤال كيف تجد الحب الحقيقي ؟؟
وتساءلت انت هل الحب وسيلة ام هدف ؟؟
ووجدتني ابحر في كلماتك .. حقاً كيف نعِرف الحب ؟؟ ومالحياة بدون حب وتراحم ؟ وهل منه كفاية ؟
هو حقا أكسير الروح كالماء للجسد .. وهومبتغى كل حي وهو وسيلة لكي تسير الحياة كما ينبغي .. ولكن هل نستطيع القول انه غاية .. ولو قلنا ذلك فماذا بعد ان نجده ونعيشه ونعتاده ... هل ينتهي هناك .. وهل وهل وهل ...
اختلفت نظرتي تماما بعد الكم الهائل من التساؤلات التي نتجت من سؤال بسيط منك ..
انت تنظر وتتأمل لما في خلقنا المادي من المسلمات .. وتفتح مداركنا لما وراء ذالك .. فلك الله ياسيدي ..
اعذر مداخلتي فلست من مقامكم ولكن حركتني هذه النقطة ,, وكتبت عنها كما أُحسن بالانجليزية ثم ارتأيت ان قراءك أكثرية ,,, وقلت اضايقك :D
بارك الله لك في جمعتك وتقبل طاعتك .. وزادك في همتك وعافاك دنياك وآخرتك
واقعدو عافية
حتى اليوم هنالك صفحات في هذا المنتدى الثر لم اطرقها وكلما واتتني الفرصة تجدني اكتشف احد الابداعات ...
سيدي في احدى تجولاتي لفتت نظري مشاركتك أحد المواضيع ... كان السؤال كيف تجد الحب الحقيقي ؟؟
وتساءلت انت هل الحب وسيلة ام هدف ؟؟
ووجدتني ابحر في كلماتك .. حقاً كيف نعِرف الحب ؟؟ ومالحياة بدون حب وتراحم ؟ وهل منه كفاية ؟
هو حقا أكسير الروح كالماء للجسد .. وهومبتغى كل حي وهو وسيلة لكي تسير الحياة كما ينبغي .. ولكن هل نستطيع القول انه غاية .. ولو قلنا ذلك فماذا بعد ان نجده ونعيشه ونعتاده ... هل ينتهي هناك .. وهل وهل وهل ...
اختلفت نظرتي تماما بعد الكم الهائل من التساؤلات التي نتجت من سؤال بسيط منك ..
انت تنظر وتتأمل لما في خلقنا المادي من المسلمات .. وتفتح مداركنا لما وراء ذالك .. فلك الله ياسيدي ..
اعذر مداخلتي فلست من مقامكم ولكن حركتني هذه النقطة ,, وكتبت عنها كما أُحسن بالانجليزية ثم ارتأيت ان قراءك أكثرية ,,, وقلت اضايقك :D
بارك الله لك في جمعتك وتقبل طاعتك .. وزادك في همتك وعافاك دنياك وآخرتك
واقعدو عافية
العزيزة شمس،،
مبدع النجار،، يستطيع أن يخرج من الشجرة اليابسة قبيحة المنظر،، تحفة يتأملها كل ذو عين عميقة،، وهو حالك
تعرفي يا شمس،،، انا الأيام دي في الهند (لأول مرة أزورها) وفي زيارة عمل رسمية ح تنتهي بكرة بإذن الله، شفتي اعند يا شمس؟؟؟ كدي أركبي الطيارة وتعالي،،، ح تتأملي غصباً عنك، وتتأملي لما يغلبك التأمل،، البلد دي عالم قائم بذاته، وتختلف عن أي بلد تانية شفتها في حياتي. غير محدودية الوقت بسبب حجم العمل والإرتباطات بالدعاوي الرسمية بالمساء، والتجهيز لليوم البعده،، لكن هناك مانع تاني كبير من الكتابة،، وهو عدم إمكانيتك من التركيز. حاسي بي نفسي زي الشافع الرموه وقفلوه في سوبر ماركت كبيييييير وخلوه براه جوة. فتح تلاجات المحل وإكتشف شيء غريب،،، المحل ده ما فيه إلا تلاجات وبس،، وبيبيع نوع واحد بس من البضائع،، وهي الآيس كريم،،، طيب،، آكلك منين يا بطة؟؟؟ أبدأ من وين؟؟ ولما آكل واحد وأمشي للتاني،، هل ح أتذكر طعم الأكلته كلو؟؟؟ في واحد قبل شوية عجبني، لكن نسيت إسمه وطعمه،،، رجعت فتحت التلاجة الشلته منها (كتر خيري إتذكرت التلاجة وسط هذا الكم الهائل من التلاجات)،،لكن لقيت شي عجيب،، ما في التلاجة دي براها،،، أكتشفت إنه مافي تلاجة محتوياتها تتكرر في أي تلاجة تانية،،، ومافي تلاجة فيها نفس النوع من الأيسكريم تتوفر فيه أكثر من قطعة واحدة !!! موضوع يتوه،، ويصعب فيه القرار والإختيار
يا شمس،، أديني يومين أنجم،، وبجيك راجع
حمدالله ع السلامة ... وفي انتظار التقرير وصور التاج محل وبوذا وعبدة البقر والنار وكل الأعاجيب التي لم نسمع عنها في بلد الأساطير ... طلعت لينا كخيار مرة ونفسي كان امشي ليها بس سعادتو رفض قال "من عالم تالت لي عالم تالت ..." المهم يُهيأ لي انو العلم التالت هناك عندو نكهة غير .. صح ؟؟
بصراحة كدة شكلي ح اضايقك في الركين ده لو ما واظبت ... اي نعم مشغول بس اجدع لينا عضمة نكدها وغيب وتعال
و خليتك بعافية
حمدالله ع السلامة ... وفي انتظار التقرير وصور التاج محل وبوذا وعبدة البقر والنار وكل الأعاجيب التي لم نسمع عنها في بلد الأساطير ... طلعت لينا كخيار مرة ونفسي كان امشي ليها بس سعادتو رفض قال "من عالم تالت لي عالم تالت ..." المهم يُهيأ لي انو العلم التالت هناك عندو نكهة غير .. صح ؟؟
بصراحة كدة شكلي ح اضايقك في الركين ده لو ما واظبت ... اي نعم مشغول بس اجدع لينا عضمة نكدها وغيب وتعال
و خليتك بعافية
(الهند) يا (حبوبة) مافي زول يقدر يقول شافها، انا شخصياً مشيت الهند، ولكن ما شفتها،، في المطار لقيت واحد شايل إسمي وواقف، ومنها أخدني بالعربية على الفندق،، كلها خمس دقايق وكنت في العربية (الدريكسونا يمين) وبدأ يلف في العجلات زي الدبيب في طرقات ليها أول ما ليها آخر. كانت زيارتي لي مدينة Chennai وهي أحد أكبر 3 مدن مشهورة في مجال الكمبيوتر. اللفت نظري الخضرة الطبيعية والمزروعة بكل أنواعها في البيوت،، وكل ما أسأل السائق "دي مزرعة" يقول لي،، "لأ،، هنا مافي مزارع،،، ده بيت". وبعد خمس دقائق اشوف لي غابة تانية وأقول لي نفسي (أكيد صاحبنا ده غلطان) وأسأله نفس السؤال،، ويرد بكل صبر،،، نفس الإجابة.... خلاني أحس بنوع من الغباء،،، والغريبة انه المدينة دي على البحر، وكل الأشجار الضخمة دي مزروعة في البيوت،، وبتشرب من الأمطار فقط،، قلت في نفسي،، سبحان الله،، حليلك يا نيلنا وإمكانياته الغير مستغلة.
الهند يا شمس لو عاوزة تزوريها،، أفردي ليها مساحة كبيرة،،، لأنه تنوع الحياة فيها، والتنوع الثقافي والعرقي أكبر من العندنا في السودان حتى،،، ذكرتني الشوارع ببيوت النمل من الحركة الفيها،، مافي زول بيتلفت للتاني،،، بس للأسف، فضلت في حركة دائمة ما بين الفندق والشركة، لغاية آخر يوم، وكنت آخر الداخلين للطائرة بسبب حجم العمل،،، وما أقدر أقول إني شفت الهند غير غرفة واحدة في الفندق، ومبنى شركة واحدة،، وعدد محدود من المطاعم العزموني فيها،، والشارع المؤدي من الفندق للمطار. أما غير كدة،، فالباقي من فوق السحاب.
بس مع بساطة ما شفت،، كان زي صحن السلطة الصغير، والفيه ما تشتهي من المتبلات عشان يخليك تاكلي خروف بحاله براك،، وفي نفسي إصرار لإعادة الكرة بشكل أوسع.
تعرفي يا سمارة السودان عدم المقدرة على الكتابة،، معناها إنه في داخلك كلام عاوز يطلع،، بس المخرج أصغر منه. حصل سمعتي بي ناس ماتوا في البوابات في إستادات كرة القدم؟؟ هل بتحصل دي إلا في حالتين تلاتة بس
إما الفريقين عندهم من المخزون الفني ما يتدافع بسببة المتفرجين عشان يشوفوه
أو هناك ردة فعل من مشجعين محبطين من فريقهم لأنه لعب بشكل مقرف
أو هرباً من مشكلة حصلت في المدرجات، والناس عاوزة تنفد بي جلدها
الحلات التلاتة الفوق دي بتخفي وراها شيء واحد،،، وهو الرأي،،، يعني الفكر،، سواء كان الفكر ده معمر أو مدمر،، فهو فكر وتفاعل،،، لكن الماعندهم رأي في الموضوع أو ما بيتفاعلوا مع اي من الأحداث الفوق دي،، فبتلقيهم ما بيتفاعلوا مع الحدث، وبيقعدوا مكانهم، بدون ما يتعرضو للزحمة
سمارة،، حصل طرشقتي بلونة وانت صغيرة؟ دبوس صغييير،، يلمس سطح البلونة،، وطرااااخ تنفجر،، قبلها البلونة بتكون قاعدة ومتوترة بحجم وكمية الهواء المضغوط جواها،،،
كدي هاك الدبوس ده
قرأت في يوم من الأيام مقولة لأحد العلماء المهتمين بسلوك الإنسان والحيوان، أنه يتمنى بقيام تجربة لا تمنعه منها إلا أخلاقه وقانون المجتمع. فهو مقتنع بأنه لو إستطاع من عزل مجموعة من الأطفال دون راعي وقبل فترة تكوين المعارف الأساسية في أدمغتهم، ومن ضمنها العادات والتقاليد واللغات للجمتمعات التي آتوا منها (بإعتبار أن الأطفال يمكن أن يكونوا من مناطق مختلفة من العالم)، لأتوا للعالم بحضارة ولغة جديدة يبدؤا في تطويرها سوياً. وهي أقرب إلى نظرية الهيبيز في ستينات القرن الماضي وقرارهم بأن يعيدوا كرة التحضر لأنه (كما يرون) وصل إلى مداه الأعلى ووصل لأشياء مرفوضة لديهم، ولذا سموا بجيل الرفض.
فحقيقة المتأمل في شأن اللغات يصل إلى تباينات كبيرة بين طريقة تركيب الكلمات ونطق الحروف ومخارجها وطرق التعبير، وقد تكون هذه نتيجة فكرة من شخص واحد تم تطويرها شيئاً فشيئا. ومن أطرف ما سمعت في فترة من الفترات عندما كنت أتناقش مع بعض الزملاء والأصدقاء بعد تعليق لي بأن (الملاحظ إنه اللغة الفرنسية فيها كم هائل من الحروف "المضمومة" كمان في اللغات الشرق آسيوية قلما تنضم الشفتين، ويظهر ذلك جلياً في مسميات المنتجات اليابانية والتي لا تعبر عن شيء بالنسبة لنا سوى أنها كلمات جاءت من لغة غريبة علينا وما لنا إلا أن ننطقها كما هي، فمثلا في مجال السيارات هناك "تويوتا، نسيان، هوندا، هايونداي، دايوو، دايهاتسو، إيسوزو، داتسون" وفي الإلكترونيات هناك "سوني، وسانيو، وأكاي، و و و " والعديد من المسميات التي تتكرر فيها الحروف (الهاء، الواو والسين والنون والياء) وهي كلها حروف لا تنطبق فيها الشفاة، بينما في الجانب الآخر هناك قلة من المسميات مثل المازدا) عندها إنبرى أحد الحاضرين وقالها بسخرية (السبب ممكن يكون بسبب تلاليش جدودهم). زمهما كان السبب أو الأسباب، فهناك علاقات بين الحروف والنطق في كل لغة تتفرد بها، وتجعل العديد منا يعرف عند سماعه لغة ما بأنها (اللغة الفلانية) حتى إن كان لا يفقه في هذه اللغة شيء، ولكن (ما نسميه بروح اللغة) يتبينه العقل البشري بسبب إشتراك كم من الحروف فيها بعوامل وطرق نطق معينة.
يمتد الموضوع ليؤثر على أهل لغة معينة عندما يتعلمون لغة غير لغتهم الأم،، فتجدهم ينطقون حروف اللغة الغريبة عنهم بطريقة مخارج حروف لغتهم الأم. وحتى نلاحظ أخواننا في المغرب العربي ينطقون العربية بطريقة ما هي إلا نتاج تأثير مخارج الحروف في اللغة الفرنسية على لغتهم الأم. ولكن السؤال هنا،،، كيف تكونت هذه اللغات؟ وكيف تآلفت الحروف ومخارجها؟ ولم يقال في قواعد اللغة العربية أن (إلتقاء الساكنين لا يمكن أن يكون) بينما في بعض اللغات (الألمانية مثلاً) كثير ما يلتقي الساكنين، بل وتبدأ الكلمة في بعض الأحيان بحرفين ساكنين (نطقاً) ومتتابعين،،، من وين جات القوانين البتحكم اللغات دي؟ فمن المؤكد انه تم إستنباطها من متابعة اللغة نفسها، إذا كيف تكونت بهذا النسق؟ أسئلة كثيرة.
بس انا هنا عاوز أعترف انه انا كتبت الموضوع ده، وساقني تفكيري لكتابته بهذا الشكل، بينما كانت الفكرة ان أقدم موضوع اللغة كمقدمة لما أريد طرحه،،، لذا ،،، فسنتابع ولنعتبر هذه حلقة أولى
تحول لذيذ لموضوع ألذ .. ولو انو اسلوبك في الصياغة خلى الفيزياء تكون بنكهة الفانيليا :D
عارف قريت الموضوع اول مانزل وسارعت اصابع تخط في الرد .. بث للأسف لقيت اني بعرف أكتر عن اللغات ذات الأصول اللاتينية من لغتنا الأم قمت انكسفت ...
وبعدين لم قريتو تاني طمنت نفسي بانو دي مقدمة يمكن السني ناوي يعكس الطريق كدي اصبري
أذكر أني قرأت كتابا أيام الاجتهاد من احد المستشرقين بأن العربية هي أصل اللغات ... وطبعا دمشق أرض الحضارة وكثير منهم يؤكد ويؤيد مع وجود المفندين بالطبع
الألمانية لغة جافة جدا وتفتقر الحس الرومانسي شان كده الساكنين بيلتقوا {ده راي العبدلله} :D
لكن كدي امشي ع الفرنسية والاسبانية واو {تذوبك تحنانا} وخلي الباقي لمن نشوف آخرك
ال لي حبو هدانا واللسان اهدانا يرحمنا يهدانا ولينا يخليك يامولانا ِ
ما تقول دي مجنونة 
بس والله ده احساسي 
وخلي الباقي لمن نشوف آخرك 