جميع المغتربين(( هل لكم نية في العودة الى السودان))؟؟!!

[samira]

ياحلال بلادنا بلد الطيبة والكرم بالمختصر ( بلد البنادمين )

[ايناس محمد]

انا اتمنى اليوم قبل بكرة لكى ارجع الى بلدى وعيش فيهالى الابد ومااقادر ارضه ابدا مهما يحصل
يارب ترجعنا جميعا الى بلدنا الغالى السودان

[ابوالدهب]

من قال لاء فاعلم انها من خارج قلبه نعم والف نعم نحن نعيش في نار جهنم ولكن من المسؤول عن ذلك بلدنا زاخره بمواردها وهي تسعنا وتسع الملايين غيرنا طيب لماذا لانرجع عليك نور هذا هو السؤال .. لي اسبابي ولهم اسبابهم ما اقوله انا سبب قد يراه الاخر غير ذلك ولكن الظاهر والاعم والزي يقولونه الاغلبيه ان الدوله لاترغب بذلك لان المغترب يدر علي الدوله الاموال (يرسل المبالغ لاسرته اكلا ومشربا وتعليما وضرائبا واخيرا اذا فاض المبلغ وفتح منه متجرا فتكون مسئولا عن(الضرائب والزكاه ورخص البلديه ودعم المجاهدين ودمغة الجريح والمياه والكهرباء ورخصة مزاولة العمل و................الخ) اما اذا عملت سياره لكي تستغر فعليك الاتي (عند وصول العربه الميناء تجد ان عليك نصف سعرها بالسودان وهذا ما يسمي بالجمارك ثم ياتيك الترخيص اذا وجد بعد الوساطات ثم ياتيك رجال المرور بشرعيه وبغير نقطه بسيطه عن رجال المرور هم رجال يلبسون الابيض متواجدون علي الطرقات بكميات قليله ايديهم وسلطاتهم نافزه يتمتعون بثقافه ضربيه عاليه خصوصا في الاقاليم فعندما تناقش احدهم فانك اولا ستضرب ضربا مبرحا وتؤخز منك رخصتك وستودع الي السجن بغير زمب لمدة ثلاثة ايام ولكن تتقلص المده الي ساعات قليله في حالة عندك واسطه قويه باختصار البلد يحكمها غانون الغاب الملك من كانت انيابه حاده
ولكم الشكر هذا ليست كل كلامي ولكن...............

[soliyaa]

انا عايشة بالامارات ........

عشت في السودان بدايات عمري ..

لكن ما بتذكرها ابدا.. لانو اصلي تاني ما رجعت ليها

و دا طبعا ما مني .. دي طبيعة شغل ابوي الحاكمنا

و ان شاء الله احتمال كبير جدا اشوف السودان في الاجاوة الجاية دي..

و دا المصبرنا كلنا على فراق ارق مكان و اعز بلاد وطني السودان ......


و تسلمي على الموضوع الحلووو

[أب حامد]

طبعـآ بنمشي السوودان وكل سنه أو سنتين

يعني في كل أجــآآزه بنمشي شهر وأسبووع

السودآآن والموضووع لا يحتــآآج نقــآآش

بسس للنسبه لـ / رجعه إلى الأبد لا لا مـآ في مكيف ولا حـآجـآت زي دي أنـآ أعترض

لكن كل أجـآزه أيوا

وأنـآ قـآعد في قطر .........." قسمـآ "

ومرتـآح شديد هنـآ

[banoota_cool]

اكيييد كل واحد مغترب بيتمنى يرجع لوطنوا وانا وحدة منهم لكن ما بطال قربتا ..

[رومنسي ومنسي]

اكييد لكل سوداني له النيه للعوده الي بلاده . . . . . . السبب لانةو هناااك في الاهل وهناك بتقدر تاخذ راحتك وماحتتقيد زي القربه بي تقاليدهم

والله الغربه دي مشكله حسي نص السودانين تلقاهم بتكلموا بي لغه البلد العايشين فيها اكثر من للغتهم

حتى في البيت مع الاهل


وانا حاليا مقيم في قطر والرجعه انشاء الله 26-6 -2009

طبعا حارجع اقره الجامعه وتاني ماراجع

اشكرك اخوي على الموضوع الحلو ده

وتقبل مروري اخوووك رومنسي ومنسي

[بنت الرهد]

مهما غتربنا وبعدنا من الوطن لازم يجي يوم ونرجع لاحضان الوطن
وعني شخصيا صح انا مغتربه مع الاسره في الامارات بس اجمل حاجة انو الوالد الله يديه العافيه حببنا في الوطن ولازم سنويا ننزل السودان ونصل لغايه اقصي الغرب وهي ولايتى الغاليه (نيالا/رهيد البردى)
وحقيقه الماشاف الغ7رب نص عمرو ضايع ونصيحه الداير يسافر ويعرف جمال البلد يركب القطار
وكل البيوت مفتوحه ليكم يا حبايب الوطن
وبتمنى من كل مفترب ومغتربه لازم في الاخر يرجع للوطن لانوا هو الاولى فينا

[شاهيناز]

أولاشكرا لطرحك الموضوع الرائع ده
وثانيا الرد على سؤالك اكيد لكن ليس في الوقت الراهن وحتى لو مشيت حقعد اسبوعين او ثلاثة وبس لان العيشة في السودان صعبة من كل النواحي ولانه اتعودت على حياة الغربة والسبب الرئيسي انه انا مامولودة في السودان
مع احترامي

[مهند الزبير]

مافي احر من الغربة ونفسي ارجع حسي بس لكن........وقالو الطلع من دارو قله مقدارو..

[ابازركو]

اكيد لنا احلام بان نرجع الي الوطن الحبيب الوطن الغالي الي كل اهلنا الكرام فبالرغم من انو الواحد بينزل السودان سنوياَ برضو الواحد بشوف انو مامدي السودان حقو وانا من اول الناس البينادو بالاستقرار ولك الف تحية اختنا سارونا

[GaLaxy]

طبعا كل الناس المغتربين حاليا والاغتربوا زمان وقضوا 25 و 30 سنه بره السودان
بيقولو نفس الكلام
كلهم بيقولو مصيرنا نرجع ومافي احسن من بلدنا و....... الخ
ويوم ورا يوم الايام بتبقى سنين والسنين بتبقى عمر
بس منو فيهم الفكر يعمل حاجه يرجع عليها في السودان وهو مطمن؟
منو البحاول جد يستفيد من الغربه ويرجع؟

ياخوانا مفترض اي مغترب يفهم انه الاغتراب ده مرحله سواء قصرت والا طالت
يعني اي بلد انت فيهو غير السودان فهو حيكون مرحله ومصيرها تنتهي
عشان كده كلنا مفترض نعمل حساب لليوم ده

انا مغترب لي 3 سنين
بس اصلا كانت عندي اقامه من وانا صغير بجي كل فتره اجددها وارجع تاني
انا عن نفسي واضع اهداف اربعه معينه من ورى اغترابي وفراقي لاهلي واحبتي اول ماتتحقق
جري برجع بدون مااتلفت

والحمد لله خلصت الاول
فربنا يسهل الامور على الجميع ويهون الغربه القاسيه ويوفقني ويقدرني اصل لباقي اهدافي


موضوع جد جميل ياسارونا ووتر حساس جدا
الف شكر
وتقبلي مروري

[الجاك]

كل مغترب بحسب اللحظات عشان السنين تمضى ويرجع للبلد
كل يوم بمر عليهو بفكر فى السودان
وكل سودانى بردد فى كلمة احب مكان عندى السودان
وعنى انا شخشين انشاء الله راجع غريب
بالمناسبة دى انا سنة خامسة اغتراب

[رهـــف]

انشاء الله وبإذن الله عندي نية السفر ومن غيـــر عودة
مكان اللإقامة : السعوديه التعيسه الرمه القرف السجن

ومشكوووووره ياعسل عالطرح الرائع

[بت الشمالية]

طبعا اكيد عايزة ارجع السودان اليوم قبل بكرة وكل يوم الصباح بفتح عيني و بكون متمنية اني افتحا في السودان انا ممكن مشيت السودان مرتين بس و الله مهما كان الواحد مرتاح في بلد تانية و مبسوط وعايش حياة حلوة اكيد بتعذب كل يوم عشان هو مافي بلدو و مافي زي بلدك مهما كانت صعبة

[mohammad]

اكيد بلا شك لازم نرجع للسودان
اشكرك على الموضوع جزاك الله خيرا

[المحسيــــة]

never^____^

[بسمة المدينه~]

مشكوره عزيزتي
على اللإستفتاء الرائع
والأجوبه الأروع ضحكتني كتير انا والعيله الكريمه جالسين يتعشوا وأنا أقرألهم الأجوبه !!
وفاتك الحماس ~~هههههههه

أما بالنسبه لنا ف بابا سار في المدينه زي جبل أحد لو أتعدى حدودها أكيد راح تهتز !!؟
ههههه
ومشكوره ياغاليه
بسمة الحياة
أسعد حين ألقاكم

[رومانسية ودائما منسية]

اكيييييييييييييييييد ناويين نرجع لانه مهما غبنا عن السودان فى الاخر هى لينا

[مشتاقة لتراب الوطن]

أكيد أي زول عندو نية يرجع لبلدو مهما طال الزمن وعني انا فكرة الرجوع للسودان هدفي في الحياة لأنو مافي شعور أجمل من انك تكوني عايشة في بلدك وسط أهلك والزيارات كل تسعة أو عشرة شهور ما بتكفي علشان أحس بالجد اني قاعدة في بلدي بالزاد لو كان البلد السودان أما البلد القاعدة فيها فانا معاك مقيمة في الدوحة