لا تعليــــق (شكلة نسوان)

[اسامه خضر محمد على]

الواحد يقول ليك شنو غير انك فاجر

بس دى ........... اكيد عيونك ما كعبات ودا الدنش زاتو

[الاشيتر]

[Center]



سمعته الشكله دي قبلي كدي
ومره قامت قالت ليها

كان قامت لي المراسيل وان قعدت للغسيل يالكراعك التقول قحف زير

وقالت ليها كمان

حقكم مغطى وحق الناس في المحطه

وقالت ليها كمان

حقكم مدسوس وحق الناس في الرفوف


وشايفن الاثنين اتلفتوا عيلك كدي وقالو ليك هوي يا ابراهيم الجيو مالك بتسجل في شكلتنا


ياطويل ياسلك الغسيل

[/align][/b

[عاشقة القمر]

هههههههههههههههههههههههههههههههه........شكرا ليك يا هيما لانك فعلا افدتني لاني لما نرجع للسودان نعرف كيف نتشاكل او على الاقل نفهم الناس بتقول شنو

[المايسترو kaka]

و ( الرَدَحِى ) لمن لا يعرفونه هو طريقة من الطرق (الكثيرة) التى تستخدمها(النسوان) فى حروبهن و نزاعاتهن .. وهى طريقة تعتمد أساساً على إستخدام فنون اللغة من سجع و طباق و مقابلة لإعطاء الكلمات معنىً أكثر قوة ...... و هذه الكلمات بدورها منتقاة بعناية من قِبل (الرادحة) لتؤكد علو مكانتها أو لِتحط من قدر رادحة أخرى ...وهو ما يجعله ضرباً من ضروب الفنون تشتهر به الرادحات و يتميزن به عن باقى (النسوان) ال( بجم) اللآتى لا يستطعن الدفاع عن أنفسهن ... و للحقيقة.. فخلال تجوالى فى العديد من البلدان -عربها و عجمها((طبعا التجوال عبرالكتب والانترنت)) لم أجد شعباً له هذه الممارسة أو حتى مثلها من حيث ال ( flow ) أو ال ( freestyle ) .. ما عدا فى مصر فهى موجودة لكنها ليست بنفس الجودة ...
و أذكر فيما أذكر قديماً أنه كانت تسكن فى حىّ قريب من حيّنا رادحة من فطاحل الرادحات .. و فوق كونها كذلك فقد كانت كثيرة الجثة سميكة الجلد وافرة اللحم كثيفة العظم واسعة الحلقوم كبيرة البلعوم لها جنازير صوتية بدلاً من الحبال الصوتية .. كانت هذه المرأة (فتوة) النساء فى ذلك الحى فكثيراً ما يلجأن لها لتأخذ بثأرهن .. بيد أنها كثيراً ما تنفجر إذا شاغلتها إحداهن بكبر حجمها ف(تغُز) إحدى يديها فى وسطها والأخرى ملوحةً بالمفراكة فتردح مفتخرةً :

- ما تقيفى فى الزلط و تتكلمى غلط

- نحن نححححححححححححححمد الله الغدا ضأن.. و التحلية برتكان...

-العشا حمام و التحلية شمّام .....و مليانيييييييييييين يا إنتى ...

-لا كوع يقد الوسادة لا ساق يضبح الجدادة ...نحن تربية بيت و فرش موكيت....

-هيييييههههيييييييييى....

- حليلكم إنتو يا ناس الإشلاق يا الما سمعتو بى السيريلاك ....

-نببببببببرة و نستبرة و ما نسكن جبرة...

بششششششتنة و الناس متمحنة ...

-أوع من كدا و الدنيا شتا ...

-هيييييييييييييييييييييييى ..

- لا كرعيننا رقاق و لا مولودين فى زقاق ..

- أولاد عوااااااااايل و عندنا فايل ....

-ولدونا فى الإمتداد و حبّينا فى البلاط ..

-نححححححححححححمدو..... البنريدو بنولع ليو اللمبة.. و الما بنريدو بنحرش ليو الكلبة !!

- عشان كدا أعملى لاين و أقيفى بهايند.... و أفهميها... أعملى شخيط و اقيفى بعيد ..

- سجم و كمان عدم فهم ؟!!

-هييييييييييييييييى و تااانى هييييييييييييى و تانى و تانى هيييييييييييييييييى....

- ما تكبى الريحة و تعملى تفتيحة و تخلينا نقيف ليك فى طرف المعلقة و نوريك الصعلقة .....

- كان جبل طلعناو و كان عسل لحسناو ..

-هووووووووووووى.... تنبزينى أنا يا كرور يا وسخ الخور !!

- يا تربيزة الجزارة يا اللامّة الوسخ و الزفارة !!

بطااااااااطس و مستوى غااااااتس ....

- هييييييييييييييييييى

- أخير ليييييك فتحى عينك قدر الريال و خلّى أضانك قدر العقال ...

- ما تخلينى أدق الصفايح و أطلع الفضايح

- يا مرة يا مجنونة يا شبه حجر الطاحونة ...يا ليمونة و عاملة فرعونة !!!

- هيييييهييييييييييييييييييييييي ....

-غادى غادى الجزام بعادى .

- يا الككوية يا أم جضوماً موية

-الشمس ضربتك و الرجال أبتك

هاهاهاهاهاهاهاهاهاهاهاه
قايتو النسوان ديل ربنا يديهم العافيه

[هوبة]

مبااااااااالغة يا Kaka

تقبل مرووووووووري

[الاشيتر]

نسوان صحي بعرفن للكلام ده


ديل بعرف ليك انا


قول كان لمن في جبنه وقعدن يطعن في واحده وهي مافي


وقول كان في واحده اشترت ليها توب جديد وجات بيهو ورتوا ليهم طبعاً بتكون شايلاهو في الكيس مالابساهو .


من تمشي كدي

حسع ده توووب ، وقال شنو توتال اصلي وين شاف التوتال ده توتال هندي بتنفه قريب ده


هن ولا ماهن

ولي عوده


نسوان اخر زمن

[jdo]

تتغير اللغة السائدة فى الخرطوم العاصمة كل فترة وأخرى ،، مثلا الكلمات التى كانت تتداول بين الشباب فى الثمانينات ليست كالتسعينات وليست ككلمات الألفية ..
مررت على هذا المقال فى أحد المواقع وأعجبنى ما فيه فأحببت أن اشارككم اياه وهى توضح اللغة ( الراندوكية ) التى أصبحت تتسم بعض الكتابات ... وهى عبارة عن شتيمة توجهها امرأة سليطة اللسان لجارتها ::: اخليكم تستمتعوا بيها وربنا يبعد هذه المرأة منكم :::


تقول المرأة فى شتيمتها ::


هيييييييييييييييييييييي
>
> دايرة تدينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
> ما تقيفى فى الزلط و تتكلمى غلط ..
> .. نحن نححححححححححححححمد الله الغدا ضأن.. و التحلية برتكان ...
> ... العشا حمام و التحلية شمّام .....و مليانيييييييييييين يا إنتى ...
> .... لا كوع يقد الوسادة لا ساق يضبح الجدادة ...نحن تربية بيت و فرش موكيت.... تربية عِز ورضاعه بِز...أحححححمدو , مبسووووطة و شلاليفى ممطوطة !!!
>
> .... هيييييههههيييييييييى ....
>
> .... حليلكم إنتو يا ناس الإشلا ق يا الما سمعتو بى السيريلاك ....
> ... سُكنة قطاطي ومستوي واطي... شِراكم قطّاعي وركوبكم النقل الجماعي ...
> ... بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى مويةالعِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
> يخخخخخسسسسسسى و مرض نفسى ...
>
>
> . هيييييييييييييييييييييييى ...
>
> لا كرعيننا رقاق و لا مولودين فى زقاق ..
> أولاد عوااااااااايل و عندنا فايل ....
> ربّونا فى الإمتداد و حبينا فى البلاط.... ولدونا فى الدايات و قرينا فى الراهبات ....
> . نححححححححححححمدو..... نحن نشتّت و خلق الله تلقّط ..
> البنريدو بنولع ليو اللمبة.. و الما بنريدو بنحرش ليو الكلبة !!
> ساكنين الخرطوم , محل الرئيس بنوم , والطيارة بتقوم , والجكس بِحوم .... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات.. بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي , ومهرنا غالي ..
> و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
> .. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس !!
> حكوووومة و الناس مظلووومة ... !!
> .. عشا ن كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
> سجم و كمان عدم فهم؟؟ يا بجم يا ولادة الندم ؟ !!..
>
> ... هييييييييييييييييى و تااانى هييييييييييييى و تانى و تانى هيييييييييييييييييى ....
>
> ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى ..يا جرجير يا وسخ الزير ... بالنهار تسبّحى , وبالليل تضبّحى ..
> كان جبل طلعناو و كان عسل لحسناو ..
>
> . هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
> يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! .. والله دى ق ص ّة و دايرة حصّة !!
>
>
> هييييييييييييييييييى
>
> أخير ليييييك فتحى عينك قدر الريال و خلّى أضانك قدر العقال ...
> ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
> ... يا مرة يا مجنونة يا شبه حجر الطاحونة !!... يا ليمونة و عاملة فرعونة !!!
>
> ... هيييييهييييييييييييييييييييييي ....
> غادى غادى الجزام بعادى ...يا القاعدة برّة للأذى و المضرّة ..
> .. يا الككوية يا أم جضوماً موية.. .يا السوقِك بايِر ودمِّك فايِر ..
> ... الشمس ضربتِك و الرجال أبتِك !!!!!
> القطر فاتِك و الزمن شاتِك .....
> يا الفى الحفلة ما عبّروك...... ناس الفيديو فطّوك و ناس العَشا نطّوك ....
> الزمن خَرَتِك... و الضِحِك شَرَطِك .....
> يا الوزّعتى صورتك و ما فكّيتى بورتك !!..
> قطرِك صفّر وسوّاقُو طفّر ...
>
> هييييييييييييى .....
>
> خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس ..
> براااانا بنعرف مستوانا ...
> برستييييج يا ناس أر ي ييج .... و إستااايل يا ناس واااائل ...
> ما ناس الدمار و رفع الأريال فوق بيت الإيجار ...
> ناس الشمار و البوبار ..
> ناس الشوبار و عدم الدبار ...
> د يل خسارة الداية و تعب السماية .......
> بطااااااااطس و مستوى غااااااطس ....
>
> هيييييييييييييييييييييى
> .... بَنَضورة و كشفنا دورها ....
> قرفة و عدم عرفة... بستلّة و حايمة فى الحِلّة ...
> كركدى و ما عرفنا ليه ... بامبَى و أبى ينجض لَى ...
>
> نحن الغدا ريجييم و التحلية إيسكريييم .....
> متعلّمييين.. من ما قمنا بين الكراريييس ... الفطور فى لندن و العشا فى باريس ..
> سمعتنا و مصاريف جامعتنا .. حبّونا وفى الحدائق ما شرّونا ...!!
> .. لابسين الموضات و راكبين العربات , مقاعدنا سوستة وسواقنا اوسطى !!
> البيابانا بنوصّف ليهو غلط.. و البريدنا بنقطّعو الزلط .........
> قناااابل فى محطّة البلابل ..
> هييييييييييييييييى ...
>
> جقر جقر يا كمونية البقر!!!! .. يا القليدة , شرّابة المديدة !!! إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!... قولى آآآمين .. إنشالله تاكلى الضب السمين , بالكسرة و العجين !!
> عشان تعرفى شُغل الدفِس البلا نَفِس .. ..
> يا الراخية أضانك و ما ناقشة حنانك ,إنتى يا الطيرة المبارية السيرة ..!!!
> نفسياات و عدم إمكانياات...شِدّة و بَدَل عِدّة .....
> والله دى قصّة و آخرها لسّة ..!!
>
> هييييييييييييييييييييييييى يا ...
>
> عاملة راسك زى المكوة .. و جضمك زى كيس الدكوة....الشعر مضفّر و الوش محفّر ... حسّة دا وش وللا طش ؟؟؟
> يا المقطّعة هدومك و مادّة قدّومك ...حسّة دا قدّوم لكّوم وللا كد دوم ؟؟ !!
> يا التِبِش البِقى يمِش !!صارّة وشّك و مادّة كرشِك !!! يا شارع الزلط المركب غلط !!
> دى شلاليف وللا مجارى خريف ؟؟!! .. ديل ***** وللا عيونى كعبات ؟؟ !!
> هو العسل إلاّ ينقّط والقرد إلاّ ينطّط..؟؟
> يخخخخخخخخخخسى و مرض نفسى ..!!!
>
> كوااارع و حايمة فى الشاارع ....
> مكرووونا و ما عرفنا لونا ....
>
> هووووووووووى يا أخوها الجابك شنو ؟؟؟؟ !!
> لسّة ما خلّيت الشلاقة , والمتاوقة بالطاقة .. ؟؟ !!
> عارفنّك شليق , و بتشرب بالإبريق ..
> يا زول الصَقَت جا .. خلَّى عندك ذووق ..
> الباب مقفول يللا نط بى فووق ...!!
> أخير ليك تلاوِز و ما تجى تحاجِز !!!
> و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
> يا النسيت ناسك و فقدتَ إحساسك ...
> شِن جدَّ فى المخدّة ؟؟... التنجيد ولّلا الكيس الجديد ؟؟؟
> يا راجل يا كشَا مشَا.. يا العزموك فطور جيت عشَا ....
> يا الدقّيت بابنا و أكلتَ كبابنا .. تشرب شايينا و تكسّر كبابينا !!
> يا ناصل و ما عارف الحاصل ..!!
> هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
> يا طويل يا سلك الغسيل .. يا شمّاسى يا ظهر الكراسى ...
> هبّهاااااان ووسخ بيان ...
> بتدّى ولا بتعضّى ؟؟... يا كِجِنكِى , يا مسمار الزِنكى ..
> عامل لَى فيها تفتيييحة و شايل مفاتيييحها...؟؟
> كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!
>
> هيييييهييييييييييييي يا ..
> ما تقعد تنقنِق و عُضامك تطقطِق ...
> إنت واقع من لورى شطّة ؟ وللا فاتتك المحطّة ؟؟ !! ..
> ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
> ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
> يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
> يخخخخخخسى و مرض نفسى ..
>
>
> هييييييييييييى.....وتاااااانى هييييييييييييى ...
> هيييييييي يا هاء , يا همزة على ياء ...!
> ما تخلّينى أورّيك المغطّى و ملان شطّة ... يا بتاع البوبار يا البتخمّس السجار ..
> القميص جمايكا .. و الصلعة فورمايكا ....
> الأضان هبّابة ... و الفَلَجَة بوّابة ..
> الجبهة سبّّورة .. و النخرة ماسورة ..
> شوفوا البوز الما ضاق الموز!! .. اليدّين مساويك , والكرعين مفاريك ..
> ما تعمل فيها شِفِت و ممسّح بالزِفِت ..
> كان إنت ضربتا السما جير ,, نحن أدّينا الهوا بوهية, و ضربنا النجوم مَنَكير !!
> أطََفَّر ؟؟ وللا بتدفِّر ؟؟..نجى بالدَرِِب وللا فيه كلِب ؟؟؟
> مرّة تجوط , ومرّة كاتم صوت ..
> .. يا بايركس , يا ما بتعجب الجكس ..
> يا المن قمت ما باسوك , و يا الرُحت و أهلك ما كاسوك !!
> يخخخخخسسسسى و مرض نفسى ..
>
> هييييييييييييييي هييييي ..
> صحى الرجال ماتوا فى كررى , و الباقين فى تايتنك ..
> تانى ما أشوفك قدّامى يا المصيرك تتشنِق ..
> وقع ليك ؟ وللا أعيدو ليك ؟
> يللا زحّوا الإتنين كدا ,وخشّوا جُحُركم الدنيا شتا ..
> شبهييينا و إتلاقينا .....
> يا جيران السواد , و نقيصة الزاد ..
> خلاص نسينا سيرتكم , ورمينا طوبتكم ..
> صحى ناس ناس .. و ناس أنناس ...
> و ناس أذى للناس ...
> وناس يتمَوا بيهم باقى الناس


الحمد لله بنات المنتدى ما زي ديل و لا كنا طفشنا من اول يوم

[ادهم]

لا لا

كده مابنفع

انا لازم اعمل معاك اجتماع مغلق ونناقش المسعله دى

ياخوى انا عندى ليك كلام سمح رايك شنو نعمل لينا معهد تعليم الحناكيش

اها رايك شنو

اجى عليك ولا تجى انت

[ahmedBolbol]

هههههههههههههههههههههه
لا اله الا الله محمد رسول الله
دة شنو ده مباااااااااااااااااااااااااااااااااااااااااااااااااالغة رسمى شعبى
تسلم يا عسل والله اديك العاااااااااااااااااااافية
والله شرطنا من الضحك
ادهم انت الحاجات دى بتريحك شديد

[الشماسي]

تسلم والله ياجدو على المقال الجميل وانا ذاتي يابلبل بحب الحاجات دي لكن الخوف تطلع واحده معانا في المنتدى الله يستر والله لابنقدر على البشتنه دي لا الله قال

[jdo]

لا لا

كده مابنفع

انا لازم اعمل معاك اجتماع مغلق ونناقش المسعله دى

ياخوى انا عندى ليك كلام سمح رايك شنو نعمل لينا معهد تعليم الحناكيش

اها رايك شنو

اجى عليك ولا تجى انت

يا زول ما عندك مشكله بس جيب لينا دعم كدا
شوية مدرسين زي بلبل دا و جمع لينا طلبة من هنا و هنا

[ahmedBolbol]

تسلم والله ياجدو على المقال الجميل وانا ذاتي يابلبل بحب الحاجات دي لكن الخوف تطلع واحده معانا في المنتدى الله يستر والله لابنقدر على البشتنه دي لا الله قال

والله ياشمس ادونى احساس بت الشمالية وام العشرة عليك الله مانفس الاسلوب

[ahmedBolbol]

يا زول ما عندك مشكله بس جيب لينا دعم كدا
شوية مدرسين زي بلبل دا و جمع لينا طلبة من هنا و هنا

اها دخلتونى في الشقلة دى والله انا مابعرف نهائى
لكن برشح ليك شمس ده خطيييييييييييييييير مرة....................

[jdo]

هههههههههههههههههههههه
لا اله الا الله محمد رسول الله
دة شنو ده مباااااااااااااااااااااااااااااااااااااااااااااااااالغة رسمى شعبى
تسلم يا عسل والله اديك العاااااااااااااااااااافية
والله شرطنا من الضحك
ادهم انت الحاجات دى بتريحك شديد

هههههههههههه

لا لا دي وحده صعبه شديييييييييييد
الحمد لله دي بعيد شديد من بناتنا ديل و لا قلت شنو
شكرا على الرد يا بلبل

[jdo]

تسلم والله ياجدو على المقال الجميل وانا ذاتي يابلبل بحب الحاجات دي لكن الخوف تطلع واحده معانا في المنتدى الله يستر والله لابنقدر على البشتنه دي لا الله قال

مشكووووووووووووووووووووور

بس قلت شنو الزول دا رشحك

[الشماسي]

[align=center]والله كان مااخاف الكضب ياهم ذاتهم نفس هييييييييييييييي وتاني هيييييييييييييييي بتاعتهم
يازول ماتعمل لينا مشاكل خلينا بعيدين احسن[/align][/size]

[الشماسي]

[align=center]يااخوانا انا جاهز وبديت تمارين من حسي انت قلتوا لي اللعبه متين ماسمعت كويس[/align][/size]

[action man]

تسلم يا جدوا ، بس موضوع الطلبة ده خلي علي في جاهزين، بس جهزوا المعهد

[mohammed abdelgayoum]

طبعا من قرايتي ليه بتركيز حاسي اني اصلا ما قريتو
:D :D :D :D :D :D :D :D :D :D

[jdo]

[align=center]يااخوانا انا جاهز وبديت تمارين من حسي انت قلتوا لي اللعبه متين ماسمعت كويس[/align][/size]

يا زول اتمرن كويس ديل حجيبوا ليك شد في كا فة انحاء جسمك
مخك دى بتخدر عديل كدا