اكلات جميلة بالنسبة لاهلها فقط لكن ياناس الشاورمة انتو عارفنها من شنو ولا احسن ما اطمم بطنكم خليكم كدا اكولوها كانكم ما عارفين شئ وبالمناسبة البرقر ليست لحم صافى اوريكم من شنو لا احسن اخليكم كده اكلوها بالهناء والشفاء
الواضح كتب:اكلات جميلة بالنسبة لاهلها فقط لكن ياناس الشاورمة انتو عارفنها من شنو ولا احسن ما اطمم بطنكم خليكم كدا اكولوها كانكم ما عارفين شئ وبالمناسبة البرقر ليست لحم صافى اوريكم من شنو لا احسن اخليكم كده اكلوها بالهناء والشفاء
[align=center]شكرا على المعلومات لاكن اكلت الصراصير
والويكه مع الحليب انتو مستوعبين الكلام دا
على العموم شكرا على المعلومات والاكلات العجيبه
انا اول مره اسمع بيها لاكن حابة اشوفه واجرب الا حقت الصراصير
دمتى بخير حزن السنين
والاخ محمد دمت بخير
تحياتى[/align][/size]
بالمناسبة انا عشت فى اكثر من 30 دولة فى العالم من أروبا واسيا وافريقيا والشرق الاوسط كله تقريبا وعايشت كل الناس واكلت كميات من الاكلات المختلفة ولكن بصراحة وبدون مجاملة وبدون تحيز الاكلات السودانية افيد واحلى والذ الاكلات فى العالم وطبيعية ومفيدة وصحية وخالية من المواد الحافظة واليوريا واتمنى فى غربتى كلها تكون اكلاتى سودانية مية فى المية
أم تكشو
تتكون من ورق الخضرة المجفف ويضاف له البصل والزيت وقليل من اللوبيا ( طبعا بالاضافة للملح والشطة)
ملاح الانقارا
يتكون من ورق نبات الكركدي بالاضافة للفول السوداني وعطرون ودقيق وهو ملاح لذيذ الطعم
ملاح الكمبو
تحرق سيقان الذرة وعندما تتحول لرماد يؤخذ رمادها ويضاف له لوبيا ولبن
العفوص
وهو عبارة عن سلطة مثل الجرجير يتكون من ورق أشجار التبلدي وتضاف له الدكوة والبصل
سناكيلو
وهو ملاح يتكون من دقيق وسمك جاف
ملاح مطيعينة
ويعمل من اللبن وتضاف له الويكة الجافة
أم دفان
وهو طعام يتكون من دقيق مخلوط باللبن ويدفن تحت النار حتى ينضج
أم شيشة
وهو عصيدة تتكون من دقيق الدخن ويضاف لها السمسم وزيت ولا تحتاج لنار نؤكل هكذا دون قلي (أممممم)
ضوّاك
عصيدة تتكون من ذرة تطحن وتضاف اليها دكوة
أنتقق
وهي وجبة تتكون من حشرات الصراصير نحمر بالزيت وتؤكل كالتسالي
ولدول
هو نبات يقوم في الترع والخيران ويؤخذ ورقه ويضاف له لحم جاف وبصل
قاسيا
نوع من الشجر في ورقه يضاف له الفول السوداني ويضاف أيضا اللحم الجاف
الكراد
نبات من فصيلة الفاصوليا يضاف له لحم وطماطم ويسمى أيضا دونيب
ويرتق
تعمل من بذور نبات الكركدي تبل وتخمر وتضاف لها الويكة وكمبو وبصل
أم حليبين
هي دقيق يخلط باللبن ويعمل قراصة تؤكل باللبن أيضا
سد الحنك
دقيق ذرة أو قمح يغلى في النار و يضاف له السكر
سمرونا
وهي تحلية بعد الوجبات تتكون من دقيق وسكر و سمن وهي مثل البسبوسة
بجبجي
وهو عبارة عن مديدة تصنع من لب حب البطيخ
أم جقوقة
تتكون من السمسم الذي يعصر في العصارة قبل أن يتحول لامباز
هنالك أكلات سودانية كثيرة لم نجد لها حروفا لنكتبها لان حروفها تختلف عن اللغة العربية
اسامي صعبه في نطقها فما بالك بطعمها ؟
غالبية الاكلات دي من غرب السودان علي ما اعتقد
تسلمي علي تنويرنا بي معلومات حلوه زي دي
وما تنسي تورينا اسامي المشروبات
شكرا حزن السنين لمعلوماتك القيمه
وعلى فكره فى ناس من بلاد (بره) يعنى بلدان أخرى بتاكل حاجات عجيبه
يعنى فى الصين مثلا ببياكلو الثعالب الكلاب الثعابين وحتى القرود
بأختصار بيقولو كل مايمشى على اربعه ماعدا العربيه وكل ما يطير ما عدا الطياره
وده نوع من ثقافة البلدان او يمكن الحوجه
شكرا على الموضوع المفيد
والله اكلاتنا السودانية زيها مافي مضمونة مية المية كلها من الحاجات الطبيعية المعروفة من خضار واعشاب طبية وصحيه مازي المشويات المامعروفة من لحم شنو يلا الله يديكم العافية والصحة .
ام هبوية ,,,,, حفظها الله قولوا آآآآآآآآآآآآآآآآآآآآآآآآآآآآآمين
الأمير حسن مختار كتب:والله العظيم دي كارثة كبيرة لأنو الوجبات السريعة أًصبحت هي البديل عنها مثل "البرجر" و"هوت دوك" و"كروسون"..
لازم الجيل الجديد يعرف الأكلات التراثية دي وعلى العموم يديك ألف.. ألف عافية..
رد: اكلات سودانيه لا يعرفها الكثير منا .....
رد: اكلات سودانيه لا يعرفها الكثير منا .....
