حلمنتيشيات

[حيرتيني]

صغير وجاهل مات عليها يوم العرس..
. موتو دخلت عليها....وقعدت فوق الكبري
الفي الخور داك.... وقالت....

الليلة يا عشا البايتات........ يا فردة

بدري علي الشتات ......... يا فردة

انت ليه تتلحس..............يا فردة

في يوم العرس............. يا فردة

خليتني وراك عزبة...... يا فردة

يا اب سجارتن قصبة..... يا فردة

يا الشرط ما.. شين..... يا فردة

يا الصغير.. ما.. جلكين... يا فردة

يا الخدرتك ...عجور.... يا فردة

حليلك انت يا اب بابور.. يا فردة

ما بتعرف الفلس........ يا فردة

واصلك... ما دقس ..... يا فردة

من بعدك البيت....... يا فردة

عدمان الشرتيت. ..... يا فردة

انت يا العنقالي......... يا فردة

يا الساتر احوالي .......يا فردة

يا البتريد البوش.........يا فردة

يا الماك حنكوش....... يا فردة

[waya]

[grade="00008B FF6347 008000 4B0082"]سلام وكلام وشُوق ومَـلام
وكان حاولت أشرح ليك
كِيف عايشين وكِيف الحال
ما يغريك قُـلـنا وقَـال
وأسمعي من وليد ممكون
ولكن للتقيل شيَّال
حابس دمعة المحْزون
وعازف للفرح موال
دحين يالغالية أسمعي لَي
زمان ياشـطـة قبل سنين
كنت وليد طموح ورزين
وود الموية كان إسمي
لأني معانق الأسفـار
يوم في سِنْجَةْ يوم سِنْـار
وتالت يوم حدا الخرطوم
وفي الخرطوم
عند مقبولة بايت يوم
ويوم في الثورة يوم في العمدة قول يومين
وسط ناساً عُزاز وحنان
يشاركوك في الفرح والزين
ويعزوك في الترح والشين
كنت سعيد
وهم الدنيا جادعو بعيـد
ماني الزاهد الدرويش
إلا كمان
ماني النَرْجِسي المخدوع
وكل الدنيا في عينو
كرِش مليـان
وبايب ينفث الدخـان
يقول نفسي وغيري إن شاء الله بالطوفان

وفي ذات يوم
صِحِيت كالعادة من النوم
واتوضيت قَبُل شُوفة الشمِس صليت
سحبت السِبحة واستغفرت رب البيت
بعد تسبيحي في بِرش الصلاة اتمديت
سرحـت بعيييد
وشِلت السبحة أحسب بيها عُمري الفات
وكم كان فيهو من ضَحْكات
وقدر الفيهو من دمعات
جات حبوبة شايلة الشـاي
وقبل الشاي سقتني حنـان
حبيبي الدنيا شن فيها .. مالك ..؟ وحد الرحمـن
تعال ود أُمي أمسـح ليـك
دميعاتاً حِسـتْ في الجُـوف
عمـرك كـمْ
ومِتلك شِن بجيبلو الهـمْ
ودِقنَك كان بِقَتْ للسُرة ياكْ ولـدي
لِسة بتحبى في نَظَري
ولِسة بخاف وبرجى الرجْعَة
كان شَاقَقْت نُـص الليل
ولِسة بخاف عليك الوجْعَة
كان عانقت موج النيـل
وكان بمناي
أشيلك ياحبيـب جُــواي
محل ما أمشي تمشي معاي
هيا حبوبة كيفن ما بشِيل الهـمْ
وِليدِك دقَّ في العشرين
وحال الدنيا كُل يومين
يوري فنـون تزيـد الغـمْ
كِيفـنْ ما بشيـل الهـمْ
وشايف داكَ ود العـمْ
سَافـرْ غـابْ
ودَافـرْ جـابْ
وفي سِـري
أقـول ياوالدة لَو تَدْري
وِليدِك عـاشِـقْ القمْـرا
وتَايـه كيف يجيب مَهَرا
وكِيفن يُـمـه يبني البيـت
بيتاً شَـرْط يكون طابقيـن
يشيلكم إنتو والقمْـرا
وشان يقضي الوليـد غَرَضو
لازم تصبرو وترضو
وتسمحو لي أسافر ألحق الشبـان
بعد سنتين
أجيكم فنجـري وغنيـان
وابني البيت
يشيلكم إنتو والضيـفـان
ولما يخُش علي الليل
أفرِّش في سطوح البيت
وأكرُف من نسايم النيل
واغني أضاحِك القمْرا
واقول ليها
عَشانِك إنتي كم قاسيت
وكم عانيت عشان يالسمحة بيك اتلمْ
هناك القمْرا تتبسـم
تقول لي إت شقيت ولقيت
أشكر ربك الرحمن
وعيش الحاضر الزاهر
وفكر في جمال بكره
وقلِّب فتش القاموس
ما اظن تلقى معنى الهم
دحين يا أهلنا خاطركم
صحيح الغربة ما بتندار
وقالوا الغربة فيها ودَار
وحال الغربة حالاً حـار
حار ما حـار
وليدكم للتقيل شيـال
مدردح ما بِقيف مُحتـارْ
وكان وصل التعب للروح
وشَمَّ الدم عُقُبْ صَبَّارْ
ودعتكم الله يالحبـان
وما تنسونا من دعوة قِليب شفقـان
كان عصروهو كل الفيهو
خُوف الله ورَجا الرحمن
ودَودِو بينا يالنيسان
مادام صنعوك في اليابان
وماوروك معنى الشوق
وقِيمة دمعة الإنسان
وكان فارقت لي بلدي
عَزاي مَبيتي في امدرمان
بلداً فيها ميلادي
ودَار أهلي
جدودي السطرو التاريخ مدادُم دَمْ
وأقلامُم سيوف للدين
ولي سُترة بنات العم

رِكبتَ البَاص وقُلت خلاص
بديت سِكة فُراق الهمْ
ولما الباص بدا المشـوار
وفات السُوق وصل لَفة طريق سِنارْ
هِناك مسكتَ قلبي الطارْ
وقُلتلو وحِّـد الرحمن
أركِزْ ماكْ قِليبْ عُصفـورْ
وأتقـل جـمِـد الإحسـاسْ
وصُبْ الدَمعة جـوة الجـوف
وما تفضحني وَسْط النـاس
وأبكـي وقول
فُراقِك سِنْجَـةْ كان قَدري
وهمي الشايلو من صُغري
سِنْجَـةْ هــواي
و سِنْجَـةْ غــنــاي
و سِنْجَـةْ مــنــاي
وريـدي الشلتو في التَـاتَـاي
رِضِعتَ هواكِ في الحَبيان وسَفْ الطينْ
وفي لَوعة حنين القُمْري
يفري حَشاهو جَـمْـرْ البينْ
وفي صُـوت السعيّـة الراجعة لي جِنْياتا
شايلة الشوق وريـداً في القـليـب مخْـزون
وفي روعة نَسَايم الليل
وصوت ناياً بعييييد وحَزينْ
رِضِعتَ هواكْ مع الجِنيات
وكِت عِز الجهَل والطيش
نخُشْ الغَابة فرحانينْ
وعشمانينْ
عَشانا يكون صَدُر عُصفور
سِلاحْنـا خَطيـر
نِِبلة وجيـب مَلان بُرشـام
وشَبَكة وجيب مَستَّفْ عِيـش
ويادوب ما نَصَبْنا الشبكة جانا الطير
تجيك الغيمة تتوشَّح سواد الخير
ودون إنـذار
فجأة القِبلي يشلَعْ شَـح
وصوت الرَعَدة يرزَعْ رَوو
وصوت الصَاقعَة يصْقَع كَـوو
وهَاك يامَطَـرة تَسْمَـع جَـووو
نِتنطط
وتِتنطط قُـرود الغابة في الأشجار
وتبدا صغارها في الكوراك
وتسمع واك
وتسمع جـاك
وننسـى الطيـر
نعـود للحِلة فرحانين
ونتقسم هناك قِسمين
جماعة شمال .. جماعة يمين
وتبدأ هناك حرب الطين
وتـسـمـع طَـخّ
وتـسـمـع لَــخّ
وتـسـمـع أَخّ
تحـاول تجـري تسمـع بَـخّ

ودِّعْ سِنْجَـة مَاك الكاره الغضبان
ومَاك الهارب المفضوح
ومن عين الرجال خجـلان
وما خليت وراك مظلوم
وما خليت وراك زعـلان
ودِّع سنجة ودِّع فيها نون قَاف نون
ناس النَصْري وأولاد قوتة
واحفاد فارس السودان
نجـومي للكفر جزار
وراية فخرو في شيكان
حِليل أهَلَـك
مَساحـين دُمـوعـك
يوم تزغـرِد فـرحـة الشَمْتَـان
وشَيالين عَدِيلتك
يـوم تَـقِـيـف ويبشرْ الشبان
وبكايين فـراقـك
يـوم تـمـوت تِـتـوَسـد العيـدان
ودَعْـتِـك الله يا بلـدي
وداع ولـداً محـب ولهـان
حابِِـس دَمعـة المفْجُـوع
وسالِـك سِكـة الضَهْـبـان
وخـوفي الغربـة بُكـرة تطـول
واعيـد قِـصـة فـلان وفـلان
وافـارق طلعـة الغاليـين
وتبقـى الرجعـة بعـد سنيـن
دا كان مـدّ الإلـه عُـمْـرِي
وما جـاب الغُــرَاب خَـبَـري
وبكـى الوالــدة والحِـبـان
وفي غيــر سِنْجَـةْ كان قـبري[/grade]

[waya]

[grade="00008B FF6347 008000 4B0082"]دقوا الدلاليك
والشتاما اتخابتت
والحله من أولها لى تاليها جا
ـ فيهم الماش منكرب
كرعيهو غبشه موسمه
ـ ومن فيهم الراكب حمار
والشال على الكتف إنما
ـ شايلين جهال جارين عيال
والغبره تعكل فى السما
ـ حس الكواريك والنضم
شاقى البيوت داير يهدما
ـ ناس طلحه والعباس
وزفة ناس رؤوسا معمعمه
ـ لاحقين عقد ود الخدر
ود الشيوخ والمكرمة
ـ الجاى دابو من الخليج
راصى الشنط ومكوما
ـ حق العروس يملالو بوكس
ما شيل كوارو مسجمه
ـ والباقى واصل بالبحر
شايلاه أمواج عارمه
ـ والما بصلى على النبى
تتبالى عينيو بالعمى
ـ الليله ما يوم الخمج
يوم الأكل والمنضمه
ـ خرفان مبطحه فى التراب
والدم يسيل زى ملحمه
ـ والنار توجوج فى السهل
فوقا القدور متدمدمه
ـ والناس تحوص بينا وتدور
زى الصقور متحزمه
ـ فرشوا الأرض بى كوم بروش
أطرافا باليه مشرمه
ـ رصوا القداحه صفوف صفوف
واللحمه فوقا مقسمه
ـ فى لحظه
نضفوا كل شىء
هجمة عدوك ما تفهما
ـ والساحه صبحت زى خراب
كيمان عضام ومردمه
ـ والفته تلزق فى الرجول
فوق السباته مرزمه
ـ والرز ملصق فى الجضوم
حباته ظاهره مكرضمه
ـ من بعد ما انقشع الضباب
كل واحد إنتكى واترمى
ـ فى زاويه من ركن البرش
يمسح شواربو ويبرما
ـ راجى الشواهى تمر
يعدل الراس وبيها يحكما
ـ ويديها فنجانين كمان
للفته يهرسا يهضما
ـ بعد الذى منه انتهى
واللمه صبحت شرذمه
ـ أمات تصايح للجهال
كايسالا دايره تلملما
ـ من فيهم إتوكل ختر
للعمه جارى وحازما
ـ والباقى إتكوع رقد
حاضن بطينتو المتخمه
[/grade]

[ودالدسـوقي]

.
اسم الشاعر غير متاح
لحين اغلاق قونتنامو او مايشابهه

مرثية السوق المكلكع
****************

على الاطلالِ ميعاد التلاقـي سقت اطلالنا الغـرُ السواقـي
مرابط خيلنا وعـدود اهلنـاجيها بالفكر لاعجـز ساقـي
اليها اسـرج التفكيـر دومـاًعن الضيقه وكثر الاختناقـي
من التجّار..واسعار البضائـع اذا مازادت ازتدنا احتراقـي
غلاءُُ فاحشُ ُ قد لعـب فينـاكما لعبت مريكـا ب العراقـي
غـلاءُُ فالغـذاءِ وبالكسـاءِوفيما نستضيفُ به الطراقـي
غلاءُُ بالمواتـر والاراضـي وحتـى بالعمايـم والطواقـي
غلاءُُ شاملُ ُ في كـل شـئٍ فلم يبقى امام الشعـب باقـي
سكتنا كلنـا سمـعُُ وطاعـه فأصبح صمتنا مـرُ المذاقـي
فلم نكتب ولم نشجـب بتاتـاًوجاملنا الوزير مـن النفاقـي
الى ان غليت اعلاف المواشي فقلنا الوضعُ هـذا لايطاقـي
عطايا الله على المضرم ترازم وحنـا نتقـي سـد المتاقـي
ايـا بشبش امـا تعلـم بإنـامانلقى بصلا الاّ بالطقاقـي
وسعر الكيسُ خمسونَجنيها وإذا لم تشتريهُ فمنـت لاقـي
وسعر التبن والبرسيـمُ ايضـاًعلوّه كل يـومٍ فـي سباقـي
الا يـا أيهـا الروقـي تكلّـممادامك تنتقد باسلوب راقـي
الم تكتب عن الرز البشـاورفينزل سعرهُ سـرع البراقـي
فإما عن غلا الاعلاف تكتبوإلاّ تشتـري منـي نياقـي

.

[ودالدسـوقي]

.


وباهـداء خاص للاخ وايا التي لايمكن ان توصف
مشاعره الا بكلمة مجوبكـه ..


سـؤال ... انت حسـاني

.......................

دنيا غريبة
ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات



.

---
المتجهم الأممي
***********
,,,,,,,,,,,,,,,,,,,,,,,,,,,,,



توقـيع اليـوم


الي الدكـتوره فجـر
مبروك الخطـوبه وبيت مال وعـيال
والعقـبه لي الباقين وانا ذاتي معاهم.



.

[waya]

[grade="00008B FF6347 008000 4B0082"]هيه يا ود الدسوقي ,,

ناس تاكل كباب بالسيخ
وناس بالسيخة مفلوقة ..
ناس كاساتها موية ورد
وناس بالموية مسلوقة..
وناس تتمنى فول سادة

يسد جوعا ملا عروقها ..
وناس تلبس حرير صافي
وناس في جِلِدها مقلوقة ..
كسا الظلم السواد الناس
غراب الشوم نعق فوقها ..
طغى الحكام واتمادوا
وصوت الحق لبد خايف ..
همد فجر الخلاص مكتوم
وصوت الحق كان شايف ..
صوت الحق وقف حيران
وكان فجر الخلاص نازف ..
حاول يداوي لجروحه
وكان جرح الفجر جارف ..
أبت فجواته تتضمد
ده جرحاً كان وكان خارف ..
سقط فجر الخلاص مصروع
وعرف انه الزمن ضايع
وعرف انه الوطن ضايع
وعرف انه الهناك مكبود
محاوطنه العبيد السود
ولاح في أفقه تاريخ كان
وما حيعود ..
لكن برضو .. كان عارف ..[/grade]توقيع اليوم :
ما هو ده الجاب لينا الجوبكه ..!

[ودالدسـوقي]

.

[grade="00008B FF6347 008000 4B0082"]هيه يا ود الدسوقي ,,



ولاح في أفقه تاريخ كان
وما حيعود ..
لكن برضو .. كان عارف
..[/grade]
ما هو ده الجاب لينا الجوبكه ..!

حاكتبها وما عـندي اي دخـل
تتجوبك تجيك حمي انته مخـير

مكتوبه فوق جامعـة الجـزيره الا الشقي ماعرفته اسـمو

مماقريته ياوايا ياخـوي لي هسع محمـوم ... واضني صانات
..وراسـي دايش .. وكرعي يرجفـن


بت من ورق

هوي يا الحبيب ..
أحسن عيونك فتحن...
ونفض غبار الجامعات الكتحن ...
عبرات هواي لو سدسدن
حلقك دحن لي زول سواي ما تنحنحن ..
وأنا أصلي عارفك ما بتحن ..
ليه العيوينات البريدنك تخونن .. .. وتجرحن
ليه بالدموع والنوح مع الناس .. تفضحن ..
وأنا ديمة بسأل ربي إنو الطالبات .. يسمحن ..
الطالبات .. يسمحن .. ويفرحن ..
وبالخير تملي يصبحن ..
ولو في مشيهن لكلكة .. يصلحن ..
***
هو شنو الفضل في الدنيا عشان الناس تذاكر .. وتمتحن ..
بس نبرى من عيشة الفقر ..
وسمح السكات الفي خشم سيدو .. وكمان سمح الصبر ..
مادام في مدرسة مدرسة .. وأساتذة خصيصين نجاح ..
وحصص صباح .. ودرس عصر ..
حنسوي ايه .. حندق جرس أخر فصل
أو ننفصل نتلمى نشوف باقي العمر ..
ماواضحة زي عين الشمس ..
واضحة كان هسي وأمس ..
***
وأصلي مارق ياضنى .. من غنوتي الأنا مدمنة ..
من بلوتي وسلواي أنا ..
من قصة لا بتأكلنا عيش لا تفر جبين هذا العناء ..
من شدة فاردة الإرتخا ..
ومتمكنة من ممكنة وما ممكنة ..
وايه لزوم يعني القصيد وكتين تموت العاطفة ..
وكتين نعتم فكرتو ... وحروفو ذاته نلونا ..
وكتين نغدغد مهجتو .. وندس عيونو وندفنا ..
ايه لزومي عن الشعر.. الماعرف معانهو ولا شيتا عنى..
وأبقى مارق ياجنى ..
كان من هناك .. أو من هنا ..
كان منهم .. أو مننا ..
من مزامير التوجس والغناء ..
من صباحات الهواجس .. ومن طوابير المدارس..
ومن مروق الروح.. وأمرق من متاهات النفس ..
ماواضحة زي عين الشمس ..
واضحة في كل الجرايد والقصائد
والمعـابد والمصانع .. والشوارع ..
لما دون نشعر نحس .. ولما دون خاطر يمر ..
واضحة إنو سكاتو مقدود من دبر ..
وكلامو مقدود من دبر ..
وضميرو مقدود من دبر..
وقميصو مقدود من دبر ..
لكن منو البشهد عليك يابت مادام كلك عذر ..
يابت مدام عرفوك جد بتخافي من ضل الضحى ..
ومن بشرة الناس السمر ..
ويؤسفنا جدا إننا .. ويؤسفنا أسود مننا ..
ومحنية ضهرو من الكبر ..
وعرفوك جد بتخافي من ضل الضحى ..
ومن ضحكة الناس السمر ..
عرفوك .. بس هم ماأظن فهمو
العيون السمحة فيك كانت شتر ..
ويسلم ضراع الطين .. وقدح المونة ..جيت أمونة ..
حر الواضة وادٌٌٌة صحونا ..
للولد البشيل طوريتو سباق الفجر ..
***
واتضيع سنين العمر ليه في المدرسة
.. المدرسة المابتجبر الخاطر إذن ..
المدرسة المابتستر الحال بكرة
..مبتملانا فت شوال تمر ..
ياخ ايه لزوم يعني الدفاتر والمحابر والشنط
والأردية والدق ودرس اليوم وحلق الراس وقليم الضفر..
ايييييييك يا سنين المدرسة
.. فدتينا ايه يامدرسة ..
دي الجامعة لسه فيهاناس بتحب بعض
.. وتلبس بعض .. وتاكل بعض ..
وتقوم بعض وتقعد بعض و....
منو العوض وليهو العوض ..
وفي ناس تجمع ورق فاضي وتمر .
. تنجح فشل .. تسرق حصاد غيرا وتمر ..
وكتير في ناس بتفط سطر..
***
ياشعب أصحى كفاك شقى .. وكفاك خطاك على الجمر ..
لمتين حنحلم بالغناء .. لمتين نعدي من الضياع
والفرقة والحرقة ونمر ..
وسمح السكات الفي خشم سيدو
.. وكمان سمح الصبر ..
والدنيامازالت بخير ... والدنيا مازال فقر..
وأنا زي دراويش العشق .. ماسقتا خطوات الرحيل ..
لكن مشيتا وبالجبر ..لكن مشيتا وفوق جمر ..
وحبيبتي قالت لي تعال ..تعال
ومرقت من جلدي القديم .. ودرعت توب الصبينة
.. ومشيتلها ..وانا منتشي
سنتين ولا قعدت عيوني مع عيونها اتونست
..لا في الخيال لا قيتا .. لالاقتني هي ..
سنتين ولا بدلنا سكة ولا خطانا بتنتهي ..
سنتين ورغم الإبتعاد والعشنا من خوف وارتعاد لسه ..
سعاد هي بتستحي...... وأنا بشتهي وأنا بستحي
....وهي بتشتهي ..
ومابين نعم واللقيا كان حرفين نهي ..
وانا خاطري من كتر الهموم الساعة خمسة نسى
.. وسهي .. وفي الهم غرق .. وبالشوق حرق ..
وحبيبتي قالت تعال ..
خافت وكت قتليها شيخ .. مسكينة
مابتعرف الفرق بين الدراويش والشيوخ ...
بين الصفيقات والعرق.... بين الغرق والماغرق ..
تاريها زينا يا خلق طينة ومطينة بالعشق ...
ومقتولة لحد السكات ..ومتيمة
بس كنت ديمة بعلما إنو الحزن زاد الفرح .. والفرحة نفسها مؤلمة ..
والعافية أسمح منها ..لو حتى كانت بلسما ..
والشمس في توب من حلال .. والقمرة أكبر مجرمة
.. وكضابة ومابتحلب لبن
القمرة كضابة مابتحلب لبن ..
ومليانة زيف ومهضلمة وممسوخة ..
ومهما اتبرجت مازي مصابيح السما ..
والقدرة ما بتنفات شبر .. والسترة ميها الكمكمة
.. والناس سواسية كالمشط
والحرة دينها ملجمة .. والحلوة مي حلوة طعم
.. والمرة ربنا قاسما
والقسمة مابالأيد كمان ... الأيد هي زاتها مقسمة ..
أصبع صغير.. واصبع كبير..واصبع وسط ..
واصبع نضم .. واصبع بدخل خاتما ..
وتفرق بداية الشوق كتير وكتين تصل للخاتما ..
ما الريدة بتشوف بي تحت .. والحب موشح بالعمى ..
وما بفهم النور الإ زول عاش في دياجر مظملة ..
النجمة مابتعني الوضوح .. العتمة ميها الهضلمة ..
الوشمة مانسمة جروح .. والبسمة عايزة البفهما ..
والنسمة في الصيف لو تفوح تحرق حشى البتنسما..
والوجعة باااااردة على الببوح .. وتسل روحت البكتما ..
والروح بتمرق مابتموت ..
الروح بتمرق مابتموت .. والجتة بتقيم مأتما ..
واحنا انعكاسات للنجوم .. والواطة ضل راميا السماء..
وأنا ما رميت إذ رميت وأي عاشق مارمى
.. ضحك المشيب برأسه فبكى و نادى سلما ..
وسمت بغات الطير حين كبا حزينا .. حزينا مرغما ..
***
وريتا معنى القارعة وعقرو وربك دمدم .
حفظتها الناس والفلق والحمد والإخلاص وطه
ولم يكن والعاديات وكأنما
..ماكان في شي ..
وبعد ده كلو بتنتشي .. ولا بتستحي ولا بتختشي ..
وقرمت كرعي بالمشي .. وكلمتها قتليها أوع تدقشي ..
الطيبة مافي كل شي ..
وما تهبشي .. الجو خليو جو فيك والمابخش ماتخششي
ودمع الظنون البيني بينك قشقشي .
. والشوق على باب البريدك وشوشي ..
ونار النضال جنب الشمس
ماتمشي عليها روحي هوي بتشمشي ..
وكان جاك خريف الوجعة سويلك بيوت
في داخلي ابني وعشعشي ..
وأديني احساس إني شي ..
وقرمت كرعي بالمشي .. وكلمتها ..
خلي بالك يا بينة ..
العمارات البناطحن والمعاني القرمزية ...
أوع تسرق من ملامحك أو تغير فيك شوية ..
ماني شايل هم قرايتك إتي قراية .. وذكية ..
أبقي جد ياحلوة فاهمة وأبقي واعية وكوني حية ..
أصلو في الجامعة العريضة .. وفي بيوت الداخلية ..
في الحبايب .. وفي القرايب .. وفي البقاسموك الأسية ..
الإ برضو خلي بالك .. هي المصايب مي شوية ..
العقارب والكهارب و الدبايب والمصايب
.. وألف سوسة وألف حية
وإتي سمحة ..إتي قمحة ولسه نية ...
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حي ..
وخلي بالك في الشوارع .. والمسافات القصية ..
وفي مشاوير العصاري ..
وإنت ساعة المغربية في الحدائق
والكباري والملاهي الأجبينة ..
والوليدات الأخيرلك من تصاحبيهم بينة ..
والبنيات البظلطن وشهم..
والبتعمل فيها شيخة أو تقول بتشوف لها طيا ..
وفي القراية سجم رمادن ..
أبقي مارقة وناغمي ليا ..
مرة تلقى الضمة شدة .. ومرة تلقى الشدة مدة ..
. وعادي تلقى الخمسة مية ..
واسمع ... اسمع ..
يا تسمع في البغنن ..في البغنن
الله ليا .. وكر عليا ... وجيبو ليا .. وسـ...... عاد ده كلام ..
ونحن يا حليلنا الغلابة .. بلعبننا وكوعليا ..
ودايرة بيرقر .. ودايرة شية ..
ودايرة طرحية وتيك وملحة .
. ودايرة جستي وميج ومسحة ..
وخصلة تايه .. وشنطة بطة ..
***
وفي النهاية القصة فكة .. دي الحضارة الدينا فكي
.. ولاحقة حبوبة أمي مكة
وعاملة فيها رشيقة حية .. ومهما نصرخ هيا هيا ..
ومهما نصرخ هيا هيا ..
وفي البتنسى أبوها يقدح .. في ضنى أيامو الشقية ..
عشان هي تقرا .. وبكرة تنجح ..
وتحيا مستورة ورضية ..
وفي الحليل أماتن يبكن بوراهن ووب وحيا
... الإ هن سجم المحنة
حليل زمنكن يارضية .. لا فؤادكن مرة حن
.. ولا طرن بالمرة جيا
الشفايف مي شفايف .. والشعر سوون كية ..
وبدن الإسكيرتي شرطة.. وتاني فوق الركبة طية ..
وبمرقن .........
أحسن أسكت ....... أحسن أسكت ..
شدي حيلك يا بنية .........
شدي حيلك يا بنية ..


توقـيع اليوم



.

[انقرضى]

ترررررررررررررررن
هو: آلو منو؟
هى: ما عارفة مال حتكون ربك
هو: (يتنحنح) اقصد اقول يمكن يكون الخط شبك
هى: والروعه انه يكون شبك وانا لى زمان حاضنه الهوى وسالت عن اسمك كتير وعرفت اسمك ونمرتك وضربت ليك واونسك يمكن ونستى بتعجبك
هو: حصل الشرف تعجبنى من اول حرف
هى: والحلاوه الزايده واللون القمر يكفيك كده
هو: يكفينى كيف يا حلوه يا مستهبله ما قلتى لى عن القوام اوصاف عديده مفصله واسمك مؤكد يا لذيذة يزود الاوصاف حلاه
هى: اما الاسم فيه ثلاثه حروف.......ولا البقيه ما حنقولها لا اما الشفايف قول عنب قول كريز او برتقاله مبلله وحكاية الاسم اللذيذ احسن نسيبها ناجلها لمن تشوفنا ونعجبك
هو: (أحممم) ونتلاقى وين يا احلى البنات يا مذهله
هى: خلاص يا اخوى اتربكت وبديت تجهز فى الشرك ...وحسبت حتى مرتبك...... القصة كلها يا جميل تلفون جديد ختوه جوه البيت وحيد وضربت ليك اتسلى بيك بايبآىىى خلاص انسانى قول الخط شبك
هو: عاد ما أعرف الحلوه المعاها الخط شبك
هى: مافيش لزوم بس قول جميل اشبع غروره وعزبك(كرررك...قفل التلفون)

[سحر محمد]

طالبة عريس
فتاة بجامعة القاهرة الفرع

لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلــــع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعتوا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

[سلمي200005]

سحورة انت عسل ويديدك العافية

[waya]

.

حاكتبها وما عـندي اي دخـل
تتجوبك تجيك حمي انته مخـير

مكتوبه فوق جامعـة الجـزيره الا الشقي ماعرفته اسـمو

مماقريته ياوايا ياخـوي لي هسع محمـوم ... واضني صانات
..وراسـي دايش .. وكرعي يرجفـن


بت من ورق

دي ما هي ذااااته يا أخوي ..

[grade="00008B FF6347 008000 4B0082"]مالي أنا الرياد وأنا المرواد
وأنا الغالبنى أتكلم
من ما أشوفه بتبكم والملم في النضم لكن
وحاتكن انتن ما بتلم حلاتة كمان بلا السكر
وكان بالصدفه قعدت حداى فى اللكشر
مخى يزوق واتجهجه واحس بروحى زى برجف
واتلفت واقرب اسف واعاين بقعر عينى
والقي السمحة تحدر لى تحدرى لى مالك بى!!!
اعاين ليك واعاين ليك وكان جنيتى اعاين ليك
كمان بدورو تحمونا عينينا والدكتور هناك ينبح
سقراط قال وانا المسكين اعاين ليها فى شعرها
وفى راسها وكمان جربتة كراسها
والدكتور هناك ينبح سقراط قال ياخ ما يقول
دحين سقراط اكان جاور عيون زى ديل كان سطح
اصبرى اللى ينتهى اللكشر امسكك من ضراعك
واجرك جر واسكك سك علي البوفيه
وهات ياخينا مما فى بزيانوس كان حرية وكوكولا
وكان عجبك وامشى اشكينى لعنتر
واجى للخالة السعادة واقوليها امشى قوليها
زولا جاى من برة زولا عنده شخصية
يبخبخ فى سيجاراتو زول سائق ليه عربية
تجى عاد انتى قاشرة وتلقى سيادتى منتظرك
تكبسى لى فى سرك وتسبى للدخل الخالة
وتقوم فى الأرض زلزالة وعاد لوين تروحي كمان
احبك بلسان رجاف كلاما كلو تلغراف
احبك موت اموت فيك موت اموت انا موت
امشى لابوى اجيبة معاى انا الحداث وما سواى[/grade]

[waya]

طالبة عريس

[grade="00008B FF6347 008000 4B0082"]إني خيرتكِ فاختاري

مابين الموتَ بإنفلونزا الطيورِ
أو بجنونِ الأبقار ِ
اختاري اللحمةَ ّ أو لا لحمة َ
أو سلطة َ اللبن ِ بالخيار ِ
لا يوجد عندهم أسماك
لطفَ الله بأقداري
*********
تعرفين قصة راتبي كاملة"
لا تتسرعي في أي قرار
أمعني، إجمعي، إطرحي
قبل أن يدقّونا بمسمار ِ
لا يمكن أن أبقى أبدا"
مرعوبا" حتى تختاري
اطلبي طبقا" لا إثنين
فالتخمة تقصّر الأعمار
*********
فجعانة أنتِ ...أعرفكِ
وفاحشة هذه الأسعار
غوصي بقائمة المقبلات..أو ابتعدي
ولا تقربي قسم الكافيار
الطلب مواجهة كبرى
إبحار ضد الإدّخار
نرفزة..ارتباك..وتعصيب
يخرب كل المشوار
يقتلني جوعك يا إمرأة"
لا يشبعها كيس البوشار
إني لا أؤمن بمطاعم
فواتيرها مثل المنشارِ
كراسينها مثل الوزراء
وبخشيشهم يساوي آجاريِ
آه.. لو تعشيّنا عند أهلكِ
ولم نخرج من الدار
*********
إني خيرتك فاختاري
مابين الموت بإنفلونزا الطيور..
أو بجنون الأبقار [/grade]

آها بس عرس كيف مع الحالة دي !!!؟

[ودالدسـوقي]

طالبة عريس
فتاة بجامعة القاهرة الفرع

لي إيــدينا بنــــــــرفع *** والعازب كلو بيســــــــمع
.................
.................

سحورة انت عسل ويديدك العافية

.


يا احبه

يا عصيرا فى كبابى...

ويا قزاز مليان مربه

.

[ودالدسـوقي]

[grade="00008B FF6347 008000 4B0082"]إني خيرتكِ فاختاري

إني خيرتك فاختاري
مابين الموت بإنفلونزا الطيور..
أو بجنون الأبقار
[/grade]

آها بس عرس كيف مع الحالة دي !!!؟

.

انت من زمن إنفلونزا الطيور و جنون الأبقار
.هسـع ظهـر بواسـير السمك قال ليك منجض ليك امريكا نجاض
اوباما زاتـو مطالب البرلمان بي قروش عشــان
يضـربوا البيت الابيض اســود . لانه ده بيقرض ساكت
بس خايفهـم يقـولوا عنصـريه
.
.

آها بس عرس كيف مع الحالة دي !!!؟

اتصـرف ياخـي

انـا كان عـندي خمـيس فاض كان ......ته

حاجه تلخـم

جكس قصة
تجري من الجامعة تجري وتتكسر
نمشي ندوة نمشي سينما نمشي ليكشر
هاك دي خلطة ..وبيبسي بارد
وشنطة وبلو جنز احمر
والقميص نص كم مسطر
والشعر مبروط معبر
وفي السياسة الفردة ناقش
والكلام عربي ومكسر

اما سوسو قادر الله ..شدة فاهمة
ساعة قدام المراية
هاك دي بدرة ..وهاك دا اصفر
جايبة زي برميل ديانا...يافرد الله معانا

*ماركة تانية ..
جكس قصة وفي القصص ضايعات سنيني
سوسو اكبر رمز ليها ..لما امشي تقوم تجيني
ولما ارجع زي تشتت وما تجيني
ولما اعمل فتحي منها ...تاني تبكي وتشتهيني
والله قصة
امشو الحسو مكواه حارة عشان تحسو وتفهموني

ماركة تالتة*
جكس فردة
وجكس شدة
وجكس كمية حنان

وجكس عايش في الوهم
وجكس فاهم ومنسجم
وجكس عامل نينجا اسود
وجكس ياجكس السجم
دا التخصص في الشواكيش والالم
وجكس داير ينهرش
وجكس من اول لقاء داير عرس
حاجه تلخـم
.

.

[سحر محمد]

[grade="00008B FF6347 008000 4B0082"]إني خيرتكِ فاختاري

مابين الموتَ بإنفلونزا الطيورِ
أو بجنونِ الأبقار ِ
[/grade]

آها بس عرس كيف مع الحالة دي !!!؟

وووووووووووووووووووووووب علي ووووووووووب علي

اسمعوا يااااااااااا وايا
نصيحة الام

يا بت هوي فتحي عينك و ابقي نجيضة وفالحة.....
قدر ما اجي داخله عليكم القاكي
.... هي هي هي .... و قر قر قر ..... تضحكي مع عبد
الله دا....

الراجل ما تضحكيلو كتير..... يسعالني الله يحقر
بك....الراجل اديهو

العين الحمرا. وان قدرتي لعند ايدك تلحقيها
ليهو لحقيها...ابقي
نجيضة.....آآية..... زي امك.....الله بسعلني وقت
ابوكي يقول حاجة

تضحك.... امشي اتحشر في الاوضة واضحك زين واجي
مارقة صارة وشي.... وبعدين اوعك
واوعك وبعدين تااااني اوعك... تقوليلو
الجلابية دي سمحة والله العمه اللابسها
دي سمحة... نفسو تقوم تعجبو يعرس فوقك....
وبعدين تشربي ما تروي....واكربيهو
بالطلبات.... اوعي تخلي لك قرش يبيت في
جيبو...واوعك تخليهو يشوف.... بيخربن
الرجال.... وقت المسلسل داك.... شفتي جيبي
فندكك...واقعدي دقي أي حاجة جنبو
ويا ريت لوكانت شطة... والله كان عندك شافع
بيرضع وجيعان وبيبكي خليهو في
بكاءهو داك لمن المسلسل ينتهي....

وبعدين ما يجى داخل يلقاكى تغنى حتى ان بقيتي
دايرة تغني.... اوعك من الغنا
الخايس ناس حبيبي حبيبي.... امسكي في الغنا
الحار...... زي البيجري نسيبتو و
مرتو طلقانة......والله اندب حظي ام امالي......
والله

دفاعنا الشعبي ياهو ديل.....والله النار ولعت
بقلبي
بطفيها.....اااااااااااي.... عشان تربيلو
الزلعة .....والخلعة....بس اوعك تغني
لو الليلة يوم الرجال.... بيقوم يصدق و يتحنفش
فوقك ساكت........ واوعك
تشكريلو حاجةجابها.... ان جاب لك لحم.... ختي
ايدك فوق راسك...وقولي لو وب علي
وب علي وب علي....غشوك وادوك الجلافيط.....وان
جاب لك فتيل ريحة...اول ما
تفتحيهو... وتشميهو.... طوالي كشري وقبلي غادي
وابزغي..... وقوليلو دا شنو يا
عبدالله؟......الريحةالمتل ريحةالفسيخ دي
جايبها من وين؟......غايتو انت مغستك
تقد.......

وان جنك نسوان والله بنات....ما تخليهو يقعد
وسطن....ويتونس.... طيريهو من
البيت....وان ابى يمرق... قدرمايقولو نكته
والله يخفف دمو قدامن صري ليهو
وشيك.... وقوليلو انت يا عبد الله ما عندك غير
النكتة دي؟ يا خي عملت لنا بها
وجع... وش......اصلهم الرجال عارفاهم... الواحد
فيهم من يشوفلو لمت بنات يقعد
يخفف في دمو ويعمل فيها ودنفاش.....وتلقيهو
يضحك بلا سبب... حتى ان واحدة قحت
ساكت ... يقعد يضحك ويصفق اديهو....واوعك تخليهو
معاهن وتدخلي المطبخ تسوي لك
شربات .....وحات الله بنات الزمن دا ان غفلت من
راجلك دقيقة بس تلقيها عرستو

يبقي ليه العرس هههههههههههههههه
ما كده احنا احسن
جننتني يا وايا العرس خليتوا

[سحر محمد]

سحورة انت عسل ويديدك العافية

حبيبتي الغاليه سلمي مرسي يا عسل ربنا يخليك لنا

العسل + السكر + الذووووق + المتميزة = سلمي الراقيه جدا

.


يا احبه

يا عصيرا فى كبابى...

ويا قزاز مليان مربه

.

ود الدسوقي شكرا لك ده بس من ذووووقك العالي يا راقي

تسلم وتعيش اخي العزيز

[waya]

.

آها بس عرس كيف مع الحالة دي !!!؟

اتصـرف ياخـي

انـا كان عـندي خمـيس فاض كان ......ته

وكان ممنوع من الصرف " والتصرف "!!؟

[grade="00008B FF6347 008000 4B0082"]شقيان مهلوس بالزواج
متمنى بس بت الحلال
راسى انصلع ..ضهرى انحنى
اصبحت زى قلم الدلال
اتكرفس الوش وانكمش
وقعو السنون ..وقوامى مال
كل السبب عدم القرش
سجم الجنا الماعندو مال
انا اصلى ما سجم الرماد
وانا اصلى شوم ما عرفت فال
اتعززو البنوت على
واتقندفن ..فعلن فعال
البايره ديك ما بترضى بى
شبه القرد عملت غزال
والشينه صاره وجيهها لى
عملت كمان ملكة جمال
كل السبب عدم القرش
سجم الجنا الماعندو مال
امشى لبت العم تقول
عما يكبسك ..شوف ليك خال
امشى لبت الخال تقول
خلخل ضروسك سوس عضال
وامشى لبت الجار تقول
جر يا كلب سعران وضال
كل السبب عدم القرش
سجم الجنا الماعندو مال
كل ما اقول اخطب لى بت
الناس تفك فوقى الجهال
هاك يا لبع ..هاك يا خبط
ناس بالعصا وناس بالنبال
وتقوم على ام العروس
تلبعنى بى فردة نعال
وتقول لى روح يا عرّه غور
اختانا يا خيبة الرجال
وين ما امش زين انهرش
قط للعرس مافيش مجال
كل السبب عدم القرش
سجم الجنا الماعندو مال[/grade]

[waya]

يبقي ليه العرس هههههههههههههههه
ما كده احنا احسن
جننتني يا وايا العرس خليتوا

لا لا ما تخليهو ,, أنحنا أصلا كايسين سبب , وشوفي قصة صاحبنا ده .. كان قاعد في مكتبة عامة وجات قعدت واحدة حليووونه كده جنبه , تكتب ليها في حاجة , وبعد شوية قالت ليهو ,: لو سمحت ممكن استيكة !؟
وصاحبنا طوالي قال ليها " ممكن "
شالت الاستيكة ومسحت بيها وختتها جنبها وختت فيها المنديل , ويلا وهي قايمة شالتهم الاثنين ومشت الكافتيريا, وخلت صابنا يجقلب بالقلم في الورقة :

[grade="00008B FF6347 008000 4B0082"]تسمح ...؟
وكيف يا حلوة ما بسمح..!؟
اصابعي العشرة تكتب ليك
وقلبي استيكة للغلط يمسح
يدوب بين اصبعين حلوين
يتوه وسط السطور يسرح
ولمن تنتهي الكلمات يخش الشنطة في منديل
ونمشي القهوة نتفسح
هناك عاشق يطيع سحرك
يجيب الفانتا شان امرك
وقلبي الدايش وسط منديل
يثكلب ويقول يا ليل
وترجعي تاني يا الحلوة وتلقيني
راجيك هناك مصلوب
اشوف الناس طشاش في طشاش
واقرا سطوري بالمقلوب
اعاين ليك ...تغمدي انتي
تعايني لي اغمد انا
نعيد الكرة من تاني
اعين ليك تغمدي انت
تعايني لي اغمد انا
تفري البسمة تضوي سنا
واقول السمحة لو تسمح وبكلمة
احسن نمشي في زاوية وركن ضلمة
تقول بسمح
تقوم السمحة تتحرك تتقدم
وانا اتراجف واتخمخم
وادقش الماشي ..... of sorry
وجنب السلم .......of sorry
واعفص الجنبي ....of sorry
هناك في الزاوية نتقعد
واستغفر واتشهد
واشيل نفسي
واقول ليكي
والحاصل
وفي الواقع
وما قادر اقول ليكي
تقول يا دا
وفيها شنو
ومعانا منو
قول يعني
ما تخجل وتتعقد
اقول ليها
انا اتعقد؟
اجر الكرسي ..ازيد الخلطة تسبيكة
واقول ليك
وبي صوتا ندي ورائع
يفيض رقة ومزيكا
من فضلك وبترجاك



ترجعي لي الاستيكه[/grade]

[سحر محمد]

لا لا ما تخليهو ,, أنحنا أصلا كايسين سبب , وشوفي قصة صاحبنا ده .. كان قاعد في مكتبة عامة وجات قعدت واحدة حليووونه كده جنبه , تكتب ليها في حاجة , وبعد شوية قالت ليهو ,: لو سمحت ممكن استيكة !؟
:

[grade="00008B FF6347 008000 4B0082"]تسمح ...؟

من فضلك وبترجاك



ترجعي لي الاستيكه[/grade]

سمح و طيب
يا ناس الله ساحراني
و بالهاري كاري كاتلاني
و ما بقدر أناضم تب
أقيف قدامه أتكبكب
و أمرق كلمة
ألاقي التانية ما بتركب
أخم نفسي
و أعاين بي قعر عيني
يجيني مغص
و كل ما يوم
أقول الليلة أبقى عنيده
و قلبي حديد
و فرصي الليلة حقو تزيد
و أنقشه بي كلام الريد
و مما أشوفه
ريقي يجف
و راسي يلف
و ساقي يخف
و قلبي يقيف
و أقيف أرجف
أحس بي نومة في العينين
دبابات
صلاح الدين
جملي تلاتة ما بتزيد
و ديمة بقوله متلهفة
صباح الخير
و كيف الحال؟
و عاملين كيف؟
سيد الناس يقول: هلا
يقول هلا و يتبسم
و أنا أتبكم
و دمي يفور
و يتسمم و يجيني مغص
يقول باكر نعيد الكرة
لي هسة
عدنا الكرة مليون مرة
نرمي الكلمة تطلع برة
يا ناس الله
ده ماسك في قلبي ما بيفك
و أنا إستسلمت.. ملك و هلك
نوديه يمين يقيف إسمك
نوديه شمال يقيف حسنك
و بي حسنك
نموت بالجملة بي حسنك
حلاتك يا صباح النور
حلاة إسمك يااااااااااااا

اخي وايا تسلم وتعيش اها الزووول ده اخذ الاستيكة
بوست رائع مثل وجودك معنا
كل التحايا العطره لك

[ودالدسـوقي]

حبيبتي الغاليه سلمي مرسي يا عسل ربنا يخليك لنا

العسل + السكر + الذووووق + المتميزة = سلمي الراقيه جدا

ود الدسوقي شكرا لك ده بس من ذووووقك العالي يا راقي

تسلم وتعيش

.

حكاية البت الصارت وردة



إنتو سمعتوا حكاية البت الصارت وردة
كان في مرة من المرات
وكنت بغط في نومة عميقة
وجوة النومة حلمته
بأني بغط في نومة عميقة
وجوة النومة أنا كت حلمان
جات ( نادوس )
ووقفت جنب الشجرة
وكانت شجرة غريبة شوية
أول حاجه هي كانت نخلة
وفجأة إتقلبت شجرة حنة
وكان زارعنها جوة النومة الأولى
وضلها رامي لغاية النومة التانية
وكان في الأولى بتثمر ( ويكة )
وجوة النومة التانية تشيل قندول ( الدلكة )
.... حاجه ....
نرجع تاني بداية القصة
جات ( نادوس )
ووقفت جنب الشجرة
الكانت نخلة وفجأة إتقلبت
شجرة حنة
ولمن عرفت إني مبحلق فيها
قامت هي براها إتقلبت ( وردة )

وكان الدنيا ضلام
وكان الصيف يادوب في بدايتو
ومافي غمام
وكان الموية بعيدة شوية
وخفت البت الوردة
تموت عطشانة
وإتبخرته وصرته سحابة
ولامن جيت بي قصادا
نزلته مطر
تقوم يا زول البت ماتصدق و (شربتني )
وجوة الوردة
لقيتلك نوسة فرحته
( أجمل حاجة تلاقي حبيبتك جوة الوردة )
إتونسنا قرينا شعر
وبرضو حكيتلها عن
البت الصارت وردة

وفجأة صحيتلك من النوم
وقلنا نكمل باقي الونسة
جوة النومة الأولى
وتاني صحيتلك من النوم
وكانت أبيخ صحية تلاقيني
وإتمنيت لو أرجع أنوملك تاني
وجوة النومة أنوملك تاني
وجوة النومة أنوملك تاني
وجوة النومة أنوملك تاني
وأسكت أنوم
وأيي إتنين في الدنيا بحبوا بعض
تقوم يا زول البت طوالي
تفرهد وردة
ويللا الود يتبخر ويبقي سحابة
وينزل مطرة
ولامن يلقي حبيبتو
يقوم يحكيلا حكاية البت الصارت ( وردة )

************************

القصيده كلمات الشاعر المرهف ياسر بيناوى
.