رقص العروس .. ثرااث ام مسخره !!

[سلمي200005]

عبير .. ياااا عبير ..

ايوه ..

امشي نادي البنااات عشان يجو يدقن لي فاتن دي عشان نعلمها الرقيص .. عايزاها ترقص لناااس ..


امي عليك الله اسمعي كلامي وخلي فاتن تظهر بالقصير لانو في الزمن دا رقيص بلا قصير مابنفع معااانا ..

اللبس الطويل العوير داااك والرقيص بالتوب ... ياااخي الحااااجاات دي زمااااان الناااس خلتها ..



يابت !! .. ماتبطلي كلامك الفارغ دا وامشي ناديهن لي ..


يااامي .. من هسي بقول ليك .. لو ماعملتي القلتا ليك عليهو .. والله الناس تشيل حسناا ... ومن هسي مااافي داعي تعلميها ..



يابت !! وانتي شن خبرك بالحااجاات دي .. بطلي فلهمتك دي وامشي اسمعي الكلام .. خليني من زمنكم دا .. المانااافع بي تعريفه ..







رقص العروس .. ثرااث ام مسخره !!




بالنسبه لي رقص العروس والله حاجه حلوه شديد ..

بس الرقص بتاع الزمن دا ولبس الزمن دا .. بري منو ..

والله في الزمن دا بقينا نشوف عجب العجاااااب .. تلقي الواحد تنطط في الشااااااارع ..
والمشكله الكبرى ..
قداااااام خلق الله وبلبس والله نحن البنات نخجل نلبسو قدام بعض !!

يعني بشتنه .. وعواااره وعدم معرفه ,,,

ماااتعرف زاااتو هو شنو ..


والله حيكون احلى رقيص لو كان باللبس المحتشم ..

وقداااام نسوااااااان بس .. مازي هسي ..








اهااا وانتو رايكم شنو في رقص العروس ..

ثراااث ولا مسخره ؟؟

وهل انتو مؤيدين لحكاااية الرقيص من اساااسو ؟؟

[the magic]

تسلمي يا سلمى
رقيص العروس هو تراث بس المشكلة
انقلب لمسخرة بعد اللبس الما بستر العروسة
انا ما ضد رقيص العروس
بس لازم يكون في شروط كلبس اقل حاجة

[همسة عطر]

سلمى 200005

أنها مسخرة وفضيحة بجلاجل ...
حتى لو كان من التراث ..
فهل هذا العمل يرضى الله ؟ أعتقد لالالالالالا ..
إذا أنا ضد رقصة العروس أمام خلق الله .. أين الغيرة ؟!!!! لا يدخل الجنة ديوث..
حرام يا ناس والله حرام ..

ودمتم في خير ونعمة ..

[سلمي200005]

يديكم العافية وكملكم بعقولكم

[السودانى الاصيل]

سلمى 200005
هذه اعتقد عاده ومن العادات الغير جيده بالرغم من تمسك
امهاتنا بها خاصة والدة العريس
وما لا يعجبنى هو التعرى الذى تظهر به العروس ليلة زفافها
فنجد انه يجوز على العلن كشف العروس لاجزاء من صدرها
وشعرها واياديها حتى لو كانت الاسره محافظه ومتدينه وكانه شئ جائز

ما نتحرم منك سلمى 200005

[السناري]

رقيص العرووس فكرة ابتكرها اسلافنا في زمن عين كان الرجل لا يري المراة فيها تماما اولا وكان لتاكيد جمال العروس ثانيا
ورقيص العروس يكون بفسنات قصير جدا وثياب شفافة وبحركات مثيرة
وللمقارنة بين الامس واليوم للذين يقولون ان لبس عروسات اليوم فاضح
فانه بالنسبة لما كان سابقا فانه ساتر جدا وفي كل شر
زمان كان بيسمح بحضور الرجال والنساء لرقص العروس وصار الان حكرا علي النساء وهذذه خطوة للمام

براي الغاء حكاية رقص العروس نهائيا

وعن نفسي لن اسمح لعروستي بممارسة هذه العادة

[Keeptown]

رقيص العروس والجرتك ديل الذه شئ بس وقت يكون باحترام

العروس ترقص مع النسوان بس يعني

وتقبلي مروري

[حموودى]

الاخوة الاعزاء
الموضوع شيق جدا خصوووووووسا وانا داخل علي زواج
وطبعا الجرس دااااقي بي خسوس رقيص العروس
وانا اقول رأيي بكل شفافيه
انا ضده جملة وتفصيلا
انا احترم التراث جدا جدا
ولكن ما كل التراث بتعمل بيهو
مثلا زمان ماكان عندنا كميرات وموبايلات
اسي العروس تنزل من الرقيص بي هنا
وطوااااااالي تنزل صورها وفيديو كاااامل في النت

وماكده وبس مع الفوتوشوب هااااك يالعب

ماكده بس
كمان بقي مدعاة للتباهي
واعزروني في الكلمه القادمه الجميع يتحدث عن جسد العروس
وهي تتيح لهم مثل هذه الفرصه
ويكون هم ام العروس والعروس نفسها في معظم الاحيان
مشروع التسمين وتصليح العروس للرقيص تحديدا
ويهتمون بجوانب لاعلاقة لها بالزواج نهااااائيا

فستان الرقصه الاولي قماشو من فرنسا والخياط ماخد فيهو كذا وكذا
واللبسه التانيه ماعارف شنو


و
و
و
و
الخ الخ الخ
لم كل هذا؟؟؟؟
عرس ولا كلام تاني؟؟؟؟؟؟




.

لي عوده لانو نفسي قام








بث



.

[فارس الرومانسية]

[mark=00FF00] عادات وتقاليد شعوب
علينا ان نحافظ على الجميل منها
والسيىء نتجاوزه
لك التحيه
ونهارك سعيد[/mark]

[سلمي200005]

تسلمووووووووووووووووو

[عاشقة الورد]

مرحبا سلمى
شكراً على الموضوع الجميل
انا عن نفسي بموت في العادات والتقاليد
فرقيص العروس شخصيا انا بحبو جدا هو والجرتق
بكون مسخرة لما انتي تبقيهو مسخرة إنتي فاهمني صاح
في حاجات في حدود المعقول
وبالنسبة لي التصوير واللبس دي ممكن الواحد إتحكم فيها
فمثلا اللبس بكون محترم وتكوني في مكان مغفول وتمنعي التصوير
طبعا انا في الحاجات دي حبوبة شدييييد يعني حاجات زمان بتعجبني خصوصا
الأعراس
وتقبلي مروري

[حموودى]

عزيزتي عاشقة الورد


حاتمنعي التصوير كيف؟؟؟؟


والتصوير اولا بقي مطلب من العروس شخصيا لتوثيق الزفاف عامة
حتي ولو العروس تنازلت عن التصوير


ياربي حاتختي حرس في الباب وتشيلي تلفونات البنات؟؟؟؟؟؟



صعععععععبه


تاني شي الرقيص ياهو الرقيص

وصعب جدا انو رقيص العروس بالزات يكون محتشم
اعتقد انك فاهماني

تاني شي بنخاف علي بناتنا والله من العين حتي لو مافي تصوير البنات البحضرو الرقيص مرات بكونو حاسدات وعينم حااااااره
وكم من عروس من اللرقيص لي المستشفي بسبب العين


اها نعمل شنو؟؟؟؟





بالجد انا ماضد رقيص العروس
لكن سلبياتو كتيييييييره اكتر من ايجابياتو
والزمن والمال المهدر في الرقيص اولي بيهو حاجات تانيه



ولا شنو؟؟؟؟؟؟







لكن بيني وبينك الرقيص تؤاث جميل
بتمني انو الناس تعملو بي طريقه جميله وصحيحه


.

بث

[soliyaa]

اي شي عند حدو حلو

[هنو]

[overline]

تسلمي حبيبتي سلمي موضوع جميييييييييل ورائع رقيص العروس
فكرة جميلة وعادة من زمااااااااااااان عندنا بس الزمن دة اختلفت كتيييييييييير

[/overline]

[alaa'']

مشكوره سلمى على مواضيعك الجميله خالص
بالنسبه لي انا بحب احضرو من باب إنو برنامج لكن ما بتخيل في يوم من الايام إني ممكن اعملو لانو بديني احساس الزول بهبل بي روحو...
وبالنسبه للتراث والتقاليد فيها الجميل وفيها القبيح فما أي حاجه نتمسك بيها من باب إنها من تراثنا وتقاليدنا

[سلمي200005]

تسلمو ياغالين

[بسمة الحياة]

عبير .. ياااا عبير ..

ايوه ..

امشي نادي البنااات عشان يجو يدقن لي فاتن دي عشان نعلمها الرقيص .. عايزاها ترقص لناااس ..


امي عليك الله اسمعي كلامي وخلي فاتن تظهر بالقصير لانو في الزمن دا رقيص بلا قصير مابنفع معااانا ..

اللبس الطويل العوير داااك والرقيص بالتوب ... ياااخي الحااااجاات دي زمااااان الناااس خلتها ..



يابت !! .. ماتبطلي كلامك الفارغ دا وامشي ناديهن لي ..


يااامي .. من هسي بقول ليك .. لو ماعملتي القلتا ليك عليهو .. والله الناس تشيل حسناا ... ومن هسي مااافي داعي تعلميها ..



يابت !! وانتي شن خبرك بالحااجاات دي .. بطلي فلهمتك دي وامشي اسمعي الكلام .. خليني من زمنكم دا .. المانااافع بي تعريفه ..







رقص العروس .. ثرااث ام مسخره !!




بالنسبه لي رقص العروس والله حاجه حلوه شديد ..

بس الرقص بتاع الزمن دا ولبس الزمن دا .. بري منو ..

والله في الزمن دا بقينا نشوف عجب العجاااااب .. تلقي الواحد تنطط في الشااااااارع ..
والمشكله الكبرى ..
قداااااام خلق الله وبلبس والله نحن البنات نخجل نلبسو قدام بعض !!

يعني بشتنه .. وعواااره وعدم معرفه ,,,

ماااتعرف زاااتو هو شنو ..


والله حيكون احلى رقيص لو كان باللبس المحتشم ..

وقداااام نسوااااااان بس .. مازي هسي ..








اهااا وانتو رايكم شنو في رقص العروس ..

ثراااث ولا مسخره ؟؟

وهل انتو مؤيدين لحكاااية الرقيص من اساااسو ؟؟

[hdma]

بصررااحة
اناا بحس انوو مسخرة وكلالام فاارغ في الزمن ده
بيجييب كلالام النااس وغيير عن كداعيوون النااس ماوااحد
يعني بيجييب العيين
نسأل الله الهدااية والسلالامة

[السودانى الاصيل]

مرحبـــــــــــــــــــا

الرقص من الاساس اعتقد مسخره وشئ فارغ ومخالف للشرع
والعروس فى هذا الزمن

حدث ولا حرج
والله شئ مؤسف ومخجل
يعنى تلقى الاسره محافظه ومتدينه ولكن كوفير العروس يجعل
جزء كبير من جسمها وشعرها عاريا

لماذا ؟؟؟؟؟؟؟
لكى ينظر اليه كل من فى الحفله او من يشاهد شريط الفيديو والى اجل
غير مسمى

هل هذا صحيح ؟؟؟
وهل كونها عروس فى ليلة زفافها مبرر للتعرى وعدم الحرج فى ذلك !!!!!


اما لبس بعض الفتيات فى شوارع الخرطوم سيما الجامعات

زائدا

المزح والحركات فى الشارع مع الطلاب

لا تعليق ؟؟؟؟!!!!!!

شئ حقيقه مؤســــــــــــــــــــــــف

واى انتقاد او توجيه

اقرب كلمه


انت متخلف !!!!
ورجعى

وانت فى القرن الكم ؟؟؟؟؟

ياخ الزمن اطور ؟؟؟!!!!!!

[روزيتا]

مشكوووووووووووووورة يا سلمى للموضوع دا
انا شخصيا بحب رقيص العرووووووووس موووووووووووووت و بتخيل انو العرس من دون رقيص مسييييييييييييييخ لانو هو البميز عرسنا من باقى الدول لكن بعد دا كلو كل شى يكون فى حدود المعقول حلو