قصةجديدة عن جنون البنات بمهند هذه المرة من السودان

[قمر ام درمان]

--------------------------------------------------------------------------------

تذكرون الحلقة إلي تعرض فيها مهند للطعن
في نفس اللحظة من وقوع مهند بعد طعنه
شهدت باحة مستشفى إبراهيم مالك في الخرطوم مشهد درامي من نوع آخر حينما نقلت فتاه وبشكل عاجل إلى المستشفى المذكورة أعلاه وهي في حالة إغماء كامل من جراء مشاهدتها سقوط نجمها المحبب (مهند) صريعا في المسلسل ليتم إسعافها إلى المستشفى ويتم الاتصال بشقيقها للحضورالى هناك بغرض متابعة حالتها
الشقيق والذي حضر إلى المستشفى بسرعة تفاجأ عندما علم من ذويه أن سبب الإغماء هو مشاهدتها لمشهد طعن مهند واعتقادها انه مات
وحينها لم يتمالك شقيقها الغاضب نفسه فرفض إدخالها إلى الطبيب متكفلا بعلاجها عن طريق ضربها ضربة قوية كانت كفيلة بإفاقتها من إغماءتها (المهنديه) ومن ثم أخذها إلى البيت وسط دهشة وسخرية الكثيرين
والطريف في الأمر مارواه المواطن علي عبدا لرحمن (سوداني) والذي حكى لجريدة الأحداث هو التطمينات التي بثها الأهل في نفس ابنتهم حينما أخبروها أن مهند لم يمت بل تم أخذه إلى المستشفى وأنه بحاجه إلى كلية من متبرع وأن زوجته (نور) ستتبرع له من أجل إنقاذ حياته الشيء الذي ادخل البهجة والسرور في قلب الفتاة والتي رددت بسرور (يعني مهند حي ؟)
وحكى بعض الشهود العيان وقائع غريبة لما دار في عدد من البيوت السودانية بعد بث حلقة طعن مهند وأن كثيرا من البيوت تحولت إلى ما يشبه (بيوت العزاء )عقب طعن مهند مؤكدين أن كثيراً من النساء قد بتن حزينات لطعن مهند واكتفى بعضهن بأخذ نوبات من البكاء المر على مهند في حين أبدى بعض الرجال ارتياحهم بأنهم افتكوا من مهند وانه قد مات............................
منقول من جريدة الأحداث


لكم خالص تحياتي

[محبه]

ههههههههههههههههههههههههههههههههههههههههههه هعهعهع هعهعهعهع ههههههههههههه هع هع هع
لكن موضوعك عسل يا ام العشره لكن البنت (ظهرتى عامله )عملتى ظاهره (قايله روحها نور ولا شنو) هع هع هع هههههههههه
هو صحي المنظر ماثر وانتي عارفه البنات ما حنينات وبالذات انا وبيني وبينك انا ذاتي بكييييييييييييييييييييييييييييييت لمن لله غفر لي وناس البيت شغالين لي يا بت استغفري
والعيون بقى لونهم احمر والوش اتورم والمخاخيت وجنس حاله علي وكيس المخده شريتوا في الحبل من شده ما اتبل دموع
لكن اصل لدرجه اغماء وجري مستشفيات لالالا دي ما بعملها
لكن بيني وبينك الولد ما كسار عديل كده عشان كده مجهجهنا معاهوا
مشكوره يا ام العشره وتقبلي مغرزتي في بوسترك الرائع اختك محبه الحبه (محبه غرزه)

[احسان]

[grade="00BFFF 4169E1 0000FF"]لا حول ولا قوة الا بالله

يعني معقول حتي التمثيل بياثر كدا

يعني تاني ما نحضر مسلسل لا نبكي ولا شنو

دى مبالغة عددددددددددديل منها لو كنت مكان اخوها طعنتها وانتهي الموضوع

معروف ان مهند بيمثل وبس يعني هو مث وانتهي الموضوع الشلاقة ليها شنو بس

طيب لمن خلص المسلسل البت دى عاشت كيف الله يكبر عقلها بس

يااااااااااااااااااي البت حساسة شديد الحقوها

تحياتــــــــــــي يا غالية ( ام العشرة)

يسلموووووووووووو[/grade]

[al_beyankonery]

دا تخلف والله مهند شنو وكلام فارغ اصلو بنات الأيام دي ما بتأثرو الا بالفارغه عشان هم فارغين ومتخلفين الله يشفيهم ويهديهم

[قمر ام درمان]

والله يامحبة باين عليك دمك خفيف .. وشكلك تخيلتو رشيق
وروحك حلوة ودا من التعليق الظريف والاعتراف بالانفعال
بالمواقف الرومانسية .. والله بيني وبينك ومافي زول يسمع
كلنا عيونا بتدمع والنخرين بتسيل لكن بالخفاء ..
والله المشاعر الانسانية دي موجودة في كل قلب .. بقض النظر
عن الموقف لو سوداني او تركي..

[قمر ام درمان]

الاخت احسان شكري وتقديري على تحليلك المنطقي ..
وسألك سؤال .. ماحصل ابدا بكيتي في مسلسل ؟؟
لكن صح في مبالغات كثيرة حصلت في هذا المسلسل بالذات
في الاردن .. في السعودية في نساء تطلقن بسبب المسلسل
في كل المدن العربية حصلت حاجات عجيبة .. والله عالم
مجنون وقليل ادب ..
في السعودية اي واحد يخت صورة مهند في سيارته يعملوا
ليه مخالفة مرورية..
تصدقي انا واحدة من الناس الماشاهدوا المسلسل !!!!
لانو اعتبرته هيافة وضياع زمن !!!

[قمر ام درمان]

دا تخلف والله مهند شنو وكلام فارغ اصلو بنات الأيام دي ما بتأثرو الا بالفارغه عشان هم فارغين ومتخلفين الله يشفيهم ويهديهم

والله كلامك في محلو ... معظم البنات في الوطن العربي عقلهم
صغير ومعظمهم هايفين .. وعندهم فراغ عاطفي وذهني

والله يهدي الجميع

[قمر ام درمان]

كيفكم ياأعضاء إن شاء الله بخير


المهم الخبر يقول



صعد مواطن في الأربعين من عمره إلى برج الكهرباء في منطقة الحاج يوسف بمحلية شرق النيل الخرطوم بحري وهدد بالانتحار ما لم تعاد إليه زوجته، وروي الرجل الذي هدد نفسه بالانتحار أن زوجته أخذها أشقاؤها إلى بلدتهم بعد أن كثرت المشاكل الأسرية بينهما ووصلت إلى حد أن يضربها ،وقد تجمع عشرات المواطنين وقوات الدفاع المدني والمباحث الجنائية والشرطة وفشلوا جميعا في أثنائه عن مطلبه


امحق مفاوضين

واستمرت رجاءات المباحث والشرطة معه لاقناعه بالعدول عن فكرة الانتحار ساعات وكان فيها كثير الطلب تارة يطلب عصير ليمون وأخري يطلب ماء مشترطا أن لاتقدم له إلا بواسطة أخيه الذي مل الصعود والنزول في تقديم هذه الطلبات ولم تكن أمام الشرطة حيلة لاثنائه عن الانتحار إلا الاستعانة بامرأة شبيهة لزوجته بعد أن قدم لهم مواصفاتها في مفاوضاتهم معه وقد تم احضار المرأة وعندما شاهدها من أعلي البرج نزل في هدوء نحوها إلا أن الشرطة ألقت القبض عليه وأوقفته بتهمة الشروع في الانتحار وهي جريمة يعاقب عليها القانون .

وهذي شبيهة زوجته
V
V
V
V
V
V
V
V
V
V
V
V
V





- لعنبوك هذي أحد ينتحر عشانها؟

- ياااااااااعمي أنا لو عندي هذي انتحر لو اخوانها ماجو ياخذونها

الزبده إن الرجال يوم شبع من الأكل والعصير والماء نزل ومسكوه المباحث والشرطه وكل الموجودين حتى اخوه ومردغوه لييييين مات .

- طيب كان خليتوا الرجال يطب من فوق دام تبونه يموت

(طبعا في صورة للمرأة لم تظهر عندما نقلت الخبر .. تعليق كاتب الخبر تعرف منه شكل المرأة
وكمان صورة لاهل المرأة المذكورة وهم منبطحين على الارض مستنين الزول الطالع فوق ) ....

[احسان]

الاخت احسان شكري وتقديري على تحليلك المنطقي ..
وسألك سؤال .. ماحصل ابدا بكيتي في مسلسل ؟؟
تصدقي انا واحدة من الناس الماشاهدوا المسلسل !!!!
لانو اعتبرته هيافة وضياع زمن !!!

الغالية ام العشرة

انا ياما بكيت في مسلسلات كتيرة

بس بيكون الموقف ماثر شديد

وبيذكرني بموقف حصل حقيقة قدامي مثلا

او موقف واقعي بيحصل في واقعنا العايشين فيهو

بس طعنت مهند ما بكذب عليك بالغ فيها المخرج حبة

ما ممكن تخليني ابكى ولا اعيش اليوم زعلانة وكدا

اما عن المسلسل بصراحة ما خليت حلقة لافة من يوم عرفتو

وشخصيت مهند كتير حلووووووووووة مووووووووووووووووووت

اما عن جنووووووون البقر :D دا سورى جنون النسوان دا بصراحة هبالة

تحياتي يا رائعة

[المقدام]

[align=center]الله يشفي بس[/align]

[ابوبكر]

بالمناسبة الموضوع ده عنده ابعاد كثيرة وخطيرة جداً بتجسد الحال في محيطنا العربي والقومي والمسئلة بتعكس جوانب خفية الناس ما عارف بتجنبوها ولا بيخافوا منها ولا شنو الحاصل ماعارف ؟
يعني البنات لما تحصل ليهم الحالات دي وبصورة واضحة كدي زي دي ، معناها في خلل في حياتنا وفي تعاملنا مع بناتنا ونسائنا .
الأحسن نراجع نفسنا ونبحث السبب شنو البخلي بناتنا يغمرن ويحصل ليهن الحاصل ده ؟

[قمر ام درمان]

اخي ابوبكر .. اراك اصبت كبد الحقيقة ..
والبنات عامة عندهم فراغ نفسي وفراغ عاطفي..
وشتان بين مجتمعنا والمجتمع الذي نشاهد الاحداث فيه
في المسلسلات ..

[القمر بوبا]

هههههههههههههاي شدني الموضوع بس مااقول غير هم يبكي وهم يضحك

[قمر ام درمان]

يالقمر بوبا نورتي في سماء موضوعي ..
وشكرا على الضحكة الكبيرة ..

[بلدي]

الصراحة لمن مهند اطعن انا زعلتة بس ما لحد يغمى علي اولما خلصت الحلقة عصبتة طبعن هنا في السعودية حصلت عندنا حاجات فظيعة بسبب مهند والبنات متجنينين علية لدرجة

[محمد الجزائري]

ههههههههههههههههههههههههههههههههه

الله يهدي ما خلق

----------

انا كنت من محبي باقة mbc

لكن والله بعدما بدات تعرض هذه الافلام التركية قاطعتها

وكرهتها كرهااااااااا شديدااااااااااااا

وشكراااااااااا لك علي الموضوع

[همسة عطر]

ام العشرة

مشكورة على قصتك المثيرة .. ولكن ليس هذا بمستغرب في زمننا المعاصر .. فقد نجد العذر لمثل هؤلاء .. فالبعض يعاني أمراض نفسية .. وفراغ عاطفي (هستريا) .. والبعض عايش في أفق ضيق (مسلسات وأفلام وموبايلات وتقليد المشهورين في لبسهم وحلاقتهم فقط في الدنيا ما عنده غير كده .. رأس فارغ تماما) وقد تجد الكثير من الناس يتأثر بالمسسل أو بأحد أبطاله لدرجة كبيرة .. ولذا لو حدث أي شئ لهذا البطل يصاب الشخص المريض بصدمة .. والممثل لا يدري عن معجبيه صدموا أو ماتوا .. وكثير من المعجبات .. شدوا الرحال لمثل هؤلاء .. وصدموا بعد أن قابلوهم وعرفوهم على حقيقتهم .. أذكر في احدى المرات مطرب كبير جاء للرياض قبل سنين عديدة لا داعي لذكر أسمه - ستر الله عليه وعلينا - .. اتصلت به أحدى الفتيات وكنا نسمع تحاوره معها حيث قالت له أنا معجبة بيك وبفنك ومنذ مدة طويلة أحاول أقابلك ولم أقدر واليوم وبعد صعوبة قدرت أجدك .. رد عليها هذا المطرب بكلام تافه سقط من نظرنا والحاضرين ، وكنا نكن له تقديرنا له كبير للغاية بكونه رجل فنان وله تاريخه في الفن .. فقد قال للفتاة المتصلة ..( أنا ما فاضي للكلام الكثير .. أنتِ لو عاوزه ........ آسف لا أقدر أكتب كلامه البذي) ..
الموضوع قد يطول لأن الأحداث الغريبة والتي بدأت مع ظهور المسلسلات التركية .. وجنون الفتيات .. لايصدق .. وقبل ذلك أكيد سمعتوا بموت الممثل أمتيتاب الهندي .. وكثير من الفتيات المصرية انحرن في مصر .. قابلت قبل زمن طويل اخ اعرفه مهندس مصري .. قال لي أنا ما عارف الناس الأيام دي جرى لها أيه ؟!! قلت كيف ماذا حصلت قال : تتصور هندي ما يسوا ريالين .. تنتحر المصريات بسببه ؟!!
وضحكت افتكرتها طرفة وهي كانت حقيقة .. وأذكر قبلها موت الفنان عبدالحليم حافظ .. حيث انحرن كثير من الفتيات ...
نسأل أن لا يبتلينا ويهدينا وشباب المسلمين والمسلمات لما فيه الخير .. ودمتم في نعمة وسعادة ...

[bdr][/bdr]

قال أبن قيم الجوزيه : إذا أرد الله بعبده خيراً سلطا عليه قلبه - إذا أعرض عنه ، واشتغل بحب غيره - أنواع العذاب حتى يرجع قلبه إليه ، وإذا أشتغلت جوارحه بغير طاعته باتلاها بأنواع البلاء .

[p5s][/p5s]

[لينا]

الا انو البنات عوييييييييييييييييييراااااااااااااااااااااااااااات يعني لو كان مات بالجد و قدام عيونهم كانو حيملو شنو؟

الحمد و الشكر لك يا رب انو انا ما بحب مهند السخيييييييييييييييييييييييييف


بس ماتقوم تزعل يا صلاح العجباني؟

[شيرو]

بالجد النسوان ناقصات عقل ودين ’’
المسلسل دى بكرهو كره العمـى

[فنجاطة]

الموضوع ما موضوع مهند في حد ذاتة
الموضوع المسلسل اثار عاطفة البنات الفارغة
نحنا كسودانيات عندنا فراغ عاطفي
من الاب من الام من الاخت الاخوي
لانو بداخلنا في المحبة والحنية للاخت للزوجة
بس تربيتنا ما بتدي فرصة نطلع الحب الجوة قلوبنا انو نوصلو للطرف الاخر
وبيني وبينكم في بنات بتذوها حبة نحنا لشنو نتكسر في رجالم هم كانو بتكسرو برجالنا؟؟
والله والله انحنا عندنا في السودان رجال جميلين اكثر من مهند بعشرات المرات
جمال رجالنا في رجولتم وفي نخوتم