موقف ....................

[zizou]

بسم الله الرحمن الرحيم


السلام عليكم ورحمة الله وبركاته

احكي ليكم قصه حصلت معاي وانا هنا في سوريه


طبعا في سوريه لو عايز تمشي مكان تركب السيرفيس

ولا البص الاتوبيس ومافي حاجه اسمها كمساري

وانا كنت راكب البص وعايز انزل

المشكله او مافي زول نزل قبليني كلهم بالمحطات

وماعارف كيف اوقف عمك السايق الشغلانه دي

بعدين معاي ناس كنت شاكي في انهم سودانيين

لاكن كانو ساكتي وابو يتكلمو عشان اتاكد

بسبب الخوف فوتا المكان العايز انزل فيه

في النهايه اتوكلتا وقلتا اوقفو بالطريقه العارفه انا

وشبكتو ليك طق طق طق وسيك يكسييييك وتعال شوف

الزلمات بعاينو لي مستغربين

والسودانييين قعدو في الواطه وضحكو لمن بكو

وانا اللحظه ديك بقيت صغيييييييييييير ماعرفتا اقبل وين الناس كلها تعاين لي

والسودانييين يضحكو باعلى صوووت من ديك بقيت بتاعى تكاسي بس :D

والله يستر بس

[السودانى الاصيل]

ههههههههههههههههههههه

بس برضو ما وريتنا بوقفوهو بشنوو

والدفع كيف ؟؟؟؟

[zizou]

الدفع ياخوي في الحافلات تدي القدامك وفي الباصات بتزكره

ولو عايز تنزل تسمع السايق وتقول ليه على اليمين معلم


ههههههههههههههههههههههههه

برنامج طويل مش اخير طق طق

[همسة حنين]

أحسن حصليك كدة عشان ترتاح من الباصات بس ربي يستر ماتركب تكسي يطلع السواق واحد من الشافو الموقف

[zizou]

هئ هئ هئئئئئئئئئئئئئ
والله تكون عوجه

[hdma]

ههههههههههههههههههههههههههههههههههههههههههههههههه
اخيلر الطق طق من المشواار الطويل ده ..
لكن تلقااك انحرجتاا احراج ...

هههههههههههههههههههههههههههههههه

[zizou]

احراج ساي لكن هو
هههه

[sma7a]

[align=center]هههههههههههههههههههههههههههههههههههه
مبالغه لاكن
انت عارف السودانين الشافوك ديل كل ما يتزكروك يضحكو :D
من جد احراااااااااااج
ههههههههههههههههه
تحياتى[/align][/size]

[zizou]

كفايه ضحكتك دي
ههههههههههههههههههههههه

[ريمو]

هههههههههههههههههه من جد احرااااااااااااااااااج

[zizou]

شكرا على المرووووووووووور

[al_beyankonery]

انت عارف انا لو مكانهم كنت عملت زيهم خليتك لمن تتحير وبعدين تطقطق واتفرش من الضحك ..... لكن كدا كويس اتعلمت والحياة مدرسة فتعلم منهااا

[zizou]

طيب لو كنت مكاني

كان ح تعمل شنو

حتعلم الغيب

[توحه عبده]

السلام عليكم اخي مسطول

والله صح مسطول هي التقطقه ديه سااااااااااااااااااااااااااااااااااي


وبعد ده كله وقف ليك في المكان العاوز تنزل فيه والا لا

توحه عبده

[zizou]

وعليكم السلام توحه عبده

انا الوقت داك ماكنتا بفكر في اني وصلتا ولا لا

وهمي كلو بس كان اتدسى

شكرررا على المرور الحلو ده ياحلوه

[عاشقة توتيل]

[align=center]عارف الموقف ببساطه انك اتعاملت بطبيعتك،،،
وبالحاجه العارفه ومتعود عليها،،،
ااااي ياها زاتا طق طق دي،،،:D
،،،
اتا ياخوي وكت ماعارف بوقفوهو كيف ،،،
راكبو لشنو،،،
الله يسترك ساااي مع ناس التكاسي وماتقوم تقول ليو قرصه :D
،،،[/align][/u][/size]

[zizou]

امشي كداري يعني


شكررا على مرورك

[بسمة الحياة]

ههههههههههه
هع هع هع
خخ خخ خخ
d:d
احرااااااااااج

[sf77rm]

ههههههههههههههههههه
تعيش وتاكل غيرها يا معلم

[zizou]

وبر ضو من المواقف المضحكه الحصلت معاي

مشيت لي بتاع المطعم

وطلبتا ساندويتش


(طبعا في السودان عندنا الواحد لما يقول ليك ماسمعتك بالاشاره برفع راسو وحاجبو في وقت واحد

نفس الحركه دي في سوريه معناها لا)

مشيت لي بتاع المطعم سالني كاتشب انا كنتا سرحان وماسمعتو كويس قمتا رفعتا راسي وحاجبي يعني ماسمعتك وهم عندهم لا ختاو تحت وسالني برضو من كم حاجه

واتكررت نفس الحكايه في النهايه لقيت نفسي باكل في الساندويتش ناشف







برضو من القص العروفه عن السودانين هناك

واحد اول ماوصل سوريه نزل طوالي يفتش شغل

وصادف انو جارو في السكن مسؤول

ولما سال جارو يشوف لي اي شغله

قال لي الساعه 8 انا بديك تلفون تعال لي في الشقه

الساعه 8 جات التلفون دقه الو تعال لي وق

صاحبنا مشى ليو دقه الباب .... مين في الباب ،،، انا فلان ،، طيب فوت

( فوت عندهم معناها ادخل )صاحبنا رجع تاني الشقه بتاعتو

تاني اتكرر الموقف السوري مستغرب فيو ليه بدق الباب ويرجع والسوداني زعلان ليه يناديني ويقول لي فوت

العمليه لما اتكررت صاحبنا شال شنطتو واتخارج وهو قاعد يسب في السوري





برضو قالو في سوداني عايز يحضر اجتماع في لبنان

مكان بعيد من السكن بتاعو والاجتماع زمنو جا

جرا جري عشان يحصل الاجتماع

وصل هناك وهو تعبان لقى في الباب

واحد سالو عايز شنو قال لي عايز احضر الاجتماع قال لي اي هلا بلش


بلش يعني بدا

صاحبنا لما حاجتو واتخارج رجع هناك ضربو لي قالو لي الحق الاجتماع شغال

رجع لقى بالجد بلش