هل نحن السودانيون عرب ؟؟؟؟؟؟؟

[ابوالدهب]

اهلا بيك السيد المشرف العام
بما ان اختلاف الراي لايفسد للود قضيه وبما ان المثل قائل (لولا اختلاف الانظار لبارة السلع )نعم المثل الاخير بعيد بعض الشئ ولكنه يقرب المعني
بما انه نحن السودانيون تضمنا لغة رسولنا الحبيب الزي جاء بالهدي وازال العبوديه والعنصريه وبما انه تختلف الواننا وقبائلنا وعاداتنا وتقاليدنا وعقائدنا الدينيه فاقول لك ربما تكون بهذا السؤال نوعا من التفرقه في الاراء المخالفه والمتطرفه احيانا نعم انت طرحت السؤال بعفويه ولكن به ابعاد اخري فمثلا لو ان
99% قالو ان السودان افريقي هل سيكون الواحد بالمئه الزي قال نحن عرب راضيا عنك وعن ال99%
لا اخي العزيز نحن من ادم وادم من تراب نحن عشنا اخوانا مع جميع قبائل السودان ولهجاتهم المختلفه واعراقهم والوانهم ونحن خليط من ذلك لو قلنا عرب ماذا سننال من العرب وكذلك لوقلنا افارقه ماذا سننال منهم نحن لانريد اعتراف من احد حول قوميتنا أعرب ام افارقه نحن عباد الله اخوانا لاسيد ولاعبد الا لله الاحد وانتقدك في قولك عشت لا احب العرب تقصد (من الدول العربيه الزين قابلوك )
ارجو ان تتفهم رايي ولك ان ترد علي ان كنت مخطئا

[ابوالدهب]

لك الشكر وارجو تعليقكم علي ردنا

[Emo Girl]

والله انا راي اني افريقية

معنو انا شايفة انو احنا لغتنا عربية وعاداتنا غريبة مختلطة بين العرب والافارقة

بس لغايت هسي بتعاني من المشكلة دي وحتىفي دول الخليج

وانا اقول انا افريقي انا سوداني

[رامي سليمان]

بلادي الجنة للشافوها او للبرّة بيها سمع

بلاد ناسا تكرم الضيف

حتى الطير يجيها جعان ومن اطراف تكيها شبع

تشيل الناس وكل الناس وسع بي خيرو لينا يسع

وتدفق مياه النيل على الخيران

بياض الفضة في وهج الهجير بيشع

بلادي الصفقة والطنبور

داراتا تنح باليل

بنوتا تحاكي الخيل

تشابن زي جدي الريل

وشبالا مكنتل في الطريفو ودع

بلادي بلاد من التاريخ

من تيرهاقا لا عن ميسنا

حتى ان جاي خيرو تروع

بلادي امان بلادي حنان وناسا حُنان

يكفكفوا دمعة المفجوع

يحبوا الدار

يموتو عشان حقوق الجار

يخوضو النار عشان فد دمعة

كيف الحال لو شافوها سايلة دموع

ديل اهلي ديل اهلي

يبدو الغير علي زاتم

يقسموا اللقمة بيناتم

يدو الزاد حتى ان كان مصيرم جوع

ديل اهلي البقيف في الدارة وسط الدارة واتنبر كل الدنيا ديل اهلي

عرب ممزوجة بي دم الزنوج الحارة

ديل قبيلتي لمن ادور افصل ديل فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح

يقو كلي

محل قبلت القاهم معاي معاي زي ضلي

وكان ما جيت من زي ديل واسفاي وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي

[ود الجردقو]

ياجماعه دى شنو موجة انا عربى ولا افريقى ولا ايطالى مانكون زى مانكون ماحنا بشر فى النهاية كل زول بى دينة بى افكاره والسودان بلد واسع جدا واديانه مختلفة وعاداته مختلفة وانا متاكد انو اى واحد فيهو عبارة عن هجين من قبايل لا يعلمها الا الله زمان فى المدرسة جانا استاذ وسالنا واحد واحد انت جنسك شنو البقول انا محسي والبقول انا جعلى والبقول شايقى وقف طالب وقال انا سودانى الاستاذ قال للطلبة صفقوا ليهو بس الاستاذ ماكان عارف انو الود دة قال كدة لانو ماعارف هو من ياتو قبيلة ولو كان رص ليهو القبايل الهو جايي منها كان قعدوا يومين يا جماعة الحضارة الاسلامية كمثال فقط عشان المامسلمين مايقولوا انى متحيزفى فترات مزدهرة منها قامت على اكتاف قبايل غير عربية وفى زمننا دة هل ممكن العرب يقولوا والله ناس الشيشان والصينيين والامريكان حتى مامعانا عشان هم ماعرب ما ناس كتار ماعرب ومبسوطين الميزة القاتلة فى انك تكون عربى شنواذا كان فى صحابة اصولهم ماعربية وهم من اقرب الناس للمصطفى صلى الله عليه وسلم انا بتمنى انو اشوف اليوم الفيهو سيرة انا عربى وانا عجمى دى تنتهى لانو دى من عادات الجاهلية صراحة وفقنى الله واياكم

[هاشم الرزقابي]

بيك السيد المشرف العام
بما ان اختلاف الراي لايفسد للود قضيه وبما ان المثل قائل (لولا اختلاف الانظار لبارة السلع )نعم المثل الاخير بعيد بعض الشئ ولكنه يقرب المعني
بما انه نحن السودانيون تضمنا لغة رسولنا الحبيب الزي جاء بالهدي وازال العبوديه والعنصريه وبما انه تختلف الواننا وقبائلنا وعاداتنا وتقاليدنا وعقائدنا الدينيه فاقول لك ربما تكون بهذا السؤال نوعا من التفرقه في الاراء المخالفه والمتطرفه احيانا نعم انت طرحت السؤال بعفويه ولكن به ابعاد اخري فمثلا لو ان
99% قالو ان السودان افريقي هل سيكون الواحد بالمئه الزي قال نحن عرب راضيا عنك وعن ال99%
لا اخي العزيز نحن من ادم وادم من تراب نحن عشنا اخوانا مع جميع قبائل السودان ولهجاتهم المختلفه واعراقهم والوانهم ونحن خليط من ذلك لو قلنا عرب ماذا سننال من العرب وكذلك لوقلنا افارقه ماذا سننال منهم نحن لانريد اعتراف من احد حول قوميتنا أعرب ام افارقه نحن عباد الله اخوانا لاسيد ولاعبد الا لله الاحد
نحن خليط عربى افريقى بميول عربية
نحن خليط عربى افريقى بميول افريقية
نحن هوية متميزة ....نحن سودانيون وبس

[bitadlan]

وده العاوزين نوصل ليه اننا بنضم العروبه والافريقيه ودي اعتقد بتزيد تفردنا وعزنا بي بلدنا وبي قوميتنا الجامعه للطرفين فبالتالي : عرب + افارقه = ســــودانيـــــــــيـــــــــــــــن وما معنى إننا عرب إننا غير أفارقه ولا العكس وما بنتنازل عن أي واحد فيهم والماعاجبو مزيجنا ده من الغير يقع البحر

[ود الجردقو]

وده العاوزين نوصل ليه اننا بنضم العروبه والافريقيه ودي اعتقد بتزيد تفردنا وعزنا بي بلدنا وبي قوميتنا الجامعه للطرفين فبالتالي : عرب + افارقه = ســــودانيـــــــــيـــــــــــــــن وما معنى إننا عرب إننا غير أفارقه ولا العكس وما بنتنازل عن أي واحد فيهم والماعاجبو مزيجنا ده من الغير يقع البحر

عرب + افارقة مابالضرورة تكون بتساوى سودانيين ممكن تكون مصريين توانسة جزائريين ليبيين مغاربة موريتانيين وممكن تكون حتى نيجيريين واجناس افريقية كتيرة لانو العرب دخلوا فى قبايل كتيرة فى افريقيا ويكفى على سبيل المثال قبيلة الطوارق ودى قبيلة كبيرة جدا موزعه فى عدد كبير من الدول الافريقية

[النصيح]

نحن بنتكلم عربي ومسلمين اذن نحن عرب وخلاص خلاص

[mohe7]

دقيقه يا عرب من وين نحنا افارقا ميه فى الميه

[bitadlan]

عرب + افارقة مابالضرورة تكون بتساوى سودانيين ممكن تكون مصريين توانسة جزائريين ليبيين مغاربة موريتانيين وممكن تكون حتى نيجيريين واجناس افريقية كتيرة لانو العرب دخلوا فى قبايل كتيرة فى افريقيا ويكفى على سبيل المثال قبيلة الطوارق ودى قبيلة كبيرة جدا موزعه فى عدد كبير من الدول الافريقية


حباب ود الجردقو على قياسك ده معناها يا عرب فقط ويا افارقه فقط وفي الحالتين لو عرب بس كل العالم العربي ممكن تكون ولو افريقي بس كل دول افريقيا ممكن تكون واعتقد انه الخليط قلل الحيز شويه ولا عنك راي تاني تحياتي

[obbadee]

عزيزى المشرف لك جزيل الشكر على هذه التحية الدافئة
كنا فى مجموعة بالولايات المتحدة و دخلنا مطعم فرحب بنا صاحب المطعم و سالنا انتم من وين ؟
فرد عليه واحد من الزملاء احنا عرب من السودان طبعا ما اقدر اقوليكم كيف كان رده فعله فقال كلمة واحدة و هى shit و كل منا يعرف معنى هذه الكلمة . بعد هذه التجربة اصبحنا نعرف نفسنا باننا افارقة من السودان لذلك اعتقد ان المناسبة لينا نحن هوية متميزة ....نحن سودانيون وبس

[obbadee]

بما انه نحن السودانيون تضمنا لغة رسولنا الحبيب الزي جاء بالهدي وازال العبوديه والعنصريه وبما انه تختلف الواننا وقبائلنا وعاداتنا وتقاليدنا وعقائدنا الدينيه

منذ ظهور الاسلام و نزول القران الكريم تغير مفهوم العرق و النسب و الانتماء و ازيلت كل الفوارق العنصرية بين الشعوب و القبائل فكل من تحدث العربية فهو عربى ايمنا كان بلده و قبيلته و لونه
بخصوص السودانيين نجد عملية المزج بين العربي مع الإفريقي تؤدي في النهاية إلي عنصر جديد يسمي "سوداني" الذى لا يشكل دما عربيا خالصا أو دما زنجيا خالصا، ولكنه يجمع بالتأكيد بين أنسجته كل النوعين من الدماء ويجمل في دماغه نتاج الثقافة من عملية التمازج بين العرب الوافدين والسكان المحليين و السودانى مميز في شخصيته وثقافته وانتمائه. فهو عربي اللسان والثقافة، أفريقي التقاطيع، مزيج عرقي وسط يمكن أن نطلق عليه عربي إفريقي فالسحنة افريقية والثقافة عربية لان تعريف الأخيرة هنا يقتصر علي اللغة والدين ولا يتلفت إلي عناصرها الأخرى (المادية) التي ربما تحمل رواسبا من الثقافة الأفريقية المحلية.علي الطرف الأخر، هناك من يرى وجود مجموعات عربية خالصة في الشمال والوسط وأخري افريقية خالصة، مثل ما هو الحال في جنوب البلاد لم تتأثر بالثقافة العربية ولم يحدث اختلاط بها وظلت خارج دائرة التأثير الثقافي.ا السلام عليكم ورحمة الله وبركاته

[Zola CoOolz]

طبعا عرب و ما بيهمنا رأي الناس

[رومانسية ودائما منسية]

اكييييييييييييييييييييييييييييييييييييييييييد احنا عرب وأصلنا عرب اذا ما كنا عرب فى رايك كيف بنتكلم بالغة العربيةباي طريقة ما وباى عقل

[حمودي ولد جدة]

[mark=00FFFF]اكيييييييييييييييييييييييييييي ييييييييييييييد احنا عرب وأصلنا عرب اذا ما كنا عرب فى رايك كيف بنتكلم بالغة العربيةباي طريقة ما وباى عقل
[/mark]

[فارس الرومانسية]

هذة عباره قالها رئيس السنغال ( عبد الله داو)
ماذا قال( كان بأمكان السودان ان يكون افضل الافارقه ولكنه اختار اسوأ العرب )

تحياتى

[بنت الناس ماتنداس]

السلام عليكم
جزاك الله خير علي الموضوع الاكثر من رائع
والله ناقشت الكثير م السودانيين حاولت فاشلة اقنعهم انهم
ماااااااااااااااااااااااااااا عرب
اولا السودان دولة متعددة الاجناس
واصلا كانو مجرد افرقه زوج
وافتخر افتخر بهذا
بعد كده جات الهجرات العربيه لتنشر الاسلام في السودان من شبه الجزيرة العربيه
فاقامو في السودان واختلطو ببعض القبائل
وكلنا عارفين النوبه ما عرب
الرطانه ما عرب
الجنوبيين ما عرب
الفور ماعرب
طيب منو العربي
اكييييد في اختلاط بالدم العربي في السودان
لكن اصول السودان ما عربيه
وما السودان بس
شوفو خريطة العالم
اي دولة طالعة من شبه الجزيرة العربيه اصولها ما عربيه لكن فعلا اختلطت بالعرب
وبالمناسبه اعتذر علي الكلمه لكن شنو الدنائه دي
هم معظمهم ما بعترفو بينا ونحن ذاتو ما دايرنهم
والما بختنا كحل في عينو ما نختو تراب تحت رجلينا
ومن عافنا عفاه ولو كان غااااااااااالي
وليي دائما السودانيين لو طلعو برا بيغيرو لهجتهم دائما
وليي ما بعتزو بي لهجتهم وما بعتزو بيها حتي في المنتديات الما سودانيه بيغيروها
والله اعرف بتات سودانيات عمرهم ما طلعو من السودان في امنتديات كلامهم كانو ما بعرفو سوداني
وكلهم عذرهم ما بفهمو لهجتنا
وطيب ليي نح فهم لجتهم
وبالمناسبه ادخل مرات باسم احب العرب ولست منهم
والله يجزاك خير اخي وعجبتني سياستك معهم
بس نحبهم لانهم مسلمين وبسسسسسسسسسسسسس
واعتذر علي الاطالة

[الكنزي]

بسم الله الرحمن الرحيم
لك التحيه مشرفنا الكريم وبما انه أول مشاركه فى المنتدي وقد صادف ان يكون الموضوع هو هل نحن عرب
نعم نحن عرب لاننا نتكلم بلغة القران[/font]
نعم نحن عرب لان وطننا مليون ميل مربع وشمل كل الاطياف
نعم نحن عرب لان الجامعه العربيه ساندت السودان فى كل المحافل بمافيه مذكرة الرئيس البشير وقد فاقت حتى الافارقه فى الدعم
نعم نحن عرب عرب وبدون عنصريه
وتفضلو ا بقبول فائق الاحترام0
الكنزي وعلى السريع كده

[بنت الناس ماتنداس]

يا اخي الكريم
كيف الجامعه العربيه فاقت الاتحاد الافريقي
التحاد تحرك قبل الكل والاتحاد كلمته اقوي
لام الجامعه تسيطير علي قراراتها امريكا
وهذا كلام مؤكد