انت سوداني لانك

[عقد الياسمين]

- بتكره شكل جواز السفر السوداني بتاعك
2- بتقول لي صاحب ابوك (ياعمو)
3- بعد أي وجبة المرأة بتقاتل في المطبخ مع العدة وانت جالس ورجل علي رجل وبتسال عن صينية الشاي
4- امك بتكورك ليك باعلي صوتها عشان تناديك للاكل في حين انت قاعد في الغرفة القريبة منها
5- عندك علي الاقل 30 ابن عم و عمة
6- بعد ما الضيوف يطلعو منك بتقيف معاهم علي باب الشارع ساعة ونسة
7- بتقول كلمة مع السلامة 17 مرة في التلفون
8- اذا والديك اتكلمو مع زول غريب بتكتشف بعد ربع ساعة انو الزول ده قريبك
9- ابواتنا لسه ماعارفين انو وسائل الاتصالات اطورت في السودان ولسه بكوركو باعلي صوتهم في التلفون
10 –امك لسه بتعمل أي حاجة عنك
11- اقربائك بس ممكن يكونو مدينة صغيرة
12- لسه عايش مع ابوك وامك ولسه بصرفو عليك حتي بعد التخرج
13- ابوك وامك بشربو 16 كباية شاي في اليوم
14- مامكن تكون سوداني اذا ما استعملت كلمة ( انت ماجادي) يوميا
15 –ممكن تلبس (السفنجة ) في أي مكان
16 – والديك عايزنك تطلع دكتور
17- بتصل المناسبة بعد ساعتين وبتقول عادي في زحمة في الشارع بس
18- بتستعمل حواجبينك وجبينك للاشارة لشئ ما

في الاخير نحنا كلنا فخورون لكوننا سودانين وعندنا سمات مميزة وحب فريد من نوعو ... وده كانت مساحة للدعابة والمرح
ودمتم

[عصافير الخريف]

7- بتقول كلمة مع السلامة 17 مرة في التلفون
8- اذا والديك اتكلمو مع زول غريب بتكتشف بعد ربع ساعة انو الزول ده قريبك
مشكورررررررررررررر ه كتير اختي

[Mr.POGIz]

اعتقد يا عقد الياسمين

في حاجات مذكوره ما ليها علاقة بكوني سوداني

بل تعني اشخاص معينين



تقبلي مروري

[لينا]

هاهاهاهاهاهاهاهاهاهاهاهاهاهاهاها الصراحة كلهم فيني