جمعية الإهتمام بالشينين.
السلام عليكم ورحمة الله بركاته ..
الليله عندي ليكم موضوع داير اناقشو معاكم موضوع جمعية الإهتمام أو الرفق بالشينين تطالب بحقوقم والحمد لله انا ما شين بس عايز أنادي بحقوق الشينين تضامناً معاهم ورفقاً بهم .. وقبل المطالبة بي حقوق الشينين عندي شوية كلام داير أقولو .. وأشوف رأيكم شنو بي صراحة كدة .
تلقى رجل وسيم عندو القروش .. (ودا طبعاً رجل المستقبل المطلوب اليوم في سوق العرس) .. بس الرجل الوسيم دا تلقى مرتو شينة ما تتصبح شكلياً .. الشباب يقولو بالله الزول دا اللى عاجبو شنو في الشينة دي 00 وتلقى البنات والحريم يقولوا يمكن عملت ليهو حاجة ( يعني كادوك أو تمبوشي) .. وممكن يحصل العكس تلقى أغلب الشينين حريمهم جميلات .. تلقاهم كلهم يقولو البت الجميلة دي وافقت بيهو عشان قروشو !!! بالله دا مش ضياع لي حقوق الشينين المعنوية والصفاتية ..
وللأسف ما في زول يقدر يسأل الرجل الوسيم .. أو البت الجميلة .. عن سر زواجه من الطرف الآخر .
نون النسوة مرات تقول ليك أنا ما بعرس راجل وسيم .. عشان الرجل الوسيم دايما مطارد من قبل النساء الجميلات المظهر .. وتلقى البت المتواضعة الجمال تقول ليك هو أسمح مني ما بيتشغل بي وتقوم تغض النظر عنه رغم الرغبة في المطاردة وإبداء أعجابها ( دي ما عندها ثقة في نفسها بحسابات جمعية العناية بالشينين ) وبرضو الشاب يشوف ليهو واحدة جميلة .. يلاوز يقول دي ما ح توافق بي .. مساكين ما عارفين إنو الجميلات أكثر البنات تواضعاً ..
وتجي واحدة من البنات تقول ليك أنا ما بعرس الرجل الوسيم عشان يوم العرس وقت الزفاف ما يطلع أسمح مني ويلفت الأنظار .. وتلقى واحدة تقول ليك أنا ما بعرس راجل شين عشان بجيب لي نفسيات .
حتى في العمل بقو يقول ليك دايرين واحد يكون مقبول الشكل (وجيه) .. وصاحبنا شين زي كدا بس معاهو شهادات علمية وخبرات سنين .. يا جماعة بالله عليكم الله مش من حق الشينين يعملو جمعية ويطالبو في الأمم المتحدة بالمساواة مع السمحين في الحقوق .
أها يا أخوانا تحليلكم للكلام دا شنو .. ومنو بيقدر يدافع عن الشينين ؟ وهل في واحد منكم مرت بيه حالة زي دي 00بس ما تخجلو شاركو في الموضوع وباب النقاش مفتوح لأخواتنا كمان يدونا رأيهم 0
تحياتي واحترامي للجميع[/font][/size]
السلام عليكم ورحمة الله بركاته ..
الليله عندي ليكم موضوع داير اناقشو معاكم موضوع جمعية الإهتمام أو الرفق بالشينين تطالب بحقوقم والحمد لله انا ما شين بس عايز أنادي بحقوق الشينين تضامناً معاهم ورفقاً بهم .. وقبل المطالبة بي حقوق الشينين عندي شوية كلام داير أقولو .. وأشوف رأيكم شنو بي صراحة كدة .
تلقى رجل وسيم عندو القروش .. (ودا طبعاً رجل المستقبل المطلوب اليوم في سوق العرس) .. بس الرجل الوسيم دا تلقى مرتو شينة ما تتصبح شكلياً .. الشباب يقولو بالله الزول دا اللى عاجبو شنو في الشينة دي 00 وتلقى البنات والحريم يقولوا يمكن عملت ليهو حاجة ( يعني كادوك أو تمبوشي) .. وممكن يحصل العكس تلقى أغلب الشينين حريمهم جميلات .. تلقاهم كلهم يقولو البت الجميلة دي وافقت بيهو عشان قروشو !!! بالله دا مش ضياع لي حقوق الشينين المعنوية والصفاتية ..
وللأسف ما في زول يقدر يسأل الرجل الوسيم .. أو البت الجميلة .. عن سر زواجه من الطرف الآخر .
نون النسوة مرات تقول ليك أنا ما بعرس راجل وسيم .. عشان الرجل الوسيم دايما مطارد من قبل النساء الجميلات المظهر .. وتلقى البت المتواضعة الجمال تقول ليك هو أسمح مني ما بيتشغل بي وتقوم تغض النظر عنه رغم الرغبة في المطاردة وإبداء أعجابها ( دي ما عندها ثقة في نفسها بحسابات جمعية العناية بالشينين ) وبرضو الشاب يشوف ليهو واحدة جميلة .. يلاوز يقول دي ما ح توافق بي .. مساكين ما عارفين إنو الجميلات أكثر البنات تواضعاً ..
وتجي واحدة من البنات تقول ليك أنا ما بعرس الرجل الوسيم عشان يوم العرس وقت الزفاف ما يطلع أسمح مني ويلفت الأنظار .. وتلقى واحدة تقول ليك أنا ما بعرس راجل شين عشان بجيب لي نفسيات .
حتى في العمل بقو يقول ليك دايرين واحد يكون مقبول الشكل (وجيه) .. وصاحبنا شين زي كدا بس معاهو شهادات علمية وخبرات سنين .. يا جماعة بالله عليكم الله مش من حق الشينين يعملو جمعية ويطالبو في الأمم المتحدة بالمساواة مع السمحين في الحقوق .
أها يا أخوانا تحليلكم للكلام دا شنو .. ومنو بيقدر يدافع عن الشينين ؟ وهل في واحد منكم مرت بيه حالة زي دي 00بس ما تخجلو شاركو في الموضوع وباب النقاش مفتوح لأخواتنا كمان يدونا رأيهم 0
تحياتي واحترامي للجميع[/font][/size]
