لعبة جديدة .....ثقافات سودانية.... ادخلو اللعبة واستفيدو...

[$$ الملكة الهادئة $$]

بلبل 2 ولا تعذب حالك
أنا بقولك هيا :
معناها الشبشب ( حذاء )
أرضيته لونها أحمر
ومن فوق أبيض
صح يا العشاري ؟
وهاكم دي :
أم شعيفة

[العشاري]

جميل يا ملكه
تقريبا هي نفسها
سفنجه ذات ارضيه حمراء وسيور بيضاء ثقيله في الوزن
الشاعر عندما راي البنت تنتعل السفنجه اشفق عليها لثقل وزن السفنجه عليه
فقال
القمر بوبا عليك تقيل

[$$ الملكة الهادئة $$]

العشاري ليه ما جاوبت ؟
يعني عندي مستقبل في السودان ؟؟
ما معنى أم شعيفة ؟؟

[العشاري]

ملاح ام شعيفه يا ملكه
طبيخ او بالاحر ملاح ايا كان بالويكه او غيرها خالي من اللحوم
يعني
بصله و بهارات ومويه
لحم تك
رايك شنو

[$$ الملكة الهادئة $$]

وين كلمتك ؟؟

[معتز]

ماشاء الله عليكم يا شباب منورين والله
بلبل شكرا لك علي البوست
العشاري نرفع لك القبعة احتراما
الملكة الهادئة سودانية اصيلة
دلوعة النيل ( الاسم باين ) احلي واروع دلوعة عشان كدا عندي ليك قاموس للدارجية
طالما مافي سؤال كويس حظي حلو
هاكم السؤال دا ما معني (ام جنقر)

[العشاري]

البعرف لي الضويلم هو شنو ليو هديه
الضِويلِم او الضوُيلِم
نفس الاسم بس اختلاف في النطق

[العشاري]

جوعتني يا عزو
ام جنقر علي حسب علمي مديدة الدخن والقمح
تصنع بعض تنظيف الاثنين معا من القشره ويختلف الناس في عملها لاانها في الاصل كانت تؤكل بالسمن والسكر
حاليا ومعي ظهورها في العاصمه والمدن الكبيره اصبحت تعد باساليب مختلفه حيث يضاف لاساسياتها الطحنيه والعسل و البسكويت
كلٌ حسب مزاجه
ارجو اجابتي تكون صح

[دلوعة النيل]

ماشاء الله عليكم يا شباب منورين والله
بلبل شكرا لك علي البوست
العشاري نرفع لك القبعة احتراما
الملكة الهادئة سودانية اصيلة
دلوعة النيل ( الاسم باين ) احلي واروع دلوعة عشان كدا عندي ليك قاموس للدارجية
طالما مافي سؤال كويس حظي حلو
هاكم السؤال دا ما معني (ام جنقر)

أحرجت دلعي أقصد تواضعي
لكن أنا بقبل منك الصفقة دي يا أروع أبو العز..بس ما تتأخر علي بالقاموس..

[دلوعة النيل]

[size=6]دلوعه
انا برضو بكسر تلج؟
الله يسامحك
كلك ذوق لكي كل الود واشكرك علي الكلمات الجميله معي انك كبرتي راسي انا ما قدر كدا
اتمني اكون عند حسن ظن الجميع
السودان بلد كبير وتختلف عاداته وتاليده من قريه لاخري ومن الصعب الالمام بجميع الكلمان السودانيه العاميه البسيطه
بطلو كسل و اسالو عن القديم الجميل
تحياتي[/size]

يا عشاري يا راااااااااائع إنت فهمتني غلط..البكسر التلج ده عارف روحو والكلام ليك يا المنطط عينيك أنا ماقصدتك إنت..إنت حاشاك من الكلام الكعب والشين..

[معتز]

جوعتني يا عزو
ام جنقر علي حسب علمي مديدة الدخن والقمح
تصنع بعض تنظيف الاثنين معا من القشره ويختلف الناس في عملها لاانها في الاصل كانت تؤكل بالسمن والسكر
حاليا ومعي ظهورها في العاصمه والمدن الكبيره اصبحت تعد باساليب مختلفه حيث يضاف لاساسياتها الطحنيه والعسل و البسكويت
كلٌ حسب مزاجه
ارجو اجابتي تكون صح

الغالي العشاري
كلامك صاح واجابه نموذية وعداك العيب

[معتز]

أحرجت دلعي أقصد تواضعي
لكن أنا بقبل منك الصفقة دي يا أروع أبو العز..بس ما تتأخر علي بالقاموس..

غاليتنا دلوعة النيل خلاص يبقي كل يوم تعالي بيجاي
كل يوم تحفظي ليك كلمة كلمتين
وفي النهاية تلقي روحك طلعتي بقاموس كبير اكبر من مختار الصحاح :D

[الق]

حسب علمى هى مصلاية الصلاة وبتكون مصنوعة من السعف
عاوزة اعرف معنى القسيبه

[العشاري]

الق اجابتك غير صحيحه للاسف
ممكن نوريك الاجابه بعد ما نعرف اللاجابه الصحيحه اولا
طولة البال واجبه

[ahmedBolbol]

الق اجابتك غير صحيحه للاسف
ممكن نوريك الاجابه بعد ما نعرف اللاجابه الصحيحه اولا
طولة البال واجبه

اها يا عمنا منتظرين نعرف الاجاااااااااااااااااابة انت وين............؟

[All4U]

اها يا عمنا منتظرين نعرف الاجاااااااااااااااااابة انت وين............؟

بلبل انت ما تعصر راسك دا وحاول تجتهد عشان تعرف الاجابة الصحيحة

ولو ما عرفتها عندك ممكن تستعين بى صديق من الخارج يكون سودانى جد
موش حنكوش زى بعض ناس المنتدى
:D :D :D

[العشاري]

حبيبنا بلبل
الشفقه تطير انت ما رديت علي سؤال ولا اي واحد فيكم ولا منتظرني ارد
الكل ليك يا رائع
سمت يداك علي التشجيع يلا يا اخوانا في ناس كتير عندهم اسئله وخلونا نستفيد
علي العموم الاجابه موجوده بس انت انكرب معانا

[سيبو9]

هو مش الضويلم ولا لا يا العشاري ..

لو يا هو .. والله انا ما سمعت بيهو عديل كده .. رغم اني بعرف الحاجات دي كويس يا أخوي ..

بعد دا قول ساااي .. خلينا نعرف هو شنو ..

[العشاري]

هو مش الضويلم ولا لا يا العشاري ..

لو يا هو .. والله انا ما سمعت بيهو عديل كده .. رغم اني بعرف الحاجات دي كويس يا أخوي ..

بعد دا قول ساااي .. خلينا نعرف هو شنو ..

سيبو يا رهيب
داير تحنكني ؟
تمام يا حبيبنا رضيت بي كلامك عوجه تب مافي
بس لوك الصبر

[ahmedBolbol]

سيبو يا رهيب
داير تحنكني ؟
تمام يا حبيبنا رضيت بي كلامك عوجه تب مافي
بس لوك الصبر

والله الصبر ده لكناهو لمن خشمنا وجعنا

قول ساي الاجابة الناس ديل كلهم حناكيش

وجيب الجديد خلينا نستفيد ولا شنو................ ؟

وبعدين خليك حنين جيب حاجات على خفيف عشان نعرف نجاوب........ ..