بحس نفسي غريبة

[ودالشيخ]

مشكوره اختنا انا بفتكر احساس الانسان بانو قريب فى بلدو الوطن الام او فى بلاد المهجر
هذا الشعور بجى نتيجه لللي حولك عدم الالفه والاستجابه وقبول الاخرين
او نفور من عندك عدم الحساس بالامان وده بتخيلي شى في نفس يعقوب

[ودعازة]

عوافى بسمة الحياة..
الاحساس بالغربة مرتبط بالشخوص اكتر منو بالمكان..مثلا ممكن اكون جوا السودان وبمدينتى واحس بالغربة
لما يكون حولى ناس كيف كيف..لا قادر تفهمهم ولا يفهموك..وبنفس المكان يكون فى ناس حوليك مابتحس معاهم
بالغربة لو جوا السودان ولا براو..
وساعات الشخص لتغير كثير من دواخلو بيحس بالغربة مش لانو الناس اتغيرت عشان هو الاتغير وقد لا يفهم
تغيرو هو فيسقطو على الاخرين..
الغربة ليس لها وطن ولكنها توجد اينما وجد احساس اللا انتماء لمن حولى..
وتسلمى على الطرح،،،

[بسمة الحياة]

ماشاء الله عليك يا ود عازة
ده هو بالظبط الكنت بقصدو

[ابوالدهب]

يمكننا ان نعيش في اي مكان من الدنيا ونحن غرباء ولكن لا يمكننا ان نعيش في اي مكان من الدنيا ونري انها الوطن ........الموضوع طويل والحديث كثير ......... ولكن بعض...... الاشياء تجعلنا نعشق رائحة.......... تراب بلدنا العظيم........ واهله جميعا ولو كانت ......... اول زياره لكي ........ منها :-
1/ ان تسلمي علي كل من جمعتك به الظروف بحنيه مفرطه قدر الامكان والسؤال عن حاله ..... ودراسته .....واهله .......وهل يقرب لكي .....أم تجمعه مع عائلتك الصداقه ......... وان تحسسيه بأنك سعيده برؤيته ......... وترقبين في معرفته اكتر .........وتحثيه بزيارتكم ..... من غير ان تأخدي ارقام تلفوناتم .....عشان ....ما يلوموك .....بعدم الاتصال....... وانتي اساسا لا تعرفيهم حتي .....
2/ تحرصي علي ان تكوني ........ مع اكثر اهلك تجمعا .......وتبادل الهدايا ...البسيطه ....وليست القيمه .....لانها ....ترهقك .....ويزعل منك الزي نسيتيه منها ........والهدايا تكون عرضيه وبدون تنسيق .... كأن تشتري علبة لبان ........ وتدخلي منزل ....وتقولي لهم ...اعجبني هذا اللبان وجئتكم به لتشاركوني فيه .........والامثله كثيره ...والقائمه طويله ......هذا فقط جزء مما ينبقي عليك فعله ..... ولديك الابتكارات .................ولكم الود

[المرسال]

الإنسان دايما يحس بالغربة لمن ينتقل من مكان لمكان بس الحمد لله لمن يكون جنبك أهلك وناسك يحسسوك
إنك مش غريب عن ديارك وكمان الشخص نفسه بإسلوبه وطريقة كلامه وتعايشه مع الناس راح يخليهم
يتقبلوه عشان سعة صدره وطيبته .. أهم شيء إحنا نعرف كيف نخلي الناس تتقبلنا عشان هم يتقبلونا بغض النظر من وين جينا .. تحياتي

[الحساسة]

والله انا كمان في بلد تاني غير بلدي لاكن ماحصل حسيت الاحساس ده
لاكن على حسب الشخص اذا قدر يمشي نفسو مع الوضع ويتأقلم بسرعة محيحس بالغربة

[مها]

عوافى بسمة الحياة..
الاحساس بالغربة مرتبط بالشخوص اكتر منو بالمكان..مثلا ممكن اكون جوا السودان وبمدينتى واحس بالغربة
لما يكون حولى ناس كيف كيف..لا قادر تفهمهم ولا يفهموك..وبنفس المكان يكون فى ناس حوليك مابتحس معاهم
بالغربة لو جوا السودان ولا براو..
وساعات الشخص لتغير كثير من دواخلو بيحس بالغربة مش لانو الناس اتغيرت عشان هو الاتغير وقد لا يفهم
تغيرو هو فيسقطو على الاخرين..
الغربة ليس لها وطن ولكنها توجد اينما وجد احساس اللا انتماء لمن حولى..
وتسلمى على الطرح،،،

لك الود استاذنا ود عازه
والله اوفيت
لك الود اختى على البوست الجميل

[مهاجر في البلد]

الغربة ما بعد المسافة ولا السفر آخر ضفافا
الغربة في القلب البعاند
وفي السحاب الطشا جاف
الغربة في الموية البتدفر
تطرد الناس من ضفافا

الغربة عامل يصنعه الانسان بنفسه
المغترب بره ممكن ما يحس بالغربة لو انصهر بالطرق الايجابية معع ناس الحتة الهو فيها
والواحد في بلدو ما بحس بالغربة الا في حالات معينة
يكون مولف على حاجات معينة وناس معينين
ويكون ليهو 20 سنة بره البلد يرجع يلقى 75% من حاجاتو مشت دون رجعة
الناس توفو
العادات انقرضت
الاماكن تغيرت
حتى الشوارع والمداخل والمخارج اتغيرت
دا بكون عايش 20 سنة لي ورة والناس +20 سنة قدام
اها زي دا كان ما ظبطو لي امورو سريع ودخلو في الجيل العشرين دا بفكر في الرجعة للغربة القبيل دون عودة

مع اجمل الشكر

ما اكون شطحت وسرحت اعزريني

[إبتسام]

الموضحك في الموضوع بالنسبه لي
اذا رجعت البلد وهذا احتمال ضعيف
اكيد راح احس بالغربه هناك
لان ما عندي احد هنالك ولا اعرف البلد ولا زرتها من قبل
ولااعرف اللهجه المحليه للسودان ولا عاداتهم ولا تقاليدهم
ابغى لو رحت انا غريبه ولا اييييييييييييييييييييييييش؟؟؟؟؟؟؟؟؟؟؟؟؟؟؟؟؟؟ظظ