الكهرباء دي حكاية شنو...؟

[ابوبكر]

أفادنا احد مواطنيين حي الكلاكلة القلعة بأنه قد قطعت الكهرباء من الساعة 8:15 مساءً حتى الساعة 2:30 صباح اليوم نتيجة لضرب الأمية بصورة متكررة وقد تاثرت بذلك مناطق ابو آدم والكلاكلة وما جاورها من الأحياء

[ابوبكر]

كما تم قطع الكهرباء عن منطقة الجريف غرب منذ صبيحة يوم امس ولم تحضر حتى الساعة 4:00 مساءً لتعاود القطوع بعد الساعة الثامنة وحتى لحظات كتابة هذه الكلمات لا تزال الكهرباء قاطعة .
وقد افادنا احد مواطنيين الحاج يوسف بأن قطوعات الكهرباء في منطقة الحاج يوسف مستمرة بصورة اكثر من تواجدها .

[ابوبكر]

عادت الكهرباء لسيرتها القديمة الجديدة فقطعت في منطقة الجريف غرب من الساعة الثامنة صباحاص حتى الساعة الرابعة والنصف عصراً بعد داك في حوالي الساعة التاسعة ضربت الأمية وقطعت خطوط وبعد مسافة قطعت باقي الخطوط كلها لتعود بعد ساعة .
وبعدين يا سيد مكاوي هل الحال حا يكون كده في رمضان ولا يمكن يكون عندك مولد وما محتاج للكهرباء

[اميرة سيف الدين كامل]

هي فعلا مشكلة لكن نعمل شنو؟( العين بصيرة واليد قصيرة) نشتريها بالقروش وبرضو بتقطع!!!.:

[ابوبكر]

[quote="اميرة سيف الدين كامل"]هي فعلا مشكلة لكن نعمل شنو؟( العين بصيرة واليد قصيرة) نشتريها بالقروش وبرضو بتقطع!!!.:[/quote]

دي حقيقة يا اميرة في مشكلة حقيقية في الكهرباء وقطاع الطاقة عموماً في بلدنا
لكن الشئ المحبط وبيزيد وجع القلب انك تلقى مسئولين كزابين ما عندهم اي مصداقية يملاوا الجرائد تصريحات انو ما حا تكون في قطوعات والقطوعات بقت اكتر من فترة تواجد الكهرباء وزي ما قلتي بالرغم من أننا بنشتريها بقروشنا وبندفع مقدم كمان ،،،، عليك الله ده ما نوغ من النصب لما تشتري سلعة وتجي تلقيها مافي .
قبل يومين جابوا اعلان في الراديو بتعتزر فيه السيدة الموقرة الهيئة القومية للكهرباء عن القطوعات الي حدثت في الفترة الفاتت دي يعني من بداية رمضان وجاي وهي اول مرة اسمع فيها انو الهيئة القومية العظمى للكهرباء بتعتزر للمواطنيين عن القطوعات ...... وقالت انو القطوعات كانت بسبب العواصف الي ضربت البلاد في الايام السابقة ،،،، طبعاً دي حجة واهية وما بتنفع معانا .. لأنو السودان ده يومياً فيه كتاحة وفيهو هواء وزيد عليهو مطرة ..... وبعدين لو السلوك اتقطعت ده من سلوكم ما الهواء ...
نحن عارفين جداً انو في ناس شغالين بجد في الكهرباء دي من عمال ومهندسيين وفتيين ،،،، لكين لو قسنا حجم العمالة الفي الكهرباء المفروض انو السودان ده ما تقطع منه ابداً.

[ابوبكر]

[align=justify]نعود من جديد لنفس السيرة المتجددة دائماً عسى ولعل نطلع الغبن من جوه نفوسنا ونفضفض شوية امكن نرتاح بعد ما ناس الكهرباء عزبونا وشوانا عديل كده .
طبعاً كلنا عايشنا القطوعات الكتيرة الى حاصله الأيامات دي ياربي سببها شنو ؟ حقيقة أنا ما عارف ليها أي سبب يمكن يكون وجيه ويحفظ ماء وجه السيد/ مكاوي ، ايام الفيضان يقولوا الخزانات وسخانة ومليانة طمي وشجر وكده ، طيب اسع بعد البحر ما نزل الحاصل شنو ؟ كمية الموية ما بتكفي انها تدور التوربينات ولا شنو ؟[/align]

[بلدي]

واللة الكهرباء حيرت الناس بلد زي السودان مفروط تكون الكهرباء متوفرة بس نقول شنو اللة يعين

[همسة عطر]

الأخ/ أبوبكر

اشكرك على اثارتك لموضوع هام الا هو الكهرباء .. هذا الشيئ المعجزة في بلادنا فقط ؟!.. أبسط الأشياء في العالم يقدم للمواطنين كخدمة ، وليس استثمار .. .. لازم ناسنا يصعبوها .. ويعذبوا الناس ويتفننوا في عذابهم .. يا سيدي الكريم هل تعرف أن السودان من الدول الفقيرة .. وقيمة الكهرباء مرتفعة لابعد الحدود أعلى تعرفة موجودة في العالم العربي .. وأحتمال تكون أعلى تعرفة في العالم لو قارنها بدول العالم الأخرى .. وبعد كل ذلك لايزال (الانقطاع مستمر) أكثر من نصف قرن .. والناس الغلابة .. تعيش في الظلمة وتدفع فلوس بدون فائدة .. ولو أحضرت مولد كهربائي من الخارج .. دفعوك مبالغ خيالية .. لأنك احضرت أشياء للرفاهية كما يقولون .. ونرى العذاب مستمرللمرضى والطلبة والناس أجمعين .. علماً بأن الاستهلاك اليوم للناس عادي (بل اقتصادي) حيث لاتوجد مكيفات فريون ولاغيره إلا ما ندر.. خلاص العالم زهجت وفاض بها الكيل بعد أن نرى أمام أعيننا (حشفٌ وسوء كيل) .. وأيضا الماء الذي كان في الماضي مجانا ... أيضا سعره مبالغ فيه ..
أين الضمير .. أرحم المساكين .. وأرحموا من في الأرض يرحمكم من في السماء.

ودمتم في خير ونعمة

[modey]

لكن هسع كيف لسه مافي كهرباء قصة

[modey]

|--*¨®¨*--|حرررررررااااااااااااااااااااااااااااام|--*¨®¨*--|

[Mr.POGIz]

كان موضوع غريب جدا
الكهرباء بتقطع في ايام محددة ومعروفة لساعات معينة وبصورة منتظمة
ما اعتقد عشان الصيف او عشان الامطار

ولو عشان الامطار ما كانت انقطعت بصور منتظمة

عموما دا كان في الماضي والفات مات

جات كهرباء سد مروي
وانشاء الله تعالى مافي قطوعات .

وتقبل مروري

[ندى البيلسان]

يا أبوبكر أم درمان نفس الشيء قطعت فيها الكهرباء منذ الثامنة مساء وحتى قرب الفجر .. وهذه الأيام تقطع بصورة متكررة وفي أوقات متفرقة .. قيل أن كهرباء سد مروي يا دوب بدت في حلفا يعمي لم تصل العاصمة بعد .. وبعدين الحجة دوماً أن شدة السخانة هي السبب لأنها تتسبب في ضرب الأسلاك في أعمدة الكهرباء والأميات .. ولا ندري ما العمل خاصة مع هذا الصيف الحارق .. وربنا يكون في عونا .. وبإستمرار الصيف بهذا الشكل تأكد أن القطوعات ستستمر .

[ابوبكر]

[font=Tahoma]

كتيرين مننا زكروا سد مروي وانه حا يغطي حاجة البلاد من الكهرباء ، دي والله حاجة عظيمة لكين نحنا دايرين تفسير للحاصل حالياً من قطوعات خصوصاً في هذه الفترة التي نحنا فيها احوج ما نكون لأستدامة الكهرباء ، ناس الهيئة القومية للكهرباء بيقولوا انو في ازدياد في الإستهلاك ، انا مابعرف الزيادة دي جات من وين ؟ امكن يكون كل واحد في الشعب السوداني رطب وركب ليهو مكيف فريون في غرفته ده لوكان عنده غرفة براه ولا عدد التلاجات الدفريزر بقى اكتر من البشر والمراوح بقت في الشوارع والموتورات شغالة ليل ونها عشان تجيب لينا الموية الي لينا زمن بنساهر ليها لي أنصاص الليالي وبعد ده يمكن تجي وما تجي وخسرانين عليها فلاتر وشمع وبعد ده ما نضيفه .
يا ناس الهيئة القومية للكهرباء انتو شلتوا قروشنا مقدماً ، فأدونا حقنا كاملاً ، والا انتم قد قد اصبحتم ...... !!!! .
وبالمناسبة دي بمناسبة القطوعات والحر الشديد ده والسحائي المنتشر الي اتسبب في عدد من الوفيات مع انعدام التطعيم ضد السحائي ..

[/font]

[معتز سيد]

أخوي أبوبكر سلامات
والله الكهرباء دي حقيقة موضوع ، أنا شخصياً متضرر من القطوعات
و(متأزم) منها أزمة شديدة

سمعت كلام من الوزير قبل أمس، هو نفسه كان (بيقراه من ورق) يعني هو زاتو يبدو
إنه ما مُلم بالحاصل تماماً.

وعشان ما يبقى كلام مني (ساي) ، بحاول (أفتش) هنا وهناك وأجيب المفيد
عشان نعرف المشكلة وين
احنا زاتنا والله بقينا عايزين نعرف، المشكلة في شنو (نفسيات وعدم إمكانيات؟!)
هل المشكلة في الإمكانيات، ولا مشكلة في التخطيط وافتقار الهيئة لمهندسين ذوي خبرة
قادرين على حل المشكلة حل جذري، ولا الحاصل شنو.

وهل القطوعات دي تأثيرها على حركة التنمية بشكل عام ملحوظ، أم يُمكن الاستهانة به
المصانع الموجودة في العاصمة تعاني معاناة كبيرة، كيف تُدار أمورها في فترة الصيف؟!!
أسئلة كتيرة ومحيِّرة!!!

كدة مع بعض نفتش أخبار من أي مصادر صحف، وكالات أنباء، مواقع إخبارية
عشان نفهم الحاصل شنو؟!!



ولي عودة...
[fot1]تحياتي أخوي[/fot1]

[ابوبكر]

أخوي أبوبكر سلامات
والله الكهرباء دي حقيقة موضوع ، أنا شخصياً متضرر من القطوعات
و(متأزم) منها أزمة شديدة

سمعت كلام من الوزير قبل أمس، هو نفسه كان (بيقراه من ورق) يعني هو زاتو يبدو
إنه ما مُلم بالحاصل تماماً.

وعشان ما يبقى كلام مني (ساي) ، بحاول (أفتش) هنا وهناك وأجيب المفيد
عشان نعرف المشكلة وين
احنا زاتنا والله بقينا عايزين نعرف، المشكلة في شنو (نفسيات وعدم إمكانيات؟!)
هل المشكلة في الإمكانيات، ولا مشكلة في التخطيط وافتقار الهيئة لمهندسين ذوي خبرة
قادرين على حل المشكلة حل جذري، ولا الحاصل شنو.

وهل القطوعات دي تأثيرها على حركة التنمية بشكل عام ملحوظ، أم يُمكن الاستهانة به
المصانع الموجودة في العاصمة تعاني معاناة كبيرة، كيف تُدار أمورها في فترة الصيف؟!!
أسئلة كتيرة ومحيِّرة!!!

كدة مع بعض نفتش أخبار من أي مصادر صحف، وكالات أنباء، مواقع إخبارية
عشان نفهم الحاصل شنو؟!!



ولي عودة...
[fot1]تحياتي أخوي[/fot1]

الرائع حد الدهشة
معتز تحياتي
الواقع اخي الكريم انو الموضوع ما محتاج كتير تفتيش لو نظرنا بتمعن الى الهيئة القومية للكهرباء
تعتقد انو القصة قصة امكانيات وبرضه ده ما صاح ... طيب تتخيل الهيئة القومية للكهرباء بدخل في اليوم الواحد كم ؟ اكيد مبلغ خرافي وكبير . جيوش العاملين والمهندسين والموظفين الي بالالاف ماليين مكاتب الهيئة القومية للكهرباء ما قادرينن يعملوا حاجة ؟ بالمناسبة طبعاً اي واحد شغال فب الكهرباء وضعه احسن من الشغاليين في بقية مرافق الدولة من صحة وتعليم وما الى ذلك بل انو العامل في الهيئة القومية للكهرباء بالنسبة للمذكورين بيعتبر مليونير ومرطب تمام التمام.
الحكاية ومافيها هي تهاون وعدم جدية ومجاملات اكتر من اللازم .
هل تعتقد انو ناس الهيئة القومية للكهرباء ما انوا عارفين انو شهر اربعة حا تكون في ازمة في الأمداد الكهربائي ؟ لماذا لم يحتاطوا لذلك ؟ هذه الأزمة متكررة كل عام في هذه الفترة بالزات فا ما ممكن الناس ما يفكروا ليها في حل وحل جزري كمان . ولاشنو ؟

[احسان]

الرائع حد الدهشة
يفكروا ليها في حل وحل جزري كمان . ولاشنو ؟

المشكلة كبيرة بالنسبة لي قطع الكهربة

انحنا الايام الفاتت الكهربة عندنا فل 24 ساعة علي 24 ساعة بس قبل يومين قطعوها من الساعة 5 مساء لي الساعة 11 في الليل والله حاجة تقرف وتاني امس قطعوها علينا من الساعة 7 لي الساعة 12 يعني كدا ما ممكن خالص لو كنا ما بندفع معليش بس حقهم مقدما اليوم الحمد لله مافي قطع لي هسي ان شاء الله يتم اليوم كدا وتاني ما نلاقي قطع في الكهربة بالجد العيشة بدون كهربة صعبة شديد شديد

[معتز سيد]

سلامات أخوانا أبوبكر ، وإحسان ، وكل من يهمه الأمر

الغريبة من يوم الخميس في استقرار إلى حد كبير على خلاف ما جاء في تصريحات
الوزير أمام البرلمان، هو (بشرنا) إنه ح تستمر القطوعات إلى نهاية يونيو أو بداية يوليو
(بالصدفة ولا شنو!)

في توربينين من سد مروي تم ربطهم بالشبكة في مرحلة تجريبية، ويبدو انهم واجهو مشاكل فنية
(دة عذر ينبغي أن لا يستمر طويلاً).

عموماً السنة دي تعتبر الأخيرة الممكن يكون عندهم عذر للعجز والمشاكل الفنية وما إلى ذلك.

وفي افتتاح السد صرح الرئيس بتخفيضات في أسعار الكهرباء من شهر يونيو، (أعتقد انه ما
كان دقيق في تحديد الفترة فهو بيقصد بعد عمل السد وربط التروبينات كاملة بكافة الشبكات).

آثار اقتصادية مترتبة على المواطن، الآن المصانع تعمل بتوليد كهرباء ذاتي (المولدات)
مما يعني ارتفاع تكاليف الإنتاج، وهم بدورهم طبعاً ح يعوضوا هذا الارتفاع بزيادة أسعار
المنتجات. يعني المواطن (ملدوغ) من عدة (جحور)

ربنا يصلح الأمور ،

[محمدجبوالخليفه]

اين واين واين واين واين واين واين واين السودان سوف يصدر الفائض من الكهرباء للدول المجاورة اضحكي يامدينة انهاء مهذلة لاندري متي تنتهي وقناة الجزيرة قبل قليل تطرقت لانقطاع الكهرباء بعاصمة السودان نعم عاصمة السودان والتي يطول فيها الانقطاع لااكثر من 12 ساعة وبرضو بقول اسمعي واضحكي يامدينة

[ام صبا]

والله الناس تعبت وما عارفه تعمل شنو وعود فى وعود
والشكيه لى بايدا قويه يفرجها من عنده وربنا يخفف على الناس الحاصل ده وما بنقدر نقول ــــــــــــــــــــــــــ

[احسان]

[]اين واين واين واين واين واين واين واين السودان سوف يصدر الفائض من الكهرباء للدول المجاورة اضحكي يامدينة انهاء مهذلة لاندري متي تنتهي وقناة الجزيرة قبل قليل تطرقت لانقطاع الكهرباء بعاصمة السودان نعم عاصمة السودان والتي يطول فيها الانقطاع لااكثر من 12 ساعة وبرضو بقول اسمعي واضحكي يامدينة[/]

الله يعينكم بالجد شكل الحالة صعبة كتيرررررررر