عصفور في اليد ولا عشره على الشجره

[al_beyankonery]

وانا في احد السفريات على طائرة الخطوط الجويه السودانيه (نظام وطني شديد) وبينما اجلس في مقعدي المحدد على تذكرتي , رأيت احد اصدقائي يبحث عن مقعده ففرحت كثيرا لرؤيته حتى يسليني في هذه السفريه نتجاذب اطراف الحديث (وطبعا ما حنخلي الشمشره) فنؤنس بعضنا ونقطع ملل طول الجلسه , فسلمت عليه ورحبت به ودعوته للجلوس بقربي , طبعا تفاجئ برؤيتي ورحب بالجلوس قربي ولكن خاف من ان يكون قد جلس في محل غيره , فقلت له ليست مشكله سنقنع صاحب المكان بأن يجلس في كرسي اخر (تقول طيارة ابوي) فاقتنع وجلس , وماهي دقائق قليله الا وحسينا بان الشمس قد دنت منا بضؤها المشع فلما تمعنا النظر رأينا فتاة في قمة الروعه والجمال تقف امامنا وتنظر الى تذكرتها والى رقم مقعد صديقي فعرفت انه مقعدها (لكن طبعا عملنا رايحين) فتكلمت بكل ذوق وأدب وقالت بان هذا المقعد وتقصد مقعد صديقي بانه مقعدها , فقلت لها بانه يمكنها ان تبحث عن مقعد اخر وتجلس فيه , ( طبعا ما داير احلق لي صاحبي برضو فينا ذرة شهامه ) فقال صاحبي انه سيقوم ليدعها تجلس في مكانها , فقلت له الطائره كبيره والمقاعد كثيره وكلها متجهه نفس الوجهه فليست مشكله ان جلست في مكان اخر ( البت عاينت لي كدااا وشمتني شديد طبعا ) وقفت الفتاه حائره تنظر يمنه ويسره , لا تدري ما ذا تفعل والريبه مرسومه على محياها ( البت مسكينه اسي دي لو كانت بت لميضه كان قالت لي صاحبي هوييييييييي انتا امشي شوف ليك حته تانيه اترزع فيها ) وبينما هي واقفه جاء المضيف وسألها ما بكي ؟ فقالت له لم اجد مكانا اجلس فيه , فأخذ منها التذكره ورأى رقم مقعدها فقال لها هذا مكانك وهو يشير الى مكان صديقي واخبره بان يجلس في مكانه المخصص ويترك هذا المكان للفتاه فانحرج صديقي وقام من مكانها ( طبعا انا وقتها بفكر كيف احسن علاقتي مع البت عشان نضمن ونسه تسلينا بعد ما صاحبي اتخارج ) اعتذرت من صديقي وودعته على امل اللقاء به عند الوصول , وجلست الفتاه وهي في حالة صمت عجيب , حاولت فتح موضوع معها ولكن لا حياة لمن تنادي ( يعني اتلائمنا معاها ودايرينها تتظارف معانا ؟؟؟) احسست بالملل الشديد وانا في الطائره لعادتي في قطع اميال اسفاري بالحديث مع من يجلس بقربي , وندمت على اسائة التصرف معها , ومع تكرار المحاولات للفت انتباهها والتحدث معاها ..... قامت باخراج ورقه وقلم من شنطتها
وكتبت عليها واغلقتها ووضعتها امامي , فاخذتها فوجدتها قد كتبت : (عشان تاني تتادب وتعرف كيف تتعامل مع القوارير) فضحكت وارتحت لمجرد ردها وقلت وانا اتحدث مع نفسي بصوت خافض وقصدت اسماعها :( قوارير ؟؟ قوارير شنو عليك الله ,, انتي تقولي برطمانية زيتون مدتو منتهيه ... والبرطمانيه تزعل منك كمان ) فارتسمت ضحكه على محيا وجهها ( وطبعا فكت وقعدنا نتونس ) وقلت في نفسي تاني عصفور في اليد ولا عشره على الشجره

[كيلوباترا]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه وازيدك من الشعر بيت (الله
يمهل ولا يهمل)وكمان(قدم السبت تلقى الاحد)
لكن يابلبل البت مسكينه والله انا لو مكانه اقطعو معاك 6صفرواخليك تبكي من الزهج هههههههههههههههههههه

[سلمي200005]

البت مسكينه والله انا لو مكانه اقطعو معاك