اديني فرصة

[the magic]

أديني فرصة اغني ليك وأفضح مشاعري بدون خجل
يا اما مشغول بالمعاك يا اما كنت على عجل
وأنا شعري ما جهزتو ليك لكنو عفوي ومرتجل
ما انتي موال الجمال وفي عيونك الهام الزجل
بس منتظر لحظة صفاك ولكل مكتوب اجل
*******
أديني فرصة اقول كلام بين العتاب بين الغزل
أنا أصلو مكتوب لي هواك وبحن ليك منذ الأزل
مستني يوم افصح وابين وراجيك تصغي ولم أزل
لا عن مداركك انحرفت وفي مسارك لم اُزل
وانا قلبي ما بطرب سواك لي غيرك الغنا اعتزل
******
في صدري اتراكم كتير كوم القصيد اصبح جبل
لا قلتو لا لقيت ليهو رد كان اترفض او اتقبل
لا رجاي فيك خاب وانقطع لا لقيت امل لي ناري بَلْ
وارجع احاور في الظنون والقى الجواب بين لو و بل
وارعاهو زي باقة ورود وازرع سواهو اذا ذبل
******
قالو الصحاب اترك هواك وانسى النساك ولا تسل
لا يوم مسح دمعة شقاك لا عنك الاحزان غســــل
وفر غناك للبستحق للعاشقين اضرب مثل
لي غيرو ما انصاع الهوى ولي امرو طاوع وامتثل
اصلو العذاب زاد الغنا ومر الدموع زي العسل

[kholoud]

[overline]رعــــــــــــــــــــاك الله رووووووووووووووووووووووووعه مشكور جدا جدا [/overline]

[the magic]

مشكورة جدا على مرورك الكريم
قد اسعدني جدا

[العلياء أحمد مختار]

كلمات في غااااية الروعة
وبإنتظار المزيد
ودمت في أمان الله

[الطالبابي]

كلمات قمة في الروعة اخي ذا ماجيك
تقبل مروري

[تنبش]

الله يديك العافية
وان شاء الله تكون بتستحق كل الكلام ده
تقبل مروري

[the magic]

كلمات في غااااية الروعة
وبإنتظار المزيد
ودمت في أمان الله

نورتي يا العلياء وين حرمتينا من طلتك
مشكورة جدا

[the magic]

كلمات قمة في الروعة اخي ذا ماجيك
تقبل مروري

مشكور يا الطالبابي على مرورك
نورت البوست

[the magic]

الله يديك العافية
وان شاء الله تكون بتستحق كل الكلام ده
تقبل مروري

مشكورة يا تنبش
والله ما تحرجيني انا
وما تنقطعي مننا