acba77 كتب:نئتجه الامتحان اتت كالاتي :
الخروج بدون شهادة للسقوط في اللغه العربيه
نسبة لهروب الهراراب الهاربين من الورقة الثانية للعربي بالجزائر بعد ان عجز من التحصيل ولو بي نقطه في الورقه الا ولي من امتحان العربي بي زريبة العيش
والمواد الاخري
تقفيل شبابيك الفصل الافريقي نسبة لانه تحصل علي اقل درجة في مجموعته واتي في موخرتهم
الصفر المحلي
في الممتاز لعدم تمكنهم من التحليل والمعالجة لنظريه دائرة طمبل الكروية
في كاس السودان
عدم حفظ المقررات للسنه الرابعه علي التوالي
المحصله النهاية صفر يشمل الامتحان والملحق في المحلية والدوليه
وينك يا اكبا مشتاقين وهاردلك على السبعه
حارة والله لكن ده كلو من ودعلبوب .
لحقكم امات طه فى الاردن
على فكرة درجتك فى الامتحان 7 من 10 :D :D
hammad كتب:بتاريخ 25/12/2008
تمت بنجاح العملية الجراحيه التي أجريت لزعيم الكرة السودانية بالاردن والتي كلفت 7 ملايين ريال اردني وسوف يتم إخراجة فوراً
بعد تماثلة للشفاء .
اخونا حمد شرفتنا بى مرورك
تانى الشفاء وين مع السبعات دى؟؟
اخوانا فى منتدى ميكانيكا سودانية ناس لذيذين جدا
ومواضيعهم كلها حديد وحديد شديد كمان ........
الميكانيكيه قالو مادام المباراة كانت بين التكاسى موديل 2009
والقعونجات موديل الستينات ...يبقى نحنا احسن ناس نحللها
******************
اول واحد بدأ بالنفخ الشديد الحصل لى كفرات القعونجات وقال
ده السبب الرئيسى لانو الكفرات ما استحملت الضغط وضربت
فى الشوط الثانى مع انها اتنفخت فى بنشر الصدى ونفخها المعلم
مزمز بى نفسو ..وموزونه بى عداد المانى ضغطو 58 سنه
واحد نط طوالى : طيب يا فرده كفرات التاكسى الرواندى ليه
ما ضربت واستحملت مع انو الميدان كان مسفلت بالترتان ومافى دقداق
قال ليهو :
يا اخوى انت ناسى انو القعونجه موديل الستينات وفيها جوانى
لكن التاكسى كفراتو( تيوب ليس) يعنى برانى بس ولما ينفس
شويه شويه ما بضرب طوالى وده الحصل فى الدقيقتين الاوائل
يعنى نفسو طويل وبكمل 90 دقيقه ما زى حديدنا الهكر ..
***************
واحد قال عادم القعونجه كان وسخان ودخانو كثير وده من المكنه
لانو في صوت كركرة والدخان لونو اسود شديد ..
واحد رد : ياخى العوادم دى نحنا فحصناها فى الفجيرة
على الطلاق دخانها انظف من دخان الشيشه ومواسيرها
بجيب مويه كمان ..يعنى المكنه ميه الميه
**************
فى واحد اصلو ما مقتنع مصمم انو القعونجه كانت شرقانه لانو الكربريتر
وسخان وكربريتر التاكسى كان نضيف .....!!! واحد رد عليهو
يا اخوى كربريتر شنو البتتكلم عنو ده ..؟؟ التاكسى ده موديل جديد
يعنى بشتغل بخاخات وكل ما دوس بنزين البخاخات بتفتح انت ما شفت
التكاسى دى فتحت كيف فى الشوط الثانى ونحن قعونجاتنا بقت تقطع..؟؟
*****************
صاحبنا رجع قال ليهو : والله كلامك صاح نحنا مشكلتنا انو
حديدنا كلو ديزل والديزل فى البرد ما بقوم الا دفرة والدليل الحصل فى الاردن
بعدين انت ما شفت وارغو وكلتشى بسخنو فيهم من بدايه الشوط الاول
وما دخلو الا نهايه الشوط الثانى ....!!!
وده كلو كوم والهايس اب سفه بعد ما قطعت بنزين سحبوها وقعدوها فى الـباركن
عملت زعلانه وناس ابراهومه الا راضوها بى سفه حتى اقتنعت ..
طيب السفه عرفناها ..البدفع الاربعين الف منو ؟؟
*************
ميكانيكى شفت قال يا اخوانا التاكسى الجاب القون ده عندو مشكله فى
الكهرباء انا عارفو وكمان لوحتو ( أ ع ب 7 ) ...واحد قال ليهو عرفت كيف ؟؟
قال : الزول ده قبل ما يشوت الكورة كان رامى اشارة شمال لمحمد كمال لكن
شاتها يمين ...وطبعا محمد كمال دركسونو شمال لكن سواق التاكسى الشفت
ختاها لمحمد كمال محل الراكب ..؟؟؟ بالله شوف شفتنه الجوكى ده ..؟؟
***************
ميكانيكى عاقل جدا جدا ..قال يا اخوانا والله كروجر لو كان دخل
القعونجات السعوديه كان حسمنا الكورة دى من الاول ...
التا نى رد عليهو : المشكله انو القعونجات السعوديه لوحاتها افراج مؤقت يعنى تلعب
كورة وتبركن فى الكنبه ....لكن انا بتخيل لى لو الماذدا كانت فى كان قدرت
توقف التكاسى دى .......
******************
ميكانيكى عامل حريف قال والله يا اخوانا موسى الزومه ده لو ما الحارس كان جاب قونين
واحد سألو كيف يعنى ؟؟؟
قال : الحارس الشفت عينو فى موسى جارى بى الكورة بس مما يقرب يشوتها فى القون
الحارس يجر النور الطويل وموسى يطشش ويوديها الكشافات ...
بعدين الحارس مالى القون التقول واقف فى المرمى معارضه زى مكنه العربيه ..
كل ما يشوتوها يا دقت فيهو يا فى العراضه يا مشت الكشافات .......
***********
اخر واحد زول حكيم قال يا اخونا بدل ما نبكى على الزيت الراجع
خلونا نشوف حل للورطه دى ......خصوصا انو كلتشى مفوت طارة
والتكاسى دى اتوماتيك يعنى عشان نفصل حركتهم لازم كلتشينا نخرط
ليهو طارة من جديد فى ورشه سيدا .......
والمعسكر الجاى لازم يكون فى جياد عشان نعمل عمرة كامله
ومبارياتنا الوديه تكون فى المنطقه الصناعيه مع فرق تكاسى
الموسكوفيتش السودانيه عشان تكون تجربه حقيقيه ..........
وممكن الوالى يعمل لينا مباراة مع البصات السياحيه فى استاد
الميناء البرى ........
بس اهم شئ اختوا الميكانيكى الالمانى والبنشرجى السودانى
ونفسوا الكفرات دى شويه ......وكفايه نفخ...؟؟
المـــداح والفســـــاح والسفـــــــاح وسفـــــارى الرااااااح....!!!
