نوع من الخيانة

[العربى]

اصعب حاجة انو الواحد يكون مرتبط مع واحدة ((يعنى عامل معاها قصة حب )) والقصة تطول وتمر عليها السنين والايام ... والمسكينة ترفض اى واحد يتقدم ليها ((عشان بتعرف معنى الاخلاص )) وتفضل منتظرة فارس الاحلام ((الجا وماوصل)) وفارس الاحلام منتظر الحظ عشان مايكون نفسو...
ولمن خلاص ربنا يعدل الحال ويصلحو يقوم الاستاذ يفكر فى غيرها ...(( ويقول داير برلومة))..
وينهى العلاقة بابشع الكلمات...
ناسى ومتناسى معانى القيم والاخلاق والانسانية...
عندى اخوى كان داير اتمرد ويطبق النظرية دى..
لكن امنا يديها العافية كانت حاسمة و حسمت الموضوع وقالت لية (( اكل نارك)) انت وعدت ولازم تفى...
والمسكين استسلم للخيار الوحيد وعرس البت
وربنا رزقهم بى مولود جاى فى الطريق...
والغريبة بقى يحبها اكتر من امو وابوه و(( انا ))...
وبقت الرسالة واضحة لبقية الاخوان...
وبقى فى بيتنا مافى لف و لادوران...
ولمن امنا تسال آخر العنقود وتقول ليه انت داير تعرس منو يرد بكل براءة (( هىىىىىىى انا ماداير اعرس )) ...
وزى ما الرسالة وصلت للصغار ياريت لو تصل للكبار..

ودمتم....







الحرية لسامى الحاج

[مايا]

كما سميتها نوع من الخيانه هى بالجد خيانه
خيانة كلمة خيانة مبداء خيانة عشرة حاجه مؤلمة انك تكون بانى امالك على زول وفجاة يختفى ولا تلاقيه مع زول تانى 0 ربنا ما يسويها فى زول 0
واخوك طبعا لذيذ شديد جاب من الاخر وقال ماداير عرس

مشكور العربى

[ibn batoota]

الأخ العربي أحي الوالده علي موقفها النبيل ده...

أنا عشت قصة لي واحد من معارفي
إرتبط بي واحدة وظروفو كانت صعبة
وضحت حبيبتو بي دهبها كلو شأن تساعدو يسافر بره
ولكن للأسف كان جزاءها إنو إتزوج واحده تانية..

[محيسى]

[align=center]والله يا العربى موضوعك جميل
وبصراحة بصراحة الكلام هبشنى عديييييييل [/align][/color]

[العربى]

مشكورين ((مايا وابن بطوطة)) على المرور ويامحيسى العبرة فى الحدث هى جوهرة الاستفادة منو
واهديك توقيع ابن بطوطة..
الراح...راح......................................................................................................الخ.

وتسلموا جميعا

[mohammad]

والله موضوعك اكتر من رائع


تحيااااااااااااااتي