الغيم رحل،،،،،،،،،،،،،،،،،،،،

[فتح العليم]

[align=center]الغيم رحل
الغيم رحل ..... سرق الدعاش ..
وانا لسة واقف فى انتظارك يا مطر ..
الشوق فضح دمعات أساى ...
مرقن يسارقن فى النظر ...
شافن بعادك منى طال أستغربن ...
حاولت اشرح فد سؤال اتغربن ..
وندهتلن
...رجع الصدى وحسى الزمان ..
الوحشة ضجت فى المكان ...
لون الفوانيس انبهت ...
باكتنى شمس الليل خسوف..
قيسب غناى عليك كوم
وشتتلك موسم حصاد الفرحة ليل ..
أبت النواقيس ما ترن
وقفتلى احزانك صفوف ..
حاجيتا بى شوقى الاليم ..
تبتبت خوفا ان كان ينوم
صحانى من حلمى القديم
..
لكنو ما مات حس هواك بتنفسو وجواى بطوف......
بتحسسو رغم الظروف..
وتتغابا فينى عيونو شوف ..
الغيم رحل لكنو عشمنى الرجوع ..
كتر البشارات بالخريف ..

خرف البشابو على مجيك وجية البشيلو الريد معاى ..
ريدة المسافرين بالسنين
وسفر الملانين بيك خوف ...
ورسمتلك خاطرى الطريق
وطرقتلك كل الديار لو تلقى زول يستقبلك ..
دوبتلك شمعى الوضوح ودندنتلك ...
وقعدت زيييييييين اتأملك ..
فسرتلك انك هواى البى يطوف.....
انك أمان مالينى خوف ..
وكررتلك ...
الشوق فضح دمعات أساى ..
امشاكى قدامنا الطريق ملهوف عليك بستعجلك ...
وفردتلك رمشى المنام ..
واطبق جفونى عليك هم واتكحلك



[align=right]فتح العليم عثمان /عطبرة[/align][/align][/size]

[السودانى الاصيل]

ابدااااااااااع

اخى فتح العليم
كلام جميـــــــــــــــــــــل جدا جدا

والى المزيد من الابداع