بعد ما كنا ناس كربة وخلا ومحريب

[العقاب الهرم]

عندى عم زميلى من ناس شندى بقول دوبيت ومشى التلفزيون عندو تصويروفى التلفزيون اشترطو عليهم انهم يتمسحو عشان الصورة تطلع كويسة طبعا رضخو للامر الواقع لكين بعد طلعو رمى الرمية دى

بعد ما كنا ناس كربة وخلا ومحريب * دخلنا المكيجة وسوولنا صبغ الشيب
فى جضومنا الكريم ظاهر بدل حمريب * فيهو مسكنا يا جبرالله درب العيب
وكتبن جينا فى ساعة الكريم ومحاصو * ابينا الجيهة ود الهادى لولح راسو
قال لى الكريم يا ابنى ما من ناسو * قتلى اتمسح اصلو الزول بياكل العاسو
جابو المر بعد ما كنت مر فى اللوك * خِلقولك جنينا من علوك دلوك
جابولك مراية وبالكريم دهنوك * ياحليلك زمان وكتين بتاكل الشوك
انت معاى قدر فرفرتا ما خلوك * انا اتقدمتا شوف شيل اب كريك فى اخوك
ساعة الزرة كان ناس حمد شافوك * استسلمنا كلنا الجُبار مفكوك
امبارح حصلت حكايتاً شينة * للبدرة والمكياج مشينا بى كرعينا
تقول خدرونا اصلنا ما لاوينا * ربك ستر من قلم الحواجب لينا
عندنا هيبة وكتين فى الرسبشن جينا * شايلين السيوف بالغو مزينة زينة
بى مسح الكريم كتلو الحماس الفينا * وان بقى هادا حالنا بربح الراجينا
يا مامان اخوى لا تكتر الجقليب * والمكتوبة ليك من الكريم بتصيب
الفير انجلط والبدرة ملت الشيب * والصقر ان وقع كتر البتابت عيب

[راح الشاربين]

كلما ت والله جمممممممممممممميله ممممممممممممممممشكور

[العقاب الهرم]

كلما ت والله جمممممممممممممميله ممممممممممممممممشكور

العفو اخى وشكرا ع مرورك

[waya]

[grade="00008B FF6347 008000 4B0082"]عم زميلك يا العقاب الهرم للكلام أوفى
قال الحقيقة الشافها لا دار ولا لفى

تشكراتي ,,
وما تحرمنا من ابداعاتكم ,, [/grade]

[العقاب الهرم]

[grade="00008B FF6347 008000 4B0082"]عم زميلك يا العقاب الهرم للكلام أوفى
قال الحقيقة الشافها لا دار ولا لفى

تشكراتي ,,
وما تحرمنا من ابداعاتكم ,, [/grade]

الف شكر على مرورك الكريم