المدرسة هي البيت التاني ( بقولو كدا ) وبتحصل فيها مواقف كتيرة منها الطريفة ومواقف صعببببببببة جدا زي لمن تكون في امتحان وتتطرا تغش !!! ومواقف تحس فيها بعظمة المكان وعظمة الموجودين فيه .
المهم البوست دا فتحتو لي حكاوي المدرسة ويا ريت تشاركوني الحكاوي ...
واكيد حابدا انا احكي ....
قبل شهر تقريبا
كان علينا حصة والاستاذ كان مشغول
جاء الصف وقال لينا انا مشغول يا ريت مافي زول يطلع من الصف
وشوية تعليمات كدا انا ما انتبهت ليها
واول ما طلع من الباب
عندنا كورة سلة داسنها في مكان في الصف طلعنا وبدأت الفوضى واللعب طبعا تمسك الكورة وتشووووت اي زول قدامك وطاااااااااخ اصابة في الوجه !!!
الاستاذ من طلعتو من الباب سمع الكواريك
وانا ما منتبه والكورة معاي وشوووووت .......... القى الاستاذ فاتح الباب وبعاين لي !!!
وقفنا انا وولدين معاي زي الشفع برا جنب السبورة وبدا يتكلم
وقال : يعني اصلو الزول ما يتعامل معاكم زي رجال ؟!!
واصلو مافي احترام وانتو زي الشفع ؟؟!!
اولاد كباااار كدا دي لعبتكم ؟؟
طبعا انا شعرت بالاحراج ...
التفت علي وقال لي تعال ...... شيل الطربيزة دي معاي ..... لفها كدا ..... انتو الاتنين اقيفو هنا
وانتو الاتنين اقيفو هنا ........
وقال يلا نعلب طائرة ؟؟!!!
ورما لينا الكورة وفعلا بدينا مبراة داخل الفصل وهو كان الحكم !!!
وقسم الفصل كلو فرق اتنين... اتنين
ضحكت لمن اتزكرتو داخل وبشاكل فينا وهو اسي بلعبنا !!!
زكرتوني بموقف حصل معاي في المتوسط
كنا انا وصحباتي بنلعب في الفصل و كنا بناخد المطاط بتاع الفلوس وناخد ورقة ونرميها في البنات المهم
جات استاذة العربي داخلة وبالغلط طيرت فيها ورقة
الاستاذة صرخت وقالت مين اللي رماها
انا عملت نفسي ما عارفة حاجة
قامت وقفت الفصل كله واخدوا علقة ما بتتنسي
يا حليل ايام المتوسط
احنا كنا سبع بنات معروفات(السبعة الاوائل في المدرسة)
المهم جات المديرة ورسلت اتنين من شلتنا(لبني وطاهرة) لمدرسة الأولاد انا وصحبتي مروة (دي كانت الاولي)
لما سمعنا الحكاية فيها مدرسة اولاد قلنا لي طاهرة ولبنا بنمشي معاكم
وبنرجع قبل الفسحة ماتنهتي وكده مافي استاذه هتشوفنا
المهم ولا كذبنا خبر طلعنا احنا الاربعة ندقدل ومشينا مدرسة الاولاد
و للحظ السيئ اتأخرنا في مدرسة الاولاد
ولما رجعنا مدرستنا لقينا الفسحة انتهت
عاملينا فيها البنات حريفات فتحنا الباب براحه ودخلنا المدرسة
في دخلتنا دي شافتنا ليك استاذه المدرسة كلها بتخاف منها
وشكلها ساي يخوف
ولا العجب عندها قرصة في الصرة(الله لايوريكم)
الساعة القالت لينا يابنات تعالو
انا محل ماأمشي ماعرفت
كل وحده بقت تقول للتانية انتي امشي قدامي
واحنا في التحانيس دي جاتنا ليك الهرشة التانية منها
الاربعة في رمشة عين كنا واقفين قدامها
قالت لينا كنتو وين
ردت طاهرة طبعا بكل مسكنة
والله ياأستاذه المديرة رسلتني مدرسة الاولاد
التفت ع لبني وقالت ليها وانتي
لبني قالت ليها والله والله يااستاذه المديرة قالت لي امشي معاها
الاستاذه قالت لبني وطاهرة انتو امشو وانا هسأل المديرة اذا كنتو بتكذبو عقابكم بكره الصباح في الطابور
المعفنات ولا صدقو خبر ع طول مشو ع الفصل
انتي ياالاستاذه ولا كذبتي خبر احكي كل شي بالتفصيل الممل
المديرة التفت علينا وقالت ليها عاقبيهم عقاب ماينسوه طول حياتهم
افضل بنات عندي في المدرسة بقو يعملو كده
انا لحظتها ركوبي ساحت وومروة استسلمت ومشت ع الاستاذه علشان تتعقاب
الحمدالله انو العقاب ماكان قرصتها المشهورة بيها
كان جلد في اليدين(قدر اخف من قدر)
مروة اخدت جلداتها واتوجهت ع الفصل
فضلت انا(الليله وووووب)
قطعت لي المشية في راسي
وهي شغالة تقول لي يابت تعالي
يابت ماتجي(اجي وين انا شكلك ساي يخوف)
في الاخر لما لقيت مافي مفر بعد التحانيس والاعتذار
سلمت امري لله ومشيت وقفت قدامها
ومديت ليها يدي
تلاتة جلدات
مازي الجلدات عسل عديل
والله حسيت انها بتلعب معاي
اصلو ماصدقت الجلدتني دي تكون الاستاذه البتخاف منها المدرسة كلها
مشيت الفصل وانا بضحك وعايزة اتفقع من الضحك
ولقيت مروة نفس الشئ بتضحك
وطبعا الكل مستغرب فينا المفروض نبكي بدل مانضحك
كل مااتذكر موقنا دا بموت من الضحك
بصراحة الجلدات ماكانت تستاهل الخوف والدرامة العملنها كلها
هانا مونتانا2008 كتب:زكرتوني بموقف حصل معاي في المتوسط
كنا انا وصحباتي بنلعب في الفصل و كنا بناخد المطاط بتاع الفلوس وناخد ورقة ونرميها في البنات المهم
جات استاذة العربي داخلة وبالغلط طيرت فيها ورقة
الاستاذة صرخت وقالت مين اللي رماها
انا عملت نفسي ما عارفة حاجة
قامت وقفت الفصل كله واخدوا علقة ما بتتنسي
يا حليل ايام المتوسط
ههههههه طبعا ما حقول ليكي زكرتيني ايام زمان لانو قبل اسبوع بس كانت في حرب بالمطاط
لكن مطاطنا بعلقو فيو اسلاك كهربا يعني الاصابة بتدخلك في جوووووووطة
اميرة بكلمتي رقيقة بهمستي كتب:احنا كنا سبع بنات معروفات(السبعة الاوائل في المدرسة)
المهم جات المديرة ورسلت اتنين من شلتنا(لبني وطاهرة) لمدرسة الأولاد انا وصحبتي مروة (دي كانت الاولي)
لما سمعنا الحكاية فيها مدرسة اولاد قلنا لي طاهرة ولبنا بنمشي معاكم
وبنرجع قبل الفسحة ماتنهتي وكده مافي استاذه هتشوفنا
اميرة صدقي اني كنت فاكر انو الاولاد بس بحبو يمشو مدرسة البنات !!!
تعرفي نفس الشعور شعرتو لمن القي القبض علينا ونحننهرب دفعة كبيرة من المشروبات الغازية الى داخل المدرسة
الليلة وطبعا احنا في الايام الاخيرة في العام الدراسي
وخلصنا المناهج والحصص كلها تقريبا مراجعة
وقررنا انا واتنين اصحابي اننا تندك كم حصة كدا
ومن المواد الوقع الاختيار على اننا ندكها حصة الرياضيات ( بنحبها شديييد )
وبعد حصة الرياضيات كانت في حصة فيزياء .
المهم دكينا حصة الرياضيات وبعد ما خلصت الحصة قلنا نمشي عشان نحضر حصة الفيزياء
واحنا في طريقنا الا الفصل لاقينا واحد من الفصل قال انو الحصة الفاتت دي ما كانت رياضيات
زاستاذ الفيزياء اخدها وحياخد الحصة البعدها
قلنا ما ممكن ندخل بعد دا حيقول كنتو وين الحصة الفاتت وقررنا ندكها برضو ( بنحبها شديد برضو )
وكانت الخطة انو قبل ما تنتهي الحصة بي 5 دقايق نتدسا وراء السلم وبعد ما ينزل استاذ الفيزياء ويمشي احنا نطلع .
ودق الجرس واحنا وراء السلم والاستاذ نازل صاحبي ما انتبه للاستاذ وظهر من وراء السلم والاستاذ شافو
اخخخخخخخخ دي مصيبة شنو !!!!
جاء الاستاذ وقال كنتو وين ؟؟
طبعا احنا ما حضرنا اي كذبة الوقت داك واكتفيت انا بي غبائي وقلت ليه كنا بنتفسح !!!!
قال : اهاااا طيب اي موقف اتخذو فيكم ما تتكلمو اوكي .
ومشاء وطبعا الطلاب والشمار مبالغة وقال ليكم شنو وعملتو شنو ووووو
وطلعنا الفصل عادي واثناء ما الحصة البعدها شغالة جاء طالب ودخل الفصل ومعاه ورقة مكتوب فيها استدعاء الطلاب انا واصحابي الى الاخصائي الاجتاعي ( البعمل المشاكل اقصد البحلها )
توجهنا الي المكتب ولقينا كل مكاتب الادراة والاخصائي فاضية مافي زول ولقينا الاستاذ اللي دكينا حصتو
وقعدنا في المكنت وطبعا كان زعلااااااان شدييييييييد مننا لاننا شطار وكدا
وقال الا استدعي اولياء اموركم وليه ما تحضرو ولي تقول لي كنا بنتفسح
وووووووو زعل شديد وقال لينا انا اصلا العملت ليكم استدعاء من الحصة ما الاخصائي
اصلا الاستاذ دا بتعامل معانا زي اصحابو زووول عسل
واحنا كسرنا ليو تلج كتييييييييييييييير واعتذرنا
قال لينا امشو صفوفكم خلاص
واحنا طالعين من المكتب قال لينا تعالو دايركم شوية ودخلنا تاني
!!!
