رابطة انا ســــــــودانى فى الدوحة

[اسامه خضر محمد على]

ناااس الدوحـــــــه الف الف مبرووك التثبيت :D
واتمنى لكم المزيد من التقدم
ول قداااام
لو كان في طريقه القاكم بس عارفين انا(بت)

الاخت العزيزه بنت الدوحه كل الشكر والتقدير لشخصك .. وطبعا مقدرين شعورك الطيب ومقدرين مشاركتك لنا ونتمنى ان تكونى معنا تشدى من ازرنا بمشاركاتك الفاعله وارائك السديده والتى نحن فى اشد الحوجه اليها ويديك الف عافيه

[دلع]

يديكـــم العااافيــه فـــردا" فــــردا" ..
وبتمنــا ليكـــم المزيـــد مــن التقــــدم ..
وربــي يديــم الــود والتــواصــل دومـــا" ..

:D

[ملك زمانو]

أها ممكن ننضم ليكم ؟؟؟

[الاشيتر]

أها ممكن ننضم ليكم ؟؟؟

ياملك وانته الملك ،،، مرحب وحبابك الف اتفضل واول اجتماع للرابطه جاي نقدم ليك دعوه انشاء الله تفضل الدار دارك والرابطه رابطتكم .

رساله في الخاص تصلك قريباً انشاء الله بتحديد اقرب وقت للاجتماع الجاي للرابطه .

[اسامه خضر محمد على]

الاخوه اعضاء منتدى انا سودانى بدوحة الجميع كل سنه وانتم بألف خير والعام القادم سودانا ومنتدانا وكل ما هو سودانى فوق والسودان ينعم بالامن والسلام ووطن يسع الجميع

[رجويه]

الي كل اعضاء انا سوداني بي الدوحة
كل سنة وانتم طيبين
واقول الي الاخ اسامة حمد علي السلامة وانشا الله
ماتشوف شر

[اسامه خضر محمد على]

الي كل اعضاء انا سوداني بي الدوحة
كل سنة وانتم طيبين
واقول الي الاخ اسامة حمد علي السلامة وانشا الله
ماتشوف شر

مشكوره يا رجويه وانشاء الله الشر ما يجيك ..ويديك العافيه

[بت الدوحه]

نااااااااااااااااااااااس الدوحــــــــــه الحلويــــــــن اخبااااااااااااااااااركم؟؟؟

[salahhassan]

اسامة خضر ارجو اعتماد عضويتي في الرابطة وربنا يسدد خطاكم

[السلقاوي]

[align=center]شباب الدوحة شوق كميات
اخباركم يا غالي شوقنا تعدا الحدود
ان شاء الله منجمين كلكم[/align][/size]

[اسامه خضر محمد على]

اسامة خضر ارجو اعتماد عضويتي في الرابطة وربنا يسدد خطاكم

الاخSaIah تحيه واحترام لشخصك تأكد تمام اننا نستقبلك بكل الود والاحترام ونقوليك الف مرحب بيك بين اخوانك

[اسامه خضر محمد على]

الاخوه اعضاء الرابطه وكل اعضاء المنتدى فى دوحة الجميع سيكون بأذن الله اجتماعنا القادم فى كورنيش الدوحه حديقة البدع فى يوم الجمعه 31 \1\2009 وعلى جميع الاعضاء الحرص على الحضور ونترك لكم تحديد ما ترون مناقشته من مواضيع ونؤاكد بترحيبنا الحار بالاعضاء الجدد الذين يودون الاشتراك فى الرابطه .... جمعنا الله دائما على الخير وسدد خطانا فى طريق الاخاء والمحبه مع كل الود والامنيات الطيبه للجميع

[sunni]

الأعزاء في الدوحة،،،
والله ماشاء الله عليكم،، اواحد بالجد بيغبطكم، ويتمنى أن يكون معاكم،، ربنا يجمعنا بيكم في يوم من الأيام،،، يااارب.
ياريت تعملوا توثيق كامل (متوقعة منكم،، ولكن أقولها ليطمئن قلبي)،،، وتقوموا بتوكيل أحدكم ليعكس لينا ما قمتوا به وناقشتوه. وبتمنى انكم تسمحوا أن أضع على صفحات أجندتكم موضوع الركود وقلة عدد المشاركات النوعية، وكيفية إحياء هذا الجانب بالمنتدى.

يديكم العافية

[هنو]

[overline]مجهود رائع منكم نتمني لكم التوفيق والسداد لكل التقدير اخي
اسامة وانت باقي الكوكبة الرائعة لكم تحياتي[/overline]

[اسامه خضر محمد على]

الأعزاء في الدوحة،،،
والله ماشاء الله عليكم،، اواحد بالجد بيغبطكم، ويتمنى أن يكون معاكم،، ربنا يجمعنا بيكم في يوم من الأيام،،، يااارب.
ياريت تعملوا توثيق كامل (متوقعة منكم،، ولكن أقولها ليطمئن قلبي)،،، وتقوموا بتوكيل أحدكم ليعكس لينا ما قمتوا به وناقشتوه. وبتمنى انكم تسمحوا أن أضع على صفحات أجندتكم موضوع الركود وقلة عدد المشاركات النوعية، وكيفية إحياء هذا الجانب بالمنتدى.

يديكم العافية

الاخ العزيز والغالى علينا شديد السنى كل التحايا والاحترام لشخصك الغالى علينا كلنا ... واكيد نحن كلنا متمنين ان نلتقى بك وتكون معانا ونسأل الله ان يجمعنا بك فى القريب العاجل............
اما بخصوص التوثيق طبعا اكيد موجود بس بعد مدولات بين الاعضاء ولمصلحة المنتدى راينا ان لاننزل الصور الشخصيه لبعض الاعضاء خوفا من ان لا يصاب اعضاء المنتدى بالهلع والخوف ولكن بوعدك انشاء الله قريبا سترى صور جميع منتسبى الرابطه بس اتحملوا المفاجاة

[اسامه خضر محمد على]

أها ممكن ننضم ليكم ؟؟؟

الاخ ملك زمانو مرحب بيك والله معانا بس لو سمحته نشط استلام الرسائل الخاصه حتى نتواصل معك

[الاشيتر]

تحياتنا



المهم لتواصل ومعرفة مايدور واين الاجتماع يرجي الاتصال

6763669 الاشيتر

الاشيتر عكس عقارب الساعه الناس في وادي وهو في وادي تاني
الميس كوول ممنوع .........................................


نتمني التوفيق ........

[رجويه]

تحياتنا



المهم لتواصل ومعرفة مايدور واين الاجتماع يرجي الاتصال

6763669 الاشيتر

الاشيتر عكس عقارب الساعه الناس في وادي وهو في وادي تاني
الميس كوول ممنوع .........................................


نتمني التوفيق ........

الاشيتر الماعندو حق الرنه يعمل شنو
انشا الله نكون من الحضور
ونشوف الجديد من اسامه
والساعه كم الاجتماع

[اسامه خضر محمد على]

الاشيتر الماعندو حق الرنه يعمل شنو
انشا الله نكون من الحضور
ونشوف الجديد من اسامه
والساعه كم الاجتماع

رجويه كيوتل ما قصرت وعملت رسائل مجانيه .. بس انتى تعالى فى حديقة البدع وحتلقى عمك الاشيتر مكوع وقاااااااااعد

[اسامه خضر محمد على]

الاخوه اعضاء رابطة منتدى انا سودانى بالدوحه يسرناان نحيطكم علما بما تم امس فى الاجتماع الذى انعقد امس فى كورنيش الدوحه وتمت فيه مناقشة المواضيع الاتيه
1>>شئون العضويه والتحضير للاجتماع الاسرى لجميع الاعضاء واسرهم
3>>مناقشة الركود فى المنتدى وعزوف معظم الاعضاء واصحاب المواضيع المميزه عن المشاركه فى المنتدى
3>>مناقشة الظاهره الخطيره التى بدأت تسود المنتدى من التكتلات والشلليات الهدامه ويتمثل ذلك فى الردود على مواضيع معينه وصرف النظر عن المواضيع الاخرى حتى وان كانت مفيده وهامه للجميع

4>> وتمت مناقشة علاقة الاعضاء بالاخوه فى الاداره والاشراف ولوحظ ان هنالك عدم تواصل بين الجميع وهذه من احدى اسباب عزوف بعض الاعضاء عن المشاركات وابداء ارائهم خوفا من الادارهوما يسببه لهم ذلك من مضايقات

5>> كما تمت مناقشة الخطوات الاداريه الاخيره فى حق بعض الاخوه المشرفين ومع احترامنا والتأكيد على التزام جميع الاعضاء على لوائح وقوانين المنتدى وعدم المساس بها .. نتمنى ان لا تؤاثر تلك القرارات على الاخوه المعنيين بها وان يواصلوا جهودهم المعهوده فى المشاركه بالنهوض بالمنتدى كما كانو سابقا وكما عهدناهم
6>> التأكيد ايضا على اللقاء الاسبوعى (الاختيارى) لاعضاء الرابطهوالذى يتم مساء كل جمعه مع امنياتنا ان يديم الله لنا الاخاء والمحبه وان يوطد بيننا اواصر الاخوه الصادقه وان يعيننا فى بلوغ ما نصبوا له من خير للجميع

7>> تقديم اسمى وارق واجمل كلمات الشكر والتقدير للاخوه فى الاداره والقائمين على هذا الصرح العظيم على اتاحتهم لنا هذه الفرصه واللقاء فى هذا المنتدى العظيم الذى جمعنا بهذه الكوكبه الرائعه من الاعضاء وتبلورت هذه العلاقه حتى صرنا اخوه نلتقى على الخير وبالمحبه والشكر الجزيل اللاخ المشرف العام والمدير العام وجميع الاخوه فى الاشرافوالى جميع الاخوه الاعضاء دون فرز
الدوحه الكورنيش حديقة البدع