همس الخواطر والمشاعر

[عبدالله عبدالرحمن عبدالله]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
أشكر القائمين على إدارة هذا المنتدى على قبولهم عضويتى وأتمنى أن أقدم ما يرضيهم ويرضى الاعضاء الرائعين الذين سبقونى إليه وأثروه بأبداعاتهم وروعتهم
سألتقيكم فى( همس الخواطر والمشاعر) فى عدد من كتاباتى باللغةالعامية التى ستتناول موضوعات شتى أتمنى أن تنال رضاءكم الغالى ورأيكم المادح والقادح والمصوِب
جميع الآراء تهمنى وتجد عندى التقدير والاحترام وفقنى الله واياكم

همس المشاعر والخواطر
هذه النافذه سأدرج فيها كل قصائدى التى سأنشرها متفرقة فى هذا المنتدى بعد ان تأخذ حظها من التعليق وسيكون هذا المكان بمثابة مدونة لما اكتب من شعر فقط ارجو ان ينال اقتراحى هذا رضاء الادارة
فائق شكرى وتقدرى للجميع

[عبدالله عبدالرحمن عبدالله]

بتنفســــــــــِكْ

يالداخلة فى جواى شهيق

ياالفينى جوة مع النفس

ياالجيتى طفيتى الحريق

وسكنتى ما الحاجز حبس

ياالماشة فى الدم اكسدة

ياالبشهقك

جواى سكونك محمدة

ما بزفرك

يالطاردة روح المفسدة

ياالساكنة فى جواى شهيق

يا انتى يا العايشك نفس

لا انتى ضليتى الطريق

ولا قلبى حبك اختلس

بهواكى والريد العميق

تستاهلهو وانتى بس


انا ليكى ما جابنى البريق

ولا شِعرك الحانى الجرس

انا قلبى اختارك طليق

ما خاف مقامك ولا احترس

رقة واصالة وطيبة فيك

بى مَحَبتِك مهووس هوس

يا انتي ياا لشايلاني ريد

خاتانى فى مقلك رِمِش

لو نمتى لى عينيك غُطا

اليوم وباكر وزى أمِس

كاتبانى فى لوح الغرام

وتمحينى أوعاك بلتمِس

رضيان دلالك أسعدى

أمحينى لو حارقك شمِس!!

[عبدالله عبدالرحمن عبدالله]

يا فراشة
أنثري الروعة اللِفيكي
وفي جِنيحاتِك بشاشة
ورِكِي في ياسمين رِياضك
وخلِي في صفقو إرتعاشة
أمسحي الهم الكسانا
تاني برجع؟! كلا حاشا
أروي من الأُقحوانة
زهرة رايعة ونحنا ناسا
يا خفيفة وزاهي لونِك
يارِشيقة وياااا فراشة

السحاب الفي العصاري
إنتي نسماتا ودعاشا
وفي الجواهر واللآلئ
إنتي أغلي إنتي مـاسة
في الدم الفي جسمي بجري
جوه في شرياني ماشا
يافراشة

[عبدالله عبدالرحمن عبدالله]

ياالمسيتى على ترنيمة

في زمن الفرح الـسـافر وعـدى

ياالبددتـي غيوم احزانـى

ياالطليتي فى وقت الشـدة

بشـارة خير من عـالم تانى

ملا وجدانـى وفيا امتدّ

وغنيت ليكى صباح واماسى

الزمن القاسي دريبو انسدّ

وعمري الضاع في تيه ايامو

لقى احلامو وفرهد جدّ

كيف لـى غيرك تانى تسـافر

الامـال يااعطر وردة

ووين من دونك ألقى سعادة

وكيف الروح تقوى وتشتدا

تاكدى لـو فى يـوم جافيتى

وطبع الدنيا رجع واحتدا

الهمـس الدافئ المنى سمعتى

تخيلى كيف يائس مرتدا

وورد الريـد الحاضـنو قليبـي

ذابل وزاوى إذا لابدّ

ياالرفيتى عليا فراشــة

وفرهد ليـك قليبـى الوردة

اسـعدى عيشي رحيق ايامـو

اسـتاذنتو اتفضلـى ردّ

[عبدالله عبدالرحمن عبدالله]

]نُظِمت بمناسبة انشاء فرع يُعني بحماية الاسرة والطفل في السودان يتبع لشرطة ولاية الخرطوم

حماية الاسرة و الطفل

**
اســرة آمنه ومسـتقرة*
اصطفت أحلـى الصفات *
وأســرة فى الشـر مستمرة*
ظاهره فيها الموبقات*
فـى سـفينه محيطا طامح*
خير وشــر متلازمات*
نحنا شـان للخيــر نبدر*
نكفـى شــر المهلكات *
والأمـل نــزرع نخضر*
شـوف حماية الأسرة جات*
دعــم معنوى للبريه*
بيها هـلــت بشـريات*
ودعـم نفـســى للضحيه*
يبعث الأمـــل الرُفات *
وفـى رحابا الجانــى بلقى*
وصفه تدمجو فى الحياة *
وانت لو مهتم بطـفلك*
هانـى فى حضنك وحالم*
تـلقــى آخــر مابهمو*
طفلو جانح أو مســـالم *
طفل محتاج لــى رعايتك*
قرى عـلـم وانت غانـم*
************
وطـفلـة رائعة ونرجسـيه*
لو بتختن تبقـى ظـالـم *
ربـى خط الرحمه فينا*
وفى القلوب ضـوى المكارم*
والدمـــوع خليــها تنزل*
لونقص مكتـملة نــاقم *
اسـتاجرت بــى حنانـك*
باكية موجوعة وتناغــم *
والعيون مشــدودة فيكـى*
والخطــر لحظات وقادم *
وانتـى أمها وين امانك*
نفسـى أفهم ... انت فاهم؟*
ياحماية الاســرة جيتى*
أبنى للأســـر المعالـم*
أغرســـى القيم النبيله *
وضوى ليل مظـلم وباهم *
ذكرى الأنسان حضارتو*
وخلى ثغر أطفالنا باســم*
****************
ولـو حكالك طـفـل موقف*
والمواقف فيها مخــزى *
لـو تنامــى الشــك تعاظم*
إنو اسـتغلال وجنسى *
صــدقو وبادر وبلغ*
لـى حماية الأســرة امـشـى*
لا توبــخ أوتعاقب طفل *
محتاج دعم نفـســـــى*
التصــرف زيدو حكمه*
وتلـقــى فى صـبرك تأسى*
خلــى بالك من حمايتو*
بكرة راقب وبـرضو هســى*
فــى الامـانـى الحلـو زيدو
بالأمــل صّبح ومسىِ
**************
انت طفلك لســه يافــع
دابو قايم عودو اخضــر
لو بقيت أعنف وقاســى
يبقى عنفك فـكرو أخــر
والعواطف فيهو جفت
والســـلوك عـدوانى أكـتـر
والتبول لا إرادى والــكـلام
ممجـوج وأشــــتر
والقلق والـخـوف يلازمو
والحــزن لمزاجو عكــر
لاهـو يوم ارتاح فى نومو
ولاحصل لـى نفســو قدر
ديمه منقـاد غيرو وتابع
ماحصل بــى فكـرة بــدر
منسـحب فى نفـسو مطـوى
والخجل لمشـاعرو يقهر
****************

خلـى طفلك ينمو أفضل
هانــى مرتاح ليهو قـيمة
أوعـى تقــسى وتبقى قاهر
الســلوك الفظ ظليمه
جنبو النـقـد المدمـــر
والأهانة المســتديـمة
لو يشـاركك فكره أفضـل
أحذر الرفض والشـتيمة
ولـو مدحت جهودو بصعد
ومابخاف شـبح الهزيمة
خلِى فى حِسك حواسوا
ومَشِى نفسك مُســــتقِيمة[

[عبدالله عبدالرحمن عبدالله]

]مقدمة برنامج تلفزيوني

لو قلت أحاول أوصفك
وأحزم مشاعري واستهل
بدءاً أبادر وأسألك
عن بهجة فيكي بتستمر
قدام عيون كل البشوف
برنامجك الجد مشتهر
هي الروعة أصلك وخلقتك ؟
والكاميرا مازايداك سحر؟
أم للضيوف تتجملي
وفي البيت مزاجك معتكر؟
دي مصيبة لو طبعك كدا
حاشاك تكوني وما افتكر
*********************
ياسمحةمنك وليك سماح
لاديانة فيك لا توب وجل
يافرحة العاد من بعيد
من غربة ملالا بيمل
ياضحكة الجاهو الخريف
وراجيهو أيام ومنتظر
زرع التقاوي وكملو
ورصيدو من المال صفر
يافرحة الصايم وقام
وباكر عليهو العيد بهل
يابسمة الطفل الغرير
ويالهفة من أم لي طفل
يابسمة ريانة وعبير
ويانسمة في صحراء وظل
مهما احاول اوصفك
ألقاهو بس وصف المُقِل]

[عبدالله عبدالرحمن عبدالله]

لى وين معاك




لى وين معاك ماشـين سوى ؟!
كـف جـوه كف مستأنـسين
عاليـه الهـمم والأمنـيات
فـوق الثـريا مـرفرفـين
عـين جوه عين ذايبين هوى
نرجـع نتوب مســتغفرين
********
ياانتــى يالفــيك همتـى
يااللاقـى فيـك معنـى اليقين
مـرتـاح فى ايديك ذمتــى
مســتأمنك قلبـى ألامــين
****************
لى وين معاك ماشـين سـوى ؟!
لوزول بحـب عاد بمشـى وين !
لــى جنة فيهـا البشـــريات
تنـهـال عليـنا فـى كل حـين
أقــدارنا مامـعـروفة كــيف
لكـن تفــاؤل مــؤمــنـين
نزرع أمنـيانـا الـعـِــراض
زهــرة وتـزيد لـى زهـرتين
وحـديقة تتـعــطر أمــــل
وجمالهـا يـفــرح كــل عـين

[ندى البيلسان]

منتهــــــــــــــــى الإبـــــــــــــــــداع

[عبدالله عبدالرحمن عبدالله]

منتهــــــــــــــــى الإبـــــــــــــــــداع

شكرا ندى البيلسان على المرور

[عبدالله عبدالرحمن عبدالله]

قـلـبـك هفا..

... لي بوح عفيف
لامــس
شـــغافو
و لاطـفـا
أسـعـدهـا
بالزين والعـديــل
شــاد الأمـانـي ووظـفــا
تستــاهـلِى
الزول الوفــى يرويك
بدل كـدرك صـفــا
يـطـوع معـاك المسـتـحيل
يســـقـيـك حـلـيـب الطـير وفا
***********
قــلـبك هــفــا .....
...شـــن قلت ليك
شـــــــــايف طــــريف الحـــور غفا
عايشــــــــــت رعـــشـــــات الكلام
مالا المشــــــــاعر المرهــفــــه...!!؟؟
تســـــــتاهلــــــــى
المــاقـالو زول
نثـــــراً
ولاشــــــاعر قــفــا
لا فــــى تعابــيـر الجـمـــال
داخـــل ضــــروب المعــــرفه

[عبدالله عبدالرحمن عبدالله]

تيار إلفتِك

يـا روحي كيف الريد بكون
كيف ببدأ كيف بي روعتـك
يمكن يكون قلبك عرف
درب الغـرام فـي دنيتك
وانـا دابي فـي بداية الطريق
جارفنــي تيار إلفتـك
بـالله كيف حـال البحب
كـدا قولـي اسـمع كلمتـك
الليـلـة حالـي غـريب خلاص
خايف وشــاعر رهبتــك
نبـض القـليـب خليهو داك
يسـرع يزيـد في ضحكتـك
ولسـاني بتعثـر معاك بصبح
سكوت فـــي حضـرتك
وغشـاوة فـي عيني تكون
والـدمع مسجون نظرتك
لو غبتي بـغلبني الحنين
والشوق بهيـم في سكتك
يا واحة في صحراء الحياة
ولهـان قليبـي بخضرتك
لو حالتي تشخيصها الغرام
انا في انتظار يوم رحمتك
أرعينـى فى درب الهــوى
لو حبــى صادف رغبتـك
لـكني خـايف من ظـروف
من بــدري قفلت سـكتك
خلتني ما اوصـل اليــك
وفـي قلبي دااااافية مودتك
والله بيك بفرح سـعيد
لو بكرة أبقى فى قسـمتك

[عبدالله عبدالرحمن عبدالله]

كلما قربنـــــا منـــــك
نلقــــى قلبـــك مـــا معانـــــــــا
وكلمـــــا حـــــاولنــــــا نبعـــد
نـــلقـى شوقك احتوانـــــــا
قـــولــي إيـــه نعمـــل معاكي
يا بهجة الدنيا وحنــانــــا ؟؟!
***** ****** *******
يــــا فــرح طـــول مســـافر
وبالســــلامة رجـــع ضرانـــــــــا
واكـتست دنيــــانــــا خضـــرة
والجمال غنى وشــــــــدانا
البفــــــــــوت من غير يلاطف
يبقى زول أخر ســــــــــوانا
مــــرة ورديـــــة وشذيــــة
شعــــرك المســـدل سبــــانـــــــا
ومـــرة فـــي عينيــــك اسيــــة
تسيبنــــا نتســـــاءل برانــــا
ومرة طفلــــة مـــلائكيــــة
وبين اديــــكي مصــــير هوانا
********
قـــلبـــي يــــا مسكين معــــذب
بين لـــظـى الدنيــا وجنانــا
يــوم فراشـــة تطيـــر وتنـــزل
فــي خدود الاقحــوانــــــــة
ويــــوم بتحــــرق فـــي هجيـــرا
لمـــا يتعثــــر لقــــانـــــــــــــا

[عبدالله عبدالرحمن عبدالله]

اصطفيتك

ذبتَ فيكي وسلسبيلك

وارتويت اطيب مشاعر

فيني احساس بستميلك

انتي زيك اصلُو نادر

ما بسيبك في سبيلك

حتي لو شغلو الدوائر

وما بفارق ند أثيلك

الخيال مشغول وشاغل

يا حديقة شذي عبيرك

جَمة للحُلم المهاجر

ومرسي للطول مسافر

اصطفيتك

طاب مَقِيلك

[عبدالله عبدالرحمن عبدالله]

قلم وأمسية

- استعرت منها قلم باركر ازرق ذو أنجم ذهبية ولأنه ينتمي إليها وأردت له أن يعود . كانت لي معه هذه الأمسية:-

بكره لو سألوكا عني
احكي يا حلو المناظــــــــر
زي حكاوي الجد قلوبهم
فاتحة للريد المحاضــــر
وكيف نمل الأنس فيهن
هل يمل نفح الازاهـــــــر؟!
*** *** ***
بكره لو سألوكا عني
وعن زمن قضيتو مشتــــــــاق
قول لست الكل تعبت
مع حنين دمعو دفــــــــــاق
بت ابكي الليل معاهو
وبي دموعنا ملينــــــــا أوراق
*** *** ***
بكره احكي بكل حاجة
لو حصل سألــوكا عنـــي
قول لست الناس حكاوي
وحاول اشرح حتى ظني
احكي عن قلــــــــــــــبي المتيم
وعن حنين افتتنــي
وعن حروف باتت معايـــــــا
سابحة في دنيا التمنــي
تحظي بي منظومة فيهــــــو
وتبقى اسعد هي منـــي
*** *** ***
كنت من غيرك معذب
وكيـــــف بعد قربــــت منــي
فيك أحس مس الأنامل
واحظي بيها بعيدة عنــي
وألقى فيك ذوق الأميـــــــــرة
ذو منـــــــــاظر استبنـي
النجوم ذهبية فيك
ولونك الأزرق أســــــــــــرني
*** *** ***
بكره لو سألوكا عني
وعن لحيظاتك معـــــــايـــــــا
احكي للزول البريدو
عن همومي وعن هوايــــا
وعن أمل اخضر زرعتو
ومن حنينو بدور سقايــــــة
وعن قليب ولهان بردد
غنوه الشوق في الحنايــــا
*** *** ***
بكره لو سألــــــــوكا عني
كيف لقيت كيفن ضرايا
قول (ل.........) العزيزة
فيهــــو حب الناس هوايـــة
بعشق الطيــــــف والحقيقـــــة
وبشتكي مر الشكايــــة
وفي خيـــــــال حلوين بساهر
حتى لو مجهول نهاية

[محمد سليمان]

ابداع 00% مشكووووووووووووووورررررررر

[عبدالله عبدالرحمن عبدالله]

هل بتكتب؟

ايوه بكتب يا عزيزة
مرة للوالده البعيدة
وللصِحاب مرات برسل
كل يوم اشواق جديدة
وكل معارفى بخصهم
بالخطابات العديدة
وبرضى بكتب يا عزيزة
لكل طيبة سبانى ريدة
ولو بعيش ايام جديدة
لسه حا كتب للبريدة
ولو صارت الكلمات عنيدة
مامهم تطلع قصيدة
اى حاجة تكون شهيدة
انى ساهرت وكتبت
وفى هوى المريودة ذبت
وذكرى للتاريخ عملت
وعلى جدار الليل نقشت
أسمها واسمى ورسمت

هل بتكتب ؟
أيوه بكتب وانتى برضك
لوفى يوم جاتك رسالة
طويلة من انسان بحبك
شمعة ساهر يحكى ليكى
كيف حياتو ملاها شخصك
الامل عاد بيكى اخضر
والعمر ازدان وازهر
وكل شى فى حياتو نور
مش حتكتبى ياعزيزة
لا .......... بربك
الحبيب مستنى ردك
ايوه اكتبى انتى برضك
لى قريب او زول بحبك
فى البعاد اضناه حبك
راجى تصلو رسالة منك
فيها اى صغيرة عنك
ارتعاشاتك وظنك
اكتبى واعزفى لحنك
أملى كاسو وبرضو دنك
وغنى يا محبوبتو اصدحى
......... ورى فنك
مش حبيبك مش بريدك
اكتبى واختصرى اسمك
بكرة توصلو الرسالة
وفيها كم يتجلى رسمك

[عبدالله عبدالرحمن عبدالله]

ابداع 00% مشكووووووووووووووورررررررر

[size=

5]
اخى محمد سليمان
اشكر لك مرورك واعجابك[/size]

[عبدالله عبدالرحمن عبدالله]

نسمة وعطش

يا نسمة من تالا الصعيد
غشيتى لى زولى الحنين
خليتى كيف وارد الرهيد؟
كم زول معاهو مرافقين؟
والراوية.. صفايح حديد
ممطوط محل بركب سِعين
تلقاها جركانتين تبخ
مربوطة بى حبلا متين
والزاملة لو شالت قِرب
خُت قِربة فوق القربتين
حاسب يقِد القربة عود
كدارى امشى ورا الحمير
يوماتى جارى ورا الورود
موسم زراعتك ينتهى
ما حاسى بالنسمة المعاك
هى لطيفة غيرك يشتهى
يانسمةهل حاسيكى زول
ناساً ورا الدنيا ام قدود
جارية ابتكابس فى الرزق
والعمر كل يوم يتمحى
اناغايتو لمن كت هناك
شاغلنى خوفى من الرعود
وماخدنى مِنك بعدها
هم الزراعة مع الورود
والدونكى لو اصبح بخير
يانسمة ما اظن يهملوك
كان نمو وإياك احلى نم
جرارى كرو وطمبروك
اترجم احساسم نغم
ونطن بنياتم كشوك
والدونكى يا الداير تسود
يطروك اهلى ويشكروك
هو الروح لأهلى وبهجتم
والموية أغلى من الملوك

[عبدالله عبدالرحمن عبدالله]

يمه جد مشــتاق أزورك
وفى دريب وادينا أمــشى
وألقى خطوات الطفولة
كبرت والأيام بتمــشى
أحظى بالنبق والتبلدى
أشوف هشابنا وبعض غـرسي
وغنيماتى الرعيتن ..
بلقى فيهن باقى هِـسي ..!!!
ولا فاتن يمه رحلن
زى سواد شعرِى الفى أمــسى
:-
يمه ما مشتاق أشوفك
وانتى صليتي الرغيبة
واقفه بين ايدين الِهك
فى خشوع للـفريضه
مستقيم دربك لربك
ربي حِيد الشر دريبا
انتى دعواتك حبيبه
للهموم تمسح تنسى
وانتى ما روحك شـفيفه
بى حواسـك سامعة همسي
أسال الله يطول عميرك
في رحابك بلقى نفسي

[عبدالله عبدالرحمن عبدالله]

قـــلبـــي يــــا مسكين معــــذب
بين لـــظـى الدنيــا وجنانــا
يــوم فراشـــة تطيـــر وتنـــزل
فــي خدود الاقحــوانــــــــة
ويــــوم بتحــــرق فـــي هجيـــرا
لمـــا يتعثــــر لقــــانـــــــــــــا