حبوبات

[عمك]

صباح الخير يارواكيب

كولكم بتكونو مريتو بالتجربه الح اقولها ليكم دي؛؛؛

ولو ماكلهم الجزء الشقي وراسو ناشف فيكم وكده؛؛؛


امك او حبوبتك تناديك ياولد تعال تجيك الكشه

كان رديت عليها وقلت ليها نعم

ح تقول ليك نعامه تزوزيك

وكان قلت ليها شنو

ح تقول ليك شنينه تقطعك حتت

وكان قلت ليها جاي

تقول ليك يجبوك للضبح

وكان قلت ليها ايوه

تقول ليك اللويه التلوي خشمك

وكان سكت ساااااي وجيت

ح تقول ليك ماسامعني بنادي تسمع الطرش








فشنو المساحه محجوزه للحبوبات والامهات

[Mr.POGIz]

ههههههههه لا ياخي دا الحاصل معاك انت

انا حبوبتي لزيزة ياخي ما بتقول كدا هههههه



حبوباتنا الله يحفظهم ويخليهم لينا

[عمك]

ههههههههه لا ياخي دا الحاصل معاك انت

انا حبوبتي لزيزة ياخي ما بتقول كدا هههههه



حبوباتنا الله يحفظهم ويخليهم لينا

والله حبوبتك مودرن يامان

غايتو عندنا نحن

تقول ليك ياولد امشي اقري قر ينفخك:D

[عمك]

دايما الام او الحبوبه لمن تجي تسرح
واحده في البنات الشفع بكون في معركه داميه بينهم
الاتنين ما بحبو الشغلانة دي
يابت تعالي نسرحك
تسرحي بالخلا
ابييييت ماجاية
البو اليقدك
الام تمشي تجر البت تجيبا
وتقول ليها يجروك للضبح
وتقول ليها ماتلاويني
اقعدي هني قدامي
يقعد نصك
الشعر دا البارح ما غسلتو ليك
الله يغسل طعمك ولغمك
شعرك دا اصلو ماراضي يرقد
ترقدي جنازة
كلما امسحو وارقدو تنكشيهو
الله ينكش عضامك
اها المشط غطس وين
يغطس حجرك
ومعاها لبعة بالفرشة فوق ضهرا
تراهو محشور تحتي
يحشروك في جهنم
ما تلولوي وتتلفتي
اقعدي عديل
تقعد فوقك حيطة
امسكي شعرتك دي
يمسكك الحليق
قومي طيري
اتفكيت من راسك الشين دا
الله يفكفك ضلعك
تعالي صليتي
لا
يصلو عليك ان شاء الله

وفجاءه تقبل كده

ياولد انت بتسوط في شنو
الله يسوط عيونك
عاد ارجاني

[ميرة]

دايما الام او الحبوبه لمن تجي تسرح
واحده في البنات الشفع بكون في معركه داميه بينهم
الاتنين ما بحبو الشغلانة دي
يابت تعالي نسرحك
تسرحي بالخلا
ابييييت ماجاية
البو اليقدك
الام تمشي تجر البت تجيبا
وتقول ليها يجروك للضبح
وتقول ليها ماتلاويني
اقعدي هني قدامي
يقعد نصك
الشعر دا البارح ما غسلتو ليك
الله يغسل طعمك ولغمك
شعرك دا اصلو ماراضي يرقد
ترقدي جنازة
كلما امسحو وارقدو تنكشيهو
الله ينكش عضامك
اها المشط غطس وين
يغطس حجرك
ومعاها لبعة بالفرشة فوق ضهرا
تراهو محشور تحتي
يحشروك في جهنم
ما تلولوي وتتلفتي
اقعدي عديل
تقعد فوقك حيطة
امسكي شعرتك دي
يمسكك الحليق
قومي طيري
اتفكيت من راسك الشين دا
الله يفكفك ضلعك
تعالي صليتي
لا
يصلو عليك ان شاء الله

وفجاءه تقبل كده

ياولد انت بتسوط في شنو
الله يسوط عيونك
عاد ارجاني

ربنا احفظك ياعمو مواضيك لذيذة شديد
غاتو قصة الضرب بالفرشة في الضهر دي صدقتة فيها شديد لانو اللفيت بكون كتير
ماانت بسرحو ليك بكون كم شمار عاوز تتابعهم ومتين التسريح اخلص
والعجب الصباح للمدرسة تكره حياتك عديل كدة ذكرتني ايام زمان وامي ربنا ايدها العافية

[الاشيتر]

والله لكن دي حبوبه خرفانه عديل ولسانه طويل


تعال ياعمك انته ود حبوبات ولاشنو



اها وكان دايرين يرسلوك الدكان وقلته ما ماشي

بتقول ليك شنو .

[اميرة بكلمتي رقيقة بهمستي]

هههههههههههههههههههه

موضوعك حلو ياعمك

تسلم اناملك

بس بصراحة انا مامريت بالتجارب دي ابدا

لكن شايفه في معركة بتقوم بين ماما واختي لما تجي تسرح ليها شعرها

واختي بتحب تلعب بشعرها(شعرها ولا شعر زينب العسكر )

ولما نجي طالعين وماما تجي تسرح ليها شعرها طبعا بتلقاه مشربك وحالتو بالبلا

بيتشاكلو غايتو وبتحصل فيها تهديدات بقص الشعر

بس مابتصل لمرحلة الدعاء اللي انت بتقول فيهو

تحياتي

امــــــــــ من عرفها مانساهاـــــــورة

[عمك]

ربنا احفظك ياعمو مواضيك لذيذة شديد
غاتو قصة الضرب بالفرشة في الضهر دي صدقتة فيها شديد لانو اللفيت بكون كتير
ماانت بسرحو ليك بكون كم شمار عاوز تتابعهم ومتين التسريح اخلص
والعجب الصباح للمدرسة تكره حياتك عديل كدة ذكرتني ايام زمان وامي ربنا ايدها العافية

ميره الحنينه صباحك كنافه بالحليب


طبعن للمدرسه دي يقلولو ليك يابت امسحي جسمك ده بي دهن


يمسح حسناتك ان شاءالله:D

[عمك]

اها وكان دايرين يرسلوك الدكان وقلته ما ماشي

بتقول ليك شنو .

ياود تعال امشي الدكان



تمشي بطنك:D

[ابن عوف]

والله عمك فعلا



انا غايتو مريت بالمراحل دى امى الله يديها الصحة والعافية انا واخوى اى واحد مسمياه اسم يا زليط وياقشير بس دا من برة قلبها يعنى من الداخل تلقاها تدعو ليك بالخير

[الاشيتر]

ياود تعال امشي الدكان



تمشي بطنك:D

انا ابراء واستبراء من مشي البطن ده


بس


تعال نرسلك ياولد يرسلوك بي سلبه .


ههههههههههههههههههههههه



اسمع ولو قلت ما ماشي وقمته جاري البحصل شنو بعد داك

[فتى السقاي]

هههههههههههههههه يااخي مبــالغة ..
والله انا ما مريــت بالمرحلــة دي .. لكن زي ما هو باين مرحلة صعبــة شديد ...
لكــن ربنا يرحم ويغفــر لي امهاتنا وحبوباتنــا ..
ويديهن العافيــة ... طبعا الدعاء بكون برة برة لكن اكيد النيــة عكس كدا ..
تسلم اخوي على الموضوع الرائع بجد ...
اتقبل مروري ..

[عمك]

هههههههههههههههههههه

موضوعك حلو ياعمك

تسلم اناملك

بس بصراحة انا مامريت بالتجارب دي ابدا

لكن شايفه في معركة بتقوم بين ماما واختي لما تجي تسرح ليها شعرها

واختي بتحب تلعب بشعرها(شعرها ولا شعر زينب العسكر )

ولما نجي طالعين وماما تجي تسرح ليها شعرها طبعا بتلقاه مشربك وحالتو بالبلا

بيتشاكلو غايتو وبتحصل فيها تهديدات بقص الشعر

بس مابتصل لمرحلة الدعاء اللي انت بتقول فيهو

تحياتي

امــــــــــ من عرفها مانساهاـــــــورة

اميره الاميره


انت كان لمت فيك حبوبتي كان نتفت ريشك


كان قالت ليك اميره يمرمروك في النار:D

[عمك]

والله عمك فعلا



انا غايتو مريت بالمراحل دى امى الله يديها الصحة والعافية انا واخوى اى واحد مسمياه اسم يا زليط وياقشير بس دا من برة قلبها يعنى من الداخل تلقاها تدعو ليك بالخير

يقولو ليك ياود ابنعوف


يعيفيوك في الخلاء:D

[عمك]

انا ابراء واستبراء من مشي البطن ده


بس


تعال نرسلك ياولد يرسلوك بي سلبه .


ههههههههههههههههههههههه



اسمع ولو قلت ما ماشي وقمته جاري البحصل شنو بعد داك

ياولد ماتجري تعال تجيك المن الله:D

[اميرة بكلمتي رقيقة بهمستي]

والله ياعمك

حبوبتك دي باين عليها ظريفة ودمها خفيف

هنيئا لك بها ولكل من لهو حبوبة

الله يعطي الحبوبات العافية

الحياة معاهم حلوة


تحياتي


امــــــــــ من عرفها مانساهاـــــــورة

[عمك]

اتقبل مروري ..

تقبل الله منا ومنك


دي دعوه سمحه يافتي السقاي


شان اول مره تشاركنا بوستاتنا:D

[السيسبانة]

تسلم علي الموضوع الجميل يا عمك ويخلي ليكم حبوباتكم وارحم حبوباتنا
وتعرف لو رسلوك الدكان ورميت القروش وجيت تتلبد وتتمسكن برضو بتجيك الدعوة طايرة وقعتهن تقع لهاتك:d و طبعا بتآخد علقة نضيفة .....وان جو يرجعوك للمرسال وابييت بجرووك من اضانك لي خشم الباب ويقولو ليك والله كان تمش تمشي مكسر
واتقبل مروري

[عمك]

الله يعطي الحبوبات العافية

الله يديك العافيه ويسكنك الصافيه بعيد من الناس القاسيه:D

[عمك]

تسلم علي الموضوع الجميل يا عمك ويخلي ليكم حبوباتكم وارحم حبوباتنا
وتعرف لو رسلوك الدكان ورميت القروش وجيت تتلبد وتتمسكن برضو بتجيك الدعوة طايرة وقعتهن تقع لهاتك:d و طبعا بتآخد علقة نضيفة .....وان جو يرجعوك للمرسال وابييت بجرووك من اضانك لي خشم الباب ويقولو ليك والله كان تمش تمشي مكسر
واتقبل مروري

اللهم امين يا السيسبانه





لقيتك حبوبه لاكن