حبوبات

[الاشيتر]

ياولد ماتجري تعال تجيك المن الله:D

ومرات بقول ليك

تعال هنا تجيك ام كُلعُلُع ( انا لي اليوم ده ما عارف ام كلعلع دي شنو ))



اها وكان دايره تديك شىء من المحفضة بتاعته بتقول ليك شنو .

[شمعة امل]

[Center]

الرويحه دى مرات مابتحرق الزول خصوصا لمايكون القدامك بليد

الله يديهم العافيه حبوباتنا كلامهِن حلو وليهو طعم

موضوع حلو بحلاوة حبوباتنا تسلم عمك

وكتر من مواضيعك الحلوه دى
[/align]

[ام صبا]

والله ياعمك مافى احلى منك وجد الحبوبات
احلى منهم مافى بس الزمن ده الحبوبات
بقن مودرن

[عمك]

اها وكان دايره تديك شىء من المحفضة بتاعته بتقول ليك شنو .

ياولد ماتشيلا يشيلوك في عنقريب:D

[بسمة الحياة]

موضوع جميل شديد
اما انا حبوبتي عسل الله يديها و يديكم العافية
صح الحبوبات بقعِدو الاطفال وبحكو ليهم حكاوي قديمة
لكن حبوبتي غير بتحكي لينا قصة حبها وعن حبيبا (يعني جدي) قبل العرس
واقول ليكم حاجة حبوبتي لو القيامة قامت ما بتفوت حلقة من حلقات مهند ونور {تذكرو ايام مهند ونور}
وفي قصص تانية عن حبوبتي بحكيها مرة تانية
مع تحياتي

[صياد النجوم]

دايما الام او الحبوبه لمن تجي تسرح
واحده في البنات الشفع بكون في معركه داميه بينهم
الاتنين ما بحبو الشغلانة دي
يابت تعالي نسرحك
تسرحي بالخلا
ابييييت ماجاية
البو اليقدك
الام تمشي تجر البت تجيبا
وتقول ليها يجروك للضبح
وتقول ليها ماتلاويني
اقعدي هني قدامي
يقعد نصك
الشعر دا البارح ما غسلتو ليك
الله يغسل طعمك ولغمك
شعرك دا اصلو ماراضي يرقد
ترقدي جنازة
كلما امسحو وارقدو تنكشيهو
الله ينكش عضامك
اها المشط غطس وين
يغطس حجرك
ومعاها لبعة بالفرشة فوق ضهرا
تراهو محشور تحتي
يحشروك في جهنم
ما تلولوي وتتلفتي
اقعدي عديل
تقعد فوقك حيطة
امسكي شعرتك دي
يمسكك الحليق
قومي طيري
اتفكيت من راسك الشين دا
الله يفكفك ضلعك
تعالي صليتي
لا
يصلو عليك ان شاء الله

وفجاءه تقبل كده

ياولد انت بتسوط في شنو
الله يسوط عيونك
عاد ارجاني

تسلم ياعمك علي الموضوع الظريف

برضو عندهن مصطلحات ظريفه خاصة لو زعلن منك :D :D

اقعد في الواطة يقعد حسك

ياشوم ياروم طير من خلقتي دي يافقر

ياجنا ماتكورك يكوركو عليك


اجنا الجن الجينك

اجنا الجن العلق قربو في اضنيك

ولنا عوده:D

[السيسبانة]

لو امك زهجانة من اهل ابوك وتجي حلاة الله ما اداك تتقدل وتقول ليها كنت عن ناس عمي وقبال تتم عمي دي بتقول ليك عمك؟عمي كباسة ان شاءالله:D :D
ولو قلت ماشي وجاي بقولو ليك تجيك الطاوية حبالا

(نبرا انشاءالله)

[الاشيتر]

ياولد ماتشيلا يشيلوك في عنقريب:D

دي دقسته فيها ياعمك ما داير اقول ليك فاره


لكن بتقول ليك

تعال يا جني حشاي تعال يا الحلو تعال هاك الريال ده امشي اشتري ليك بيهو حلاوه من الدكان

المبرووووووووك .



اها

وحبوبتك كان دايره تحممك والدنيا برد وقمته جاري بتعمل شنو هي وبتناديك كيف .

[حبوبة]

اها

وحبوبتك كان دايره تحممك والدنيا برد وقمته جاري بتعمل شنو هي وبتناديك كيف .

ات يا الاشيتر خبارك هو انا شوفتي للطشت تاني في زول بشوفني :D

يا عمك نحن ماراجينك ياخ ... انا تاتيت جيتك من الحوار العام ياولدي .. يالله جر بنبرك لاجاي ..
في رجاك انا