كيف تلفت نظر من تعشق

[raymystrio17]

عادةً الغيرة هي التي تجذب إنتباه من تعشقهم وأكثرها عند الجنس اللطيف... في حين أنهن كثيراً ما يتضايقن حين يغير عليهم من يعشقهم ويظنون أنك معقد وتأخذ الأمور بحساسية ولا تثق فيهم..!؟ والأغرب عندما لا تغير عليهم يظنون أنك لا تحبهم... حقاً (ناقصات عقلاً ودين).

نرجع لي موضوعنا .. أها المهم دي الحاجة الأولي والحاجة التانية الإهتمام بس ماالأهتمام المبالغ فيو... ودي حاجة بنلقاها كتيــــــــــــــــــيرة شديد عند الجنس اللطيف..
والحاجة الثالثة... تجعلة يحس بشوقك ليو ما بالعبارات المعتادة.. ذي والله مشتاقة ليك مثلاً.. لأنو ذي الكلمة دي بكون قالا ليو عباس قبيل .. (عباس دا زول ساي .. كويس.؟) حاول تطلع كلمات من جواك قليلاً ما تتقال عند الناس..
والحاجة الرابعة.. التقل الخفيف .. بس ما تتقل تقيل شديد عشان الموضوع ما يفركش .. تقل نص كم كدا.. وأفضل النصيحة دي يشتقل بيها الجنس اللطيف .. بس ما تبالغن فاهمااااات .. هوي ما تذعلن بهظر ساي..
الحاجة الخامسة وباقي الحاجات دي حقو البعرف حاجة يقولا وبعديكم أنا بواصل .. وياريت الموضوع يعجبكم ... ما أكون تعبان بكتب ساي...!!
17

[the magic]

مشكور جدا عزيزي على موضوع الرائع
بس الاهم
الحب ....الحنان.....الغيرة بس ما تكون زيادة من الزوم

[السودانى الاصيل]

المهم الحب اكون فى اطار الشرعيه والاحترام والادب
واكون ليهو اهداف معلنه
وليست ضياع وقت وتسليه

[ضو البيت محمد النور]

الحب والوفاء والاخلاص والصدق هما ركيزة العلاقات الابدية
الاهتمام والغيرة والكلمات الحلوة هما امور ثانوية في العلاقات الابدية
الاهتمام بلاحب ليست له امد بعيد وسرعان ما تنكشف الحقيقة
والغيرة بلا وفاء تكن مجرد رد فعل في لحظة طمع في الشخص
و الكلمات الحلوة بلا صدق واخلاص تكن مجرد تسلية قضاء وقت بلاجدوي

فكم من اهتمام اصبح انتقام لانه بلاحب والمحب لايمكن ان ينتقم ممن يحب
وكم من غيرة اصبحت ندم وحسرة في اخر القصة
وكم من كلمات اصبحت شتايم و تفاهات في نهاية المطاف

وان هذه الامور لابدة ان تجتمع حتي يصبح الحب ذو معني وحقيقي والا اصبح بدون فائدة

[ضياء الروووح]

شكرا على المعلومه دي اخي وتقبل مروري وشكرا على الموضوع الحلو دا