السودانى الاصيل كتب:ام جقوقه دى هين ما اخاف الكضب
ملاح الكمونيه
والبنديه
دى نحن بنقولها فى حلة الضو
السرج الليل الحمار
والبردعه دى الخيش والبنختهن للحمار
نحن بنقولها
الشديد
والضناب دا
الحبل البثبت السرج بى ضنب الحمار من ورا
والليبد
دى اللبده
دى زى ما تقول مخده بس بدل القطن صووف
ومرات قطن
بنختها فى ضهر الحمار
اها لقيتنى كيف
[السودانى الاصيل كتب:
الستيب
دى حاتن كدى متل البطاطس
وانخبرك كمان زهرتا بنقول ليها (ام دشيشه )
ام بانقيقه
دى ما خبرتها لكن ظنيتا من قش الخلا
موليته
الله اطراك بالخير
الموليته دى نباتا خضرااااا متل صفق الفجل
مررررره
لكن شمس الهدايه تغسسسلا بالمويه مرتين تلاته
وتسوى ليها الشطه والليمون والدكوه
الجنبك ما تديهو
لسان الطير
والله حتها قشه
اها تعبتنى خلااااااااس
ا زوول
واصبر وكتين بقيت تساعل كدى انا بجيب ليك السعالات
ام جقوقه يا زووول دي قبلي العُبماز بي شويه كدي - او شايف لما العصاره تعصر السمسم ده كم لفه كدي قبلي يبقي زيت ميه الميه بيكون سمسم دراش كدي ومعاهو حبة زيت كب عليها سًكر واكل تصارع التور تاني
السبنديه يا اخوي حاجه كدي زي المسله وطرينه من قدام ، الحمار بعد تجيهو الضلعه دي بقومو يقدوا بيها الحته الفيها الضلعه وبتدفق الدم بيكون اسود كدي - يعني حجامة حمير - والسبنديه هي من معدات حجامة الحمير .
ام بانقيقه دي ياها ام دشيشه حقتكم دي بس الاسماء بتختلف بس هي تحت الزهرة زي البصله كدي وفيها زي حبوب صغار حلوه خلاص وفيها نكهة سمن بلدي بس .
بس لخبته بين البردعه ياجانا واللبد مش جدك قال ليك اديني البنلطوس ده النسويهو لي بردعه
البردعه الظريفه الحلوه الفوق السرج حق الحمُار من فوق .
واللبد دي التحت الخيش ويا ها زي ما قلته يحشوها صوف .
تمام - نجحت
وسعل ساكت بس ماتجيب لي حاجات الحواشات عشان مابعرفهم ناس التقنت واب عشرين وحاجاتكم حقات الطين ديل ماني خابرهم ، عشان انا زووووووووول رمله سااااااااااااااااكت
ها زوول الرمله دي عندنا بعد تصب المطره ها زول وتلبس ليك عراقي وسروال طويل وتشنق الطاقيه وتشيل كُعازك المضبب وتلبس سكينك في ضراعك تشق الحله دي تدوبي ساكت .
ياحليل البلد وياحليل اهل البلد
وقول يازول لما الرشاش يضرب وتقوم لينا أُم بقبق في الخلاء
وخدرة الخلا
الله الله
أم بقبق دي بامبيه بتقوم في الخلاء براها من رب العالمين ده نعمه ساكت ما حقت زول والخضره حقت الخلاء دي .
يازول ام بقبق دي والخدره دي شددت ما لايوقه ان نفس ليك لستك تستعملها بدل سلسيووون بس العجايز بفركوها بي حتة بصله لا لحمه ولا شىء تاني الا كان حتة عطرونه وملحه وتعال شوف الاكل ها جانا ها يدينك ديل تدعك فيهم في الرمله تلاتة يوم حتى لايقوه يطلع من يدك وقول شفعنا دي بحكي ليك بيها برانا .
