لو انت شين وعاوز تجكس

[المايسترو kaka]

شوف حتي مشكلة الشنه محلولة لأنو ما ممكن تكون شين وكمان ما تجكس ولا تحب

عشان شناتك وعشان من باب الخبرة حوريك البنت بتحب شنو فى الراجل وحتي لو

كان ما بتقابل...

1/ كفاية انك شين كمان تكون مبشتن(مبهدل) لالا ما صح منك الكلام دا لازم تعرف
شى محدد انو البنات بحبو الرجل المهندم المقيف يعنى الجزمة قزاز ملمعة تشوف
وشك فيها من النظافة ...دى حاجة الحاجة التانية انو لازم يكون القميص والبنطلون
ماتشن...يعنى القميص كاروهات بنى يكون البنطلون سادة بنى ....الخ


2/ أوعك من الألوان الفاقعة (الاحمر ,الاصفر...والالوان البنوتية البمبى والبنفسجى
لأنو أكيد حتقول يا ما عندك ذوق يعنى يبقى عليك شنا وقلة ذوق يا أما حتقول حنكوش
وشين كمان....

3/ الكلام المنمق الموزون الهادى يعنى شخصيتك ممكن تخلي البنت تتنازل عن
شناتك يعنى تقول(والله هو صحى شين لكن كلامو راقى وذوق وهادى وظريف).


4/ خليك حنون وما متشدد ولا راخى يعنى وسط وكريم يدك فى جيبك يعنى ممكن
البنت تضعك فى أختبارات مادية عشان تشوف مدى كرمك حتى ولو كانت أحولك
المادية صعبه خليك كريم لكن بحدود وخصوصا اذا عجبتك البنت..


5/ البت الحلوة اكيد حتكسرك شديد وميت مووووت وما قادر تمسك اعصابك قداما ما
تتخفف امسك اعصابك ووريها أنك زاتك قيافة اوعك من كلمة انا شين انا ما بتقابل
ممكن ترضى بشناتى دى حاول يكون عندك ثقة بنفسك شديد....


6/ اوعك تقابل البت فى اول يوم بالشبط او الشبشب حتى ولو كان بتحبو
(جزمة وشراب بس)

7/ الفتاة عموما تحب الملابس الشبابية الجينز والجزمة النايك واذا كنتا فوق سن 40
ممكن برضو تلبسو كنوع من التغيير وعشان تحسسا بانك شباب زيها مش عجوز...


8/ لازم تحسسا بقوة شخصيتك وانك صعب صوتك يزلزل المكان مش اى شى تقولو
ليك تقول حاضر يعنى مرة كدة ومرة كدة ....

9/ مرة مرة جيب ورود وهدية صغيرة ليها بس ما غالية عشان ما تحب قروشك
وممكن مع الهدية دى تقول ليها بحبــــــــــــــــــــــــــــــــك...



تاكد لو عملتا الحاجات دى أكيد هى حتقول ليك الكلمة الانتا منتظرة لأنك حتكون اعظم
واجمل راجل فى نظرها

[الباشا الوجيه]

المايسترو الله يديك العافية يا غالي
كلامك جميل ونصايحك حكم إن شاء الله يستفيدو منها الجماعة ديك
وأهم شي ذي ما ذكرته الأناقة ودي براها نصف الجمال
والشنا اصلاًما كانت مشكلة إلا الزول تلقاه متعقد من نفسو ساي ومنطوي
بس نصيحتي لكل زول شايف نفسة شين يبقى عشرة على نصيحة المايسترو دي ويطبقة

[kholoud]

[align=center]يديك العافيه موضوع والله مهم

2/ أوعك من الألوان الفاقعة (الاحمر ,الاصفر...والالوان البنوتية البمبى والبنفسجى
لأنو أكيد حتقول يا ما عندك ذوق يعنى يبقى عليك شنا وقلة ذوق يا أما حتقول حنكوش
وشين كمان....
هههههههههههههههههههههههههههه هههههههههههههههههههههه مبالغه الفقره دي

[/size][/font][/color][/B][/align]

[ايناس محمد]

انا صراحة شين مابعرسو انا السمح عند ى فيهو راى اعرس شين
لى جنيت ولا عضانى كلب نصيحة للشين امشى اقع فى اقرب بير

[صوفيا لورين]

هو انت شين اقطع وشك عرس شنو ليك

[الباقر بشير بابكر محمد عل]

نار مولعة بس
موضوع 100 100