قلتي لي سموكي ندي

[ميمي العسل]

قلتي لي سموك ندي
وده منو السماك ندي
ده اكيد ابوك
انعل كده
فيك شنو يسموك ندي
في صوتك اتخن مننا
اضنين كبار زي دشنا
وبرضو سماك ندي
خشمك ده ريحتو معفنه
يديك كبار حقات بناء
وتقولي لي سماك ندي
المشيه كتاحه وغبار
كرشك تقول شايل جنا
وتقولي لي سماك ندي
قلتي ياهو ده في البطاقه اسمي ندي
شوفي يابت
مافيش علاقه بينك وبين ندي
خليها ندي
خالة قريبة جارة صديقة ناس ندي
مافيش علاقه
ندي في العيون
اكحل مجعد مسوده
إتي العيون فيهن قضا
ندي في الحواجب زي هلال
اتي الحواجب دلجه بس
قلم الحواجب هارده
وتقولي لي سماك ندي
ندي لما تبتسم
آلف مولفه تسعده
واتي الخشم بالتلاليش
بس طبق مغطي صينيه الغدا
ندي في الوشيش
نظرك بشيش ما يعقده
واتي الوشيش وش الدحيش
نخرين كبار بس كرعين ردا
وتقولي لي سماك ندي
شوفي اوعي تقولي اسمي ندي
ندي مابس الاسم
ندي الجمال زايد الادب زايد زايد الفهم
زايد العلم
ندي في الجمال
ماشفنا اجمل من كده
ندي في الدلال
خصاها بيهو رب العباد حين اوجده
ندي في الادب
ربوها في بيت رجال ياكلو نارا موقده
ندي في الكلام
طبيعي صوتا يعمل صدي
ندي حتي في البزاغ
عارفاه كيف
شربتي سفن آب بس ياهو ده
وتقولي لي اسمي ندي


كل ما اقول للناس كلام
الناس تقول .. لا ما كده
كل ما اقص لى بنطلون
يطلع قصير ذى الرداء
وكل ما اقول جبتا النجاح
تطلع شهاده مقدده
اه يا مغص .. اه يا آلم..اه يا ندى
ما ده الزمان كاسر قلوبنا وهاردا
ادينا ياخ جرعة حنان
حقنة آمل
كبسوله بس بسمه أمل اي حاجة كدا
وانا ما حكايتى معقده
بتعشى ديمه مع الصباح
باكل الفطور بعد الغدا
فى يوم مشيت جنب البنات
من نوع شهيره وشهرذاد
حاجات...كده
وظهرت ندى
ملكة جمال متفرده
قالت لى وين يا ابو الشوش
كيفك كدا
كيفى كدا
الحقنى عووووووووووووك يا الحلبي
اخوك اعصابه بايظه وهامده
زى شنان وكت كندوره مزق ليك
شباكه وقدده
مريخ عديل حاكه المورده
قلتا ليها شوفى يا بت الحلال
دفترى حابى دفاترك ورايدا
وحلف يتقرى عمل الحكايه معانده
وشبشبى حلف ما يمشى خطوه ولاقدم
إلا يشوف كعب عاليك ده
وقميصى حابى بلوزتك الحلاتا مورده
وشوفيه من كتر البكاء
كيفن اكمامه بايظه مهرده
وجريونا حابى جريوتكم شدييييد
فى الحله من دون الجريوات رايده
قلتا ليهو شينه ومقرده
حلف يقتنع عمل الحكايه مكايده
وانا ذاااتى يا ريحانه يا متفرده
احوالى كعبه منكده
يا ام تحبينى واموت
والروح وراك مستشهده
يا ام تشوكشينى واموت
ووصيتى واحده محدده
قبل الدفن والفاتحه
ديك ما يقروا تشهدا
يكتبوا فى قبرى
بى خط عرييييض
فى لافته فوووووق

واااااااااااااااااااااااااااااااااي يا ندى

[ahmedBolbol]

ههههههههههههههههههههههههه

والله مبااااااااااااااااااااالغة ياميمى

حلوة منك الله اديك العافية...............

[بسمة الحياة]

ههههههههههه
رهييييبة لكن
الله يجازيها ندى العملت فيك كده

[ميمي العسل]

[quote="بسمة الحياة"]ههههههههههه
رهييييبة لكن
مرسي