الغلّوتيّات (الفوازير) السودانية

[sunni]

ستاذ ستاذ ستاذ ستاذ ستاذ ستاذ ستاذ ستاذ ستاذ ستاذ

أقول أنااااااااا ؟

[أبوالريش]

شفّيت والاّ حافظ؟

[صلاح يحيى سليمان]

طيب يا جماعة .. نشوف غلّوتية اليوم:

طاسة طمنطاسة .. في البحر غطّاسة
بطنا لولي ... وضهرا نحاسة

منو يعرفا لينا؟

ابو الريش ..

لكين ما مشاركة رهيبة ...ما كلمتونى بيها ليه؟؟؟؟

اسمع ....
الطاسة طمنطاسة دى انا بعرفه من عمرى 7 سنوات ...وكنا بنقصد بيها البيضة المسلوقة ....القرنتيه دى جبتها من وين؟؟؟؟؟

البيض المسلوقة ..بعد ما تقشره من بره بيضاء ...ذى اللؤلؤ ....وبى جوه صفراء مكورة ...ذى النحاس...وايه بيضة مسلوقة لو ختيتها فى موية بتغطس جوه الموية ...بعكس البيضة الطازجة بتسطح فوق الموية ...ودى بالمناسبة خدعة الناس بستعملوها لمعرفة البيضة كويسه وله فاسده ......

القلوتية تقال كالاتى ...

طاسه طمنطاسة ..فى البحر غطاسة ...ضهره لولو وبطنة نحاسة.

اها رائك شنو؟؟؟؟؟
وله لسه مصر على القرنتية؟؟؟

وشكرا

[أبوالريش]

غايتو يا صلاح لو عايز تستعمل الفيتو بتاعك .. يبقى ما عندنا كلام.

لكن حكاية البيضة دي يتخيل لي مجلية شوية.

كدي سيبك من ده ... ما دام الموضوع رجعك لأيام زمان ... ما تحاول تتذكر معانا غلوتية غلوتيتين ... لأننا كلنا عايزين تنذكر. والا نقلبها ليكم هسي (حّرينا) وشليل وينو

[أبوالريش]

طيب يا علي مان ... هي فعلاً ساهلة وبسيطة.

دي كمان ساهلة وبسيطة ... شوفا لينا:

مركبي ملانة عبيد .. قفلها قفل الله .. مفتاحها حديد

ومنتظرين كمان مساهماتكم

يا اخوانا الغلوتية الأخيرة غلبتكم والا شنو؟
السني ما قلت عايز تجاوب ..... أجاوب انا يعني؟

[sunni]

يا اخوانا الغلوتية الأخيرة غلبتكم والا شنو؟
السني ما قلت عايز تجاوب ..... أجاوب انا يعني؟

البطيخة دي ما جننتها يا أبو الريش،، ديك بطيخة،، ودي كمان بطيخة،،،
العبيد هم البذور،،،
القفل (القشرة) تنبت بيها مقفولة،، فهي مقفولة من خلق الله تعالى ليها
ومفتاحا (السكين) من حديد

اها،، عندك معاي كلام؟؟

[أبوالريش]

البطيخة دي ما جننتها يا أبو الريش،، ديك بطيخة،، ودي كمان بطيخة،،،
العبيد هم البذور،،،
القفل (القشرة) تنبت بيها مقفولة،، فهي مقفولة من خلق الله تعالى ليها
ومفتاحا (السكين) من حديد

اها،، عندك معاي كلام؟؟

يعني ما (الشمامة)؟ .... طيب خلاص .. ياها

أها شوفوا لينا دي:

طيراً طار من قنطار
حتت ريشو وقام عوّار
بطنو السيح وضهرو النار
شدرة فريدة في راسها حديدة
الجن حراسها الموت في راسها

[ابازركو]

فاتت علي دي .....

ماحليت الالغاز الفوق ماعرفتها والا شنو !!!
مش قلنا إسمها (غلوتيات)؟

صراحة ده واحد من أغراض البوست. لأنو كتيرين بيفتكروا حكاية الألغاز دي جايانا من بره، وينسوا تراثنا.

حسب علمي:
في مصر إسمها (فزّورة)
وفي بلاد الشام إسمها (حزّورة)
وبالفصحى إسمها (لغز)
وبالعامية السودانية هي (غلّوتية)

طيب يا ابو الريش خليك معاي في الغلوتية دي :
تيا تيا مصارينو 100 دا شنو ؟
دخل القش ما قال كش ؟

[sunni]

يعني ما (الشمامة)؟ .... طيب خلاص .. ياها

:

الشمام بذورة سوداء؟؟؟

ولا شمامكم في الدوحة شكل تاني ؟

[صلاح يحيى سليمان]

حبوبتى من شدتا ولضاضتا شايلة جدى فى رقبتا؟

[شمعة امل]

:[/color][/font][/size][/B]
طاسة طمنطاسة .. في البحر غطّاسة
ضهرا لولي .. وبطنها نحاسة
[/B]

[Center]

عــم ابو الريش عدنـــــااااا تانى

اللغز دا غايتو عندو كم حل ماعرفت الصاح وين

ناس بيقولو المركب وناس بقولو السلحفاه وناس بيقولو الرمانه ..!!!!


[/align]

[شمعة امل]

[align=center]طيراً طار من قنطار
حتت ريشو وقام عوّار
بطنو السيح وضهرو النار
شدرة فريدة في راسها حديدة
الجن حراسها الموت في راسها[/align]

[Center]
[size=-1]


دى شنو دى

[/align][/size]

[أبوالريش]

طيب يا ابو الريش خليك معاي في الغلوتية دي :
تيا تيا مصارينو 100 دا شنو ؟
دخل القش ما قال كش ؟

أبا زركو
تيتا تيتا مصارينو 100 دي لو عاينت فوق جبنا واحدة بتقول (حبوبتي تيّا قمصانا 100)، وإتفقنا إنو حلّها (البصلة). في ناس قالوا إنو الحل هو العنقريب، وإذا قلنا إنهم قاصدين الحبال الكتيرة في العنقريب، يبقى بيكونوا بيقصدوا الغلوتية بتاعتك دي. يبقى - على ما أظن - حل الغلوتية بتاعتك هي العنقريب.

الغلوتية التانية (دخل القش ما قال كش) دي كمان جبناها في البداية، وقلنا إنو حلها الضل.

خليك معانا وحاول أبحت كمان وجيب لينا زيادة غلوتيات.

[أبوالريش]

حبوبتى من شدتا ولضاضتا شايلة جدى فى رقبتا؟

يا كمندان ....

الغلوتية دي الجماعة حلّوها (الشعبة)، وكمان شباب المنتدى الصغار شرحوا لينا معنى الشعبة .... شفت العالم كسحت كيف؟

[صلاح يحيى سليمان]

يا كمندان ....

الغلوتية دي الجماعة حلّوها (الشعبة)، وكمان شباب المنتدى الصغار شرحوا لينا معنى الشعبة .... شفت العالم كسحت كيف؟

معليش ابو الريش ...انا الظاهر دخلته المشاركة من الخلف ....ولو قريت كلامى الفوق داك ...وجهت ليكم اللوم لانكم ما كلمتونى بالمشاركة ...يازول توش دخلت على الصفحة 5 ....

قلته ليه غلوتى جات قبل كده .....!! اسفين بدون سافين...
بس ردك صاح ....

[أبوالريش]

[Center]
[size=-1]


دى شنو دى

[/align][/size]

شمعة أمل .... مرحب بيك تاني ..

الغلوتية دي جايين بي حلّها .. بس عايز أدّي أعمامك الكبار ديل فرصة عشان يحلوها.

ما تمشي بعيد

[موكب فرح]

[align=center]

اها امسك يا ابو الريش:

1- بيوض بيوض في الخلاء موجود.

2- كان شالوهو ما بنشال وكان خلوهو سكن الديار.


=============================================================


أبو الريش وجماعتوا نقول العتب علي النظر ولا شنو؟؟؟؟

أين الحل؟؟؟ عشان انا طالبكم كضبا كاضب يا ابو الريش
يلا هاتوا الحل[/align]

[موكب فرح]

بقترح الغلوتيه دي نخليها للمشرف العام يحلها ويطلع منها جدي السني.

[أبوالريش]

[align=center]

اها امسك يا ابو الريش:

1- بيوض بيوض في الخلاء موجود.

2- كان شالوهو ما بنشال وكان خلوهو سكن الديار.


=============================================================


أبو الريش وجماعتوا نقول العتب علي النظر ولا شنو؟؟؟؟

أين الحل؟؟؟ عشان انا طالبكم كضبا كاضب يا ابو الريش
يلا هاتوا الحل[/align]

موكب فرح ... وينك

بالنسبة للغلوتية الأولى بتاعتك، كنت طلبت منك تجيب حلّها. وحسب أدب الغلّوتيات، زي ما قلنا، لما واحد
يجيب حل خطأ بيقولوا ليهو (كضباً كاضب)، لكن هنا الوضع مختلف، ولما الجماعة ما يعرفوا الحل بيقولوا (عجزنا)، يقوم صاحب الغلوتية يديهم الحل وهو مزهواً بإنتصاره. وهنا يظهر إنك غلبت الجميع .. يالاّ هات الحل.

أما بالنسبة للغلوتية التانية (كان شالوهو ما بنشال وكان خلوهو سكن الديار) شوف فوق أنا قلت ليك لأغراض القافية الغلوتية هي (كان شالوهو ما بنشال وكان خلوهو سكن الدار) "الدار" وليس "الديار"، وحلها هو(الرماد).

يالا جيب لينا الحل الما عرفناهو و ,,,,,

واصل معانا[/font][/size][/b]

التعديل لتصحيح الحل (الرماد) بدلاً عن (الضل)

[أبوالريش]

طيب ....

فكروا في حل الغلوتية الفاتت، وهاكم واحدة جديدة:

جدادتي الرقيطة ... تجيب الخبر من تحت الواطة