لي شنو الخجل من الزي السوداني

[suDaNeSe BoOoY]

][®][^][®][ السلام عليكم ورحمة الله وبركاته][®][^][®][


كيف حالك يا شباب ويا بنات ان شاء الله تكونوا كويسين انا الليلة عايز اطرح موضوع هام جدا وهوا انو اولاد المغتربين بيخجلوا من لبس الزي السوداني.
واظن انو الكلام دا غلط لانو الزي السوداني دا دليل على إنا ما اتخلينا عن عادتنا.

ونحنا لمن نكون في بلاد الغربة لازم نعكس لاهل البلد المضيف عادتنا وصفاتنا السمحة.

والزي السوداني هوا من العادات الما نقدر نتخلى عنها.

وانا بالنسبة لي بلبس الزي السوداني عادي هنا في السعودية.
وبالعكس في بعض السعوديين طلبوا مني افصليهم جلابية سودانية.




وشكــــــــــــــــــــــــــــــــــــــــرا

[وردة العشاق]

اخووي..

ماتجمع ما كل المغتربين هنا عندناا في الدووحة كل الرجال الكبار بلبسووا جلابياات سودانية

ومافي زول بخجل من لبسووا

وبرضوا النسوان بلبسووا التووب عاادى جداا
ومافي شي بخجل

وشكرا اخوى على الموضوع المهم

[sudany_moghtareb]

بسم الله الرحمن الرحيم
الزي السوداني جميل جدآ لكن يمكن لاننا عيشنا في بلاد غير وطننا الاصلي ممكن نكون اتأثرنا لكن اول ما نيجي البلد ان شاء الله لا بديل لنا غير زينا الاصلي الراقي الجميل خصوصآ انه زي مميز ولا اري فيه اي شيء يدعو للخجل واللي بيخجل من الزي السوداني فهو سوداني اي كلام

[m!ss Sudan]

انا صراااحة ما حصل شفت لى نااس سودانيين بيخجلوو من الزى السودانى بالعكس تماما

وانا بنفسى بقوول لى ماما طوالى تلبس التوووب لأنو بحسو انو عاداتنا وتقاليدنا مستحييل نخليها ؟؟


وثانكس عالموضوووع الجرئ وتقبل مرورى

أختكـ

M!ss Sudan

[suDaNeSe BoOoY]

شكرا على المشاركات الحلوة

[فراشة ليبيا]

نحن بصراحة في ليبيا بنخجل من الزىالسودانى وذلك بسب نضرة الليبين الزى السودان وتشويه بعض الاجناس لزى عندماتلبس السودانية التوووب فا الليبين ينضرون لها تانية

[suDaNeSe BoOoY]

°ˆ~*¤®§(*§*)§®¤*~ˆ°شكرا فراشة ليبيا على المشاركة........°ˆ~*¤®§(*§*)§®¤*~ˆ°

وانا اظن انو ما في حاجة بتخجل من الزي السوداني,واظن انو الزي الليبي ما بيفرق كتير عن الزي السوداني على ما اعتقد. وفي ليبيا السودانيين عندكم كتار على حسب ظني يعني........


مشكور على المشاركة

[فراشة ليبيا]

اشكر سودانى يختلف كثير الزى الليبي عن الزى السوداني السودانين عندنا كتار لكن السودانية لم يلبس التوووب

[سالى]

كلامك صح بعرف بعض الناس بخجلو يلبسو التوب


بس انا شخصيا بحبببببببببببببببببببببببببببببببببببببببببببببببببب البسو ودايما يوم يكون عندنا احتفالات

بلبسو وبعجبم شديد حتا صحباتى من جنسيات تانيه بجربوه وبيبى وبينك اخر مره

جاب لى 50 علامه


وتسلم

[suDaNeSe BoOoY]

والله كوبس يا سالي انو صحباتك اعجبو بالتوب السوداني وانصحيهم انو يجربوا يعني. باي

وشكرا المشاركة الحلوة

[السودانى الاصيل]

بصراحه ما شفت ناس بخجلوا من الزى السودانى
انا شخصيا والله مرات كثيره فى العمل بلبس الجلابيه
ومعظم الناس المعاى بتعجبم الجلابيه السودانيه
بالنسبه اذا فى بعض الناس بخجلوا من الزى السودانى دا عيب
وحيكونوا فى الم دائما
دمت فى امان الله

السودانى الاصيل

[suDaNeSe BoOoY]

شكرا السوداني الاصيل على المشاركة الحلوة. وانا بقصد باليخجلوا هم الفي الغربة.

[رومانسية ودائما منسية]

عمري ماشفت سودانى او سودانية بيخجلوا بان يلبسوا الزى السودانى وانا دائما بقوا لمامى انها تلبس التوب

[همسة عطر]

suDaNeSe BoOoY

مشكور على موضوعك المفيد .. وقد تكون صادفت بعض الشباب يخجلون من ذلك .. ولكن لماذا الخجل ؟!!! أكان عيباً هذا حتى يخجلوا ...هو يخجل من شنووووووا الناس اللبسين مايوهات ما خجلوا ؟ .. أرجو أن تطلب له الشفاء .. والحمدلله على نعمة العقل ...
ودمتم أخي في خير ونعمة .....

[suDaNeSe BoOoY]

شكرا ليكي يا رومانسية على مشاركتك.....................

[suDaNeSe BoOoY]

همسة عطر شكرا ليكي على المشاركة........

وطبعا انا بظن انو اكتر الشباب _المغتربين- هم بيكونوا اكتر خجلا من الزي السوداني لانو بيكونو مختلطين مع الاجانب.

[zaina]

انا بشوف انوا الذى دايما بيعكس ثقافة الانسان

لذلك لااظن ان هنالك من يخجل من التوب السودانى اوالجلابية

يعنى ممكن واحدة تكون عايشة فى غربة وما بتلبس توب وده مامعناه انها مابتفتخر بزيها بل يمكن لان واقعها كما تراه يفرض عليها
اولانها ماتعودت عليه


بس بصراحة التوب والجلابية مافى لحلى منهم (بس خارج نطاق العمل)