جامعة الخرطوم.................حقيقة مؤلمة

[Limia]

اضم صوتى لصوتك بت هندسه جامعتنا جميله . بتضم الشباب المتميزين اكاديميا واكيد اى جامعه بتضم الصالح والطالح ويكفيها بانها اقوى جامعه وشهاده على مستوى السودان والوطن العربى

[bet-handasa]

اضم صوتى لصوتك بت هندسه جامعتنا جميله . بتضم الشباب المتميزين اكاديميا واكيد اى جامعه بتضم الصالح والطالح ويكفيها بانها اقوى جامعه وشهاده على مستوى السودان والوطن العربى

[معتز سيد]

العزيز ابن الخطاب وكل المتداخلين ، البوست دة بتاريخ 3/8/2008م، يعني من السنة المضت. لكن في حاجات تستحق الوقوف:
[grade="00008B FF6347 008000 4B0082 FF0000"]أولاً عدم صلاحية الأثاثات من مقاعد وبنشات وخلافه، إذا كان في قصور من إدارة الجامعة كان سابقاً يقف الطلاب بالمرصاد عند كل صغيرة وكبيرة، حتى إذا كان اتحاد الطلاب ينتمون للحزب الحاكم، وبالعكس في الحالة دي الطلاب كان يثوروا في أبسط الأمور حتى يفرضوا على الإدارة الحلول. أما الآن فما عارف حقيقة وين اتحادكم ، وهل هو المنتمين للحزب الحاكم أم (التجمع) فقبل سنتين أعتقد كان التجمع في رئاسة الاتحاد. [/grade]
خلاصة القول أنتم كطلاب أين دوركم لمَ لا تحركون الاتحاد ومن ثم الإدارة؟!!

المباني بتاعة كلية العلوم هي من المباني القديمة (من زمن كلية غردون أو قريب لذلك زي مباني المكتبة الرئيسية ومباني كلية الاقتصاد والإدارة، وغيرها. توجد منشئات حديثة وقاعات جديدة في كليات مثلاً مدرسة العلوم الرياضية، وكلية الهندسة، وبعض القاعات الجديدة. المنشآت الجديدة ما اعتقد فيها مشكلة، أما القديمة فالإدارة فقط تتدخل ببعض الإصلاحات والإبقاء على الشكل القديم الذي عُرفت به.

ظاهرة القرود :D طبعاً الجامعة معروفة مطلة على النيل في منطقة كثيفة الأشجار، وحتى داخل الجامعة في أشجار ضخمة وقديم (بقدم) صرح الجامعة، يعني انت لو طلعت على شارع النيل، عادي ممكن تشوف القرود بتتسلق في الأشجار، ومنها تجد طريقها للجامعة طبعاً، وأكيد بعض الطلاب يخلقوا من وجود القرود برامج كمزاح أو مداعبة، ودة بشجع القرود انها تتمادى في الدخول لصرح الجامعة، ولا شنو؟

ظاهرة المخدرات وما إلى ذلك مجتمع الجامعة ليس بمعزل عن سائر المجتمع، في أشياء كانت غير العادة بدت تخرق أجواء المجتمع بشكل عمومي والجامعة بشكل طبيعي كجزء من المجتمع.

دخول المتسولين والشماسة، مسئولية الحرس الجامعي، أنا قبل سنتين حاولت أدخل وكان الدخول معقد، من حرس الجامعة مع إنه كان عندي سبب منطقي ووجيه يخص شهادة قديمة، إلا أنهم طلبوا مني إحضار إذن من مكتب رئاسة الحرس، (قرب الـ down town سابقاً) تعبت لحدي ما دخلت ، أما ما ذكرت الآن انه الدخول من غير بطاقات دة أول مرة أسمع بيه، وبرضو بقول ليكم وين دوركم كطلاب واتحاد ، إذا غفلت وأهملت الإدارة!؟

أختم وأقول ما زالت جامعة الخرطوم تحتفظ بمركزها في طليعة الجامعات، وإن فقدت الكثير من هيبتها السابقة، المسئولية على الحكومة، وإدارة الجامعة، والطلاب، في قصور من الجميع. وانتو الممكن تحافظوا على ما تبقى من رمق...

[fot1]مشكوريــــن ومقدريـــن على الموضوع[/fot1]

[hdma]

غاايتو الله يعينكم بس
اذا كان الكلالام ده بيحصل في جاامعة الخرطووم
بااقي الجامعاات بيحصل فيهاا شنوو ؟؟