bet-handasa كتب:يالاصيل الحصل ده انا ما فاهماهو نحن في الجمعتين اخوان واصحاب وبي الجد الواحد مننا بيدخل عشان يهظر ويضحك ضحكتين وخلاص لافي زول بيشيل في نفسو ولا في زول بيزعل وده المفروض عشان نحنا مع بعضينا اخوان صاح كده ولا انا غلطانه وبعدين انا ما زعلانه من زول وبتمنى برضو ما في زول يكون زعل مني ولو في زول زعل مني بقول ليه انا اسفه جدا ولك العتبى حتى ترضى بس والله عاملتكم زي اخواني وحبيتكم كده وبرضو العفو والعافيه والعافيه ولو مافي زول زعلان نواصل ضحكنا ساي ماشي
بت هندسه والله كانت اجمل ايام فى الراكوبه لكن ح نخترع اختراع جديد اصبرى بس وفعلا مافى زول شال من التانى شئ والله حتى مشاركاتكم التانيه حبيتا وجاتنى نفس ارد عليها تشـــــــــــــــــــــــكرى ودا العشم برضو فيك يا راقيه
قرفان ديمه كتب:الاخ الاصيل الموضوع من بدايتو كان عباره عن ضحك وهظار ومشاكسات بين اعضاء الجمعيتين ، وكلو كان في حدود الادب والذوق ، ونحنا كلنا هنا اخوان و اخوات والله لاجاب الزعل . علي العموم من ناحيتي والله حتى في الشغل لما اذكر بعض الردود كنته بضحك وناس الشغل بستغربو يقولو الزول ده جنه وله شنو غايتو من ناحيتي مازعلان من اي زول. واذا جرحته واحده من اخواتنا ديل بدون ما اشعر اقدم اعتزاري مقدما .
قرفان والله الشاركن هنا كلهن مافى واحده زعلانه مننا ونحن اخوان والله وكانت ايام ضاحكه ونستنا الهموم ومشاكل الغربه ودا هدف الراكوبه شكرا اخ قرفان وفكر لينا فى شئ تانى اكون حلووووووو
نحن كرجال ونساء خلقنا الله حتى يكمل كل احد الاخر فى حياته
يعنى لااعتقد ان هنالك رجل طبيعى يستطيع العيش دون امراة ولاتوجد امراة طبيعية تستطيع العيش دون رجل يعنى كل واحد لازم يلقى نصفوا الاخر المفقود فى شريك الحياة
وبالتالى فكرة الجمعية كانت عبارة عن دعابة وهظار مع بعض كاخوة فى المنتدى
والراكوبة من اسمها بتعنى الفكاهة والونسة يعنى القسم ده ماداخل فيهوا المواضيع الجادة وبالتالى ليس هنالك اى زعل
والله عم جد استمتعت بقراءة كثير من الردود فى الجمعية وخاصة ادهم وكثير جدا كان بتنتابنى نوبة ضحك لما اكون لوحدى حتى مرة ماما قالت لى (مالك جنيتى ولاشنو بتضحكى براكى ) وحكيت ليها فكرة الجمعية وبعض الردود المضحكة فعلا وقعدنا نضحك مع بعض
يعنى فعلا الجمعية كانت فكرتها حلوة ومسلية
وحاقول لكل رجل
انت نصفك الاخر انثى
ولكل امراة
انتى نصفك الاخر رجل
ومن يظن غير ذلك فعليه الذهاب الى التجانى الماحى عديل (من غير زعل ههههه)
نحن كرجال ونساء خلقنا الله حتى يكمل كل احد الاخر فى حياته
يعنى لااعتقد ان هنالك رجل طبيعى يستطيع العيش دون امراة ولاتوجد امراة طبيعية تستطيع العيش دون رجل يعنى كل واحد لازم يلقى نصفوا الاخر المفقود فى شريك الحياة
وبالتالى فكرة الجمعية كانت عبارة عن دعابة وهظار مع بعض كاخوة فى المنتدى والراكوبة من اسمها بتعنى الفكاهة والونسة يعنى القسم ده ماداخل فيهوا المواضيع الجادة وبالتالى ليس هنالك اى زعل
والله عم جد استمتعت بقراءة كثير من الردود فى الجمعية وخاصة ادهم وكثير جدا كان بتنتابنى نوبة ضحك لما اكون لوحدى حتى مرة ماما قالت لى (مالك جنيتى ولاشنو بتضحكى براكى ) وحكيت ليها فكرة الجمعية وبعض الردود المضحكة فعلا وقعدنا نضحك مع بعض
يعنى فعلا الجمعية كانت فكرتها حلوة ومسلية وحاقول لكل رجل
انت نصفك الاخر انثى
ولكل امراة انتى نصفك الاخر رجل
ومن يظن غير ذلك فعليه الذهاب الى التجانى الماحى عديل (من غير زعل ههههه)
ولك التحية
والله يا زينه كلامك زيـــــــــــــــــــــــنه والله انتى كمان كنتى انسانه لذيذه وفاهمه خاصه لما هظرت معاك بالبوست بتاع خبر احزننى جدا داخل الراكوبه كان موضوع حلووو وكنتى فيهو فى قمة الوعى والفهم وهسى قلتى كلام جميـــــــــــــــــل من انسانه جميـــــــــــــله ودا لحدى اللحظه دى الشئ الانا فاهمو ونسه ما احلاها وما اجملها والله ولمن بدت بدت بسيطه من اخونه قرفان وديل كلهن اخواتى البحبهن من قلبى والله دخلن فى الموضوع لانو لقن فيهو الترفيه المطلوب تشكرى كتيــــر كتيـــــــــــــــــر على كلماتك الراقيه ودا شئ ما غريب عليك
اوووووووووووووووووه السوداني الاصيل ياغالي الجمعية ما هي الا هظار وضحك و بالعكس قوت العلاقة بين المشاركين فيها و انا عن نفسي مازعلانة من اي فرد فيها بالعكس لمن الواحد يدخل الجمعية بموت من الضحك و بكون فرحان شديد من خفة دم الافراد انت او قرفان او ادهم او بلبل كلكم اخوان غالين علي القلب
بت الشمالية كتب:اوووووووووووووووووه السوداني الاصيل ياغالي الجمعية ما هي الا هظار وضحك و بالعكس قوت العلاقة بين المشاركين فيها و انا عن نفسي مازعلانة من اي فرد فيها بالعكس لمن الواحد يدخل الجمعية بموت من الضحك و بكون فرحان شديد من خفة دم الافراد انت او قرفان او ادهم او بلبل كلكم اخوان غالين علي القلب
تسلــــــــــــــــــــــــــــــــــــمى يا الغاليــــــــــــــــــــــــــه بت الشماليه والله دا العشم وريحتو قلبى الله اريح قلوبكن والله الصراحه شكيت من الكلام البتقال انو يؤدى الى جرح من غير ما تقصد واهو بنات الجمعيه ونحن ح نواصل وح نجيب بوستات تانى اجمل واحلى طالما الهدف الضحك والونسه ومافى زعل ح نواصل ان شاء الله وح ندورا مع احلى اخوات واجمل اسره تشكرى يا راقيـــــــــــــــــــــــــــه
والله يا ادهم صاح انا اكبر منك وماتفتكر بزعل
طبعا لا والا ما كنت دخلت معاكم فيكم اخواني واولادي
وهنا بنلغي السنين ونتعامل بالمشاعر والمودة والاخوة
احساس الغربه صعب والحياة رتيبه بنحاول نطلع
من الملل
باننا نهظر ونفرق مع بعض ربنا يديم المودة وما دام
ما زعلت ده كلام جميل روحك رياضية وخلي الحماقة
غايتو أنا زعلاااااااااااااااااااااااانه؟؟؟
يلا راضوني
دايرين تعرفوا من شنو طبعا .......
خلاص حقول ليكم
بس الحصالحني منو......
المزعلني
إنو
أصلا مافي زول زعل يعني شايفه الناس مسالمه شديد (ههههههههههههه)
وربنا مايجيب زعل
بس بالجد يالسوداني في واحد منكم زعل جيبو لي في الواطه دي نتفاهم معاهو؟؟؟؟
الزول ده مابنرضى فيهو
نجي للجد كده :
عايزه أقول أنه لم يجمعنا يوما سوى صدق الحديث ونقاء السريره
وطيب الكلمه وحسن النوايا وحقيقي كل منكم كان له طابعه الخاص في تعبيره ومزاحه
وترك لنا بصمه في ذكرانا نسعد عندما نطراها وترسم الإبتسامه الصادقه التي نادرا
مانحصل عليها .. قد يكون تواصلنا بمجرد أحرف تكتب على صفحات
ولكنها حقيقة مودة وإخاء عنوانها التفاهم والصدق
مضمونها حسن النيه والتعاون وتوقيعها الإبتسامه والفائده
وبدون مجامله عرفت من خلالكم إنو الدنيا لسا بخير
ولسا في ناس بتتعامل بطيب خاطر
غايتو أنا زعلاااااااااااااااااااااااانه؟؟؟ يلا راضوني
دايرين تعرفوا من شنو طبعا .......
خلاص حقول ليكم
بس الحصالحني منو......
المزعلني
إنو
أصلا مافي زول زعل يعني شايفه الناس مسالمه شديد (ههههههههههههه) وربنا مايجيب زعل
بس بالجد يالسوداني في واحد منكم زعل جيبو لي في الواطه دي نتفاهم معاهو؟؟؟؟ الزول ده مابنرضى فيهو
نجي للجد كده :
عايزه أقول أنه لم يجمعنا يوما سوى صدق الحديث ونقاء السريره وطيب الكلمه وحسن النوايا وحقيقي كل منكم كان له طابعه الخاص في تعبيره ومزاحه وترك لنا بصمه في ذكرانا نسعد عندما نطراها وترسم الإبتسامه الصادقه التي نادرا مانحصل عليها .. قد يكون تواصلنا بمجرد أحرف تكتب على صفحات ولكنها حقيقة مودة وإخاء عنوانها التفاهم والصدق مضمونها حسن النيه والتعاون وتوقيعها الإبتسامه والفائده
وبدون مجامله عرفت من خلالكم إنو الدنيا لسا بخير ولسا في ناس بتتعامل بطيب خاطر
غايتو قربت أبقى شاعره (ههههههه)
تحياتي- بنت يوسف ( مدام تمبشه ولا كيف)
وربنا يديم الموده ............
بت يوسف
والله كلامتك اروع من رائعه
وجميـــــــــــــــله جدا والحمد لله انى شفتها
ودا الاصلا كنا حاسينو كلنا
بس ابشرى يا بت يوسف ما ح نقيف نهائى من البوستات دى
