**الـكـيـكـه الاسـفـنـجـيـه**

[Limia]

الـمـقـاديــر:

كوب دقيق ــــ ربع ملعقه صغيره بيكنج بودر ـــ 4بيضات ـــ نصف كوب سكر ناعم ـــ ذرة ملح

للحشوه والتجميل:

4ملاعق كبيره مربه(اى نوع من انواع المربه البتحبى) ملعقه كبيره سكر ناعم

الطريقه

يضرب البيض والسكر واضيفى ذرة الملح الى ان يخف الخليط ويغلظ قوامه ثم يقلب فيه الدقيق *يقسم الخليط على قالبين بالتساوى ويسوى سريعا. عند الضغط عليه بخفه اقلبى الكيكه على منخل سلك او صنيه حتى يبرد وحين تبرد ضعى بينهما المربه وممكن تزينى الوجه بالسكر المسحون

بالهناء والشفاء جربوها وادعوى لى

[العشاري]

دي كيكه ولا ساندوتش مربي؟
انا من بكرا حا اعملا ان شاء الله لانها خفيفه وسريعه ولكي اجر التنظير فينا يا شيف لمياء
شوفي لينا حاجه خفيفه تاني جد والله بنحتاج لي حاجات زي دي
تحياتي

[همسة حنين]

مشكورة ع الوصفة هسي دا بقوم اجربها وان شاء الله تطلع حلوة

[Limia]

دي كيكه ولا ساندوتش مربي؟
انا من بكرا حا اعملا ان شاء الله لانها خفيفه وسريعه ولكي اجر التنظير فينا يا شيف لمياء
شوفي لينا حاجه خفيفه تاني جد والله بنحتاج لي حاجات زي دي
تحياتي

العشارى مشكووور على المرور اعملا وماتنسه تدعى لى سمح:D

[Limia]

مشكورة ع الوصفة هسي دا بقوم اجربها وان شاء الله تطلع حلوة

همسه مليون فى الميه حاتطلع حلوه وده كلام لكن ماتنسى تدعى لى

[العشاري]

لمويه يا رايعه
مطعمك قفل مالو؟
اجيب ليك شويه حاجات تمشي بيها الحال لحدي ما تصلحي امورك؟
نفسي في كبسه
وريني كيف بتعمليها

[Limia]

لمويه يا رايعه
مطعمك قفل مالو؟
اجيب ليك شويه حاجات تمشي بيها الحال لحدي ما تصلحي امورك؟
نفسي في كبسه
وريني كيف بتعمليها

العشارى مطعمى ده بتاع حلويات طورتات جاتوهات باسطات حدنا الشغل ده ام كبسات والانواع ديييك المطعم البيورانا طوالى :D : يازول كابس بطنك لشنو اكل شى خفيف خفيف اسمع اعمل بيض وامشى نوم:D

[ام سدن]

ياسلا م عليكى تسلمى انا اول مره الكيكه الاسفنجيه تقع لى عليك الله كل مره وصفه حاجه نستفيد منك

[sadness]

تسلمى ويديك الف عافية
انا حاجربا طوااااااااااالى

[مكنيكي حب...]

استفسار ممكن نعمل بدل المربة شوكولاطة عشان انا بحبها شديد...

[Limia]

ياسلا م عليكى تسلمى انا اول مره الكيكه الاسفنجيه تقع لى عليك الله كل مره وصفه حاجه نستفيد منك

ام سدن مشكوره ياغاليه على المرور

[Limia]

تسلمى ويديك الف عافية
انا حاجربا طوااااااااااالى

جريبها وماتنسى تدعى لى سمح

[Limia]

استفسار ممكن نعمل بدل المربة شوكولاطة عشان انا بحبها شديد...

مكنيكى حب ياهلا ممكن بالشكلاته والكريمه حاتطلع رهيييييييبه عموما ممكن تحشيهاباىحاجه حلوه انت بتحبها قشطه وعسل ...الخ ومشكور على المرور