عيادة::لمعالجة اعراض عدم الجكس

[the magic]

السلام عليكم و رحمة الله و بركاته اولا اشكركم
على دخولكم عيادتي
و هنا في العيادة نحنا بنعالج مرض عدم الجكس
و اي زول عندو المرض دا يجي طوااالي
و الاعراض هي:
1- حرقان شديييييد في القلب
2-هرشة و حكة في الشريان الاورطي
3-مخك يكون فاضي الوكت كلو
4-حاس بانو في حاجة ناقصاك
5- بتنتف في الورد طول اليوم( خصوصا يوم الافالنتاين)
6- بتهرش (اخواتك\اخوانك) طول اليوم
7-بتشوف اي (شين\شينة) حلو\حلوة
8-ما بتهتم في نفسك و شعرك منفوش 24 ساعة


فالرجاء من اعضاء المنتدى اي ذول عندو الاعراض دي
كلها ولا نصها يجي طوااالي و يحكي شمكلتو
كلنا اضنين صاغية

[kholoud]

" ههههههههه هههههههه مشكور والله الموضوع روعه شديد سلم يداك أنا عندي حرقان في المعده بس حبيت استفسر دي من الاعرض ولا لا ههههههه هههههه "

[ابوالدهب]

عندك الحل (يعني كوم كبير نعزل عزل ونختار اختيار ونقلب يمكن نلقي دهب ) اما بالنسبه للاعراض فهي موجوده بكثره انا ابوفاطمه لكين لسي ما لقيت ام فاطمه يعني داخل تحت المظله ....يلا ورينا همتك

[the magic]

" ههههههههه هههههههه مشكور والله الموضوع روعه شديد سلم يداك أنا عندي حرقان في المعده بس حبيت استفسر دي من الاعرض ولا لا ههههههه هههههه "

خخهخهخهخهخهخخه

انت داير اخصائي باطنية
لكن احتمال من الاعراض
حبيبتك هارشاك

[الطالبابي]

اهم شي التنويع
نوع لينا في الشغل ده

[the magic]

عندك الحل (يعني كوم كبير نعزل عزل ونختار اختيار ونقلب يمكن نلقي دهب ) اما بالنسبه للاعراض فهي موجوده بكثره انا ابوفاطمه لكين لسي ما لقيت ام فاطمه يعني داخل تحت المظله ....يلا ورينا همتك

هلا بيك ابو فاطمة نورت العيادة
ادفع الرسوم وتعال
مرضك بسيط جدا
بس امشي عند السكرتيرة
وشوف كتلوج العرائس
والبنات
وراجعنا بعد شهر العسل

[ALSAMRA]

:D دا شنوو يا the magic حافظ الاعرااض صم ولا شنوو ..لمن فتحت ليك عيادة......

انا غايتو سليمة ومعافيه والحمد لله .... بس جينا نشووف المرضانين شكلهم بالجراادل كدا....

ولي عوودة........

[the magic]

اهم شي التنويع
نوع لينا في الشغل ده

ننوع كيف
دي عيادة
السوبر ماركت في الشارع التاني

[the magic]

:D دا شنوو يا the magic حافظ الاعرااض صم ولا شنوو ..لمن فتحت ليك عيادة......

انا غايتو سليمة ومعافيه والحمد لله .... بس جينا نشووف المرضانين شكلهم بالجراادل كدا....

ولي عوودة........

انتي جاية تتفقدي بس
شكلك من وزارة الصحة
تعالي احكي عادي ما تخجلي
السر حيكون في بير

[عاشقة القمر]

ده شنو يا the magic فكرتك حلوة شديييييد لكن أنت ما عملت لي دعوة ولا رسلت لي رسالة معقولة تفتح العيادة من غيري نسيت أني دكتورة صيدلانية ولا شنو يعني الدوا من تخصصاتي والله زعلتني

[السودانى الاصيل]

جيبو لى اسعاف
اااه حالتى مستعجله
ودونى الانعاااش
جيبو لى الدكتووور

لا لا ما تهبش هنا دى محل الشاكوش الخامس عشر
ولا هنا
دى كلللها منطقه ملغومه بالشواكيش
والخواء العاطفى
الدربات
الحمى
الهضربه
ماااافى دكتور هنا

[the magic]

ده شنو يا the magic فكرتك حلوة شديييييد لكن أنت ما عملت لي دعوة ولا رسلت لي رسالة معقولة تفتح العيادة من غيري نسيت أني دكتورة صيدلانية ولا شنو يعني الدوا من تخصصاتي والله زعلتني

عادي يا عاشقة القمر في النهاية كلنا دكاترة.....(لو عندك حاجة ممكن تكشفي)
وعلى العموم ولا تزعلى
نعمل قسم تركيب الادوية

تخريمة....

العيادة بتاخد 30% من الدخل الشهري حقك

[the magic]

جيبو لى اسعاف
اااه حالتى مستعجله
ودونى الانعاااش
جيبو لى الدكتووور

لا لا ما تهبش هنا دى محل الشاكوش الخامس عشر
ولا هنا
دى كلللها منطقه ملغومه بالشواكيش
والخواء العاطفى
الدربات
الحمى
الهضربه
ماااافى دكتور هنا

بعد الكشف عليك يا السوداني الاصيل
حالتك صعب تتعالج هنا
لازم نسفرك اوربا عندنا فرع برضو هناك
وان شاء الله النفسيات تتصلح وتنسى الشواكيش

وراجعنا بعد ما ترجع

[kholoud]

هههـــــــــــههه هههــــــــــــــــههه هههـــــــــــــــــههه والله الدنيا في العجايب شنو يا سوداني يا أصيل اصبر ما كده استغفر كدي قول بسم الله

[السودانى الاصيل]

هههـــــــــــههه هههــــــــــــــــههه هههـــــــــــــــــههه والله الدنيا في العجايب شنو يا سوداني يا أصيل اصبر ما كده استغفر كدي قول بسم الله

دى منو يا زماجيك ؟
دى خلود
غتونى بالبطانيه
جيبو لى اللحفات البطانيه ما بتنفع

[moukhtar]

:D دا شنوو يا the magic حافظ الاعرااض صم ولا شنوو ..لمن فتحت ليك عيادة......

انا غايتو سليمة ومعافيه والحمد لله .... بس جينا نشووف المرضانين شكلهم بالجراادل كدا....

ولي عوودة........

يابتي يا سمرا دي حالة من حالات ما بعد الصدمة الواحد بتخيل روحو نصيح وكويس لكن هو في الحقيقة عيااااااااااان
يا دكتووووووووووووور يا( مجيييييييييك ) الحق عندك عيان من الدرجة الأولى
وتقبلوا مروري

[the magic]

هههـــــــــــههه هههــــــــــــــــههه هههـــــــــــــــــههه والله الدنيا في العجايب شنو يا سوداني يا أصيل اصبر ما كده استغفر كدي قول بسم الله

نرجو عدم الزيارات قبل العلاج
الزول ده تعبان شديد
عاوز راحة برضو بنحتاجك عشان يصلح نفسياتة

[the magic]

دى منو يا زماجيك ؟
دى خلود
غتونى بالبطانيه
جيبو لى اللحفات البطانيه ما بتنفع

يا السوداني رحب بخلود
جاية تتطمن عليك

[the magic]

يابتي يا سمرا دي حالة من حالات ما بعد الصدمة الواحد بتخيل روحو نصيح وكويس لكن هو في الحقيقة عيااااااااااان
يا دكتووووووووووووور يا( مجيييييييييك ) الحق عندك عيان من الدرجة الأولى
وتقبلوا مروري

والله يا مختار حالته صعبة شوية
بتمشي وترجع
انت رأيك بكون شنو

[ساجد حسين]

ياجماعة الخير سلام من الله عليكم هذا اولا وثانيا انا مشترك جديد وشغال مترجم لكن يامجيك فى كل النصوص لم تقابلنى عيادة تعمل فى مثل هذا التخصص لذلك اعرض عليك العمل معى فى عيادةتعمل فىترجمة هذه الشواكيش الى نص ايجابى والشغل بالنص