هام لكل الاعضاء من يتهمون غيرهم بعدم الوطنية

[أبوالريش]

العزيزة زينة .. والأخوة المتداخلين.

أحيي أولاً صاحبة البوست على شجاعتها التي يفتقدها الكثيرين ممن يحملون نفس رأيها. وأعيب عليها رضوخها لأقوال بعض المتداخلين والذين هاجموها في وضع صورة في مكان التوقيع أرادت بها التعبير عن رأيها. فكما خالفوها الرأي واستنكروا أن يكون لها رأي مختلف، إستنكروا عليها وضع رمز لقيمة أرادت توصيلها.

أعجبني قول حمودي حينما ذكر بأن مسيرات الشجب والتأييد لن تغير شيئاً، ولن تثني المحكمة عن المضي فيما بدأت فيه، وهي حقيقة لن تتغير مهما تظاهرنا أو شجبنا أو حلفنا غليظ الأيمان.

نعم، جميعنا يعلم بأن أعداداً ضخمة سارت في الشوارع متظاهرة مؤيدة للبشير ومنددة بقرار المحكمة. كما نعلم بأن هذه المظاهرات مهد لها الطريق جهاز سُمي "بالتعبئة العامة" أو شئ بهذا المعنى، فوجد في هذه الفرصة مؤيدي البشير ضالتهم ليوصلوا صوتهم للعالم، وتعطلت في ذلك اليوم الدواوين الحكومية والمدارس والأسواق للمشاركة في المسيرة. ولكن دعونا نفترض أن مؤيدي محاكمة البشير رغبوا في إيصال أصواتهم ورأيهم، هل سيدعمهم جهاز التعبئة العامة أم شرطة مكافحة الشغب؟ وهل ستتعطل الدواوين الحكومية أم سيعتبر من يذهب للمظاهرة متغيباً عن العمل ويوضع إسمه في اللائحة السوداء؟ باختصار هل يملك معارضي الحكومة أو تتوفر لهم آلية للتعبير مثل ما تتوفر لمؤيديها؟

إن ما تقومون به هنا، وردعكم للأخت زينة هو مثال لما يمكن أن يحدث لمعارضي الحكومة، رغم أني على يقين بأن هناك الملايين يتفقون معها في الرأي، ويرفضون إختزال الوطن في شخص، ولكن تمنعهم إعتبارات كثيرة عن التعبير عن رأيهم.

أخيراً .. أتمنى مناقشة صاحبة البوست بالفكر .. وعدم اللجوء لحجر رأيها ونزع الوطنية عنها.

[معتز سيد]

السلام عليكم لكل المتداخلين،

أولاً ، أنا مؤمن تماماً بحرية المناقشة، والأمانة التامة في الحديث

حتى لو كان ممن هو معي أو ضدي

بمعنى آخر، إذا كان أحدهم مؤيد للنظام وأنا لست كذلك، هذا لا يمنع أن أفند رأيه

وإذا كان صائباً وله إنجاز ما لا يعني أنني أنكر هذا الإنجاز.

وفي المقابل إذا كنت متفق مع النظام وجاء معارض وأبدى سلبية أياً كانت في النظام

لا يجب علي الدفاع عن ذلك.

إن شاء الله الفكرة تكون واضحة

ما أستطيع أن أعلق عليه سأقوم باقتباس الفقرة والرد عليها

[quote="مجدى عكاشه"]
جالون البنزين زمن بترول مافى وبالصف كان بى كم جنية .. والليلة زمن الانقاذ بى كم جنية
العيش زمن الصفوف الجنية كان بيجيب كم عيشية والليلة الالف بتجيب كم عيشة
[/quote]

أخي مجدي عكاشة هذه الطريقة في الحساب تتعارض مع أسس وقواعد الاقتصاد

فمن البديهي أن يكون هنالك فرق في الأسعار بتغير الزمن وهذه تعود لمجموعة من الأسباب
قد تكون اجتماعية أو سياسية أو اجتماعية أو اقتصادية بحتة.

فالأقرب للواقع في هذه الحالة حساب الجنيه أو ريال أو درهم أو أياً كان وإيجاد ميزان موحد
ومن ثم مقارنته مع بقية الدول، فنحن لسنا بمعزل عن العالم.

كدي نلقي نظرة عن أسعار الحاجات في أي دولة ، ونقيسها بالدولار
ونجي نحسب الأسعار عندنا ونقيسها مقابل الدولار.

[quote="مجدى عكاشه"]
واسأل .. هل السودان دولة جازبة للشباب .. ام دولة طاردة لابنائها
اى بمعنى لى كل شاب بيتمنى انو يغترب عشان يتزوج ..
ألأجابة عشان الحكومة السودانية عجزت المجتمع من عملية التطور المفترض تحصل
[/quote]
كل شاب يتمنى انو يغترب دي انا بختلف معاك فيها، فالواحد يتكلم عن نفسه

أو نعمل احصائية بعدد الاغتربوا ، والعايزين يغتربوا، والعندهم فرصة اغتراب

لكن فضلوا يكونوا في السودان. ولأن الإحصائية دي غير متوفرة فالأجدر انه اي واحد

يتكلم عن حالو بدون تعميم

وما يفوت علينا هنا في المنتدانا كتير من أخواننا مغتربين ويدافعوا عن النظام والبشير

[quote="مجدى عكاشه"]
بما يختص بالتعليم
ماهو السبب الرئيسى لسياسية تعريب الجامعات ..؟
وماهو السبب الرئيسى لانهيار الطالب على المستويات الثقافية والسياسية
وارتفاع نسبة البطالة والعطالة وحالات التشرد .. [/quote]

إذا كانت الجامعات أقل يعني محدودية الفرص، يعني فئة قليلة ممن منّ الله عليهم بذكاء

أن يجد فرصة التعليم، وطيب الباقين، ما عندهم حق يعني في التعليم؟!!!

مسألة التعريب دي أنا بصراحة يمكن اتفق معاك فيها، لكن دة رأي شخصي قد

أكون صائب فيه أو خائب، فهناك من هو أدرى مني وأخبر

أما عن البطالة، طبعاً يا أخوي يا مجدي أكيد في بطالة فالفرص محدودة
ودة نتاج لاقتصاد البلد ككل والموارد المتاحة ،

التوظيف الكامل يا أخوي دة حلم لكل دول العالم، لكن صعب التحقيق.
دة بتحكموا الظروف الاقتصادية

نعم قد يكون محدودية الفرص والتنافس عليها قد يدخل فيها وساطات وشي من هذا

من رأيي الخااااص نعم مفروض هذه الفرص المحدودة توزع بمنافسة شريفة بحيث

لا تتدخل الانتماءات السياسية أو الاجتماعية في اختيار من يشغلها،

دي مأخذ عندي على النظام الحالي ومتأكد حيكون مأخذ على أي نظام آخر

يعني إذا اتغير الحكم من الحزب الحاكم لأحزاب أخرى ، ح نواجه نفس الإشكال

[quote="مجدى عكاشه"]
اما بما يختص بعمر البشير
فأنت عارف زى ما انا عارف زى ما كل سودانى عارف
ان هذا البشير لا يفقه للسلطة شيء ..
راجل مسكيييين سااى .. قاعد وماعارف فى شنو داير ..
يعنى حقيقى سبحان الله .. لا بهش ولا بنش يقولو عليهو مجرم حرب
[/quote]

قد أتفق معاك في الرأي دة، بنسبة مقدرة، طيب السبب شنو يقدم للمحاكمة!!!

هل الغرض من المحاكمة دي انو يغيروا لينا النظام عشان خاطر عيونا

هل العالم يهموا أمرنا وعايز لينا ننعم بصحة وغذاء وتعليم ونرتقي

عشان كدة عايزين يغيروا النظام؟؟!!!!

أنا شخصياً رأيي الخاص لا طبعاً، يا ريت اسمع رايك في النقطة دي

[quote="مجدى عكاشه"]

رغم تعدد المستشفيات وووساختها المعتادة وتكاليفها الباهظة ( ماعندك قروش تموووت )
ربنا يرحم ( جمعة ) صديقنا الاتوفى قبل شهر بى سبب فشل كلوى فى السودان وما استطاع جمعة ان يعمل زراعة بى سبب وضعو المادى ..

كل القدموهو ليهو غسيل مجانى .. مع رفض ديوان الذكاة ان يتكفل ليهو ..
ويا سبحان الله دايمآ ديوان الذكاة فى حالات رفض .. فالح بس فى دعم مشاريع ما بتقوووم ..
[/quote]

النظام الصحي ودة كمان والله يا أخوي يا حبيبي مجدي

دة برضو كل الدول العالم تسعى لتحقيق نظام صحي متكامل للعندوا والما عندو

لكن محكومين بالأوضاع الاقتصادية وموارد الدول

أنا ما بحب اضرب مثل بأمريكا ، لكن شايف الناس بتضرب بيها مثل كتير في الديمقراطية

طيب أمريكا دي ما فيها حاجة اسمها مجانية الصحة، دة كان برنامج اقتصادي للرئيس

المنتخب الجديد أوباما، يعني حتى أمريكا بوضعها الاقتصادي المعروف لينا،

صاعب عليها تحقيق هذا الهدف

[quote="مجدى عكاشه"]

عن نفسى اتمنى تعليم زماااااان ... ما تعليم الكيزان ..

على اى حالـ .. الله يعين [/quote]

دة عن نفسك ، والله والله أنا عن نفسي، الحمد لله لقيت فرصة تعليم

يمكن ما كنت ألقاها إذا الجامعات ما كتيرة، ما عدم ثقة في نفسي

لكن جد هناك من هم متفوقون كانوا هم ح يلقوا فرص وأنا ربما لا:D

مشكور أخي مجدي على صبرك معاي،

والله أنا لست مؤيد للحزب الحاكم ولا أنتمي له بأي شكل،
وعارف أنه في فساد إداري حاصل ، وعارف حاجات كتيرة
وكمان عارف الإنجازات بحفظها ليهم وما بنكرها

والأهم من دة كله عارف تدخل النظام الدولي في شئوننا ليه؟؟

ان شاء الله يا رب كلنا نعرفه ونعيه تماماً،

تعالوا نختلف مع النظام بأي طريقة، لكن نبعد ناس الجنائية ديل مننا

احنا اذا اختلفنا بسبب المحاكمة دي والمعارضين للحكومة دعوا المجتمع الدولي للتدخل

واذا المجتمع الدولي اتدخل بالقوة، ح نلقى نفسنا بدل ما نختلف في المنتديات والنقاش
ح يبقى الخلاف بالسلاح، وبلدنا ح تنزف ووقتها المجتمع الدولي ما ح يقدر ينقذنا،
يا اخوي مش لمن يقدروا يوقفوا النزيف الفي العراق ولا في أفغانستان

[grade="00008B FF6347 008000 4B0082 FF4500"]يا رب يا حنان يا منان احفظ بلدنا من الفتن ، واجعله بلداً آمناً
ومن أراد بنا سوءاً أجعل تدميره في تدبيره يا رب العالمين
والصلاة والسلام على سيدنا محمد وعلى آله وصحبه[/grade]

[مجدى عكاشه]

معتذ السيد
ازيك يا شابـ ونهارك انشاء الله يكون سعيد
عارف يا معتذ

انا تقريبآ بتفق معاك فى كتير جدا من النقاط الانت زاتك ما اختلفت معاى فيها ههه حلوة دى
بما يختص بالبنزين والعيش وتدهور الجنية
انا زاتى فى مداخلتى السابقة الانت اقتبستها
فى جزء بيتكلم عن التطور الطبيعى للمجتمعاتـ يعنى عادى جدا فى سباق المادة والحراك الانتاجى
ممكن يحدث تغيرات على مستوى العملات العالمية والمحلية
وزى ما انت عارف .. ناسنا ديل المواضيع دى ما بيفهمو ليها كتير
عشان كدة حصل الحصل
وبالتاكيد هى ما جزء من اختلافنا مع النظام
لكن فى مجموعة من الموالين للنظام بيقارنو نظام المهدى مع نظام الانقاذ

والحاجة الحقيقى الواحد بيستغرب ليها
ان يستحيل تعمل محاسبة لى نظام حكم لمدة 3 اعوام ونصف العام
وتقارنو بى تنظيم حكم 20 سنة ..

طيب 20 سنة الانجازات كانت شنو .........!!؟ هل السد ..!! مثلآ
حقيقى يا عزيزى انا بتفق معاك فى نقطة محاكمة البشير
ورغم معارضتى ليهو ورغم كراهتى الشديدة لعضوية المؤتمر الوطنى
لكن الواحد لايستطيع غير ان يقيف معاهم فى الازمة العالمية الحالية دى ..

وبما يختص بالصحة ومجانية العلاج
حبت مسئولية يا معتذ من السادة المسئولين صدقنى بتعمل تغييير واااضح
لكن ودة حقيقة وانت قد تكون عايشها

اخر هم من هموم النظام ( المواطن ) دة اذا اساسا كانو متذكرنو
وللاسف المواطن ما بيتم ذكرو الى لمن تجى سيرة امريكا واوكامبو
لى يعنى ................................!!؟

من زمان المواطن دة وين كان ...
بالاضافة لى العديد جدا جدا من النقاط النحن ما اتناولناها معانا
وهى العمالة الاجنبية وضعف اجور العمال واشكال التحصيل والتوزيع العادل للخدمات
يعنى انا بدفع ضرائب .. اوكى متفيق كل العالم بيدفع ضرائب

لكن كل حكومات العالم بترجع الضرائب بشكل خدمات
قول لى بس نحن خدماتنا دى بترجع وين
انشاء الله مجناية التعليم ..............................!.! دة اا ساسا كان فى تعليم ومجانى كمان

يا عزيزى معتذ

ما ننكر حقيقة عايشنها سوى فى السودان
ان نظامنا ما اكترث لي شعبو نهائيآ ولا كان فى محاولات جادة لكسب رضاهو
ويستحيل على النظام دة ان يفوز فى جو ديمقراطى سوى كان على مستوى حزبى عالى
او طلابى .. وبراك شاااااايف


اما بما يختص بى بند الفساد فدة بينهى كل حاجة
يعنى اذا فى حكومة الفساد فيها يكاد يصل لى نسب عالية جدا
تفتكر الدولة حتكون كيف من رشاوى ومحسوبية وعلاقات .......

هل مافى ناس هتدهور
وهل حنستنى النظام يحسن نفسو عشان يدينا معاهو ...

بتذكر ايام الانتخابات كانت ونسة الناس
بيقولو احسن نصوت للمؤتمر الوطنى عشان هو ( شبــــــــــع ) خلاص بعد كدة
بدينا معاهو
وبقولو لو صوتنا لى تنظيم تانى دة عشان يشبع موضوع طوييييييييل

يعنى ثقافة الاكل والفساد بقت شى ثابت فى ازهان المواطن
وبالتأكيد ما كل مواطن والله اعلم

فعليييك الله حكومة فاسدة راجين منها شنو ...!!

غايتو وكلنا امرنا لى الله
والصاح يا معتذ بنعملو وبنقيف مع السودانييين ككل
ما مع الانقاذ براها
بنقيف عشان الوطن وبنقيف عشان نحن نرفع راسنا لى قدام


.........


نقطة اخيرة

للاسف عشان نكون اكثر وضوحآ فى طرحنا اتجاة الوطن السودانى
المعارضة السودانية اضعف من انها تقود ليها جامعة فخليك من دولة
وفى معارضة سودانية باعت نفسها زى ما شايفين لى مجموعة دولية محددة
ودة بالتأكيد نتاج لى ضعف العديد جدا من القوى الساسية ..

فما فى خيار حالى سوى ان نرضى بظلم اخانا
والله اعلم كيف سيبدو ظلم ابن عمنا .. والله يعلم كيف يبدو ظلم الغريب منا ...!!

على اى حال ... ارضى بالهم والهم مش راضى بيا

[كمال محمد على]

تحية كبيرة للعم مجدى


الطالب زمن الخمسة جامعات كان كيف .. والطالب زمن الانقاز والخمسة وعشرين جامعة ( بقا كيف )
جالون البنزين زمن بترول مافى وبالصف كان بى كم جنية .. والليلة زمن الانقاذ بى كم جنية
العيش زمن الصفوف الجنية كان بيجيب كم عيشية والليلة الالف بتجيب كم عيشة
....................................................
سوف ارد عليك فى نقطة واحدة ذكرتها من عدد من نقاط اثرتها
لان كل النقاط التى ذكرتها تندرج تحت عدم التقييم الصحيح

فى هذا المثال ( التعليم العالى )

لو الحكومة رجعت سياسة التعليم العالى الى ما كانت عليها سابقا
ما هى النتائج التى سوف تظهر

سابقا كل الذين كانوا يدخلون الجامعات عددهم فى حدود 5 الف طالب
اليوم عدد الذين يدخلون الجامعات عددهم فى حدود 180 الف طالب

الــ 150 الف طالب الذين سوف يحرمون من التعليم العالى سنويا حيمشو وين

ودعنى معليش اتطرق لموضوع اخر
الخبز مثلا انت بتقول زمان الخبر كان ارخص من اليوم
بس اليوم الخبز موجود وكافى بس غالى

المفارقة فى كلامك نفس المفارقة التى وقعت فيها بخصوص التعليم

لانو لو الخبز زمان كان رخيص ولكن ما كافى
برضو حنصل لنفس النتائج بتعت التعليم
والنتيجة ان شريحة صغيرة من الشعب هم الذين سوف يتمكنون من
شراء الخبز بالمدافرة والبيات امام المخابز

اما عبارة لو كنت كوز
فهذة العبارة قديمة من ايام الابيض والاسود
أنا ما عارف انت لقيتا وين
وكانت تستخدم من قبل قبيلة اليسار
هذا اليسار الذى لا اذكر اننى رايتهم وهم يلبسون جلبابهم الخاص
دائما يعيشون فى جلباب الاخرين
والحركة الشعبية اقرب مثال

اخى مجدى لا تزعل من طريقتى فى الحوار فانا دائما بحب المداعبة فى الحوار


وشكرا

[كابو]

تحية اخى كابو
انت تتحدث وكأن عمر البشير مجرم ورافض ان يمثل امام اى محكمة سودانية
هل انت تعلم ان شخص ذهب الى اى محكمة سودانية متهما البشير فى قضية معينة
ورفضت المحكمة ادعاء هذا الشخص

الحاجة التانية المثال الذى ذكرته عن الرئيس الاسرائيلى
هذا المثال غير مطابق للمثال الذى نحن بصددة
كيف
هل تم محاكمة اى رئيس اسرائيلى داخل اسرائيل ومن قبل شعبة لانه ارتكب جرائم
ضد الفلسطينيين لان العدالة والحضارة لا تتجزء
مشكلة الحوارات عندنا اننا نتساهل كثيرا فى المقارنات وبالتالى نتوصل الى
نتائج غير صحيحة

وشكرا

اخي كمال

استنتاجك من حديثي باني اجرم الرئيس غير صحيح تماما ولتعلم سبب تجريم الرئيس من قبل icc ليس جرم ارتكبة وحتي المحكمة الجنائية الدولية معترفة بان الرئيس لم يرتكب اي جناية ولكنها تحدثت عن المسئولية القانونية للرئيس تجاة عدم تسليمها لما يسمي مرتكبي جرايم دارفور وهي مسئولية لها جزور تاريخية منذ محاكمات نورمبيرج والاساس القانوني لها هي مسئولية الرؤساء عما يرتكبة مرؤسيهم من جرائم محددة ( الابادة الجماعية والتطهير العرقي ) وهي جرائم اذا لم تتم فيها محاكمات لمرتكبيها وفق القانون الوطني تكون الولاية لمحكمة الجزاء الدولية .
طبعا ما ذكرتة آنفا من الناحية القانونية البحتة
طيب اخي كمال
اتي للنقطة الثانية اتهام الرئيس الاسرائلي وقبلة كلنتون كما ذكرت الاخت زينة ومن قبلهم نيكسون وفضيحة ووترجيت
هل الرؤساء العرب مثلا لم يرتكبوا اي فظائع توجب مسالتهم واين حديث الرسول ( ص ) كل المسلم علي المسلم حرام دمة ومالة ..... دع عنك الاختلاس والقتل ولاتعذيب وخلافة نحن نتحدث عن حق المواطنة والحقوق التي وردت في الدستور وقبلها وردت في الشرائع السماوية .
فاذا كان الكافر افضل مننا في احترام مواطنية وتطبيق القانون علي نفسة وتطبيق الشوري التي دعا لها الاسلام فكيف ننتصر علية بالهتافات .
هذا سبب ضعتنا وهواننا فلن ننتصر مالم نطبق ما جا بكتاب اللة وسنة رسولة بحق وحقيقة عندها سننتصر.

[zaina]

[quote=""][/quote]
ساقتبس كل الردود فى هذا الرد الطويل

قال الاخ ابوبكر
(ان الرئيس الاسرائيلى الذى حوكم فى بلاده(يقصد انى ذكرت هذه الجملة) هى كلمات اريد بها التشبه بالغرب)

هل العدالة هى تشبه ام حق (من اسماء الله الحسنى العدل) لان العدالة لاتفرق بين مواطن ورئيس كما ذكر فى حديث(كانوا اذا سرق فيهم الشريف تركوه واذا سرق الضعيف اقاموا عليه الحد) اليس هذا ما نطبقه الان فى حياتنا وواقعنا
فاذا تشبهنا بالغرب فى اشياء حميدة احق ان نقتدى بها نحن باعتبارنا مسلمين فما المشكلة فنحن نقلد الغرب فى جوانب موجودة فى السنة لم نطبقها ووجدناها عندهم (ذكر احدهم عندما ذهب الى احدى دول الغرب(وجدت اسلام من غير مسلمين(يقصد بعض الجوانب الفاضلة لديهم) ووجدت عندنا مسلمين من غير اسلام )اوليس هذا صحيحا
فعندما يقدم وزير لديهم استقالته بسبب مشكلة كبيرة فى وزارته وان لم يكن سبب مباشر فيها (هذه والله قمة المسؤلية)لانه اعتبر نفسه مسؤل عن ما حدث بغض النظر عن المسبب الرئيسى وهذا ما لا يحدث فى بلادنا العربية الاسلامية


رد الاخ كابوا بقوله
(موضوع دارفور مسرحية سيئة الاخراج …….الخ

ساحكى لك قصة دفاعى عن الغلابة من اهل دارفور واحكم انت فى النهاية
(قبل اقل من سنتين ذهبنا انا ومجموعة من زملائى (قافلة صحية)الى المناطق العشوائية فى المدينة وبعد ان بدانا العمل حكت لى امراة كبيرة فى السن حكايتها العجيبةوقالت(جئت من قرية فى مدينة نيالا بعد ان تشردت الاسرة كنت اعيش انا وبناتى الثلاثة وولدين وفى احدى الليالى وهم نيام غار عليهم من يسمون بالجنجويد فى القرية وكانوا مقسمين جزء مهمته سرقة كل البهائم والجزء الاخر حرق المنازل
تقول دخلوا علينا ونهبوا كل ما وجدوه ثم احرقوا المنزل والقرية ولم نجد الا ان نهرب بعد ان ابوا ان يتركوا لنا المنزل وقد تفرقنا ونحن نجرى ووجدت نفسى فى الصباح انا وابن بنتى الصغير ولم اعثر على اى اثر لابنائى وذهبت مع من وجدتهم الى احدى المعسكرات سيرا على الاقدام ولكنى لم استطع ان اعيش فى المعسكر وابنائى ليس معى وبحثت عنهم ولم اجدهم عندها جئت الى الخرطوم بواسطة (لورى) ومنها الى بورتسودان بنفس الطريقة انا وابن ابنتى الصغر الذى تيتم وبعض النسوة) وذكرت انها اثناء وجودها فى بيتها قبل الحرق وجدت احد الاولاد الذين تعرفهم وكان من ضمن هؤلا الجنجويد واستغربت من وجوده وعندما سالته ذكر لها ان المسؤل الفلانى قال لهم من يكون معنا سيكون له مرتب ثابت كل شهر ودربوهم هو ومجموعة معه وطلبوا منهم ان يغيروا على مناطق من سماهم بال(زرقة) وهؤلا هم الجنجويد الذين تسمعون عنهم( يعنى الجنجويد البيغيروا على القرى تابعين للحكومة)
يعنى ياجماعة الحكاية دخلت فيها عرب وزرقة وال( ) عملت فتنة بين القبائل وبعضها (طبعا الكلام ده لو قلته قدام مسؤل حيعتقلونى ويمكن يلحقونى التونسية كمان لانه كلام خطير جدا)

اعرف ان البعض لن يصدق هذه الحقيقة ولكن لماذا تكذب المراة واهل مكة ادرى بشعابها
وربما يقول البعض ان المتمردين يستحقون العقاب وانا معكم ولكن ما ذنب اهل قبيلة الذى تمرد على الدولة حتى تحاربهم الحكومة لماذا لاتعاقب المتمرد ومن معه فقط دون المواطنين يعنى باختصار من الحكاية دى عايزة اقول ليك(الحكومة حاربت اهالى القرى التى هى من قبيلة المتمردين (عبدالواحد محمد نور) وجندت شباب من القبائل الاخرى بمرتبات لمحاربة هذه القبائل وطبعا لانهم شباب ليس لهم غير رعى البهائم والزراعة فلذلك عندما يعطوهم مرتبات فماذا يريدون وهم لايجدون من زراعتهم مقابل مادى يكفيهم والسبب الاخر ان احد المسؤلين فرق بين قبائل دارفور(عرب وزرقة)بالله عليكم هل نحن فى عصر الاستعباد حتى يصدر مثل هذا القول من مسؤل فى الحكومة (يعنى ماتقولوا البت ده بتخرف وبتجيب كلام من عندها لان مقولة(عرب وزرقة) اصبحت مرتبطة بذلك المسؤل فى الحكومة منذ ان قالها
واعرف ان هنالك مشاكل قبلية فى دارفور من زمان لكنها لم تصل لمرحلة ابادة القرى وتشريد الاهالى فى المعسكرات
(فى بعض دول العالم توجد اقليات تتمرد على الدولة وهنا تحاربها الدولة لانها تمردت عليهم ولكن فى دارفور الامر يختلف لان من تمرد هم بعض الرجال الذين رائو ان هنالك ظلم من الدولة لهم ولكن الاهالى انفسهم لم يتمردوا فبدلا من ان تحاربهم الدولة فقط حاربت اهل قبيلتهم ومنها نتجت مشكلة دارفور وتعمقت بعد ذلك)


الاخ كمال محمد على ذكر
(تتحدث وكان عمر البشير مجرم...هل انت تعلم ان شخص ذهب الى اى محكمة سودانية متهما البشير ....الخ

من يجرؤا يااخى ان يفعل ذلك هل نحن فى امريكا او اوربا لنفعل ذلك
من يفعل ذلك لكان مصيره الحبس الى اجل غير مسمى
انظر بنفسك الى بعض المواقع السودانية اومواقع الصحف التى لاتتبع للحكومة وانظر الى جملة(نزعته الرقابة الامنية من النسخة الورقية) فماذا ستجد فى القاسم المشترك بين كل هذه المقالات ستجدها تتحدث عن جانب سئ موجود فى الحكومة والحكومة لاتسمح بمن يتهمها بتهم حقيقية فى الصحف فما بالك بمن يجرؤ على الكلام
وساذكر لك مثال ايضا للتوضيح(ايام الجامعة كانت لدى زميلة والدها من دارفور وكتب يوما موضوع عن (الجنجويد وطريق الانقاذ الغربى و ابناء دارفور انفسهم الذين هم فى الحكومة ) يعنى كتب حقائق موجودة بالفعل ) عارف حصل ليه شنو بعد ما رسل الموضوع لاحدى الصحف(منع النشر ودى لو قلنا مافيها حاجة تعال شوف بعد كده يعنى بدل ما يسيبوه فى حاله جاء امر من الخرطوم بالقبض عليه وحبس لفترة ثم اطلق سراحه) وذكرت لى ان والدها حكى لهم عن العذاب الذى وجده فى الحبس (منع اى فرد من مقابلته ما عدا ناس الامن فقط) رقم انه ابوها ده كان فى منصب كبير(ماتابع للحكومة)
وتجى بعد ده وتقول ممكن يمشى واحد ويطلب من المسؤل المثول امام محكمة فى البلاد(ده الا كان القيامة تكون قامت على الحكومة)

الاخت بنت السقاى ذكرت
(اصلا لافى الداخل ولافى الخارج ما مفروض يتحاكم)

طيب ما هو الحل من وجة نظرك اذا كان بعد كل هذا الرئيس غير متهم بصفته مسؤل فمن هو المتهم هل هم اهالى المنطقة الذين تشردوا فى المعسكرات ؟؟؟
يعنى ما هو الحل العملى (هل بالتعاطف والمظاهرات)
اعلمى يااختى ان موضوع المحاكمة ده اصلا قد ثبت دوليا وحتة التحدى البنشوفها من الحكومة ليل نهار دى والله ما بتحل مشكلة لاننا لسنا فى عصر العنتريات والتحدى (انظرى لصدام عندما تحدى بوش ماذا حل بشعبه (قتل الملايين وتيتم الاطفال وترملت النساء واصبح العراق يعيش فسادا وده كلوا لانوا صدام اتحدى وابى ان يسلم نفسه ويترك شعبه فى امان ولا اقول هنا انى اشبه البشير بصدام ولكن الامر واحد يعنى الان حكومتنا ما بتعمل اى حاجة غير انو تتحدى (بدل ما يسيبوا التحدى ويبدوا فى حلول عملية دى والله اخير ليهم واخير لينا نحن الشعب المغلوب على امره ويجنبونا على الاقل حتة انوا الغرب طامع فى السودان (يعنى بوضوح اكتر كان الحكومة قبلت بمحاكمة داخلية للرئيس ومن معه وجابوا قضاة من مختلف الدول العربية وبرائو نفسهم مش اخير لينا من ما سيحدث ان ظلت الحكومة على تحديها والخراب الذى سيحل بالسودان ....ولا رائيكم شنو ياجماعة دايره زول يرد لى برد عملى بدون عاطفة لانو خلاص عرفنا انو الكل متعاطف مع الرئيس بس دلوقتى دايرين حلول عملية وموضوعية ياجماعة وروقوا المنتقة حتى لوا ما اتفقتوا معاى فى كلامى ده المهم دايرين حل عملى

واخيرا اختمها برد الاخ مجدى عكاشة
(ان كان رئيسنا يستحق الاحترام لكان عليه مراجعة الدولة......الخ

وده رد منطقى جدا يعنى بصفته مسؤل يجب عليه ان يتحمل العواقب (المشاكل الكبيرة ذى مشكلة دارفور دى كان عليه ان يسعى لحلها قبل فوات الاوان وتعميق المشكلة اكثر)
وذى ما قال احدهم فى برنامج الاتجاه المعاكس (الرئيس السودانى من ما جاء موضوع اوكامبو كل فترة ماشى دارفور وبيرقص كمان و بدئوا فى طريق الانقاذ الغربى(طيب من زمان كان وين....)) واترك لكم الباقى

[مجدى عكاشه]

تحية كبيرة للعم مجدى


الطالب زمن الخمسة جامعات كان كيف .. والطالب زمن الانقاز والخمسة وعشرين جامعة ( بقا كيف )
جالون البنزين زمن بترول مافى وبالصف كان بى كم جنية .. والليلة زمن الانقاذ بى كم جنية
العيش زمن الصفوف الجنية كان بيجيب كم عيشية والليلة الالف بتجيب كم عيشة
....................................................
سوف ارد عليك فى نقطة واحدة ذكرتها من عدد من نقاط اثرتها
لان كل النقاط التى ذكرتها تندرج تحت عدم التقييم الصحيح

فى هذا المثال ( التعليم العالى )

لو الحكومة رجعت سياسة التعليم العالى الى ما كانت عليها سابقا
ما هى النتائج التى سوف تظهر

سابقا كل الذين كانوا يدخلون الجامعات عددهم فى حدود 5 الف طالب
اليوم عدد الذين يدخلون الجامعات عددهم فى حدود 180 الف طالب

الــ 150 الف طالب الذين سوف يحرمون من التعليم العالى سنويا حيمشو وين

ودعنى معليش اتطرق لموضوع اخر
الخبز مثلا انت بتقول زمان الخبر كان ارخص من اليوم
بس اليوم الخبز موجود وكافى بس غالى

المفارقة فى كلامك نفس المفارقة التى وقعت فيها بخصوص التعليم

لانو لو الخبز زمان كان رخيص ولكن ما كافى
برضو حنصل لنفس النتائج بتعت التعليم
والنتيجة ان شريحة صغيرة من الشعب هم الذين سوف يتمكنون من
شراء الخبز بالمدافرة والبيات امام المخابز

اما عبارة لو كنت كوز
فهذة العبارة قديمة من ايام الابيض والاسود
أنا ما عارف انت لقيتا وين
وكانت تستخدم من قبل قبيلة اليسار
هذا اليسار الذى لا اذكر اننى رايتهم وهم يلبسون جلبابهم الخاص
دائما يعيشون فى جلباب الاخرين
والحركة الشعبية اقرب مثال

اخى مجدى لا تزعل من طريقتى فى الحوار فانا دائما بحب المداعبة فى الحوار



مبديآ كدة
مافى زعلـ





وشكرا

ونهارك سعيد يا استاذ كمالـ
كيف اخبارك انشاء الله تكون بخير

استاذ كمال

اذا كان كلـ كلامى السابق بيندرج تحت التقيم الغير صحيح
تفتكر موضوع البنزين والعيش .. بيندرج فى التقييم الصحيح ...!!؟

والله اذا قلت لى موضوع البنزين والعيش دة كلام ما موضوعى .. بقول ليك كلامك صح
لكن تجيب اضعف نقطة فى حوارى وتركز عليها وتقول لى ان باقى كلامى هوى ساى ...!!

شى عجيب


على اى حالـ
عشان نكون موضوعيين فى الحوار
تأكد انى حتجاوز كل المحاولات البتخلينى اعرج خارج النص
وارجع بيك تانى نقطة ....

تفتكر موضوع الفساد الادارى .. بيندرج تحت بند التقيم الغير صحيح .......!!؟
تفتكر موضوع المشروع الحضارى .. بيندرج كذلك فى بند التقيم الغير صحيح ......!!؟
تفتكر سياسة التعريب هى برضو تقيمها ما صحيح
مع العلم انك اتجاوزتة النقطة دى ونطيت لى فى الخمسة وعشرين جامعة ............!!

لكن ما اشكال






اقول ليك كلام موضوعى واقراهو كويس بالله للنهاية ....!!

السودان مافيهو فسااااااد
السودان الناس كلها شغااااااالة
السودان قروووشوو كيتييييييييرة
مافى حرامية فى السودان .. والبشير حاكم عادل
ازمة دارفور مشكلتها ناس دارفور زاااتهم ... الحكومة بريئة من الموضوع دة
وموسى هلال قائد الجنجويد الحكومة دى ما سلحتو نهائى ولا قالت ليهو امشى حارب


اما بخصوص الجبايات
فيا سلام عليها
مافى جبايات نهاااااااائ والجمارك حاجة ما تخلص
تساهيل شديدة ورسومها زاتها بسيطة ..

سبحان الله .. طيب تفتكر نحن تعبانين مالنا ...!! يكون يا الله دة العز الكتير بيعمل كدة ...!!

ولا تفتكر الديمقراطية العايشنها نحن ماليانا ومقطعانا قطيييع
لكن والله يا استاذ كمال فاتتك الجامعات ...
بيدرسو باللغة الانجليزية كل الجامعات
وبيدرسو كمان العلم ألأنى يعنى ما زى زمان تاريخ العلوم
والطالب الجامعى اول ما يتخرج سبحان الله الشركات بتجى جارية عليهو جرى شدييييييد
ومافى خدمة وطنية غالية بالعكس ...
يعنى زمان الطالب كانت حالتو تحنن الليلة مرتاح

العجب المزارعين
يعنى ناس القضارف مشاكلهم اتحلت وما خشو السجن
وناس الجزيرة شغاااااااااااالين فى امانتين الله وامورهم مسهلة والمحصول ماشى
ومافى اى حرامية فى القصة .. والبنوك بتقدم تساهيل شديدة للفقراء ...

سبحان الله لكن .. امريكا مالا معانا نحن ما مرتاحين الديمقراطية مية مية ومشاكل مافى ...
الحاجة الغريبة يا استاذ كمال ..

تتذكر لمن اسامة بن لادن كان فى السودان
انت مش راجل عشت كتيير
معناتا بتتذكر لمن الحكومة قالت ليهم اطلعو برة رجاءآ
وما سرقو قروش الراجل اسامة بالعكمس رجعوها ليهو
وما قدمو اى زول للحكومة الامريكية ... شفت الكلام دة كيف
ولمن صلاح قوش مشا امريكا ما قدم معلومات ضد تنظيم القاعدة ابدآ
مشا بى قلب قوى قال ليهم ابقو رجال ما تشيلو السودان من قائمة الدول الارهابية ..........!!
متذكر ولا اذكرك التعاون السودانى والانبراش السودانى لى امريكا ...

ولا زمان كانو صغار والليلة كبرو ..............!!
تحب اذكرك بى الشعارات الجات بيها الانقاذ فى عام 1989 وشعارات 2002 وشعارات 2009

تستغرب ... !!


لكن سبحان الله ... البلد عايشة فى امان
وانبراش شديد لى ماما امريكا ... بتاعت عمر البشير
الليلة ماما امريكا زعلت .. جا البشير وصحا من النوم وقال يا شعبى نموت سوى
زمان ماكان عمر البشير يموت مع الناس الماتو
ولا كان يتعب زى الناس التعبو
ولا كان على الاقل .. يساعد

لكن اقولها ليك
يا عزيزى نحن ضد قرار اوكامبو رغم فساد الحكومة القائمة على امر هذة البلاد
ضد قرار المحكمة رغم ما نأكله من نار ونحن جوعى
ضد هذا القرار رغم عدالته واحقيته فى الطاولة القانونية السودانية ...

ولكن ليس لقلوبنا سوى الدعاء للفقراء والمساكين ومن تذوق طعم ألألم يومآ ما ........!!


شفت كلامى كان موضوعى كيف ..........!!

[كابو]

رد الاخ كابوا بقوله
(موضوع دارفور مسرحية سيئة الاخراج …….الخ

ساحكى لك قصة دفاعى عن الغلابة من اهل دارفور واحكم انت فى النهاية

قد يكون ما ذكرتية صحيح لكن لماذا لم تتسالي ماذا فعل الاخرون الم يحرقوا مساكن الم يذبحوا الغير الم ينتهكوا العروض , الامر قديم جدا منذ ايام النهب المسلح وماذا كان يفعلون بالعربات المنهوبة واصحابها والمسافرين ومن كان يقوم بذلك , قبل تفاقم مشكلة دارفور حضرت كثير من مجالس العزاء والتي كان كان نتاج لهذة العصابات .من اشخاص ليس لهم احقاد لعرب او غيرهم من العرقيات بل مسعاهم اقتصادي بحت .
هذة جزور المشكلة وبعد اتفاقية السلام صب عليها اصحاب النفوس المريضة الزيت ,
ما ذكرت عن ماساءة اهالي دارفور اهي بدارفور فقط , لقد زرت معظم ارجاء السودان جنوبة وغربة وشرقة وشمالة فالبؤس ليس في دارفور ففي الشرق هناك من يسكن تحت اشجار الموسكيت ويلتحف السماء وفي اصعاق كردفان هناك من يفترش رمال الصحراء , بل حتي العاصمة بها من يعاني هناك من اكمل تعليمة الجامعي تحت ظل راكوبة مصنوعة من الخيش يشرب من برميل صدئ ويا ليتك زرت ارياف الشمال لتري شظف العيش والمعاناة في صمت قانعيم بما قسمة الله لهم , هل حملوا السلاح هل استصرخوا الغرب هل تاجروا بدينهم لقاء منصب او اموال تودع ارصدتهم الدنيوية هي المعاناة التي تحدث يوميا وليس هذا من بنات خيالي بل شئ رائتة وعايشتة .
قضية دارفور تاجر بها البعض لمصالح شخصية وتلقفها الغرب لمصالح ايضا والامر تقاطع مصالح لاغير والضحية المواطن .

[كمال محمد على]

اخي كمال

استنتاجك من حديثي باني اجرم الرئيس غير صحيح تماما ولتعلم سبب تجريم الرئيس من قبل icc ليس جرم ارتكبة وحتي المحكمة الجنائية الدولية معترفة بان الرئيس لم يرتكب اي جناية ولكنها تحدثت عن المسئولية القانونية للرئيس تجاة عدم تسليمها لما يسمي مرتكبي جرايم دارفور وهي مسئولية لها جزور تاريخية منذ محاكمات نورمبيرج والاساس القانوني لها هي مسئولية الرؤساء عما يرتكبة مرؤسيهم من جرائم محددة ( الابادة الجماعية والتطهير العرقي ) وهي جرائم اذا لم تتم فيها محاكمات لمرتكبيها وفق القانون الوطني تكون الولاية لمحكمة الجزاء الدولية .
طبعا ما ذكرتة آنفا من الناحية القانونية البحتة
..........................................................
حتى الذين تقول عنهم icc مرتكبيى جرائم فى دار فور هم حقيقة ليسو مجرمين
انت كده ادينا فكرة عن جرائم كوشيب وهارون
مافى اى سودانى عارف عن القضية اى حاجة
الامر الاخر حتى الحكومة لو قامت بمحاكمة هؤلاء
هل المحكمة الجنائية كانت سوف تتوقف عن المطالبة بمحاكمتهم خارج السودان
هذة مكايدات امريكية معروفة .
...............................................................
طيب اخي كمال
اتي للنقطة الثانية اتهام الرئيس الاسرائلي وقبلة كلنتون كما ذكرت الاخت زينة ومن قبلهم نيكسون وفضيحة ووترجيت
هل الرؤساء العرب مثلا لم يرتكبوا اي فظائع توجب مسالتهم واين حديث الرسول ( ص ) كل المسلم علي المسلم حرام دمة ومالة ..... دع عنك الاختلاس والقتل ولاتعذيب وخلافة نحن نتحدث عن حق المواطنة والحقوق التي وردت في الدستور وقبلها وردت في الشرائع السماوية .
.........................................................
فى المقام الاول نحن نتحدث عن عمر البشير وليس لنا دخل بباقى حكام العرب
ولو دولة اسرائيل حاكمت رئيسها مش معنى كدة ان نقوم نحن بمحاكمة رئيسنا
حتى ولو لم يرتكب اى جريمة عشان نورى الناس اننا حاكمنا رئيسنا
الجرائم التى حوكم فيها الرئيس الاسرائيلى والامريكى كلينتون مالية واخلاقية
وليست جرائم تعذيب هل لا يوجد تعذيب فى السجون الاسرائيلية للفلسطينيين
ما فى تعذيب للعرب الافغان فى سجن قوانتينامو
هل سمعت يوم ان الرئيس البشير اختلس اموال او تحرش بامرأة ..
..........................................................

فاذا كان الكافر افضل مننا في احترام مواطنية وتطبيق القانون علي نفسة وتطبيق الشوري التي دعا لها الاسلام فكيف ننتصر علية بالهتافات .
.........................................................
بنفس القدر المواطن ايضا بيحترم الدولة فى الغرب هل سمعت فى يوم من الايام ان فى دولة
غربية هنالك حركات متمردة وتقوم بغارات على مواطنين اخرين ويقتلونهم وينهبون اموالهم
وللاسف الشديد نفس هذة الدول التى تتبجح وتقول بان هنالك جرائم حرب فى السودان
هذة الدول نفسها هى التى تسلح الحركات المتمردة فى السودان
نحن نعيش نفاق فى عالم اليوم.
....................................................

.

وشكرا .......................................................

[كمال محمد على]

تحية اخى مجدى

ونهارك سعيد يا استاذ كمالـ
كيف اخبارك انشاء الله تكون بخير

استاذ كمال


تأكد انى حتجاوز كل المحاولات البتخلينى اعرج خارج النص
وارجع بيك تانى نقطة ....

تفتكر موضوع الفساد الادارى .. بيندرج تحت بند التقيم الغير صحيح .......!!؟
تفتكر موضوع المشروع الحضارى .. بيندرج كذلك فى بند التقيم الغير صحيح ......!!؟
تفتكر سياسة التعريب هى برضو تقيمها ما صحيح
مع العلم انك اتجاوزتة النقطة دى ونطيت لى فى الخمسة وعشرين جامعة ............!!
.......................................
الفساد الادارى موجود فى كل دول العالم مع الفارق فى الدرجات لكنك لم توضح نحن فى ياتو درجة
عن سياسة التعريب حكى لى احد اصدقائى انه عندما كان يدرس فى سوريا المحاضر بيقوليهم
ترى ثم بيشرحلهم معنى الكلمة وبيقوليهم ترى يعنى الشجرة
فى عالم اليوم اللغة ما عادت مشكلة اى حاجة مترجمة اما لو فى ناس لهم اهتمام بالادب الانجليزى
فهؤلاء شريحة صغيرة

المشروع الحضارى
انا لم افهم ايه مشكلتك مع المشروع الحضارى ومن المفيد دائما ان توضح ايه مأخذك فى الاشياء
التى تنتقدها لان الاشياء التى ذكرتها كما قلت لك اشياء موجودة فى كل العالم .
..............................................


اقول ليك كلام موضوعى واقراهو كويس بالله للنهاية ....!!

السودان مافيهو فسااااااد
السودان الناس كلها شغااااااالة
السودان قروووشوو كيتييييييييرة
مافى حرامية فى السودان .. والبشير حاكم عادل
ازمة دارفور مشكلتها ناس دارفور زاااتهم ... الحكومة بريئة من الموضوع دة
وموسى هلال قائد الجنجويد الحكومة دى ما سلحتو نهائى ولا قالت ليهو امشى حارب

.............................................................
كما قلت لك من قبل انت تكرر الانتقاد وكان السودان بس الفيهو مثل هذة الاشياء
..........................................................

سبحان الله .. طيب تفتكر نحن تعبانين مالنا ...!! يكون يا الله دة العز الكتير بيعمل كدة ...!!
........................................................
الدنيا دار ممر وليس دار قرار
يا ايها الانسان انك كادح الى ربك كدحا فملاقيه
هل فى راحة فى الدنيا
هل تعلم ان اعلى نسبة انتحار فى العالم فى الدول الاسكندنافية والتى تعتبر ارقى دول العالم
سبحان الله.
...............................................

لكن اقولها ليك
يا عزيزى نحن ضد قرار اوكامبو رغم فساد الحكومة القائمة على امر هذة البلاد
ضد قرار المحكمة رغم ما نأكله من نار ونحن جوعى
ضد هذا القرار رغم عدالته واحقيته فى الطاولة القانونية السودانية ...

ولكن ليس لقلوبنا سوى الدعاء للفقراء والمساكين ومن تذوق طعم ألألم يومآ ما ........!!


شفت كلامى كان موضوعى كيف ..........!!

...............................................
حلو بس بعد كلامك ده كلو فى الحكومة انت ليه واقف ضد قرار اوكامبو
ممكن الحكومة دى عندها عروق بتخلى الناس الكارهنها يصفقو ليها
بس كمان كنت عايزك تجى تشوف فى دول الخليج كيف شعوب العالم تاتى الى هنا
بتتذل كيف عشان لقمة العيش
هذة الشعوب ما عندها حكومات

وشكرا صديقى مجدى

[كمال محمد على]

الاخ كمال محمد على ذكر
(تتحدث وكان عمر البشير مجرم...هل انت تعلم ان شخص ذهب الى اى محكمة سودانية متهما البشير ....الخ

من يجرؤا يااخى ان يفعل ذلك هل نحن فى امريكا او اوربا لنفعل ذلك
من يفعل ذلك لكان مصيره الحبس الى اجل غير مسمى
...............................................
هل يوجد شخص جرب الحكاية دى ولا كلام والسلام..
............................................................
انظر بنفسك الى بعض المواقع السودانية اومواقع الصحف التى لاتتبع للحكومة وانظر الى جملة(نزعته الرقابة الامنية من النسخة الورقية) فماذا ستجد فى القاسم المشترك بين كل هذه المقالات ستجدها تتحدث عن جانب سئ موجود فى الحكومة والحكومة لاتسمح بمن يتهمها بتهم حقيقية فى الصحف فما بالك بمن يجرؤ على الكلام
..............................................................
الصحف دى موجودة فى السودان ولا فى دولة تانية
وليه الصحف دى ما بتخاف من الحكومة
فى تناقض فى كلامك

.........................................
وساذكر لك مثال ايضا للتوضيح(ايام الجامعة كانت لدى زميلة والدها من دارفور وكتب يوما موضوع عن (الجنجويد وطريق الانقاذ الغربى و ابناء دارفور انفسهم الذين هم فى الحكومة ) يعنى كتب حقائق موجودة بالفعل ) عارف حصل ليه شنو بعد ما رسل الموضوع لاحدى الصحف(منع النشر ودى لو قلنا مافيها حاجة تعال شوف بعد كده يعنى بدل ما يسيبوه فى حاله جاء امر من الخرطوم بالقبض عليه وحبس لفترة ثم اطلق سراحه) وذكرت لى ان والدها حكى لهم عن العذاب الذى وجده فى الحبس (منع اى فرد من مقابلته ما عدا ناس الامن فقط) رقم انه ابوها ده كان فى منصب كبير(ماتابع للحكومة)
وتجى بعد ده وتقول ممكن يمشى واحد ويطلب من المسؤل المثول امام محكمة فى البلاد(ده الا كان القيامة تكون قامت على الحكومة)
..............................................
أنا خايف بالطريقة دى حتى القيامة لو قامت تاخدو اذن من البشير عشان تموشو لمكان الحشر
يا استاذة زينة انتى ما قادرة تفرقى بين الكلام بقصد خلق فتن داخل المجتمع
وهذا شىء مافى اى حكومة بتسمح بيهو
وبين ان تمشى وبكل احترام ومعكى شهور او وثائق وترفعى قضية ضد اى وزير او البشير
فى احد جرب ولا حوى ما والدة


تحياتى

[zaina]

الاخ كابو

يبدو انك لم تفهم قصدى لانى عندما تحدثت عن دارفور لان المشكلة التى نتحدث عنها تتعلق بها فقط دون بقية مناطق السودان

ولااختلف معك فى ماذكرته ان غالبية مناطق السودان تعانى الفقر والتهميش وانا ذرت بعض مدن شمالنا ورايت بنفسى الوضع المتردى فى تلك المناطق وبعض قرى الشمال من بؤسها لاتجد غالبيتها الا كبار السن وحتى الشرق بما اننى اعيش فى مدينة بورتسودان فاعرف جيدا ان هنالك مساكن عشوائية فى اطراف المدينة واما محافظاتها فليست باحسن حالا من بقية مدن السودان التى تعانى من البؤس والشقاء البئة المتردية ونجد ان العمران يتمركز فى العاصمة وبعدها مدينتى مدنى وبورتسودان (الافضل حالا من بقية المدن) اذن لاخلاف فى هذه النقطة

وحكاية النهب المسلح نعم كما ذكرت كان موجودا منذ القدم ولم يكن وليد مشكلة دارفور ولكن لو كان هنالك طريق مسفلت الن يحل ولو جزء من المشكلة ولماذا لايكون الطريق امانا اوليست هذه مشكلة الدولة وهى من يجب عليها ان توفر الامن للمواطنين ام ان المواطن هو من تجب علية مسؤلية تامين نفسه؟؟؟؟؟


اما ماذكرته (ماذا فعل الاخرون......الخ)
حتى وان كان ذلك صحيحا فهل هذا مبرر للحكومة لتحارب مواطنيها التى يجب عليها ان توفر لهم الامن وهى التى تدعى انها حكومة اسلامية فاين هذا الاسلام

هل اذا تمرد عبدالواحد تكون النتيجة محاربة اهل قبيلته وحرق قراهم اوليس هؤلا هم مسؤلية الحاكم فلماذا اذا يحاربهم هم ولم يكن ذنبهم الا انهم يتبعون لقبيلة عبدالواحد محمد نور المتمرد ولماذا لاتحارب الحكومة المتمردين فقط وملاحقتهم دون المساس بامن مواطنيها وتشريدهم وقد قال الله(من قتل نفسا فكانما قتل الناس جميعا)

اين العدل هنا يااخى بالله عليك اجبنى بصدق وبكل صراحة هل هذه عدالة فان كان هذا عدل فسحقا لعبد الواحد وخليل وحتى الحكومة ان كان المواطن لايعنى لهم اى شئ وليس له قيمة وليس مهما ان يتشرد فى المعسكرات اويموت جوعا وان كان هذا عدل فمرحبا بالمحاكمة لكل من كانت له يد فى المشكلة حتى ان كان منهم المتمردين انفسهم وليرنا فيهم الله عدله ان كانوا ظالمين

[كابو]

الاخ كابو


اما ماذكرته (ماذا فعل الاخرون......الخ)
حتى وان كان ذلك صحيحا فهل هذا مبرر للحكومة لتحارب مواطنيها التى يجب عليها ان توفر لهم الامن وهى التى تدعى انها حكومة اسلامية فاين هذا الاسلام

هل اذا تمرد عبدالواحد تكون النتيجة محاربة اهل قبيلته وحرق قراهم اوليس هؤلا هم مسؤلية الحاكم فلماذا اذا يحاربهم هم ولم يكن ذنبهم الا انهم يتبعون لقبيلة عبدالواحد محمد نور المتمرد ولماذا لاتحارب الحكومة المتمردين فقط وملاحقتهم دون المساس بامن مواطنيها وتشريدهم وقد قال الله(من قتل نفسا فكانما قتل الناس جميعا)

اختي زينة

قرأت بين سطورك وقد اكون مخطئا أن ما قامت بة الحكومة هو تصفيتها لمجموعات منتقاة ( قبيلة عبد الواحد ) بواسطة قبايل اخري ( القبائل العربية او الجنجويد حسب التسمية الغربية ) وهو ما ظلت ترددة وتؤجج لة دوائر غربية لها اهدافها الخاصة , ما حدث عبارة عن ثأرات قبيلة نتيجة هجوم قبائل علي قبائل بدعوي وقوفها مع الحكومة او وقوفها مع الجماعات المسلحة وتعلمين مدي تجزر القبلية في السودان ورغم ذلك قد يكون لحديث شئ من الحقيقة ولكن ليست بما صورتة الدوائر الغربية من تطهير عرقي منهجي كما حدث في رواندا فمهما حدث فالكل مسلم وديننا ينهانا عن القتل الا دفاعا عن النفس .

[sma7a]

[align=center]اختنى زينه
انتى عايزا حل منطقى
الحل ما نسلم البشير علشان الناس ما تتشرد وتبقى زى العراق
دى انتى العايزه
بس لو سلمنا او رفضنا دى سياسه امريكا واسرائيل من نحن اطفال عارفين انو الدول دى عايزا تحتل الدول العربيه
بس بطريقه غير مباشره
لو اصلا دا الحال طيب ما يتحاكم شارون وعمايلو فى فلسطين
بس طبيعى ما حا يحصل
لم السودان يبقى مصيرو زى العراق وفلسطين ما حا نقول
وين العرب ودا الحل

دا رد على كلامك
لاكن نرجع لاساس الموضوع عمر البشير يتحاكم علشان ناس دارفور وحقوق الانسان والى اخره
دارفور دى من ما قامت الدول وانشاء دولة السودان دا حالم يعنى المحاكمه تجى على عهد عمر البشير بس
سبب المحاكمه مرفوض من الاساس
دمتى بخير اختى زينه
ولى رجعه تانى[/align][/size]

[zaina]

QUOTE=كمال محمد على;321570]الاخ كمال محمد على ذكر
(تتحدث وكان عمر البشير مجرم...هل انت تعلم ان شخص ذهب الى اى محكمة سودانية متهما البشير ....الخ

من يجرؤا يااخى ان يفعل ذلك هل نحن فى امريكا او اوربا لنفعل ذلك
من يفعل ذلك لكان مصيره الحبس الى اجل غير مسمى
...............................................
هل يوجد شخص جرب الحكاية دى ولا كلام والسلام..



الاخ كمال
يعنى كان واحد قام جرب ذى ماقلت ما حيعملوا ليه حاجة (يعنى بس شوف الترابى قال انوا البشير لازم يقدم نفسه لمحاكمة سجنوه طوالى رقم انى اختلف مع الترابى وعارفاه مابقفل خشموا ودى فرصتوا فى التشفى (وهذا من حقه) واعتقد ان ماقاله ذى ما بنقول كده لعبة السياسة والسياسين لكن برضوا كان مفترض يكون فى حرية راى لانو القرار صدر وحتة انوا يسجنوا اى زول بيعارض دى مابتحل مشكلة
....................

........................................
..............................................................
الصحف دى موجودة فى السودان ولا فى دولة تانية
وليه الصحف دى ما بتخاف من الحكومة
فى تناقض فى كلامك



مافى اى تناقض فى كلامى واسمح لى اقلب سؤالك لماذا تخاف الحكومة من المقالات الصحفية التى تتحدث عن سؤاتها وتخشى على نفسها من ذلك هل الحكومة تريد ان تبين لشعبها انها كالملائكة لاتخطئ وان كشف احد الصحفيين اخطائها تحرم عليه ان يعلنها على الملاء اوليس هذا الواقع ؟؟؟؟؟ يعنى باختصار ممنوع عليك ان تتهم الحكومة بعيب موجود فيها

ولكن العكس انظر للغرب رغم اننا مسلمين ولكنهم يطبقون بعض سلوك الاسلام التى لاتوجد لدينا يعنى بجد فى بعض الصحف الاجنبية ان من حق الصحفى ان يتحدث (بالدليل طبعا) اذا راى ان هنالك فساد اوسلوك سئ فى اى عضو فى الحكومة وليس عليه خوف اذا كان لديه الدليل عكسنا تماما

واعطيك مثال برضوا (قبل فترة سمعنا بقضية احد ابناء احد الوزراء قد قبض عليه بتهمة سرقة وفساد فلم ارى ولواشارة بالاحرف الاولى للاسم رقم ان هذا هو السلوك المتبع فى الصحف اليس السبب هو ان سيادة الوزير تابع للحكومة ولديه حصانة ومن تجراء وكشف عن الاسم فسيكون مصير صحيفته المنع من الصدور ) واترك لك التعليق

فمشكلتنا ان البعض يخاف من ان يعترض على حقائق موجودة فى الحكومة خوفا على نفسه من ما سيكون لان ما سيكون دى ممكن تكون مصيبة عليه ؟؟؟؟؟؟


........................................
..............................................
أنا خايف بالطريقة دى حتى القيامة لو قامت تاخدو اذن من البشير عشان تموشو لمكان الحشر
يا استاذة زينة انتى ما قادرة تفرقى بين الكلام بقصد خلق فتن داخل المجتمع
وهذا شىء مافى اى حكومة بتسمح بيهو
وبين ان تمشى وبكل احترام ومعكى شهور او وثائق وترفعى قضية ضد اى وزير او البشير
فى احد جرب ولا حوى ما والدة


تحياتى[/QUOTE]




والله يااخ كمال ما فى اى قصد فتنة فما ذكرته لك عن والد زميلتى انا قرائت الموضوع ولم اجد اى خلق فتنة بل تحدث عن بعض المشاكل الموجودة (طبعا الدلائل كلها ذكرها مع كل مشكلة) وفى كل مشكلة قدم بعض الحلول ولو كان قاصد يخلق فتنة ما كان رسل الموضوع لصحيفة تابعة للحكومة ولو كان الموضوع موجود معاى كنت رسلته ليك بالاميل عشان تتاكد ان ليس هنالك اى خلق للفتن والراجل نفسه شخصية سياسية وفاهم كويس

مع خالص شكرى

[ادهم]

بـــــــــــــــــــس خـــــــــــــــــــــــــــــلاص


؟

براين بطريقه خرافيه

كلام مثقفاتيه مامنو اى نفع

غيرو الصفحه دى

[zaina]

[align=center]اختنى زينه
انتى عايزا حل منطقى
الحل ما نسلم البشير علشان الناس ما تتشرد وتبقى زى العراق
دى انتى العايزه
بس لو سلمنا او رفضنا دى سياسه امريكا واسرائيل من نحن اطفال عارفين انو الدول دى عايزا تحتل الدول العربيه
بس بطريقه غير مباشره
لو اصلا دا الحال طيب ما يتحاكم شارون وعمايلو فى فلسطين
بس طبيعى ما حا يحصل
لم السودان يبقى مصيرو زى العراق وفلسطين ما حا نقول
وين العرب ودا الحل

دا رد على كلامك
لاكن نرجع لاساس الموضوع عمر البشير يتحاكم علشان ناس دارفور وحقوق الانسان والى اخره
دارفور دى من ما قامت الدول وانشاء دولة السودان دا حالم يعنى المحاكمه تجى على عهد عمر البشير بس
سبب المحاكمه مرفوض من الاساس
دمتى بخير اختى زينه
ولى رجعه تانى[/align][/size]

الاخت بنت السقاى
احترم رائيك بس برضو حتة( عدم التسليم مرفوضة دى) ماحل للمشكلة لان القرار قد صدر اصلا وامره انتهى و(الحكومة الان ساعية فى تاجيل القرار لمدة عام على الاقل رقم انها ليل نهار ناسها بيتحدوا ويقولوا لن نسلم ومع ذلك ساعين فى تاجيل القرار وده لانهم عارفين انوا ده قرار دولى وما فى طريقة للزوقان ) فحتى ان اصرت الحكومة على عدم التسليم ستتعمق المشكلة اكثر ونحن الشعب من سندفع الثمن والثمن ده ممكن يكون غالى

المشكلة يابنت السقاى انو الحكومة الان بتتحدى وبس والمفروض تبداء تحل فى المشكلة وينفذوا الاتفاقيات التى وقععت مع احدى الحركات المتمردة(اتفاقية ابوجا)


اما موضوع محاكمة شارون او بوش
(يعنى اذا حصلت جريمة وابوا ان يحاكموا القاتل لانوا مثلا عندوا حصانة وجاء واحد تانى وارتكب جريمة هل يقول القاضى لن نحاكمة لان فلان لم يحاكم ؟؟؟؟
فهنا لب المشكلة (اعرف ان بوش وشارون مجرمى حرب ويجب ان يحاكموا ولكن هذا ليس مبرر لنا ان نتقاضى عن اى محاكمة اخرى بسسبب انهم لم يحاكموا فربما نسمع فى المستقبل القريب عن رفع دعوة ضد بوش وشارون وغيرهم من المجرمين وهذا ليس مستحيلا فلا نسبق الاحداث


فقد قدم الرئيس الصربى * ميلان ميلوتينوفيتش للمحاكمة بتهمة جرائم حرب وايضا الرئيس اليوغسلافى ايضا قدم للمحاكمة بتهمة جرائم ضد الانسانية وكذلك الرئيس الليبيرى اعتقل فى منفاه وقدم للمحاكمة

والكلام التحت الجاى ده اقتبسته من احدى الصحف فتعمقى فى قرائته

أدت الأحداث الدولية الدامية التي حدثت بعد انهيار جمهورية يوغسلافيا السابقة، وما ارتكب من جرائم التطهير العرقي وعمليات إبادة جماعية، إلى أن يصدر مجلس الأمن قراراً في 22 فبراير (شباط) 1993 يقضي بإنشاء محكمة جنائية دولية لمحاكمة المتهمين عن الانتهاكات في يوغسلافيا منذ عام 1991. ومنهم الرئيس اليوغسلافى


- أما عن جرائم الحرب في أفريقيا، فقد أنشأ مجلس الأمن المحكمة الجنائية الدولية الخاصة برواندا عام 1994، لكي تتولى إجراءات التحقيق والمحاكمة فيما يخص جرائم الإبادة الجماعية والجرائم ضد الإنسانية وجرائم الحرب التي ارتُكبت في رواندا خلال الفترة من 1 يناير (كانون الثاني) إلى 31 ديسمبر (كانون الأول) 1994، والتي حصدت أرواح أكثر من مليون ونصف المليون شخص من قبائل (التوتسي والهوتو)، ويوجد مقر دائرة المحاكمات في مدينة أروشا بتنزانيا، بينما يوجد مقر دائرة الاستئناف في لاهاي، ومنذ إنشاء هذه المحكمة بدأت اتخاذ إجراءات قضائية ضد ما يزيد على 50 شخصاً من المشتبه بهم. وبالرغم من أن هؤلاء الأشخاص لا يزالون مطلقي السراح، فقد قرر مجلس الأمن الدولي أن ينتهي عمل المحكمة بحلول عام 2010.

- وفي أفريقيا أيضاً أنشأت الأمم المتحدة وحكومة سيراليون «المحكمة الخاصة بسيراليون» لكي تتولي إجراءات التحقيق والمحاكمة فيما يتعلق بالجرائم ضد الإنسانية وجرائم الحرب التي ارتُكبت في سيراليون منذ 30 نوفمبر (تشرين الثاني) 1996. ويقع مقر المحكمة في مدينة فريتاون بسيراليون، حيث بدأت في اتخاذ إجراءات قضائية ضد 13 شخصاً. غير أن قضية واحدة من هذه المحاكمات نقلت إلى لاهاي بهولندا، وهي الخاصة بالرئيس الليبيري تشارلز تايلور.

- كما كلفت السنغال الاتحاد الأفريقي في يوليو (تموز) 2006 باستضافة محاكمة الرئيس التشادي السابق حسين حبري الذي تولي الحكم بين 1982 و1990 ولجأ إلى السنغال بعد الإطاحة به في ديسمبر (كانون الأول) 1990. ويلاحق حبري بتهمة ارتكاب جرائم ضد الإنسانية والتواطؤ في عمليات تعذيب، كما يواجه حسين حبري أيضا تحقيقا قضائيا في بلجيكا.

- وعلى الساحة العربية، انطلقت في 1 مارس (آذار) الجاري المحكمة الخاصة بمحاكمة قتلة رئيس الوزراء اللبناني الراحل رفيق الحريري في مدينة لايدشندام الهولندية الواقعة في ضواحي لاهاي، حيث سيقوم 11 قاضيا، بينهم أربعة لبنانيين، بمحاكمة أربعة لبنانيين موقوفين حتى الآن على خلفية الجريمة، وهم: المدير العام السابق للأمن العام اللواء جميل السيد، والمدير العام السابق لقوى الأمن الداخلي اللواء علي الحاج، والمدير السابق لمخابرات الجيش العميد ريمون عازار، وقائد لواء الحرس الجمهوري العميد مصطفى حمدان.


ويعطيك العافية






ويااخ ادهم ما للدرجة دى يعنى برايييييييين عديل كده
انت شكلك هراااااااااااااااااااااااااااش

[كمال محمد على]

تحية الاخت زينه



فربما نسمع فى المستقبل القريب عن رفع دعوة ضد بوش وشارون وغيرهم من المجرمين وهذا ليس مستحيلا فلا نسبق الاحداث
.................................................
اى المشكلتين سابقة للاخرى
جرائم شارون وبوش أم الاتهام الموجه ضد البشير
كيف نحن نسبق الاحداث يعنى سوف يحاكمون بوش وشارون بعد ما يموتوا
وهذة التفرقة والكيل بعدة مكايل هى التى تثبت ان عمر البشير ما مدان
انما العملية من الاساس سياسية ومكايدة

أما محاكمة الرئيس اليوغسلافى فكانت عملية ذر رماد فى العيون
بدليل انه تم اطلاق سراحه قبل فترة
انت يا استاذة زينة وكأنك بتسوقنا وباصرار لنكون اذلاء فى هذا العالم..
............................................
(اعرف ان بوش وشارون مجرمى حرب ويجب ان يحاكموا ولكن هذا ليس مبرر لنا ان نتقاضى عن اى محاكمة اخرى بسسبب انهم لم يحاكموا
.........................................
طيب مادمت انت عارفة ان هؤلاء مجرمين ويستحقون المحاكمة
ممكن تبررى لينا لماذا لم يحاكموا

[معتز سيد]

سلام الله عليكم جميعاً

بادئ زي بدء ، أحب أن أوضح أنا أقتبس من كلام أخي مجدي في الرد عليه،

لكن هذا لا يعني الكلام خاص به، فإذا في ملاحظة أو تعقيب أو نقد من أي

عضو، أرحب بذلك ومن دواعي سروري.

أخوي الحبيب مجدي إن شاء الله كل أمورك عال

[quote="مجدى عكاشه"]

والحاجة الحقيقى الواحد بيستغرب ليها
ان يستحيل تعمل محاسبة لى نظام حكم لمدة 3 اعوام ونصف العام
وتقارنو بى تنظيم حكم 20 سنة ..

طيب 20 سنة الانجازات كانت شنو .........!!؟ هل السد ..!! مثلآ
[/quote]
انا اتفق معاك جزئياً في النقطة دي، طبعاً 3 سنوات من 20 سنة فرق

لكن الصراحة يا مجدي التلاتة سنة دة كان الإهمال الحقيقي للمواطن،

حكومة الديمقراطية دي هي انشغلت بالجمعية التأسيسية، وتوزيع المناصب

وغفلت تماماً عن المواطن كيف يعيش، ودة كان السبب في ظهور الأزمات

في أغلب السلع إذا ما قلنا كلها

انت بتقول انو البنزين كان بالصف لكن رخيص والعيش بالصف ورخيص،

طيب دة يا مجدي والله هو إهمال الحكومة للمواطن،

لانه الحكومة اذا دعمت سعر سلعة معينة، مفروض تغطي العجز مقابل الدعم دة

يعني تخصص جزء من موارد الدولة مقابل السلعة المدعومة، وإذا ما عملت كدة

معناها ح تحدث أزمة في السلعة دي.

ودة بالضبط ما حدث في التلاتة سنوات الحكم فيها النظام الديمقراطي السابق

متمثل في الصادق المهدي

[quote="مجدى عكاشه"]

طيب 20 سنة الانجازات كانت شنو .........!!؟ هل السد ..!! مثلآ
[/quote]

ليه كدة يا أخوي مجدي قلتها باستخفاف!!؟ ، السد دة والله إنجاز استراتيجي كبير.

وتعلية خزان الرصيرص برضو انجاز كبير

واستخراج النفط دة هو الآخر إنجاز استراتيجي كبير جداً.

أما عن الاهتمام بالمواطن ، والضرائب وكيف تعود علينا في شكل خدمات
أقول ليك الآتي:

أكيد الاهتمام بالمواطن ما يفهم على انه الدولة ح تجي تدي أي مواطن العيش
والبنزين و... واحتياجاته المختلفة بالمجان. ومافي حكومة في العالم بتعمل كدة.

الاهتمام بالمواطن يفهم توفير السلع والخدمات وفرص العمل ، وفرص التعليم،

والطرق، والأمن والصحة. بأسعار تتناسب بقدر المستطاع مع إمكانية المواطن،

طبعاً الحاجات دي ما ممكن تكون مجان، وفي نفس الوقت ما ممكن تكون بأسعار

ما تغطي تكاليفها. عشان كدة الحكومة بقدر المستطاع توفر الحاجات دي وبالأسعار

الممكن تكون مناسبة مع المواطن.

طبيعي في صعوبات ح تواجهها، تظهر في شكل تضخم، أو تظهر في عدم إمكانية

فرص كافية للعمل ، يعني بطالة. ودي نحن اتفقنا فيها انها محكومة بالموارد المتاحة في بلدنا.

لكن اجتهاد الحكومة الحالية في الحاجات الذكرتها دي ملحوظ وملموس،

أيوة الحاجات متوفرة وأسعارها ممكن تكون في متناول المواطن، نعم في مواطنين

ما بقدروا اتحصلوا عليها، لكن دة شي عام في كل دولة، وفي كل نظام اقتصادي.

الحكومة اذا عليها مأخذ في الحتة دي، انه الناس ديل العاجزين، تحاول تلقى ليهم

حلول بقدر المستطاع من ديوان زكاة، أو إنشاء منظمات خيرية.

ديوان الزكاة الحالي أنا عندي عليه مأخذ متفق معاك فيه دة اتطرقنا ليه قبل كدة.

الطرق نعم في طرق سهلت كتير للمواطن داخل العاصمة وتمتد لخارج العاصمة

شايفين الحركة بقت لبورتسودان عن طريق عطبرة،

شايفين الحركة للشمال ، وشايفين الحركة للغرب، وكانت ح تغطي

دارفور لولا مشاكل التمرد.

الأمن الداخلي اذا مسكنا العاصمة نعم في طفرة كبيرة في الأمن مقارنة بالسابق

بقت الشرطة منتشرة داخل الأحياء،

المشاكل الأمنية الأخيرة في العاصمة في الفترة الأخيرة هي بسبب اتفاقية السلام

مع الجنوب، ودة بالتأكيد اللوم فيه ما على الحكومة

يعني صلحوا بي هناك عشان يوقفوا الحرب، لكن (انقدت) بهنا بسبب بعض الناس

الوقعوا معاهم اتفاق السلام، ودة في مناطق معروفة بيسكنوها الناس ديل.

ومع ذلك نعم الأمن أفضل من السابق بكتير.

يعني نقدر نقول المشاكل الأمنية الآن بسبب التمرد، دخول خليل إبراهيم

في السنة الماضية وأحداث يوم الاثنين 2005، بسبب أخواننا الجنوبيين

والاتنين ديل اللوم فيه على الحكومة أقل من اللوم على الجماعات ديل.


أما عن التنمية في العاصمة فقط دون بقية الولايات، دة أمر طبيعي في كل
مكان في العالم، التنمية تبدأ من العاصمة، محل الكثافة السكانية،
ومن ثم تنتقل لبقية (البقاع). ودة الآخر ماشي كويس يعني ما وقف في ال20 سنة دي

[quote="مجدى عكاشه"]
بتذكر ايام الانتخابات كانت ونسة الناس
بيقولو احسن نصوت للمؤتمر الوطنى عشان هو ( شبــــــــــع ) خلاص بعد كدة
بدينا معاهو
وبقولو لو صوتنا لى تنظيم تانى دة عشان يشبع موضوع طوييييييييل

يعنى ثقافة الاكل والفساد بقت شى ثابت فى ازهان المواطن
وبالتأكيد ما كل مواطن والله اعلم

فعليييك الله حكومة فاسدة راجين منها شنو ...!!

[/quote]

الانتخابات دي والله أنا ما كنت حاضرها ، لكن معنى كلامك دة

انه في ناس غير موالين للنظام لكن صوتوا ليه من باب (جناً تعرفو خير من جن لا تعرفو)

طيب يا مجدي دة ما بتعارض مع الديمقراطية إطلاقاً

فالديمقراطية انك تدي صوتك بحرية،

أما مسألة فكرت كيف واخترت صوتك على أي أساس

دة موضوع بيخص صاحب الصوت.

[quote="مجدى عكاشه"]
للاسف عشان نكون اكثر وضوحآ فى طرحنا اتجاة الوطن السودانى
المعارضة السودانية اضعف من انها تقود ليها جامعة فخليك من دولة
وفى معارضة سودانية باعت نفسها زى ما شايفين لى مجموعة دولية محددة
ودة بالتأكيد نتاج لى ضعف العديد جدا من القوى الساسية ..

فما فى خيار حالى سوى ان نرضى بظلم اخانا
والله اعلم كيف سيبدو ظلم ابن عمنا .. والله يعلم كيف يبدو ظلم الغريب منا ...!!

على اى حال ... ارضى بالهم والهم مش راضى بيا [/quote]

هنا أخوي مجدي تفكيرك سليم ووطني جداً

نبهني لي سؤال عايز أشوف رأيكم فيه

وهو رأي شخصي خااااااااااص بي أنا ممكن أكون صائب وممكن أكون خائب

الحكومة دي كان الفساد وأساليب القمع فيها والتلاعب بالشريعة الإسلامية

الأنت ذكرتها قبل كدة ، ونزيد عليها سوء العلاقات الدولية الخارجية

الكلام دة كلو كان وقت الترابي تحديداً كان موجود فيها


لكن بمجرد ما الترابي أزيح من النظام الحاكم، النظام دة اتغير كتير للأحسن والله

وإن كان ما للحاجة العايزينها نحن.

وفي نفس الوقت ظهر التمرد في دارفور بقوة

مباشرةً بعد إعفاء الترابي.

دة سؤال عريض أنا اتمنى اشوف رأي اكتر من عضو

وأخيراً، أخوي مجدي مشكووور لي صبرك ،

وأنا ذاتي والله تعبت من الكتابة الكتيرة:D :D

[grade="00008B FF6347 008000 4B0082 DC143C"]ربنا يصلح كل أحوال بلدنا
اللهم اجعل هذا البلد آمناً
ومن أراد بنا سوء اجعل تدميره في تدبيره يا رب العالمين
والصلاة والسلام على سيدنا محمد وعلى آله وصحبه[/grade]

[مجدى عكاشه]

ألأخ كمال

كنت اتمنى اسمع رد موضوعى اكتر


الاخ معتذ

بجيك بى رواقة ...

استناااانى يا انت ...!! هههه