ههههههههههههههههههههههه

[zizou]

مجموعه جديده من النكات انشالله تعجبكم






أسد ساكى غزالة لحدى ما تعبت قامت وقفت و عاينت كدا قالت إنت حياتك دى كلها أكل ما تجرب تحب


واحد دخل حلة كلها رباطاب لقا شافع قال ليهو حلتكم دي فيها موية الشافع قال ليهو والشجر دة قام بالتيمم



واحد شايقى كل يوم بياكل ملاح ويكة الشيطان قال ليهو يا تغير اكلك دة يا تقول بسم الله



رباطابي سايق عربية جايي من بعيد عشان يحصل الاشارة اول ما وقف قامت الاشارة عملت 90 عاين ليها كده وقال ليها انشاء الله تخشي طب



شايقى دخل صرفة معى الشيطان لامن صرف قال بسم الله وعمل تللللللللل



جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا




رباطابي مرتو قالت ليهو : دايرة قميص نوم
فقال ليها : اللابساهو دا مالو...مساهر بيك ؟؟




حفصة عروس قاعدة في الكوشة جنب عريسها
قالوا ليها : قومي أرقصي..فقالت : أبكر
أليك الله اهجز الكرسي دا !!!!ا






واحد مرتو عضتا كديسة قامت ماتت، صاحبو جا يعزى لقى الفراش مليان ر جال قاليهو ديل كلهم جايين يعزو قال ليهو ابدا جايين إستلفو الكديسة



رباطابى قالو ليهو الدابى لمن يعضى زول بخلى سنونو فى مكان العضة، قال ليهم طيب و لو بعد دقيقتين لقى زول تانى و عاوز إعضيو قالو ليهو بتكون قامت ليهو سنون تانى، قال ليهم لي أصلو هو دابى ولا دباسة


مسطول شاف جني بالليل و صاحبنا ماحافظ القران قام غنى طلع البدر علينا



سكران أبوه مات وداه مغسلة الاموات وقاليهم بالله غسيل وكي مستعجل


مدرس سأل تلميذ عبيط : مين الحيوان اللي يصحّينا ل صلاة الفجر ؟ قال له : أبويا


حلفاوي جا يستلم مرتبه آخر الشهر
الصراف قال ليه خصموا منك 50 ألف للتبرع لفلسطين
قام زعل( تلت الراتب راح )
رجع للصراف وأداه باقي المائة ألف وقال ليه
طيب أدي الباقي دا لشارون خلي يطلع روحهم



مسطول ضرب تلفون للمطعم قال ليهم :
عندكم عشاء !
قالو ليه اي عندنا .
قال ليهم طيب ما عزمتونا ليه !


مسطول قال لصاحبه :
شنو ياخي الوالد مما اتوفى بقينا
ما بنشوفو


في الحافلة فجأة شريط المسجل وقف
المسطول سأل الراكب جنبو: اسمع يا
أخي ود اللمين ده نزل ولاشنو؟



شايقي ورباطابي مسافرين
الشايقي شايل اكل كتير
بالليل الرباطابي شايل معاهو
بطانيه اتغطي وخلي الشايقي في
البرد
الشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي
اعمل بيهم شنو
الرباطابي قال ليهو اعمل بيهم
سويتر



مسطول جاتو فاتورة الموية مليون
قال اكيد الجماعة ديل كتبو مطرة
امبارح دي في حسابي



سكران رجع البيت متاخر
مرتو سالتو وين لي هسي !!
قال ليها كنت بلعب شطرنج
قالت ليهو شطرنج شنو وريحتك عرقي
قال ليها يعنى عاوزة ريحتي تكون
شطرنج !!




مسطول اشترى بي ام دبليو بمواصفات
خاصة
فيها الكمبيوتر يصلح كل شي
دقش الباب اليمين ،
فرد الكمبيوتر: يا أيها الباب ارجع كما
كنت
دقش الباب الشمال ، فرد الكمبيوتر
يا أيها الباب ارجع كما كنت
عجبته الحكاية قام طار بالعربية
من فوق الكوبري
فرد الكمبيوتر: يا أيتها النفس
المطمئنة ارجعي إلى ربك راضية
مرضية




قملة قالت لي خطيبا لو داير تعرسني تعمل لي شهر العسل في شعر مهند


كهربجى عوير داير يهظر مع مرتو قرصها بالزردية




واحد مسطول قاعد في غرفة ..
فيها شباكين صغار جنب السقف ..
جات طيرة داخلة من شباك .. وطلعت بالتاني ..
قام المسطول قال ليها ..
يعني عملتي شنو ؟؟؟!!!




واحد عرس مرا شينة شنة شديدة
قالت ليهو فسحنى
قاليها نوديك حديقة الحيوان
منها فسحو ومنها صلة رحم




واحد كسلان جدا مشى للحلاق وقعد فى امان الله تانى رقبتو
الحلاق قاليهو: راس ولا دقن
قال :دقن
الحلاق قاليهو :ارفع راسك
قال : خلاس راس





مسطوول مرتو جابت ليهو ولد بيشبهو شبه شديد قال ليها ليه لا حول الله اصلو ده رحم ولا مكنة تصوير




جعلي كان مُسافر وقام ابوهو مات , الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحلو لي
مقابر الجعليين , أهلو جو مارين قامو سألوهو مالك بتحفر, قال ليهم
والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.




شايقي دخل البيت زعلان شديد .. مَرَتُو سألتو مالك يا راجِل
قال ليها تخيلي الصيدليه عامله تخفيض كبير في الدواء
وما عندنا زول عيان

[ود الزوحي]

تحيااااااتي اخ مسطول

تسلم ع النكات الرائعة

وفي انتظارالجديد

[عابده مرغنى عبدالله]

هههههههههههههههههههههه
مشكور يا المسطول علي النكات

[zizou]

شكرااا ود تازوحي وعابده على المرور تسلمووووووووو
والقادم احلى

[daloo3ah]

مشكووووووووووووور على النكات والله رووووووووعه

[zizou]

شكرا على المرور دلووووووووووووووووووووووعه

[Limia]

ههههههههههههههههههههههههههههههههههههههههههههههههههههههههه مبالغه

[zizou]

شكرا على المرور ليميا

[ودالريف]

كتر خيرك اخى مسطوووووووووووول وبا الجد

ضحكتنا

[آية البنت الرومانسية]

ههههههههههههههههههههههه
ههههههههههههههههههههههههههههههههه
ههههههههههههههههههههههههههههههههههههههه
مشكوووووووووووووووووووووووووووووووووووووووووووووووووووووووووووووووووووووور
مسطووووووووووووووووووووول

[zizou]

تسلمووووووووووووووووووووووووو ايه الرومانسيه ود الريف