هل الزي السوداني أصبح غاليا للدرجة التي تجعل الفتاة تتخلى عن الثوب السوداني وتلبس نصف متر لستر جسمها ومن أين تسربت الينا موضات
(أديني حقنه)الذي يكشف ذراع الفتاة حتى كتفها..؟
ولا النوع الإسمو (إظهار رقم) وهو أضيق من جسم الفتاة نفسها وده بيوفر حاجة بتاعت 30سم من القماش؟
وهناك آخر إسمه (فصل الدين عن الدوله) تطبيق علماني على جسد الفتاة بلوزه 35 سم واسكيرت جاري مع الواطه ليظهر ظهر وسرة الفتاة عاريا هنود ياناس ومالو لوشالوا من الجاري في الواطه وغطو بيهو الفوق و بطن السجم دي...!..
وواحد تاني في ظل حصار القماش يسمى(خارج عن الخدمه)و(مسكول)
وده أصغر من المسكول ذاتو
والله جنس بشتنه ولا الطرحه الاصغر من المنديل لو غطوا الراس ينكشف الصدر والعكس
وهاك يا مضايره وكبكبه في المواصلات يعاينو ليها في راسها تسحب الطرحه فوق ينكشف التحت الواحده بقت زي بتاع المرور
الحاصل شنو...؟؟؟
وبنحاكي في منو....؟؟؟
[align=center]موضوعك حلو
انا السنه الي راحت رحت اجازه لاحظت وصراحه استغربت بس مااحد يقدر يقول شي
يعني وحده خارجه من بيت اهلها كذا ايش حتقولها مانقول غير الله يهدي الجميع[/align][/size]
موضوك واللة مهم شديد
وعلى حسب كلامك دى قلة حيا وعدم احترام
ومعناها دا عدم والى
وانا شخصيا مش بلوم البنت لان اصلا البنت كلها عورا
انا بلوم الاب والاخ والام
وربنا يهديهم
شكرا للموضوع
بعد التحية
اولاموضوعك غاية في الاهمية ممكن تورونا بعض المصطلحات هل هي اسما للملابس ولا انتو بتستهترو بالبنات (إظهار الرقم) و (أديني حقنه) و(فصل الدين عن الدوله) و
خارج عن الخدمه)و(مسكول)
والله شي عجيب جدا
معقولة في واحده بنت ابوها بتلبس كده الحمد لله وين قلبك وحياك يا اختاه اين انت من السابقات المؤمنات المحصنات المراءة حياوها ووقارها كل ما تملك فتباهي بحجابك ورزانتك ايتها الغالية
فمثلا الثوب السوداني انا بقول السوداني والله اذا لبس بالشكل الصحيح انا بشوفه اجمل واحشم من العباية
كمان في حركة مزعلاني شوية الواحدة تلبس الثوب السوداني وتكون تحتو لابسة قصير والثوب اصلا خفيف ذي كدا اخير عدمو ولي عودة اصلو الموضوع كبيرويستاهل
والله الاخت شكله مغتربه في السعوديه .مازرتي جامعة الاحفاد وله مامشيتي نمره 2 في الخرطوم
والله موش اللبس بس يشربون الشيشه في المقاهي التي اصبحت من الظواهر السيئه في الخرطوم
لدي البنات كوك دور واسيل كافي وسفرمون........وله مامشيتي عفراء .........
وكمان اوكامبو ظهر امس لبسه جديده اخير منها الزكرتهم فوق ديـــــــــــــــل
السلام عليكم (اديني حقنه) المفروض تكون حقنة علاج و شفاء مش تفسخ و استعراء و البنت اللي تلبس مثل هذه الملابس التي لا تستر عورة و لا تحترم نفسها ولا المجتمع تكون بكل اسفه غير محترمه و دور الاهل والاسرة مهم جدا.ومشكور اخي علي الموضوع تقبل مروري
[align=center]موضوع رائع شكر ليك فعلا الزمن اتغييير شديد السودان بيقى ما زي زمان البنات بيقى يشاغلو الاولاد بجد نهايه الزمن الله يستر علينا بس وعلى سائر بنات المسلمين
موضوع مهم شديد لانه جد البحصل في الشارع شي مخيف الاسماء ما مهمه المهم انه الحاصل شي خطير لبس البنات اصبح ظاهرة خطيرة محتاجه لوقفه من المجتمع كله الشارع البيت وبعدين وين الرقابه وين ناس النظام العام صراحه الكل ماشايف دوره ربنا يحفظ البنات
انا خايف يصل بينا الحال تجي تسال البت في الشارع مالك لابسة قصير تقوليك والله معليش هدومي الشفافة كلها في الغسيل زمن عجيب وناس اعجب والسقوط ماشي للهاوية
البنات وطبيعتن انهن يكون جميلات ويجذبن الانظار
انتو بتعاينو ليهن قدر دة مالكم
مشكلة الاولاد انهم فاكرين البت فقط لمتعتم ماشة في الشارع يعاين ليها من فوق لتحت ويركز في حتات بصورة وقحة يعني لمن اكون ماشة في الشارع الولد يعاين لي بصورة حادة لمن يديني احساس انو ما لابسة حاجة
انت ما تعاين الواحد البت ماشة في الشارع يعاين ليها لمن يفقدا خصوصيتا وقفت في زحمة يتلصق بيها قعدت في مواصلات يتحكحك فيها بدون حتي ادني احساس بالخجل او حتي مزاج البت في اللحظة ديك انها تتشاغل ولا زهجانة
ليس السودانيات فقط من يلهثن وراء الموضة بل الامة العربية بصفة عامة وهذا ناتج من الرعاية الاسرية البنت تفعل ما تشاء والولد على كيفه والوضع المادى له الدور الكبير وخاصة اذا كانت البنت هى البتصرف على البيت فحدث ولا حرج
والشئ المهم البعد عن الدين وكتاب الله وسنة رسوله عليه افضل الصلوات والتسليم واذا لم تستحى فافعل ما تشاء
