وصايا سودانيه (ان بقيت بخيت ربنا يديك.....)

[ابن عوف]

انتى كنتى وين قبل ما اعرس كان استفدنا منك وما وقعنا الوقعة دى

[الطيفه]

الطيفة

سلامات

والله يجازي محنك

انتي ما خليتي لييك مرة في السودان

هسي نعمل شنو والله حيرتينا

فتش للهديه الرضيه وبتلقاها بس فتش براحه وبتروى وحتلقاها الاكتر من الهديه والرضيه الثمحه الفاهمه كل حاجه حلوه فيها بس يا ولدى بيض نيتك وامشي كوس وباذن الله بتلقاها:D

[الطيفه]

ود بن عوف لاتتحسر على امر ذهب على الدهر

تخريمه على قول الجماعه

وقعت فى ياتو نوع:D :D :D :D :D

[اسامه خضر محمد على]

بجد موضوع مميز وجميل جدا ويدل على انك مميزه وصاحبة روح مرحه وبالتوفيق انشاء الله

[الباشا الوجيه]

هو هو هو هو هو هو هو هو ها ا ا ا ا ا ا اي

بالغتي يالطيفة عدييييييييييييييييييييييييل
أها بعد كلامك ده نتزوج منووووووووو
الواحد أمورة كلها إتخلبطت وجاطت وبقى عندي خلل في التركيز

مشكووووووووورة يا الطيفة موضوع جميل الله يديكي العافية
مودتي وإحترامي

[الطيفه]

بجد موضوع مميز وجميل جدا ويدل على انك مميزه وصاحبة روح مرحه وبالتوفيق انشاء الله

تسلم من كل شر يا اسامه ومرورك شرفنا شديد والله تحياتى

[الطيفه]

هو هو هو هو هو هو هو هو ها ا ا ا ا ا ا اي

بالغتي يالطيفة عدييييييييييييييييييييييييل
أها بعد كلامك ده نتزوج منووووووووو
الواحد أمورة كلها إتخلبطت وجاطت وبقى عندي خلل في التركيز

مشكووووووووورة يا الطيفة موضوع جميل الله يديكي العافية
مودتي وإحترامي

انا ماقلت ليكم فتشوا الهديه الرضيه الزيي كدا بتلقوها ,ولا اقول ليك يا وجيه انا بخطب ليك رايك شنو قول اوكى اتفقنا

[الباشا الوجيه]

انا ماقلت ليكم فتشوا الهديه الرضيه الزيي كدا بتلقوها ,ولا اقول ليك يا وجيه انا بخطب ليك رايك شنو قول اوكى اتفقنا

لالالالالالالا

الطيفة بي زات نفسها ح تخطب لي يا سلام عليكي

أكييييييييييييييد بقول أوكي وأوكي وتاني أوكي وكمان إتفقنا

أها يلا شدي حيلك ووريني شطارتك عايزة تكون خالية من العيوب الزكرتيها فوق

وعارفك ما بتقصري 00000 ولسه وحياتك منتظرين ؟؟؟

[الطيفه]

لالالالالالالا

الطيفة بي زات نفسها ح تخطب لي يا سلام عليكي

أكييييييييييييييد بقول أوكي وأوكي وتاني أوكي وكمان إتفقنا

أها يلا شدي حيلك ووريني شطارتك عايزة تكون خالية من العيوب الزكرتيها فوق

وعارفك ما بتقصري 00000 ولسه وحياتك منتظرين ؟؟؟

يقصر الملح ياود امى بعدين تقول الطيفه عرست لى لكن

[اروع من الورود]

ههههههههههههه
لكن انت كيف عرفت



تحياتي

[مومو و بس]

ههههههههههههههههه

[ganat]

ابرى واسبرى من الصفات دي
بالمناسبة البنات اتطورو وصفات التخلف دي خلوها من زمان ههههههههه
مش كدة يا بنات

[الفرح المهاجر]

هل تعرس واحة من ديل ولية؟


ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون ليك سمحة..... حتكون عادية....... نصيحة ليك..... النسوان البقولن ديل اوعك تعرس واحدة فيهن..................



"الفنانة..........والحنانة........والحردانة,, ,,,ال مدرسة.......والمدبرسة........والمفلسة
,,,,,, النوامة.......والحوامة......واللوامة,,,,,البو بارة. .....والكوُبارة......والخبّارة
,,,, الممحوقة.....والمطلوقة.....واللايوقة"



طيب...اجي اوريك ليه؟



الفنانة...... حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين....



الحنانة........طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع ما يلمسو الصبغة....



الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في الواطة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري.......



المدرسة..........اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي تلفزيون السودان....وممكن جدا تسرح وتقول لك فاهم يا شاطر؟



المدبرسة........تلقها طوالي زهجانة.....وشايله اخلاقها في طرف نخرتها...وان كلكلتها ما تضحك.........في النهاية حتوديك التيجاني الماحي...... نزيل اكتئاب



المفلسة.........ما دايرة أي شرح



النوامة......... تجي من الشغل نص النهار وزهجان.... تلقها....تانية المخدة وخاته ايدها تحتها....وتشخر... وريالتها سايله...وحالتها بالبلا.....وتكره اليوم الفكرت انت فيهو في التكاثر........



الحوامة.........طول اليوم فوق كرعيها....في الحلة من بيت لبيت.....وتدخل البيت.. قبال ما انت تجي من الشغل بخمسة دقائق.....وتجري تولع النار.......وتطبخ لك القطر قام....واول ما ينتهي الغدا .....تدخل في سفنجتها....استعداد لرحلة جديدة



اللوامة.....دا نوع مزعج جدا.....لو جبت سيرة اخوك ساكت.....تفتح فيهو... الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كويس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من توشفني تزعل والنيران تطلق فيها...وتمد قدومها......ووليداتي ديل السلام.... يا الله ويا امين تسلم عليهم......



البوبارة.......دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش علها من راسها لكرعيها....وتقعد تنضم..بايديها وكرعيها ورقبتها...واضنيها....عشان توري الدهب



الكوبارة......... دي تكبر أي موضوع...وتسوي ليهوتوم وشمار..... وتقول لك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي ...مااااااات ...ماااااااااات........ يسمعوها في الشارع....والغريبة لو انت كنت نايم وسمعتها..... تقوم مخلوع.....وتمرق من الاوضة لحدي نص الصالة.....وانت بلباسك.........اما لو كان عندك قلب مرضان....اللحظة ديك....من المهد الي اللحد



الخبّارة....... البي تدور الخبار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّ جلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان.......وحرمكم المصون واقفة فاتحة خشمها وتصنت للجيران........



الممحوقة ..............دي ان جبت دكان كامل وختيتو لها في البيت تكملو في يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........



المطلوقة...........واضحة و ضوح الشمش



اللايوقة..........دي حكاية تانية.... تمسك في موضوع يحلك منو الجليل الرحيم.......يا...دا ....هوي يا دا..... الليله يا يمة.... ...وقدرما تطنش هي مصرة.....وممكن تجي جنبك وتخجك.....خجة جامدةعشان تنتبه...... للنقة

[مها]

دة كلو فينا يالفرح المهاجر
وعاد اللايوقة دى ابدعت فيها
تعرف..........
بعد قريت البوست قاعدة افكر فى نفسى ولقيت ياود امى فى كم حاجة
فينى ........
بس الحمد الله ...........؟؟
النشوف جماعتك بعدين كيف ....؟
ياربى بلقاك فى التجانى الماحى ولا.... لا.......

[الدويحي 2]

بصراحة أنا داير لي واحدة لايوووووووووقة عشان أوريها اللياقة ذاتها

[مهاجر في البلد]

صديقنا الفرح المهاجر = من اخوك مهاجر في البلد

كلامك دا صاح 100%
لكن انا بعرف 5 شابات ظريفات عسولات في منتدانا دا مافي صفة من الفوق بتنطبق عليهم

ما قالو النسوان ثلاثة

1. مرة مرة
2. مرة نص مرة
3. مرة ما مرة

قيل كيف

قال :
المرة المرة من عتبت البيت ولي ورة
والمرة النص مرة البتمشي للجيران وتجي بي ضرا
والمرة الما مرة ناس السوق جابو خبرا (بتاع الدعان - فلانة وين - بتاع اللحمة فلانة وين وهكذا)

اها الزمن دا العرس بقى مشكلة شوف مها العاقلة والرزينة دي بتقول ليك الحاجات دي كلها فيه (النساء)
ومها اظنها مفلسة والفلس بتعالج بالزواج لان الزواج بجيب العرس بس اكون مازواج واحدة من ديل

[السودانى الاصيل]

الفرح اااااخوى
الله المنا فيها

اكان عويره ولا حوامه ولا عوامه
التحوم نهارا دا كلو وتجى

البنوت ابننا سااااااى ولا الحاصل شنو مانا عارفين

[omar babikir]

صاحبي اتزوج واحده فيها خمسة :

مدرسة.......ومدبرسة........و مفلسه.......وحوامة...... ولوامة ....وبو بارة

وخمسة في عين الحسود .... والله ينجي

[مها]

بصراحة أنا داير لي واحدة لايوووووووووقة عشان أوريها اللياقة ذاتها

ههههههههههههه والله ياود الدويحى تقع وقعة......
بعد داك ( الحلا بله ما احلك )
وبتجينا جارى للاجاويد

[sma7a]

[align=center]كمان نسيتو واحده
الام الحنونه شيالة الهم
البطيب الخاطر الرقيقه الانثي
والله انتو الله يعينكم شايلنو شيل تقيل مع المراء
وبتنسو الباقي
الله يهدي وما يدنى راجل جاحد هههههههههههههههههههههه زي ناس[/align][/size]