مُحكمــــــــــــة..مع الاشيتر

[الاشيتر]

استاذنا محمد النعيم الحاج

اجب على الاسئله سريعاً .

بعدك على طول ست الشاي الرائعه ، سوف نبداء معها من يوم الاحد انشاء الله يعني بُكره دي استعجل يازول ورد على الجماعه العصروك ديل .

[lord of murder]

هلا بالأشيتر
بس دايره اسال ست الشاي دي منو؟
عشان نجهز ليها اسالتنا وكده يعني

[محمد نعيم]

س1\ من وين عرفتا المنتدى ؟؟

مشكور يا فتى السقاي

عرفت المنتدى من صديق الغربه الغالي علي جداً

نجم الدين استارو

[محمد نعيم]

س2\كيف الاشراف معاك (يعني احسن الاشراف ولا عضو عادي ) مع ذكر السبب؟
.

والله يا غالي سؤالك رائع جداً

طبعاً كما تعلم ان الاشراف تكليف وليست تشريف

انا سعيد جداً لاختياري كمشرف وخاصةً على الراكوبه.

ممكن الاشراف ياخد جزء من وقتك خاصة في المواضيع والردود

لكن انا فخور بذلك وسعيد جدا لاني في خدمة المنتدى وحاظل في

خدمة المنتدى طول الفترة القادمة

س3\ ما رأيك بكلمة (حب)؟؟ وهل حصلت ليك؟؟

..........

عرفت الحب وفاء واخلاص حنان ووداد ورود وسلام


طول عمري بخاف من الحب ... وسيره الحب... وظلم الحب لكل اصحابه
واعرف حكاياتو ملايانه آهات ودموع وانين ...والعاشقين ذابو ماتابوا
طول عمري بقول ....لانا قدر الشوق ..وليالي الشوق ..ولا قلبي قدر عذابو
وقابلتك انت ...ولقيتك بتغير كل حياتي معرفت ازاي حبيتك يحياتي
من همسة حب لقيتني بحب ...لقيتني بحب وأذوب في الحب
اذوب في الحب صبح وليل على بابوه

مين فينا لم يتذوق طعم الحب

الحب دا اجمل كلمه

[الاشيتر]

والله يا غالي سؤالك رائع جداً

طبعاً كما تعلم ان الاشراف تكليف وليست تشريف

انا سعيد جداً لاختياري كمشرف وخاصةً على الراكوبه.

ممكن الاشراف ياخد جزء من وقتك خاصة في المواضيع والردود

لكن انا فخور بذلك وسعيد جدا لاني في خدمة المنتدى وحاظل في

خدمة المنتدى طول الفترة القادمة

عرفت الحب وفاء واخلاص حنان ووداد ورود وسلام


طول عمري بخاف من الحب ... وسيره الحب... وظلم الحب لكل اصحابه
واعرف حكاياتو ملايانه آهات ودموع وانين ...والعاشقين ذابو ماتابوا
طول عمري بقول ....لانا قدر الشوق ..وليالي الشوق ..ولا قلبي قدر عذابو
وقابلتك انت ...ولقيتك بتغير كل حياتي معرفت ازاي حبيتك يحياتي
من همسة حب لقيتني بحب ...لقيتني بحب وأذوب في الحب
اذوب في الحب صبح وليل على بابوه

مين فينا لم يتذوق طعم الحب

الحب دا اجمل كلمه

اجابه دبلوماسيه احييك عليها بس داير اسأل سؤال

انت ذقت طعم الحُب هل تذوقت طعم فراق المحبوبه ( مش الشاكوش ) يعني فارقتها لي فترة من الذمن

اذا كانت الاجابه بي نعم لابد ان تكون قلت قصيده عن الهيام والغرام او كتبت خاطره هاتها او اجدعها لينا هنا ؟



تاني

اخي الحبيب محمد النعيم

بالمنتدي احسان وويا وفجر وكابو وسحر و ست الشاي ومشرفين رائعين كروعتك ، تلتقون في منتداكم دائماً ( ملتقي المشرفين ) ومعكم المشرف العام و المدير العام صف لنا قليلاً من وراء الكواليس وهل تتبادلون بعض الشمارات التى غائبه عننا ؟

وفي اضاني كدي وبيني وبينك المشرف العام ده ومعاهو المدير العام ده ما محرومين من الشمارات حسب المسمي الوظيفي بتاعهم ده ؟ ولا عندكم هناك الوضع عادي كدي كلمني ؟

[محمد نعيم]

سألوك اسئلة كتيرة لكن ايها :
1- تتمنى لو ما سألوك ليو ؟

مشكوره اختي الغاليه ملك على اسئلتك الجميله كجمال روحك


السؤال بتاع هل حبيت في المنتدى كنت عايز احتفظ بيهو لنفسي

ولكن احسان ربنا يديها العافيه طلعت السؤال دا من وين ما عارف

2- توقعت ان يطرح عليك ؟

الاسئله المعتاده الاسم الحقيقي والفنان المفضل

3- تتمنى لويسألوك لية ؟

هل بتحب بلدك واذا بتحبها ليه الاغتراب

بس شفته سؤالي ساهل كيف

والله يا ملك دي من اصعب الاسئله المرت علي

اشكرك كتير ونتوقعك في محكمة الاشيتر قريباً

[محمد نعيم]

ازيك يا نعومي متشعلقين وحجه مبروكه انشاء لله حالي

الله يبارك فيك وعقبالك ان شاء الله

اولا : اخر جلده جلدوك ليها السبب كان شنو

اخر جلده في المدرسه كانت في المتوسط

كنا بعد الحصص بنمشي النيل الازرق للسباحه

ونقطع النيل نمشي مشروع الجنيد نجيب قصب سكر

اهلنا كشفونا وكلموا مدير المدرسه

المدير جانا في الطابور سألنا قال مما يصنع السكر

قلنا بصوت واحد من القصب يا استاذ

وما هو اكبر مصنع للسكر قلنا مصنع الجنيد

قال لينا بتعرفوهوا كويس قلنا طبعاً

وبتعرفوا اين يزرع القصب قلنا بنعرف

طبعاً ندهنا جميعاً واخدنا جلده كاربه...... عقبالك

تانيا : اخر حفله مهججه حضرتها كانت بمنو

في السودان كانت اخر حفله بمحمد نعيم منها وجيت للمملكه

كانت حفله زواج صاحبي طبعا دا زمان زمن الصوت كان جميل

واخر حفله كانت في الرياض كانت بالمشرف ود الدرديري زواج

المشرف نجم الدين استارو طبعاً كانها حفلتي هججت فيها اخر هجيج

ثالثا :وريني الغنيه الي اول ما سمعتها بكتك

والله انا ببكي في المديح والقصائد

يعني مدحة رسول الله اني مغرم

[rams]http://www.alrakoba.org/alshadin/9abbtd ... shadin.mp3[/rams]

وقصيدة لفرقة الوان الطيف وهي قصيدة

الشاعر احمد شوقي قم للمعلم

رابعا : غنيه اول ما تسمعها لا تستطيع التوقف عن الرقص

اغنية الاستاذ سيد خليفه 0(أمل)ولى المساء

للشاعر ادريس جماع

[rams]http://www.alrakoba.com/wmd/ammar_alsno ... almasa.wma[/rams]

خامسا : هل بتحب تسوي مقالب في اصدقائك او قرايبك

انا بتاع مقالب لكن مع المقربين جداً لي

والمواقف دي ان شاء الله حتلقيها يوم من الايام في الراكوبه



مشكوره اختي محبة غرزه على مشاركتك

[mubark59]

الاخ الاشيتر تحية طيبة اسئلتى عادية
1ـ بماذا تبدا يومك ؟

2ـ كم وقت من الصلوات يفوتك فى اليوم ؟
3ـ كم وقت تصلية جماعة؟
4ـ هل كنت منظم او منتمى لاى حزب فى الجامعة؟
5ـ هل وجدت العمل بشهاداتك او بالواسطة؟
6ـ هل قصة حبك طويلة التيلة ام قصيرة التيلة؟
7ـ هل اهلك واهلها على علم وتمت الخطوبه رسميا ام لسع فى البدايات؟
8ـ هل راضى عن عملك وتوفيرك الشهرى ؟
ـ

[شمعة امل]

ياحليلك ياود امى عصروك !!!!! وانا راجيانى عصره ذى دى

خلاص هاك دا سؤال يبرد ليك حرارة الكرسى.......

نصفك الثانى ...... لو جابو ليك رسام وقالو ليك وصفو عشان يترسم حتقول شنو ؟؟؟؟

[TETO]

اووو .. انتو رجعـــتو تســآلو تـــآآآآني ..

طيب اجدع ليكـ كـم سؤآآل ع الطــاير كدا


****

1/ ثلاثة شخصيات كان لها دورا فى حياتك؟

2/ ثلاثة اهداءات لمن تهديها ؟

3/ ثلاثة شخصيات عامة تتمنى ان تقابلها ولماذا ؟

4/ ثلاثة شخصيات من المنتدى تتمنى ان تقابلها ولماذا ؟

5/ ثلاثة اماكن تتمنى زيارتها ولماذا ؟

6/من تحب من الاعضاء من الجنسين الذكر والانثى؟ " تفضلـهمـ عـن غيـرهـم"

7/من احسن فنان عربي برأيك؟

8/من أحسن فنانة سودانية حاليا؟

9/من أحسن مشرف برأيك؟


الرجــاء الاجــابة بدون لف ودورآآن وكدا

[الاشيتر]

هلا بالأشيتر
بس دايره اسال ست الشاي دي منو؟
عشان نجهز ليها اسالتنا وكده يعني

الحبيبه ابنتي اللورد


تحياتي



ست الشاي هي المشرفه المعروفه بالشاي والقهوه مشرفة المنتديات المتنوعه شمعة امل

[الاشيتر]

يا استاذنا الاجابات علي الاسئله الفوق دي وينك نرسل ليك عسكري المحكمة يجيبك بي سُرعه ولاشنو


الاسئله الفوق دي وعشان تأخرت الليله اقوم اديك سؤال كدي .

الام ، الاب ، الاخلاق ، التربيه ، الادب ، العلم ، اسماء وكلمات لها معاني هات ماعندك واصفاً مُعبراً استاذنا محمد نعيم ؟

خليك سريع ولا نعصر زياده في محل غريق .......................

[محمد نعيم]

الاخ الاشيتر تحية طيبة اسئلتى عادية
1ـ بماذا تبدا يومك ؟

2ـ كم وقت من الصلوات يفوتك فى اليوم ؟
3ـ كم وقت تصلية جماعة؟
4ـ هل كنت منظم او منتمى لاى حزب فى الجامعة؟
5ـ هل وجدت العمل بشهاداتك او بالواسطة؟
6ـ هل قصة حبك طويلة التيلة ام قصيرة التيلة؟
7ـ هل اهلك واهلها على علم وتمت الخطوبه رسميا ام لسع فى البدايات؟
8ـ هل راضى عن عملك وتوفيرك الشهرى ؟
ـ

1ـ بماذا تبدا يومك ؟

اذا فاتتني صلاة الفجر في جماعه حابدا يومي بالصلاة

ثم التجهيزات للطلوع للدوام


2ـ كم وقت من الصلوات يفوتك فى اليوم ؟

غالباً صلاة الظهر لاني بطلع من الدوام وقت الصلاة وطبعاً مع زحمة

الطريق بحصل البيت متاخر واصلي الظهر لحالي .

ومرات صلاة الفجر عندما اكون مساهر او اكون ضيف

3ـ كم وقت تصلية جماعة؟

ما بين اربعه الى ثلاثه اوقات في المسجد ومرات الخمس اوقات في المسجد

4ـ هل كنت منظم او منتمى لاى حزب فى الجامعة؟

انا اتنظمت من بدري يعني من الابتدائي في تنظيم الاخوان المسلمين

5ـ هل وجدت العمل بشهاداتك او بالواسطة؟

الحمد لله انا كنت بعمل في شركة من قبل التخرج ولكن نفعتني الشهاده

في التدريس كنت بتدرس ثانوي اولاد وبنات مادة العلوم التجاريه لمدة سنتين


6ـ هل قصة حبك طويلة التيلة ام قصيرة التيلة؟


اكيد طويلة المدى وذلك لجديتي في هذه الامور


7ـ هل اهلك واهلها على علم وتمت الخطوبه رسميا ام لسع فى البدايات؟


والله لسأ في البدايات اتمنى ان اتوفق في اقناع كل الاطراف

8ـ هل راضى عن عملك وتوفيرك الشهرى ؟

انا راجل قنوع جداً وراضي بالمقسوم ومقتنع بالقول لو جريت جري

الوحوش غير رزقك ما بتحوش. ودا ما يدل على اني غير طموح بالعكس

انا ساعي للاحسن ولكن كل شئ بامر الله تعالى.


اشكرك اخي الغالي على تواضعك ومرورك على هذا البوست

والادلاء باسئلتك الواقعيه

لك كل حبي وتقديري

[محمد نعيم]

ياحليلك ياود امى عصروك !!!!! وانا راجيانى عصره ذى دى

خلاص هاك دا سؤال يبرد ليك حرارة الكرسى.......

نصفك الثانى ...... لو جابو ليك رسام وقالو ليك وصفو عشان يترسم حتقول شنو ؟؟؟؟

الاوصفوك ..
بالبدر او بالزهر هم ما انصفوك
يا جميل
لو أوصفوك

كيف يجهلوك..
وعلي الجمال العادي راحو يمثلوك
ولو بادلوك عين الحقيقة
او بالبصيرة تأملوك
بالنور او بالنار
أو بي قدر ما ضاع الخيال
ما عادلوك
يا جميل
لو أنصفوك


كوكب منزه في علوك
سحرك قريب شخصك بعيد
او كان قريب انواره آخذه بدون سلوك
يبرق ثناك في غيهب الليل الحلوك
اظرف شمايلك زاملوك
وهم اكملوك
ادبك هبة
فيك موهبة
شكل الظبا
وطبع الملوك
يا جميل
لو أنصفوك
___

[/size]

[mubark59]

شكرا لك اخى فقد اثلج ردك صدرى وفقك الله وسدد خطاك

[محمد نعيم]

اووو .. انتو رجعـــتو تســآلو تـــآآآآني ..

طيب اجدع ليكـ كـم سؤآآل ع الطــاير كدا

[/color]

1/ ثلاثة شخصيات كان لها دورا فى حياتك؟

والدي والدتي واستاذي بشري الذين ادم

2/ ثلاثة اهداءات لمن تهديها ؟


لروح اخي الذي ضحى من اجلنا الكثير

اخي الذي رأيته في صغري وكنت احلم بلقياه

ولكن القدر حلَ عليه وهو في المهجر.رحمك الله ايها الغالي


3/ ثلاثة شخصيات عامة تتمنى ان تقابلها ولماذا ؟

السيد رئيس الجمهوريه لاشكره لما قدمه من انجاز لوطننا الغالي

وزير الصناعه لاقول له هل انت راضي عن تدهور المصانع وتشريد العمال

وزير الثقافه والاعلام لاقول له انظر للقنوات الجديده بعين سوداني غيور

وان ينبه لجنة المصنفات الادبيه بان يلاحقوا الذين يدعون الفن لانهم وسخوا

مسامع الكثير باغانيهم الهابطه .

4/ ثلاثة شخصيات من المنتدى تتمنى ان تقابلها ولماذا ؟


السيد المشرف العام

السيد المدير العام لاشكرهم باسمكم جميعاً على هذا المنتدى الذي جمعنا سوياً

والشخصية التالته حاتفظ بيها لنفسي .................................................

5/ ثلاثة اماكن تتمنى زيارتها ولماذا ؟

كنت احلم بزيارة بيت الله والحمد لله اتوفقت في ذلك

الان بتمنى زيارة كل انحاء وطني الغالي

6/من تحب من الاعضاء من الجنسين الذكر والانثى؟ " تفضلـهمـ عـن غيـرهـم"

كلهم من غير فرز ودي الحقيقه يا تيتو علشان ما تقول الزول دا مراوق

7/من احسن فنان عربي برأيك؟

انا بستمع لهؤلاء جميعاً وما بفضل واحد فيهم لاني شايفهم قمة الغناء العربي

ام كلثوم

محمد عبده

كاظم الساهر

جورج يوسوف

8/من أحسن فنانة سودانية حاليا؟

والله كثير جدا من الفنانات الجديدات في الساحه

ادوا اغاني الكبار بطريقه رائعه جداً

سميره دنيا غنت للراحل عثمان حسين بكل جداره

اسراء بابكر روعه في الاداء

نانسي عجاج تغني بكل احاسيسها وادائها جداً رائع

9/من أحسن مشرف برأيك؟
هو الذي يهتم بالمنتدى الذي يشرف عليه بتنظيم الموضوعات

والانسجام مع جميع رواد القسم وان يشارك بمواضيع تفيد القسم

والردود على المواضيع بالاضافه للمشاركات في الاقسام التانيه

والحمد لله هذه الصفات تتوفر في كثير من مشرفي المنتدى


مشكور اخوي ثابت وياريت اكون وفيت ولو القليل

حبيت ارد بسرعه جداً لان اليوم هو اخر يوم لي في المحكمه

واخر يوم قبل الصيانه.

[محمد نعيم]

يا استاذنا الاجابات علي الاسئله الفوق دي وينك نرسل ليك عسكري المحكمة يجيبك بي سُرعه ولاشنو


الاسئله الفوق دي وعشان تأخرت الليله اقوم اديك سؤال كدي .

الام ، الاب ، الاخلاق ، ، العلم ، اسماء وكلمات لها معاني هات ماعندك واصفاً مُعبراً استاذنا محمد نعيم ؟

خليك سريع ولا نعصر زياده في محل غريق .......................

عزيزي الغالي الاشيتر لك التحيه

بكل صراحه يعجبني اسلوبك في الاسئله.

دعني اختصر لك اخي الغالي لظروف عملي ولظروف صيانة

المنتدى

الأم

تبقي كما هي .. في حياتها وبعد موتها .. وفي صغرها وكبرها .. فهي عطر يفوح شذاه .. وعبير يسمو في

علاه .. وزهر يشم رائحته الأبناء ..وأريج يتلألأ في وجوه الآباء.. ودفء وحنان .. وجمال وأمان .

. ومحبه ومودة .. ورحمه وألفه .. وأعجوبه ومدرسه .. وشخصيه ذات قيم ومبادئ .. وعلو وهمم .. وهي

المربية الحقيقية لتلك الأجيال الناشئة :

الأم مدرسه إذا أعددتها

أعددت شعبا طيب الأعراق


الاب:-

والله انا اعجز صراحة عن تعريف الاب.

كل سعينا في هذه الدنيا لتكوين اسره تأوينا ومن ثم زوجه صالحه

نسكن اليها ومن ثم انجاب ابناء .

يعني كلنا نسعى للابوه والابوه هي المسؤلية التامه تجاه الاسره

الاب هو هـو شمس الحيـاة ومبعـث الاستقـرار

الذي يتعب ويكافح من أجل تحقيق حياة آمنة حافلة بالاطمئنان والاستقرار لابنائه

هــو : الذي ربـاك وأخذ بيدك بحنان ولطف لبناء شخصية قوية مترابطة تعرف طريقها .. ثابتة تعلم

وجهتها


هــو : الذي يقسو عليك احيانا لمصلحتك ونفعك ، وهو الذي يخاف عليك من أي شيء يؤذيك ويطمع دائما

في رحمـة الله بك

الكلام كتير ايها الاشيتر عن الاب الحنون اعزرني لضيق الزمن

الاخلاق:-

يقول الرسول عليه الصلاة والسلام:في كثير من الاحاديث

(إن من خياركم أحاسنكم أخلاقا)

(إن من أكمل المؤمنين إيمانا, أحسنهم أخلاقا, وألطفهم بأهله)

(اتق الله حيثما كنت, وأتبع السيئة الحسنة تمحها, وخالق الناس بخلق حسن )

صدٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌق رسول الله صلى الله عليه وسلم


ويقول الشاعر :وإنما الأمم الأخلاق ما بقيت فإن همُ ذهبت أخلاقهم ذهبوا


العلم

العلم يرفع بيتاً لا عماد له والجهل يهدم بيت العز والشرف

الاخ الاشيتر والاخوه الافاضل اعزروني لضيق الوقت

طبعاً مزحوم في الشغل وفي المنتدى

[محمد نعيم]

الاخوه الافاضل احبائي الكرام

اشكر كل من كتب وسأل وقرأ هذه المحكمه

اللطيفه والتي قصد بها اخي الاشيتر معرفة

الجانب الاخر لي.

وان شاء الله حتتواصل هذه المحكمه لكل اعضاء المنتدى

بلا استثناء.

الشكر لكم جميعاً وياريت اكون قد وضحت بعض الاشياء الغامضه عني

اعتزر لعدم الرد الوافي لبعض الاسئله وذلك لضيق الوقت

ان شاء الله المحكمه الجاية حتكون مع الرائعه شمعة امل بعد الانتهاء من

صيانة المنتدى

لكم جميعاً شكري الجزيل

[احسان]

[grade="00BFFF 4169E1 0000FF"]ناس المحكمة محمد طلع زول واضح

الباقي للزول التاني

رايكم شنو في الاشيتر صاحب الفكرة يا جماعة

عايزن سلخ صح يعني نطلعوا من جلابيتو

ما تقولو الكلام دا ليهوووووو[/grade]

[فتى السقاي]

انا أؤيد احساان الاشيتر عايزنك تشرفنا في المحكمة

ونسلخك بي كم سؤال كدا .